لو انت مكاني تختار ايه ؟؟؟؟؟

[blackhluk]

السلام عليكم و رحمة الله و بركاته
السؤال ببسطة
تشتغل محاسب قانوني في بداية حياتك ب 300 جنيه
او محاسب في شركة ملابس في بداية حياتك ب 1000 جنيه بس
وشكرااااا

[mhd_salah]

بص لو انت متزوج اشتغل محاسب في شركه ملابس اما لو اعزب اشتغل محاسب قانوني

[blackhluk]

انا اعزب لكني بفكر انو ممكن في الشركة اخد فلوس و اضبط نفسي بعد كده
لاني ناوي اخد السي ام ايه بس بعد ما افهم شوية محاسبة

[leoshoali]

مش عاوزه تفكير ، اكيد محاسب قانوني ، لانو المستقبل بعد كده بكون افضل - يعني بعد ما تشتغل معاهم لمدة 3 سنوات ، كتير فرص حتكون عندك و اكتر من 1000 جنيه، يعني الخلاصة ما تبصش على 1000 جنيه و بص على المستقبل - و على فكرة شهادة السي ام ايه كتير ممتازة اذ كان عندك خبرة محاسب قانوني ، غير كدة شهادة وبس مش حتكون قوية:sm30:

[محمد اغاء]

عليكم السلام ورحمة الله وبركاته
اخى العزيز
اذا كان هوايتك هو مكتب المحاسبة فتعل به اما اذا كان غير ذلك فعمل فى مجال شركة الملابس ولا احد يحدد لك وظيفتك لان اى مهنه تحبها تحبك وتعطى اكثر واكثر واخيرا ربنا يوفقك

[dyabhieshamm]

السلام عليكم و رحمة الله و بركاته
السؤال ببسطة
تشتغل محاسب قانوني في بداية حياتك ب 300 جنيه
او محاسب في شركة ملابس في بداية حياتك ب 1000 جنيه بس
وشكرااااا
شكرا على هذا المجهود

[dyabhieshamm]

شكرا على هذا المجهود

[ftohftoh]

لا اله الا الله

[االمنشاوى توب]

http://www.aliahmedali.com/forum/%D9%82%D8%B3%D9%85-%D8%A7%D9%84%D9%85%D8%AD%D8%A7%D8%B3%D8%A8%D9%8A%D 9%86-%D8%AD%D8%AF%D9%8A%D8%AB%D9%89-%D8%A7%D9%84%D8%AA%D8%AE%D8%B1%D8%AC-52/%D9%83%D9%8A%D9%81-%D8%AA%D8%B5%D9%86%D8%B9-%D8%A7%D9%84%D9%81%D8%B1%D8%B5%D9%87-%D9%84%D8%AA%D9%83%D9%88%D9%86-%D9%85%D8%AD%D8%A7%D8%B3%D8%A8-25252/#post389869

[blackhluk]

مش عاوزه تفكير ، اكيد محاسب قانوني ، لانو المستقبل بعد كده بكون افضل - يعني بعد ما تشتغل معاهم لمدة 3 سنوات ، كتير فرص حتكون عندك و اكتر من 1000 جنيه، يعني الخلاصة ما تبصش على 1000 جنيه و بص على المستقبل - و على فكرة شهادة السي ام ايه كتير ممتازة اذ كان عندك خبرة محاسب قانوني ، غير كدة شهادة وبس مش حتكون قوية:sm30:
طيب و بعد كده و ابقي قانوني هتبقي فرصي ايه ؟؟؟؟؟؟؟؟

[nabil fouad]

بعد ما تكون محاسب فى شركة ملابس .. ايه مستقبلك بعدها
بمعنى ايه اقصى حاجه ها توصلها ؟
بص للمدى البعيد ... ما تبصش تحت رجليك

[wael7hassan]

والله استخير ربنا الاول ............... وربنا يسهلك الامور

[Kareem_helmi]

