عاوز اخرج من حكاية محاسب ب800 جنية بقى

[mahmoud-rabie]

لسلام عليكوا
من الاخر انا طهقت وعاوز اطلع برة شريحة محاسب ب 800 ولا ب1000 جنية انا مبقتش صغير ولا لسة حديث التخرج بس كل اللى الاقى هو كدة وان كان عجبك ولو مش عجبنى يرجع الشركة اللى انا فيها ياقعد فى البيت انا بقيت 31 سنة خبر 6 سنين من امين خزنة لمحاسبة موردين ومرتبات ومدفوعات عموما لمحاسب مبيعات وعملا ومراقبة مخازن ورحت اخدت كورس فى مكتب الفتح وقعدت اذاكر محاسبة من اول وجديد ونزلت والله اشتريت كتب بتاعة تجارة وبقيت تمام فى البرامج الجاهزة اشتغلت على برامج كبيرة ومشهورة ,advanced excel يعنى المفروض ادور عىل شغلانة مشرف حسابات مش لسة عاوز محاسب بمرتب محترم اعرف عيش منة بصراحة قلت اخد رايكم هل دة المعدل الطبيعى للمرتبات عندنا ولا انا اللى غلطان طب غلطان فى اية......

[abus3da]

اللهم صل على محمد وعلى آله وصحبه أجمعين
أخى العزيز
السلام عليكم ورحمة الله وبركاته
أولاً يا أخى أنا لا أريدك أن تزهق أو تمل فأنت فى بداية عمرك المهنى وأحب أن أؤكد لك أن الفرصة ستأتى لك حتماً إن شاء الله ولكن كل شيء بالصير والمثابرة ورأى أن المحاسب مثل زجاجة العطر كلما مر عليه الزمن إزداد خبرة ونضج فلا تتعجل
النصيحة التى أنصحك بها هو دوام الجهد والمثابرة وإكتساب الخبرات والأمانة المهنية والأمانة المادية ، أيضاً من العوامل المهمة فى نضوجك هى شخصيتك أمام الغير سواء أصحاب العمل أو العملاء أو الزملاء لأن الشخص هو الذى يصنع المكانة وليست المكانة هى التى تصنع الشخص ، وحينما تتأكد أن أصحاب العمل متمسكين بوجودك نتيجة إلتزامك و إخلاصك ومجهودك وحرصك على مصلحة العمل ، فأعلم أنك قد بدأت الطريق الصحيح لأن هذا ترمومتر هام جداً ، ووسيلة من وسائل تفهمهم لضرورة ترقيتك وزيادة دخلك من العمل لديهم حتى لا تبحث عن عمل آخر بعد أن أستثمروا فيك نعم إستثمروا فيك ، لأنك فى البداية بدأت عملك بلا خبرة وكنت تأخذ أجراً والآن عندما
تنضج فثق تماماً أنهم لن يفرطوا فيك وهذا معنى مهم للإستثمار فى الأفراد .
أدعوا الله لك بالتوفيق
وشكراً للقائمين على الموقع الذى يفتح أبواب الأمل والمعرفة والتطوير لجميع المحاسبين المصريين فهو بجد فخر لنا جميعاً
مع خالص تحياتى
سعيد سلطان

[mahmoud-rabie]

