تحديد نوع المصروفات (الى خبراء المحاسبة)

[osama2020]

السلام عليكم ورحمة الله وبركاته
اولا فى كتاب او اى شئ ممكن تساعد فى تصنيف المصروفات
ثانيا لمن هو ضليع فى المحاسبة ارجو تصنيف المصروفات التالية بالتفصيل
1 كروت شحن موبايل للعاملين & تليفون للخارج
2 تذاكر طيران ووزن بالمطار
3 اقامة فى فندق
4 اقامة معرض وحجز قاعة وكراسى وتربيزات للعرض
5 شراء اكرة لباب المدير وتركيبها
6 شراء غلاية مياه للبوفية
7 شراء مناديل ومعطر للسيارات المملوكة للشركة
8 صيانة كوتش سيارة وتغير البطارية و غسيل السيارة
9 تامين على الحياه لصالح رئيس مجلس الادارة وزوجنه وولده
10 عمل موقع على الانترنت للشركة
11 اشتراك فى مجلة مقرؤة ومجلة للاعلانات
12 تكاليف عمل بانر اعلانى للشركة
13 شراء سكر وشاى للبوفية
14 غداء رئيس مجلس الادارة مع احد العملاء
15 شراء cd , ماوس للكمبيوتر
16 ايجار سكن المدير والعاملين
17 اشتراك فى نادى اشتاك فى جراج للسيارة

كفاية كه المره دى
للعلم الاجابه عن هذه الاسئلة لن تفدينى انا فقط
ارجو الاجابة لانى خلاص بدأت اكره المحاسبه

[a_mansour2008]

1 كروت شحن موبايل للعاملين & تليفون للخارج - تليفون وبريد وفاكس عموميه
2 تذاكر طيران ووزن بالمطار - مصاريف سفر
3 اقامة فى فندق - مصاريف اقامه
4 اقامة معرض وحجز قاعة وكراسى وتربيزات للعرض - مصاريف دعايه واعلان - بيع وتوزيع
5 شراء اكرة لباب المدير وتركيبها - صيانه مقر عموميه
6 شراء غلاية مياه للبوفية - مصاريف بوفيه عموميه
7 شراء مناديل ومعطر للسيارات المملوكة للشركة - متنوعه عموميه
8 صيانة كوتش سيارة وتغير البطارية و غسيل السيارة - صيانه لكن شراء كاوتش او بطاريه اصول
9 تامين على الحياه لصالح رئيس مجلس الادارة وزوجنه وولده - جارى الشريك
10 عمل موقع على الانترنت للشركة - مصاريف انترنت عموميه
11 اشتراك فى مجلة مقرؤة ومجلة للاعلانات مصاريف اشتراكات سنويه
12 تكاليف عمل بانر اعلانى للشركة دعايه واعلان عموميه
13 شراء سكر وشاى للبوفية مصاريف بوفيه عموميه
14 غداء رئيس مجلس الادارة مع احد العملاء مصاريف ضيافه عموميه
15 شراء cd , ماوس للكمبيوتر ادوات كمبيوتر عموميه
16 ايجار سكن المدير والعاملين مصروف الايجار عموميه لكن لو المدير هو صاحب الشركه ايجار سكنه جارى الشريك

17 اشتراك فى نادى اشتاك فى جراج للسيارة متنوعه


بالتوفيق

[osama2020]

جزاك الله كل خير
لكن مش ملاحظ ان تصنيفك فيه بعض الاشياء
زى
4 اقامة معرض وحجز قاعة وكراسى وتربيزات للعرض - مصاريف دعايه واعلان - بيع وتوزيع
ليه متكونش مصروف معارض ومؤتمرات
12 تكاليف عمل بانر اعلانى للشركة دعايه واعلان عموميه
تنفع تكون اصول ثابته
6 شراء غلاية مياه للبوفية - مصاريف بوفيه عموميه
كذلك تنفع تكون اصول ثابته
صيانه لكن شراء كاوتش او بطاريه اصول
ازى احسبها اصول واضافها تحت بند ايه

ملحظة اخيره ممكن تعرفنى ايه هو حساب جارى الشريك

وشكرا لردك

[a_mansour2008]

جزاك الله كل خير
لكن مش ملاحظ ان تصنيفك فيه بعض الاشياء
زى
4 اقامة معرض وحجز قاعة وكراسى وتربيزات للعرض - مصاريف دعايه واعلان - بيع وتوزيع
ليه متكونش مصروف معارض ومؤتمرات
12 تكاليف عمل بانر اعلانى للشركة دعايه واعلان عموميه
تنفع تكون اصول ثابته
6 شراء غلاية مياه للبوفية - مصاريف بوفيه عموميه
كذلك تنفع تكون اصول ثابته
صيانه لكن شراء كاوتش او بطاريه اصول
ازى احسبها اصول واضافها تحت بند ايه