نصيحة اخ اشتغل محاسب طبعا فى شركة ملابس حتى لو حضرتك لسة خريج وعمرك صغير استفيد بوقتك ومالك اللي هو 1000 جنية انشاء اللة ممكن تعمل حاجات كتير تاخد سي ام اية وكورسات لغة وربنا يوفقك الحياة مبأتش مستحملة 300 جنية

[Kareem_helmi]

يا عم ولا خبرة محاسب قانوني ولا بتنجان فكك من الهجس دة لانك هتكتشف انك بعد كدة مطلوب منك تشتغل حرامي قانوني ومرتشي قانوني وهية شغلانو وسخة اصلا بتقابل فيها واسخ خلق اللة انا اسف وشكرا خليك فى الشركات احسن واجري على اكل عيشك

[HOSSAM ADEL]

اولا شركات قليلة جدا اللي تدفع مرتبات بداية تعيين و بدون خبرة 1000ج -و لو ده حصل فهي حتستغلك لاقصي مدي عشان المرتب الكبير طبعا في ظل عدم وجود خبرة يعني م الاخر حيطلع عينك بس حتاخد فلوس
امل مكتب المحاسبة فهي مسالة نسبية يعني ممكن تروح مكتب و تكتسب خبرة كبيرة و ممكن يكون المكتب مفهوش شغل يعلم ويدي خبرة و انت و حظك .
الاهم ف الموضوع انت حابب ايه و امكانياتك ايه يعني مكتب المحاسبة عاوز امكانيات معينة اهمها القدرة علي التحمل و الاستيعاب بدرجة كبيرة مع التركيز الشديد و عدم النسيان و القدرة علي الابتكار و خلق افكار و حلول للمشاكل المحاسبية التي تواجهها - لو الامكانيات دي عندك اشتغل في مكتب محاسبة
لو عاوز الفلوس خلاص اشتغل ف اي شركة بمرتي معقول و خلاص . و عذرا للأطالة

[HOSSAM ADEL]

الاخ كريم حلمي - مش كل المحاسبين القانونيين حرامية و مرتشيين ، مش ذنبنا انك اشتغلت مع واحد او اكتر و طلعوا حرامية - فلو سمحت ميصحش انك تقول الكلام ده في موقع اللي مأسسه هو محاسب قانوني - و معظم اللي بيرد عليك بمعلومة استفدت اكيد انت منها هو محاسب قانوني لا تعمم تجربتك الشخصية عشان فرد او افراد قليلين علي باقي المهنة كلها لانك اكيد متحبش ان حد يقول علي شغلك الكلام اللي انت قلته و شكرا

[rahaal]

انا خريج حديث ويحاول ادرس السى ام ايه ولسة مااشتغلتش والانجليزى ضعيف والا فضل فعلا من حيث ان احنا نعرف نعيش ومش شرط فلوس حاليا وايه يعنى لوفضلت اجهز نفسى لحد سن 30 وبعد كدا الجواز بس ياريت حد ينصحنا اول السلم نعمل ايه ؟؟ولكم جزيل الشكر والخير والمعرفة لنا ولكم

[khaled ahmed]

شكرا الاستاذ / حسام عادل على ردك للاخ كريم حلمى على كلامة الغير لائق اخلاقيا ومهنيا فهذا منتدى محترم ومهنة المحاسبة من المهن المقدسة واتلتى لها احترامها عن باقى المهن الحرة

[عماد سليمان]

محاسب قانونى
انت هتبقى تعبان شويتين فى الاول بس بعد ما تاخذ خبرة هتستريح وهيتعرض عليك شغل افضل بمرتبات معقوله
والله ولى التوفيق

[omar adel abrahim]

شركة الملابس فلوسها مؤقتة يعنى هتفرح بيها كام يوم وبعد كدا مش هتكفيك لكن المحاسب القانونى بتعلمك وليها مستقبل افضل وممكن تسافر برة لكن فى شركة الملابس مش هتديك خبرة كويسة