اولا الف شكر لاهتمامك وردك يا ا/سعيد انا معرفش انت من مصر ولا لا بس لو من مصر عندنا مافيش حاجة اسمها استثمار فى الموظف عندنا حاجة اسمها يغور ويحى الف غيرة انا مكنتش عاوز ارد عشان ماصيبكش بالاحباط او الاخوة اللى هايقروا الرد بس من غير نفاق لنفسى ولله الحمد كل واحد كان فى الشركة كان يعرف شغلى عامل ازاى ودقتى وامانتى فى الشغل لدرجة تزهق بس انا معرفش اعك او اكبر دماغى لدرجة انى فى خلال اول شهر من استلامى الشغل فى اخر شركة رجعتلهم فواتير باكتر من 5000 جنية كانت ولا حد يعرف عنها حاجة وعملتلهم حسابات عملا حقيقة وخلتلهم المخازن تمشى بالشعرة بس كل دة جميل لاكن تيجى عند زيادة المرتب لا كدا نبتدى نزعل من بعض ولو يعنى خلاص يبقى انة الفراق وربنا يوفقك دة بقى النظام عندنا ولا يمكن انا اللى حظى فقرى واشتغلت فى شركة عرة بس معظم الشركات اللى اشتغلت فيها مافيهاش حاجة اسمها ترقية ولا زيادة مرتب الا لو هايضاعف عليك الشغل

[mahmoud-rabie]

اما بالنسبة لحكاية زجاجاة العطر فهو عامل زى الجبنة الرومى كل مابتقدم طعمها بيحلو

[jawhary]

وعليكم السلام ورحمة الله وبركاته

أخي الكريم

مفيش غير طريق واحد ، ذاكر سي ام ايه وخد الروابط دي وكلها أكل ، هيا مواد لدراسة ومذاكرة السي ام ايه ومحاضرات شرح بالعربي وحل أسئلة باحتصار مواد كاملة لن تحتاج منك الا عزيمة معقولة وقدرة علي المذاكرة 3 ساعات يوميا لمدة تقريبا 4 شهور وبعدها تدخل الامتحان في الجزء الأول - حتي لو استلفت رسوم دخول الامتحان ، كل ده هيرجع لك بعدين من أول مرتب ليك بعد حصولك علي شهادة سي ام ايه
هذه هي الروابط وبالتوفيق وانا تحت أمرك في أي استفسار

http://www.gmiza.com/eg/forumdisplay.php?f=86

http://www.gmiza.com/eg/forumdisplay.php?f=75

وفقك الله

[mahmoud-rabie]

ربنا يبارك فيك وعلى ردك بس انت عارف تكاليف دخول امتحان cma كام وهانقول هاستلفهم وفى الاخر كلة لمصلحتى طب ناا عاوز توضيح بس معلش لو فعلا ربنا كرمنى وقدرت اخدها هاسوق نفسى ازاى والاقى شغل بمرتب كبير ومحترم انا بصراحة دائرة معارفى صغيرة جدا وكل اعتمادى بعد الله سبحانة وتعالى على مواقع التوظيف وانت عارف من الاخر ان الشركات النص كم هى اللى بتعلن عليها ام 1000 ولا 1200 لاكن الشركات المالتى ناشيونال بصراحة معرفش سكتها ازاى

[mahmoud-rabie]

وعليكم السلام ورحمة الله وبركاته

أخي الكريم

مفيش غير طريق واحد ، ذاكر سي ام ايه وخد الروابط دي وكلها أكل ، هيا مواد لدراسة ومذاكرة السي ام ايه ومحاضرات شرح بالعربي وحل أسئلة باحتصار مواد كاملة لن تحتاج منك الا عزيمة معقولة وقدرة علي المذاكرة 3 ساعات يوميا لمدة تقريبا 4 شهور وبعدها تدخل الامتحان في الجزء الأول - حتي لو استلفت رسوم دخول الامتحان ، كل ده هيرجع لك بعدين من أول مرتب ليك بعد حصولك علي شهادة سي ام ايه
هذه هي الروابط وبالتوفيق وانا تحت أمرك في أي استفسار

http://www.gmiza.com/eg/forumdisplay.php?f=86

http://www.gmiza.com/eg/forumdisplay.php?f=75

وفقك الله

ممكن نبقى نتكلم على الياهو استفسر منك على شوية حاجات يمكن يكون الخير على ايديك

[حسام هداية]

ممكن نبقى نتكلم على الياهو استفسر منك على شوية حاجات يمكن يكون الخير على ايديك



يرجى أن يكون أي نقاش أو استفسار
أن يكون على صفحات المنتدى
حتى يستفيد غيرك
كما استفدت أنت

