هاااااام لكل محاسب مبتدأ

[جعفرية]

السلام عليكم ورحمة الله وبركاته/
أولاً وقبل كل شيئ المنتدى بأعضائه وحشني جداً بس الشديد القوي هو اللي بعدني وأي محاسب عارف الفترة اللي فاتت عاملة إزاي لأي مكتب محاسبة.............. المهم والأهم
أنا عندي اقتراح يارب يكون مفيد للكل
إيه رأيكم لو كل محاسب حتى ولو مبتدأ مثلي يقدم خدمة لكل من هو حابب المهنة وتكون الخدمة عبارة عن تمارين من واقع عمله ( مش تمارين الكتب ؟؟!!! ) تكون تمارين واقعية وعملية وكل من عنده حل أو بذرة توصل للحل يدخل يفيد ويستفيد
اتا في انتظار آرائكم واتمنى لو في أي اضافة على اقتراحي

[صلاح الشمندى]

هى فكرة رائعة بس لازم يكون المقترح اول شخص يقوم بالعملية دى


وطلب صغير اسماء الحسابات الدفترية

[جعفرية]

أنا ماعنديش مانع على فكرة إني اكون أول المشاركين
هما يومين ويكون عندكم تمرين عملي ومن واقع عملي
هل من مشارك ؟؟؟؟؟؟؟

وبالنسبة للحسابات الدفترية مش فاهمة تقصد إيه؟؟؟

[elkazzaz2007]

أنا ماعنديش مانع على فكرة إني اكون أول المشاركين
هما يومين ويكون عندكم تمرين عملي ومن واقع عملي
هل من مشارك ؟؟؟؟؟؟؟

وبالنسبة للحسابات الدفترية مش فاهمة تقصد إيه؟؟؟


جميله اوي الفكره ديه و حتخلينا نتعلم من بعض كويس

بس ياريت الحاله العماليه تطرحها الاول و تسبنا نفكر فيها و بعد كده جاوب عليها حتى نستفيد احنا كمان

و انا مشترك معاكم انشاء الله .

[shlsh]

السلام عليكم والرحمه
اخوكم محاسب فى شركه مقاولات فى الامارات ومعه برنامج الكويك بوكس 2005
ارجو من اصحاب الخبره والمعرفه التكرم وارسال شرح لهذا البرنامج ولكم جزيل الشكر
ارجو الشرح بالعربى لزياده المعرفه

[جعفرية]

السلام عليكم يا محاسبين المستقبل الباهر
أنا جبتلكم معايا تمرين يارب يكون سهل وميسر بالنسبة للكل ، وعلى فكرة حل التمرين مرفق بالملف ولكن 0000000 مش قبل ما الكل يطلع كل ما عنده من خبرة ولوبسيطة ( وكلنا بنتعلم وانا أولكم )
**ملحوظة / المنشأة دي( منشأة الحمد ) هي أول حاجة اتعلمت منها عمل الميزانية وأول تجربة ليا في عمل الميزانية وعكيت فيها كتير على ماوصلت للصح
واليكم التمرين

[جعفرية]

إحم إحم
نحن هنا 0000000000000000000
طب مافيش أي تعليق أي ملحوظة أي تعديل؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا في إنتظاركم

[احمد المختار]

