من ينصحني لوجه الله

[الفارس الجريح333]

أنا شاب أعمل في مجال الابحاث الميدانيه بإحدي مراكز الابحاث علما بأني حاصل علي بكالوريوس تجاره وبصراحه شغل الابحاث ده مجزي جدا لكن مستقبلوا ضعيف مع مرور الوقت وأجره حسب شغلك يعني ممكن في شهر اعمل 2000 جنيه وممكن 5000أو6000 جنيه وممكن أقعد مده كبيره من غير شغل فلذلك فكرت أخذ خبره وأتعلم المحاسبه وأخذ لغه وكمبيوتر وأتدرب في مكتب محاسبه وبصراحه نفسي أبدأ لكن حصلت علي إجابات لكل تساؤلاتي ماعدا سؤالين 1-المده الكافيه للتدرب في مكتب محاسبه لكي أكون مرشح للعمل في شركه كبيره وأي نوع من المحاسبه هو المطلوب للسوق؟2- أجر المحاسب بيتراوح من كم الي كم لأني بصراحه في ناس بتحبطني وناس تشجعني ومش عارف أخد قرار في الامر ده ؟ والاهم من ده ايه اسماء مكاتب المحاسبه المشهوره في مصر لاني معرفش ولامكتب واحد بصراحه انا استفدت كتير من المنتدي ده لكن ماليش ولا واحد حتي من اصحابي اشتغل في مجال المحاسبه وهما خريجين تجاره مثلي فأرجوا افادتي بصوره كامله ويعرفني ايه هو الطريق الصح اللي أبدأ بي مشواري وهل فعلا المحاسب مطلوب في مصر ومرتبوا كم ؟

[الفارس الجريح333]

والله ياجماعه خساره كبيره قوي لما كل العدد ده من الاعضاء يشوف الموضوع بتاعي ومفيش حد يرد عليا أرجو الرد من ذوي الخبره وجزاكم الله خيرا

[هشام حلمي شلبي]

اخي العزيز الفارس الجرح
السلام عليكم ورحمة الله وبركاته

اجابة علي اسئلتك
1- المده الكافيه للتدرب في مكتب محاسبه لكي تكون مرشح للعمل في شركه كبيره ؟
دا يتوقف علي قدراتك الشخصية للتحصيل بالاضافة الي كفاءة مكتب المحاسبة الذي تتدرب فيه فممكن ان تحتاج شهرين اذا اجتهدت وكان لديك كفاءة و تدربت في مكتب مهني علي مستوي عالي وممكن ان لا يكفيك سنين اذا لم يكن لديك القدرات الشخصية أو اذا كان المكتب اي كلام

علما بان فترة التدريب المعتمدة من سجل المحاسبين والمراجعين و كذلك فترة التدريب المعتمدة من جمعية المحاسبين والمراجعين المصرية هي 3 سنوات .

وأي نوع من المحاسبه هو المطلوب للسوق؟
كل انواع المحاسبة المراجعة مطلوبة الاهم هو ما هو الفرع الذي تتفوق فيه ويتماشي مع قدراتك الشخصية والذي تحبه وتحس انك سوف تعطي فيه .


2- - أجر المحاسب بيتراوح من كم الي كم ؟
دا يتوقف علي الشركة التي سوف تعمل بها ويتراوح ما بين 500 جنية ويصل الي عدة الاف من الجنيهات .

والله الموفق

[الفارس الجريح333]

جزاك الله خير الجزاء
أشكرك علي ردك الذي سوف يغير كثيرا من الاشياء في حياتي