وأيضا فائدة أخرى للمنتدى
هي بقاء وحفظ أي أسئلة وإجابتها
على صفحات المنتدى
إلى ما شاء الله
وفي أي وقت تطلبها
(غير متواجد ذلك في محادثات الياهو)

كما تكون صدقة جارية لك ولمن أجابك
لكل من استفاد منها

وأيضا أن تكتسب حسنات
لكل من يدعو لك

[مايسترو حزين]

والله ربنا يوفقك انت وجعت بطنى ههههههههه ربنا معاك
وفعلا انا اول ما قرات كلامك قلت يبقى انت لازم تزاكر السى ام ايه او تعلى من نفسك اكتر
انا لسه فى بداية الطريق وكلامك يطمن اووووووووووووى
ربنا معاك

[mahmoud-rabie]

السلام عليكم
واله ياجماعة انا مكنتش اقصد اجبلكم احباط او ياس انا بس كنت بحاول افكر معاكوا بصوت عالى ازاى نخرج من المشكلة دى لانها مش مشكلتى لوحدى انا معظم اصحابى اللى شغالين فى الحسابات نفس المعاناة دى لانة حصلت طفرة فى نظام التعليم الكام سنة اللى فاتوا فبقى فية ناس متعلمة تعليم كويس جدا وفى اللى زى حالاتنا بتوع التعليم المجانى فحاولت الاقى حل ازاى نطور من نفسنا ونبقى لينا قيمة لان للاسف اى شركة بتعين محاسب كانها بتشغلة صدقة جارية اقل مرتب واقل اهتمام مع ان المحاسب دة هو اللى بيبقى شايل الهم كلة ومقضى طول اليوم فى الشركة وبالنسبة لموضوع السى ام اية هو اقتراح تمام وممكن يبقى الحل بس انا حسبت مصاريف الامتحان بس من غير اى حاجة فى حدود 7000 تقريبا ولو هاتاخدوا فى مكان محترم مع الشرح بتتكلم فى حدود 12000 طبعا دى ارقام تخض جدا وخصوصا اللى زى حالاتى وموضع الدورات والكورسات التانية انا جربت وسالت معظمها كلام فاضى لانها شهادات اصلا مش معترف بيها ....هى يمكن تعتبروها نصيحة للى لسة بيدرس او لسة متخرج من الكليات الحكومية لازم تلحق نفسك وتروح تتدرب فى مكتب محاسبة وتشترك فى النقابة وتتعلم اكسيل متقدم على شوية انجليزى محترم وتحط رجلك على اول الطريق وربنا يوفقنا كلنا

[wael ali kamal]

عاوز تبقى محاسب تساوى تقلك دهب اتبع التليمات الاتيه
1- بعد التخرج مباشره التحق بدبلومه المحاسبه فى كليتك
2-التحق فى نفس الوقت بمكتب محاسبه محترم ولو هتشتغل ببلاش
3-دراسه اللغه تحدث وكتابه خلال العامين
4- انت خسرت فلوس سنتين ولكن شوف هتكسب كام بعد كده علشان مكتب المحاسبه المحترم ده هيفتح لك مجال شغل كويس ولما تيجى تدور على شركه دور على شركات محترمه واعلم ان الرزق بيد الله وحده وما علينا الا السعى فقط واترك كل امرك على الله

[االمنشاوى توب]