اولا" السـلام عليكم ورحمة الله وبركاتة
انا اسمى احمد مختار المفروض اني محاسب وكمان خريج دفعة 2001 يعني المفروض لو حسبناها انا عندي خبرة 5 سنوات بس الكارثة---------- اني معنديش خبرة ولا سنة واحدة ودة سببة اني اول ما اتخرجت اخدت دبلومة محاسب دفتريا واليا وجالى جواب القوى العاملة فرحت خلاص حشتغل بس فوجأت انها دورة لمدة 6 شهور وقالو الاوائل منكم هما الي حيشتغلو وطلعت من الاوائل وكانت المفاجأة حفلة بحضور قيادات القوات المسلحة السؤلين عن الدورة وبدل مايسلمونا عقود عمل سلمو نا اطقم اطباق صيني وشكرا --------- قولت الحمد لله علي كل حال --اسعي يا احمد حاولت لمدة سنة ونصف اني اشتغل في مكتب محاسبة ولو بدون مقابل بس للاسف ------ قولت مفيش غير العمل المؤقت لانة مش حينفع اقع ي البيت وفعلا اشتغلت في مجالات كتيرة بعيد عن تخصصى وفضلت الاشغال المؤقتة ملزماني لغاية لما بقي عندي 29 سنة ورصيد خبراتي صفر---------لكن لم ايائس وصممت اني اقوي نفسي فى مجالي وفعلا الحمد لله ربنا بعتلي موقع الاستاذ احمد علي علشان يكون منارة الامل الي حستمد منها قوتي باذن الله--------- خلاصة كلامي عاوز اقول نصيحة من خبرتي الدينية من(( كان مع الله لايضام)) ---بس مش كلام فعل وفعل وفعل وربنا يوفق كل شاب وشابة-------وجزاكم وجزا الاستاذ احمد كل خير

[جعفرية]

يا أستاذ أحمد طموحك ده شيء رائع بس المهم ( لا لليأس )
أنا بقى عكسك أنا في طريقي للخبرة بس بدون مؤهل وطموحي وحبي للمهنة خلاني أسعى وأدخل كلية تجارة تعليم مفتوح والفضل أولاً لله سبحانه وتعالى ثم للمحاسب الذي أعمل معه
عاوزة أقولك أنا كنت أكره حاجة اسمها تجارة ومحاسبة لكن سبحان الله " عسى ان تكرهوا شيئاً وهو خيراً لكم "
ياريت لو أعرف إيميلك ونتكلم ع الخاص

[شريف الصعيدى 22]

موضوع جميل فعلا بس عاوزين كلمة السر بتاعت ملف حل التمرين الواحد لما شاف السؤال حاسس انه عنده امتحان انا على كده خايب جدا لانى مش عارف احله
مع ان تقديرى جيبد

[جعفرية]

على فكرة يا جماعة احنا ممكن نتناقش في الحاجة اللي مش عارفينها

[صلاح احمد جلال]

يا جماعة نفسى فى شرح برنامج الكويك بوكس ضرورى جدا

[saharrsaidd]

السلام عليكم ورحمه الله
استاذ احمد شكرا لكتابتك تجربتك الشخصية للاستفادة منها انا الان فى فترة انتقاليه فى حياتى العمليه مثلك تماما انا خريجة 2005 وبشتغل بعيد عن مجالى رغم انى اعشقه بقالى دلوقت 3 سنين وفى الفترة الاخيرة ايقنت ان كل حاجة عملتها موصلتش بيها لاى حاجة مفيدة توصلنى لانى ابقى محاسبة دورت على مكاتب محاسية كتير بس كان شغل الاجراءات والمشاوير فيها كتير جدا جدا فوق قدراتى انى احتملها لو ممكن حد يدينى النصيحة هوة اى حد بيشتغل فى مكتب محاسب قانونى لازم يعمل مشاوير واجراءات كتير قوى كدا ..
افيدونى افادكم الله

[جعفرية]

السلام عليكم/
بالنسبة لسؤالك عن المشاوير والإجراءات الخاصة بمكاتب المحاسبة ده ضروري للشغل وضروري جداً جداً ليكي لإكتساب الخبرة
إسأليني انا - انا في حاجات كتير ومعلومات كتير عرفتها عن طريق المشاوير دي وربنا يقويكي

[ahmed_srg]

شكرا لك علي موضوعك . الرجاء وضع الرقم السري لملف الحل حتي تكتمل الفائدة . ونشوف الطريقة
وشكرا لك مرة اخرى

[IT_Accountant]

السلام عليكم


موضوع رائع جدا بارك الله فيكم

انا محاسب الحمد لله رب العالمين بشتغل في مكتب محاسبة من 03 سنين ودي والحمد لله اكبر نعمة لاي محاسب انه يكون بيشتغل في مكتب محاسبة لانه وباختصار هايتعامل مع متخصصين واستشاريين وحالات عملية عمره ما هايشوفها في اي شركة حتي لو كبيرة


