محتاج المساعدة فى تغير المهنة

[MIDOXP]

السلام عليكم ورحمة الله وبركاتة
انا ياشباب اولاً عندى جواز سفر مكتوب فى المهنة حاصل ع بكالوريوس تجارة والحمدلله جتلى تاشيرة عمل فى السعودية محاسب والمكتب طلب منى تغير المهنة فى البطاقة الى محاسب:sm119: وانا طبعاً لسة خريج جديد فعمرى ما اشتغلت محاسب قبل كدة فدة مشكلة كبيرة :sm24:ثانيا دلوقتى انا بحاول اغير المهنة فى البطاقة ومش عارف وحاولت اغير المهنة عن طريقة النقابة والنقابة قالت لا هنكتبلك حاصل ع بكالوريوس طلما مش شغل فى المحاسبة فروحت واتسجلت فى شركة واتأمن عليا فيها كمحاسب من انبارح التآمين اشتغل انا دلوقتى اعمل اية عاوز اغير المهنة فى البطاقة:sm9: هل اروح بكرة واخد جوب من التامينات انى مؤمن عليا واروح بيه للنقابة عشان مش عاوز استنى 3شهور ولا اعمل اية انا سيبت الشغل بتاعى عشان اخلص الورق ومش عارف اخلص الورق ولا عارف اعمل حاجة :sm68: ابوس ايديكم ساعدونى بليز:sm106::sm106:

[waelhasaan]

السلام عليكم استاذ ميدو ولا تدوخ نفسك ولا حاجه انت فعلا خلصت ورقك املى استماره البطاقه الرقم القومى وهتروح للتامينات اللى انت تابع ليها واختم البطاقه من هناك وهتاخد جواب مع البطاقه بانك مؤمن عليك فى الشركه وتروح السجل المدنى هتقدم الورق وبعد 15 يوم تستلم البطاقه الجديده وبعدين تروح الجوازات تغير جواز سفرك

محاسب

وائل حسن

[waelhasaan]

السلام عليكم استاذ ميدو ولا تدوخ نفسك ولا حاجه انت فعلا خلصت ورقك املى استماره البطاقه الرقم القومى وهتروح للتامينات اللى انت تابع ليها واختم البطاقه من هناك وهتاخد جواب مع البطاقه بانك مؤمن عليك فى الشركه وتروح السجل المدنى هتقدم الورق وبعد 15 يوم تستلم البطاقه الجديده وبعدين تروح الجوازات تغير جواز سفرك

محاسب

وائل حسن

[MIDOXP]

السلام عليكم استاذ ميدو ولا تدوخ نفسك ولا حاجه انت فعلا خلصت ورقك املى استماره البطاقه الرقم القومى وهتروح للتامينات اللى انت تابع ليها واختم البطاقه من هناك وهتاخد جواب مع البطاقه بانك مؤمن عليك فى الشركه وتروح السجل المدنى هتقدم الورق وبعد 15 يوم تستلم البطاقه الجديده وبعدين تروح الجوازات تغير جواز سفرك

محاسب

وائل حسن

شكرا يااستاذ وائل انا فعلاً روحت التامينات بس قالوا انى لسة االتامين بتاعى مش نزل ع الكمبيوتر ومنتظر انه ينزل ربنا يسهل وانا هعمل البطاقة مستعجل بتاخد3 ايام محتاج الدعاء وبعد اذنك يااستاذ وائل تصحنى بااية ؟ او اذاكر اية ؟ لانى لسة خريج ومش اشتغلت قبل كدة فاعاوز اقوى نفسى قبل ما اروح وفى فترة انى بخلص الاوراق

[أحمد عبدالحى]

السلام عليكم

أولا تشترى نموذج بطاقة رقم قومى وتملاه وتروح على التأمينات تختمه وتجيب من عندهم برنت تأمينات وتطلع على نقابة التجاريين تختم نموذج البطاقة منها وبعدها تطلع على السجل المدنى وتقدم النموذج وتستلم كعب الإستمارة وتروح فى ميعادك تستلم البطاقة وانصحك اعمل بطاقة سريعة نموذج ب75ج وتقدم فى السجل المدنى الرئيسى فى العباسية علشان تستلمها بعد 3أيام بالظبط وبعد ما تستلم بطاقتك تروح تقدم فى الجوازات وتاخد معاك صور شخصية وصورة للبطاقة وشهادة ميلاد وشهادة مؤهل احتياطيا ولابد من شهادة بموقف تجنيدك .

وبالتوفيق لك ان شاء الله

[moataz mousa]

انا فى مشكله بردة عايز اغير من حاصل الى محاسب و عماله تتعقد و روحت السجل المدنى قالى لازم يكون متامن عليك فى شركه محاسب تمام
دى انا ممكن اعملها بس الى انا مش عايزة او الى هو مش هينفع يتعمل ان البطاقه يتكتب فيها اسم شركه مصريه يعنى مثلا يتكتب محاسب بشركه عبور لاند و بالتالى لو اتكتبت فى البطاقه يبقى هتتكتب فى جواز السفر ودا مينفعش قولولى اعمل ايــــــــــــــه

[moataz mousa]

انا عندى نفس المشكله بس انا مش ينفع اكتب فى البطاقه محاسب بشركه عبور لاند مثلا وتنكتب فى الجواز مينفعش تنكتب فى الجواز غير محاسب بس اعمل ايــــه

[MIDOXP]

انا فى مشكله بردة عايز اغير من حاصل الى محاسب و عماله تتعقد و روحت السجل المدنى قالى لازم يكون متامن عليك فى شركه محاسب تمام
دى انا ممكن اعملها بس الى انا مش عايزة او الى هو مش هينفع يتعمل ان البطاقه يتكتب فيها اسم شركه مصريه يعنى مثلا يتكتب محاسب بشركه عبور لاند و بالتالى لو اتكتبت فى البطاقه يبقى هتتكتب فى جواز السفر ودا مينفعش قولولى اعمل ايــــــــــــــه


ياصديقى لو هتعرف تعمل حوار محاسب بشركة عبور لاند عادى بردة انا عملت البطاقة محاسبة بشركة كذا للمقاولات والتاشيرة كانت محاسب تكاليف وعادى سفرت المهم يتكتب فى البطاقة كلمة محاسب محاسب فى اية بئة دة عادى جداااا