سؤال لطالب بعد اذنكو

[khaled_waleed311]

السلام عليكم ورحمه الله وبركاته
انا اسمي : خالد
طالب الفرقه الرابعه كليه التجاره . جامعه المنصوره
بحلم اني اشتغل مخاسب في بنك كبير اما في الغردقه او في المملكه العربيه السعوديه
انا مستوايا كويس في( English (writing . speaking .listening
واللغه الفرنسه ايضا جيد استطيع ان أتعامل بشكل جيد جدا وكتابه ايضا .
اللغه الالمانيه استطيع التعامل والكتابه و لكني لسه مش خلصت دراسه اللغه دي لسه مكمل فيها ان شاء الله .
معايا ICDL وان شاء الله ناوي اخد ICDL 5 OR IC3 ياريت تقولو لي انه افضل .
معايه برده كورس عباره عن تدريب في مكتب محاسبه ع الشغل بالدفاتر لمده شهرين. وشهر تطبيق الشغل ده ع الكمبيوتر . Peachtree w excel
هاخد ان شاء الله كورس معادله تجاره عربي بتجاره انجلش وده شهادته معتمده من الخارجيه و جامعه الدول العربيه .
وبفكر جديا اخد كورس CMA بس عاوز معلومات عنه ( بكام . فين ف المنصوره . فايدته ) .
وهاخد ان شاء الله تنميه بشريه

بعد إذنكو ارجو الافاده ........................
أنا لسه محتاج ايه ؟؟؟!
و ازاي اسافر ( مع العلم ان والدي في السعوديه بيشتغل مقاول ). ؟؟
وياريت اي معلومه ولو صغيره محدش يبخل عليا بيها ..
وشكراااااااااااا جزيلا

[the black ghost]

ماتستعجلش و في حاجات ممكن يتهيألك إنها هاتفيدك بس مش هاتفيدك دلوقتي يعني مثلا icdl إنت محتاجه عشان تعرف إستخدام الباور بوينت و الأكسل كبدايه إنما مش محتاج إستخدام تتعمق فيه جدا إلا إذا كنت بتدرسه لزيادة المعرفه مش للعم لإنك مش هاتحتاج كل ده ............. إنت كل اللي يلزمك على حد وصفك إنك طالب في الفرقه الرابعه :
1 - المحاسبه الدفتريه ( لأنها هي الأساس عند أي محاسب و هي مهمه جدا بالرغم من التعامل الإلكتروني في معظم الشركات )
2 - الإكسيل المحاسبي لمعرفة إعداد الجداول و المعادلات
3 - ممكن بعض البرامج زي الكويك بوكس و البيتش تري و كلها نفس الفكره يعني لو إستخدمت أحدها هاتعرف تستخدم الباقي
4 - اللغه و تحاول تتعمق فيها بمرور الأيام لإنها هاتفيدك على المدى البعيد مش لازم إنها تفيدك أول ما تشتغل بس مع كتر المعرفه باللغه هاتدعمك جداً

ده اللي إنته محتاجه عشان تشتغل محاسب في السعوديه أو تبقى محاسب مبتدئ قوي في مصر مش محتاج أكتر من كده ...... إنما بالنسبه للشهادات مثل : Cma , cpa ...... و غيرها لو أخدتها دلوقتي إنت ممكن تعمل لنفسك عقده كبيره جدا قدام لإنك لسه مش عندك الخبره العمليه الكافيه لازم تشتغل على الأقل سنتين عشان تقدر تاخد cma عشان يبقى عندك خلفيه عمليه تقدر تطور نفسك عن طريق دراسة الكورس ......... و من مدة 2 - 5 سنوات الأولى في حياة المحاسب ماتحاولش تنظر للمقابل المادي لحد ما تبقى متمكن و تقدر تبني إسم قوي و بعد كده كل شيء بييجي مع الخبره

بالتوفيق إن شاء الله