ساعدونى الله يخليكم

[منى حسين]

السلام عليكم ورحمة الله وبركاتة انا خريجة كلية تجارة دفعة 2004 ومعنديش اى خبرة وحاولت اقدم فى وظائف بس لاسف مفيش نصيب لحد ما ربنا بعتلى وظيفة وهى محاسبة فى مدرسة ومشكلتى الوقتى انى مش فاكرة الا حاجات بسيطة فى المحاسبة شوية قيود وعايزة اعرف اية المطلوب منى اعملة فى المدرسة واية نوعية المصروفات والايرادات مستنية ردكم ضرورى وجزاكم الله خير

[snaky]

أولا ربنا يكرمك و يوفقك و تنجحي في الحياة العملية
ثانيا هذا المنتدي مفيد جدا جدا وأكيد هيساعدك كتيييييييييييير
ولازم ترجعى تذاكري كتب الكلية خصوصا كتب المحاسبة المالية سنة أولي
و لازم تعرفي ان المحاسبة مهنة عايزة واحد فاهم كويس و ليس شخص يجمع و يطرح و بس ولا تنسي اللغة و الكمبيوتر.

بالنسبة لنظام الشغل في اي منشأة سواء كانت مدرسة أو غيرها يتوقف على الاجراءات المتبعة داخل المنشأة و اكيد في ناس أقدم منك موجودين و مكبقين نظام معين ولازم تتعلمى نظام الحاسب المستخدم في الادارة المالية

طبعا انتي لازم تحددي المصدر الرئيسي للايراد داخل المدرسة و أكيد هو مصاريف الدراسة التى يدفعها أولياء الامور و لازم تعرفي هل يتم استلام المصروفات من أولياء الامور دفعة واحدة مقدمة أو على أقساط........
أغلب المدارس بتعتبر الايرادات المدفوعة من أولياء الأمور أنها ايرادات مقبوضة مقدما و يتم عمل اطفاء أو تسوية لها خلال السنة
مثلا : دفع أولياء الامور المصاريف المدرسية 12000 جنية للعام
12000 من حـ/ البنك
12000 الى حـ/ الايرادات المقبوضة مقدما

ثم في كل شهر نحول جزء من حـ/ الايرادات المقدمة الي حـ/ الايراد
1000 من حـ/الايرادات المقدمة
1000 الى حـ/ الايراد

وطبعا لو كان الدفع علي شكل اقساط فستكون القيمة مختلفة فمثلا لو الدفع علي شكل 3 اقساط فأن الايرادات المقبوضة مقدما سيتم تسويتها علي الفترة التي يغطيها كل قسط

و يجب الاحتفاظ ببيان علي الexcel يحتوي علي اسم كل طالب و الأقساط التي دفعها و الاخرى المستحقة علية و ذلك لمعرفة الطلبة الذين لم يسددوا الاقساط المستحقة في أي وقت و مطابقة ذلك بصورة إيصال استلام النقدية التي تم تسليمة لولي الامر عند الدفع.
ملحوظة: يوجد بعض المدارس التي تسجل البالغ المستلمة كلها علي حساب الايراد ثم تقوم بعمل تسوية في اخر العام مع مكتب المراجعة لتحويل الايراد الغير محقق الي ايراد مقدم و استبعادة من الايرادات و لكن هذة الطريقة لا تحقق مبدأ الاستحقاق المحاسبي

مصدر اخر مهم من الايرادات و هي تبرعات اولياء الامور الى المدرسة و تعتبر ايرادات متنوعة اخرى
مثلا : قام ولي أمر بالتبرع للمدرسة ب 1000 جنية و قام اخر بالتبرع بجهاز كمبيوتر قيمتة 2000 جنية

1000 من حـ/ النقدية
2000 من حـ/ أصول ثابتة-أجهزة كمبيوتر
3000 ألي حـ/ الايرادات- ايرادات متنوعة

بالنسبة للتبرعات التى تقدمها الحكومة للمدرسة فإنة يتم اعتبارها احتياطي رأس مالي ضمن حقوق الملكية
مثلا قدمت الحكومة عدد 10 أجهزة حاسب الي للمدرسة بقيمة 2000 جنيه للحاسب الواحد

20000 من حـ/أصول ثابتة - حاسب الي
20000 الي حـ/ احتياطي راس مالي

توجد عدة ايرادات اخر للمدرسة مثل ايراد الكانتين أو المطعم لو كان ملك المدرسة أو ايراد ايجارة لو كانت المدرسة قامت بتأجيرة الي طرف خارجي و أيضا ايرادات الرحلات و الحفلات و ايرادات مجموعات التقوية و هكذا.