السلام عليكم ورحمة الله وبركاته
بارك الله فى هذه الوجوه المباركه ولكن قبل الحديث عن اى شىء لابد ان نتذكر القضاء والقدر وعلاقة العبد بربه وبرزقه فقد يكون هذا ابتلاء من الله فيه خير لك تمام مثل الطالب الذى يذاكر ويرسب
وقد يكون تكفير لعمل ما
فقبل الكلام على السوق واحتياجاته انصحك استاذى بزيادة العلاقه مع ربك عز وجل
( فقلت استغفروا ربكم انه كان غفارا يرسل السماء عليكم مدرار ويمددكم باموال وبنين ويجعل لكم جنات ويجعل لكم انهارا)
قال صلى الله عليه وسلم :: من لازم الاستغفار جعل الله له من كل هم مخرجا ومن كل ضيق فرجا ورزقه من حيث لا يحتسب )
وايضا قال عليه السلام : عجبا لامر المسلم فان امره كله خير فان اصابه خير شكر فكان خيرا له وان اصابه شر صبر فكان خير له )
اردت ان اذكر نفسى واساتذتى لعلى الذكرى تنفعنا جميعا

الامر الاخر افضل الاشياء التى اظن بها فى التفوق هى العلاقة الاجتماعيه بمجال عملك وتكون على تواصل فعال مع الاشخاص الذين فى مجالك تعرف منهم الجديد والجيد لسوق العمل
ثم حب العمل الذى تمتهنه بكل شغف سوف يدفعك لبذل الجهد والوصول للافضل
ثم ان تكون جرىء ان تترك شركه الى اخرى باحث عن الافضل ولا تخشى الا تجد غيرها فالله الرزاق
وتتنوع فى اختيارك للشركات من مقاولات لشركات صناعيه
والاهم فى نظرى بالترتيب
التواصل الاجتماعى الجيد مع زملاء العمل
الفهم الجيد للمهنه
حسن اختيار طريق العمل
تطوير نفسك من لغه وتصميم لبرامج مع محاسبه سواء كان اكسل واكسس او فجيوال او غيرة فهذا لوحدة يفتح لك مجالات عمل ولو خاص لحسابك انت
والله الموفق
واعتذر على الاطاله
وبارك الله فى الجميع ورزقنا الله الرضى والتقى

[aponourhan]

بصرحة الموضوع فوق الممتاز

[genius2007]

السلام عليكم ورحمة الله وبركاته
الي استاذ محمود
انا حابب اقوللك ان تعبك ده ربنا مش هيضيعو واكيد ربنا عاوز ليك الاحسن بس كل بميعاد يمكن عشان لما ربنا يكرمك بوظيفه مرتبها عالي تحافظ عليها وتحس انك فعلا تعبت عشانها كمان انا عاوزك تعرف ان ربنا هيكرمك هيكرمك باذن الله وهتفتكر كلامي ده بعدين اصبر وما صبرك الا بالله
واتمني لك التوفيق والسعاده في الدنيا والاخره
والسلام عليكم ورحمة الله وبركاته

[mr.aboubakr]

ان الله لا يضيع اجر من احسن عملا
تعلم العلم من اجل التعلم و التثقيف هاتجد ربنا يفتحها في وشك ان شاء الله

[sherifsakr]

السلام عليكم /
يسعدنى ان اشترك معكم فى هذا الحوار
بالنسبه الى محاسب ب 800 ج هى دى مصر يا..........شباب
مش معنى كده اقولك اخرج بره لان بره - الدول العربيه - مش هتكتسب خبره بس ممكن يبقى معاك فلوس بس فى اى لحظه ممكن تنزل على مصر ياباشا لاى سبب
لكن بحكم خبرتى المتواضعه اقدر اقول ان خريج كلية التجاره نظرا لاعداد الكبيره يساوى دبلوم معنى ذلك ان انت لازم تاخد بكالوريوس بجد او سميه بكالوريوس الحياه العمليه يعنى :
شوف انت بتحب ايه من الى درسته فى الكليه مثلا :
محاسبة تكاليف :
يبقى ذاكرها من تانى واعمل ملخص ليها فى دماغك سورى ( يعنى افهمها صح )
وياريت تذاكرها بالانجليزى لو انت قديم زى حالاتى
دور على شغل فى المجال ده فقط واستحمل ال 800 ج فى اول الامر و باذن الله هتشوف الامر هيتطور معاك الى حيث تريد :sm68: