عندى سؤال ......... ياريت اللى يعرف يجاوبنى؟؟؟

[nancy]

أنا خريجة بكالوريوس تجارة شعبة محاسبة2005
بس للأسف لم يحالفنى الحظ إنى أشتغل فى مجال المحاسبة وإشتغلت فى السكرتاريا
السؤال:-
دلوقتى انا عاوزة أشترك فى النقابة
بس البعض قاللى إنى ممكن أشترك فى النقابة وأكتب العمل / سكرتيرة
والبعض قال لأ دة مش كويس الأفضل تكتبى لاتعمل
أنا عاوزة أعرف إزاى أشترك فى النقابة وإيه هى الشروط والأوراق المطلوبة والمميزات اللى بأتميز بيها عند الإشتراك فى النقابة وإيه الأفضل إنى أكتب فى خانة العمل سكرتيرة ام لاتعمل
وألا أصلاً مينفعش أشترك غير لو أنا بأشتغل محاسبة
علماً بأنى إن شاء الله هأبدأ أنمى نفسى فى المحاسبة علشان أقدر أشتغل فى المجال اللى بحبه "المحاسبة" وأنا مش عاوزة أضيع الفترة دى من غير الإشتراك فى النقابة

ياريت اللى يعرف أى معلومات يرد على إستفسارى، وشكراً ليكوا أوى.

[امل عبد العزيز]

السلام عليكم ورحمة الله وبركاته
بالنسبة انك تشتركي في النقابة فلا يوجد اي مشكلة علي الاطلاق
وبالنسبة ان تكوني سكرتيرة او لا تعملي فمن الافضل ان تكتبي لا تعملي لاني مريت بهذه التجربة وعنيت في حالت نقلي من سكرتيرة الي محاسب
والاوراق المطلوبة لللاشتراك
1- صورة شهادة البكالريوس
2- صورة شهادة الميلاد
3-2 صورة شخصية
4- الصحيفة الجنائية (الفيش)
5- طلب موجد في النقابة
6- قيمة الاشتراك من سنة تخرجك + دمغات يعادل حاوالي 150
وادعوا الله ان يوفقك

[nancy]

السلام عليكم ورحمة الله وبركاته يا أخت امل
أولاً:- أنا بأشكرك على إهتمامك وردك على سؤالى اللى إستفدت من ردك اوى.
ثانياً:- انا عاوزة أسألك شوية أسئلة بما إنك مريت بنفس تجربة إنك تشتغلى سكرتيرة ( والحمد لله إشتغلت بعدها فى المحاسبة).
- أول حاجة انا بأعمل إجراءات الإشتراك فى مبنى النقابة بالعباسية مهما كان مكان إقامتى. صح كدة؟؟؟
- كمان انا عاوزة اعرف إيه هيا الخطوات الصح اللى ممكن أتخذها علشان أقدر أشتغل فى المحاسبة خصوصاً إنى حاسة إنى فيه عائق كبييييييييير لأنى متخرجة من 2005 ولم اعمل بالمحاسبة وعملت بالسكرتاريا وحاسة إن دة خلى فرصتى معدومة فى إنى اشتغل محاسبة ودة بيسببلى فزع بمجرد التفكير فى كدة لأنى مش حابة السكرتاريا وحابة المحاسبة.
ياريت تقوليلى اعمل إيه وإنت إزاى قدرت تعملى دة وإيه افضل حاجة ممكن أبدأ بيها علشان انمى معلوماتى من المحاسبة ياريت تحكيللى عن تجربتك
شكراً لحسن تعاونك معى........ وجزاكى الله خيراً

[امل عبد العزيز]

السلام عليكم ورحمة الله وبركاته
اولا:- لا شكر علي واجب
ثانيا:- عمل الاشتراك في النقابة مبني العباسية اذا كنت من سكان القاهرة الكبري او الجيزة
ثالثا:- كيف تعملين كمحاسب قانوني
1- العمل لدي مكتب محاسب قانوني ويؤمن عليكي كمحاسب تحت التمرين
2- الذهاب الي سجل المحاسبين والمراجعين بالاوراق المطلوبة
3- يتم عمل لجنة لدي المحاسبين والمراجعين ويتم الموافقة علي ان تكوني محاسب تحت التمرين لمدة 3 سنوات
رابعا:- اما قصتي انا فهي طويلة لاني خريجة اولا من بكاريوس علوم حاسب قسم برمجة سنة 2000 وتم عملي لدي مجموعة كبيرة من الشركات القطاع الخاص تم ربنا كرمني باستاذ محاسب وشجعني ان اعمل لديه كسكرتيرة اولا ثم كمحاسب وطبقا لا يتم الموافقة من معهم ادارة اعمال كمحاسب ولذلك دراسة تجارة جامعة عين شمس وتم تخريجي سنة 2007 بكاريوس تجارة قسم محاسبة جامعة مفتوحة وقد عانية المر بسبب ان انقل من سكرتيرة الي محاسب بسبب التأمينات وعدم فهم الكثير من الناس ولذلك نصحتك بهذه النصيحة
وانا حاليا ان شاء الله اقدم اوراقي للماجستير ادعي الله ان يوافقني ان شاء الله

[nancy]

السلام عليكم ورحمة الله

أولاً:- أنا بأحيى فيكى مثابرتك وإيمانك باللى إنت نفسك تحققيه وإن شاء الله هتنولى اللى بتتمنيه لأنك واضح إنك تعبتى وعانيتى أوى علشان توصلى لكدة ، وربنا معاكى فى الماجستير وعقبال الدكتوراة إن شاء الله.
ثانياً:- هل أفضل حاجة إنى أتدرب فى مكتب محاسب قانونى وألا إيه؟
- أصل دة هيبقى صعب أوى خصوصاً إنى غير مقيمة فى القاهرة وهأتجوز السنة الجاية فصعب موضوع 3 سنين دة خايفة أتوقف.
- كمان انا مقيمة فى بنها مش فى القاهرة أو الجيزة طب أعمل الإشتراك فين؟
وياريت لو ترشحيلى مكتب أو أكثر لمحاسبين قانونيين كويسيين.

جزاك الله خير

[nancy]

ياريت اللى يعرف يجاوبنى
ويرد عليًا