أما المصروفات فتشمل بنود كثيرة قد يختلف تبويبها من مكان لاخر مثل الرواتب و الاجور و مصاريف عمة و تشمل الكهرباء و المياة و مصاريف أدوات تعليمية مثل اللوحات و خلافة و مصاريف أنشطة متنوعة و مصاريف ثابتة و هكذا

و أرجو ان تقرأى الموضوع في هذا الرابط فهو مفيد في الاساسيات

http://www.aliahmedali.com/forum/showthread.php?t=1421

[صلاح الشمندى]

حسابات المدارس ليس باشى الهين
ولكن يجب الالتزام بالدقة انا اعمل بمدرسة خاصة محاسب ولكن حتى الان لا استطيع الاستقرار على برنامج حسابات يساعدنى

ولكن عليك تحديد الايرادات بشكل دقيق ووضع بيانات دقيقة عن كل طالب والاقساط التى عليها وهل دفع الرسوم مقدم ام لا اشتراك الباص الكتب هل يوجد زى مدرسى ام لا


اما بالنسبة للمشتريات يجب تحديد لجنة مشتريات وضح طلب شراء محلى داخل المدرسة اى اى مدرس يريد شراء بعض الاشياء فعلية تسجيل المشتريات اولا فى هذا الطلب ثم عرضها على الشخص المسئول ثم كتابة طلب الشراء وارسالة للمكان التى يشترى منة


ويكون ربط بينك وبين شئون الطلاب


نفسى افيدك اكثر ولكنى اريد من يفيدنى فى هذا الموضوع لانى طلبت المساعدة كثيرا ولا احد راعنى انتباهة


انشاء الله احاول ارسال لك بعض النماذج المفيدة لهذة الحسابات المصصمة

[منى حسين]

شكرا لك سناكى على مساعدتك ليا وجزاك الله خير بس لاسف مش عارفة اشغل الرابط على برنامج اية

[منى حسين]

شكرا استاذ صلاح على النصيحة بس ياريت تعرفنى اكتر على القوائم المطلوبة منى وهل مطلوب منى اعمل قيود ولا قوائم بس وبالنسبة لمرتبات المدرسين هل ليا علاقة بيها وجزاك الله خير وانا اسفة على الازعاج بس انت اكتر واحد تفيدنى علشان نفس المجال

[صلاح الشمندى]

انشاء الله سوف جمع كل القوائم الخاصة بالمدرسة والتى اعمل عليها مبدئيا وارسلها لك فى القريب العاجل اما بالنسبة لمرتبات المدرسين دا شى اساسى بالنسبة لعملك

رسلينا على الاميل التالى ياهو

wooww2007

[scorpion]

يارب ان شاء الله يوفقك ويرزقك رزق حلال طيب تنفقيه فى الحلال الطيب
بالنسبة لموضوع شغلك محاسبة فى مدرسة
لازم اول حاجة ترجعى الى كتب المحاسبة اللى درستيها فى الكلية وتعرفى اساسيات المحاسبة المالية لان هى دى الاساس وتعرفى المفاهيم المختلفة للمحاسبة
اساسيات المحاسبة واحدة فى كل مكان وكذلك قواعدها ولكن الاختلاف يكون فى طريقة التطبيق
لازم تعرفى النظام المحاسبى المتبع فى المدرسة واكيد ليكى اصدقاء اقدم منك هيعرفوكى النظام
التطبيق العملى هو اللى هيعلمك اكتر من الكلام النظرى
واخيرا وليس بالاخير ده ملف برنامج حسابات مدارس كنت حملته من منتدانا الجميل

اتمنى انى اكون افدتك]