المهم وباختصار شديد


خلونا نبدا بحل المشاركة مع بعض


طبعا اول حاجة محتاجينها هي احتساب الاهلاكات للاصول الثابتة

واكيد لان المعطيات ناقصة

لاننا محتاجين مجمع الاهلاك ف ي 01 - 01 -2007 عشان نضيفه ل قسط الاهلاك 2007

يبقي صعب نحل تمرين ناقص معطيات

وكمان الارصدة الخاصة بالاصول مش موجوده بكده يبقي انا هاوصل لنتائج تشغيل عن فترة فقط

[v.i.p84]

ممكن اعرف ايه باسورد الملف الثاني انا محاسب لسه طازة

[rafiek]

السلام عليكم ورحمة الله وبركاته
يسرني ويشرفني أن اشترك معكم في هذا الموصوع الرائع والمفيد
واسمحوا لي بنشر كلمة السر لحل التمرين وهي
987654321
مع اعتذاري لصاحب الملف لأني سبقته في نشرها

[najibsaeed]

السلام وعليكم
التمرين جميل ولكن اين كلمة السر يااخي نحن منتظرين ومتلهفين لمعرفة الحل كونها اول تجربه بالطبع سنستفيد منها كثير
شكرا لك مقدما

[جعفرية]

السلام عليكم ورحمة الله وبركاته
أمري لله أنا هاقول كلمة السر بس زعلانة إن مافيش حد حل التمرين
أكيد أنا ماعرفتش أوصل لكم التمرين بشكل صحيح
كلمة السر 987654321

[mohamad12316]

جزاك الله خيرا
انا قصتى تشبه قصة اخى فى الاستاذ احمد مختار بس انا خريج 2005 وبعد متخرجت رحت الجيش
وطلعت من الجيش على الشغل وانا منتظر انهم هيدخلونى قسم الحسابات الى فى شركة المقاولات التى اعمل بها وقالى المهندس المسؤل انك هتشتغل معنا لحد منحتاج حد فى قسم الحسابات ندخلك فيه قلت اصبر بس لقيت الموضوع ده مش هينفع الى بوصته وحاولت انى اجيب وصته لكن ملقيتش حد يتوصت ويدخلنى علما باننى بقالى سنه شغال مع الشركه دى عماله مؤقته قلت لازم اتعلم حاجه فى المحاسبه يمك انى اشتغل بعد كده معاهم واتمنى من اخوانى فى المنتدى المساعده حتى يكون عندى خبره فى الحسابات عامه وفى القاولات خاصه
وجزاكم اله خيرا
mohamadabd67@yahoo

[zorp]

مساء الخير
الى المحاسبة جعفرية
بصراحة التمرين شيق جداااااااااااا
والواضح اكتر انك محاسبة شاطرة

[ahmed_sara_H]

شكرا يا أستاذ على التمرين والحل بس الحل مقدرتش اشوفه علشان عليه كلمة سر يا ريت تبعتها وشكرا

[ahmed_sara_H]

يا ريت تكتب خطوات الحل وشكرا

[ahmed_sara_H]

فكرة ارسال تمارين عملية بحلها فكرة جميلة بس ياريت اللى يبعت الحل يكتب معه خطوات الحل وصراحة انا حصلت على بكالوريوس تجارة بس الحياة العملية مختلفة خالص وانا حاليا على اول الطريق بسد عديت فيه شوية بفضل ربنا وفضل الاستاذ احمد الكزاز محاسب قوى ومتمكن وبصراحة ساعدنى كتير ولولاه ماكنت وصلت لشىء حتى الان

[ahmed_sara_H]

شاركت أمس فى الموضوع وقلت انه موضوع جميل وشيق وبكدة هنلاقى كل يوم تمارين نحلها ونشوف الحل لو كان حلنا غلط بس يا خسارة الحلو ما يكملشى لآنى امس طلبت كلمة السر لملف حل التمارين طب هقول اميلى يمكن تراسلونى عليه [email protected] وشكرا

[alahram_tech]

انا بقى عندى سؤال اللى يحله له منى بوسه على الراس ودعوة فى الحرم المكى ان شاء الله والسؤال موجود فى قسم المحاسبة المالية بعنوان
الى اصحاب الخبرة - مخزون آخر الفترة