ملحظة اخيره ممكن تعرفنى ايه هو حساب جارى الشريك

وشكرا لردك



بص يا باشا

المصروفات بتنقسم الى 3 حاجات اساسيه

بفرض انك شركه تجاريه وده واضح من حساباتك

1- مصروفات عموميه 2-مصروفات بيع وتوزيع 3- مصروفات مشتريات

المصاريف العموميه دى بتتصرف فى اداره الشركه زى البوفيه ومرتبات الاداريين وكده

مصاريف البيع والتوزيع اى مصروف بيتصرف على عمليه البيع او من اجل البيع زى نقل البضاعه للعميل او مرتب قسم المبيعات وكده

مصاريف المشتريات هى اى مصاريف بتتصرف على البضاعه لحد ماتدخل المخزن زى نقلها من عند المورد لعند ولو مشتريات مستورده يبقى زى الرسوم الجمركيه اللى بتدفع عليها

من هنا بقى

يبقى اقامه معرض تيجى تحت بند مصروفات بيع وتوزيع موش مهم بقى اسم الحساب الفرعى

سميه زى ما تحب المهم هو انه يكون متفرع من مصاريف البيع والتوزيع

الحاجه التانيه البانر الاعلانى انا موش فاهم انت تقصد بيه ايه هل هو لوحه اعلانيه فى الشارع

او هو اللافته اللى بتكون على مقر الشركه نفسه

لو لوحه اعلانيه فى الشارع تبقى مصروف دعايه واعلان

اما لو هى اللافته اللى على الشركه اعتقد ممكن تمشى اصل ثابت بس لو متكلفه يعنى مبلغ كبير اكثر من 500 مثلا

الحاجه التالته غلايه البوفيه صعب انها تدخل ضمن الاصول لان الاساس فى الاصل الثابت ان عمره طويل وكمان قيمته كبيره

والحاجتين دول موش متوفرين فى غلايه المياه لانها ممكن تبوظ بسرعه وكمان قيمتها صغيره 100ج تقريبا

الحاجه الرابعه لو اشتريت بطاريه او كاوتش دى حاجه بتطول عمر السياره عشان كده بنحسبها اصول ثابته وبتدخل تحت بند سيارات


بالنسبه لجارى الشريك ده حساب انت بتحمله باى مصاريف خاصه بالشريك او اى مبالغ نقديه يسحبها من الشركه



وبالتوفيق يا باشا

[هشام حلمي شلبي]

تصنيف المصروفات توقف علي عدة امور منها طبيعة نشاط الشركة وطلبات الادارة و سياستها في التحليل


1 كروت شحن موبايل للعاملين & تليفون للخارج - يتوقف سياسة الادارة فاذا كانت تحمل قيمة الكروت او نصفها علي العاملين يكون الحساب المدين جاري العاملين اما اذا كانت تتحمل الشركة المصر وف فيتوقف علي طيعة عمل الموظف فاذا كان موظف اداري يكو المصروف تليفون وبريد وفاكس عموميه واذا كان موظف في المبيعات يكون المصروف بيع وتوزيع

2 تذاكر طيران ووزن بالمطار - مصاريف سفر خارجي وطبعا علي حسب طبيعة وظيفة المستفيد ان كان موظف اداري يكون المصروف عمومي واداري وان كان موظف مبيعات يكون المصروف بيع وتوزيع

3 اقامة فى فندق - مصاريف اقامه وطبعا علي حسب طبيعة وظيفة المستفيد ان كان موظف اداري يكون المصروف عمومي واداري وان كان موظف مبيعات يكون المصروف بيع وتوزيع


4 اقامة معرض وحجز قاعة وكراسى وتربيزات للعرض - مصاريف دعايه واعلان او ي مسمي تحت- بيع وتوزيع

5 شراء اكرة لباب المدير وتركيبها - صيانه مقر عموميه

6 شراء غلاية مياه للبوفية - مصاريف بوفيه عموميه

7 شراء مناديل ومعطر للسيارات المملوكة للشركة - متنوعه عموميه

8 صيانة كوتش سيارة وتغير البطارية و غسيل السيارة - صيانه وطبعا علي حسب طبيعة وظيفة المستفيد ان كان موظف اداري يكون المصروف عمومي واداري وان كان موظف مبيعات يكون المصروف بيع وتوزيع


9 تامين على الحياه لصالح رئيس مجلس الادارة وزوجنه وولده - جارى الشريك

10 عمل موقع على الانترنت للشركة - مصاريف انترنت عموميه

11 اشتراك فى مجلة مقرؤة ومجلة للاعلانات مصاريف رسوم و اشتراكات عمومية

12 تكاليف عمل بانر اعلانى للشركة دعايه واعلان عموميه

13 شراء سكر وشاى للبوفية مصاريف بوفيه عموميه

14 غداء رئيس مجلس الادارة مع احد العملاء مصاريف ضيافه عموميه

15 شراء cd , ماوس للكمبيوتر ادوات كمبيوتر عموميه

16 ايجار سكن المدير والعاملين مصروف الايجار عموميه لكن لو المدير هو صاحب الشركه ايجار سكنه جارى الشريك

17 اشتراك فى نادى اشتاك فى جراج للسيارة متنوعه