حالة معقدة

[علاء82]

السلام عليكم ورحمة الله وبركاته
اخوانى الاعزاء لدى حاله بالمؤسسه بنظرى انها معقده نوعا ما وهى
نحن مؤسسة مقاولات ناخذ المشروع من المقاول الرئيسى بسعر ونسنده لمقاول باطن بسعر اقل
المشكله هى ان بعض المشاريع ناخذها توريد ومصنعية ونعطيها لمقاول الباطن مصنعية فقط والمواد نوردها له بسعر اعلى من السعر اللى اشترينا به كمثال
هو محتاج 100 برميل معجون
نروح احنا للمورد بتاعنا ونطلب منه ال100 برميل ويكون مثلا سعر البرميل 10 ج ثم نرسلهم الموقع لمقاول الباطن بسعر 12ج للبرميل وهكذا
السؤال هو
عند ارسال المهجون للموقع يكون القيد ايه ؟
هل من ح / مقاولى الباطن
ال ح / المبيعات
ولا من ح / مقاولى الباطن
الى ح / ت . المشروع
ولا ايه بالظبط؟

[said_youssef2001]

السلام عليكم يا استاذنا انا اعتقد ان القيد السليم للحالة اللى حضرتك قولتها هى عبارة عن
من ح / مقاول الباطن
الى مذكورين
ح / مراقبة الخامات
ح / ايرادات متنوعة

وح / مراقبة الخامات هو حساب يتم معاملته على انه مخزن تستقبل به كافة الخامات اللى بتيجى من المورد الرئيسي وفى نهاية العملية يتم اقفاله نهائيا

وح / الايرادات المتنوعه هو حساب يتم وضع كل مبالغ الفروق فى الاسعار

[أحمد حسين سعد مطر]

الأستاذ الفاضل اعتقد بأن العملية المحاسبية خطأ وذلك لأن مقاول الباطن لا دخل له بقيمة المشتريات ( الخامات ) حيث أنه مقاول مصنعيات فقط فكيف تبيع له الخامات وهو غير مسئول عن توريدها فيكون الصحيح هو اثبات الخامات من تكلفة المشروع أو مراقبة الخامات وهو يعادل المخزن كالتالى :
من حـ/ مراقبة الخامات ( مشروع ب)
الى حـ/ المورديين ( النقدية )
اثبات مشتريات الخامات للمشروع ب
والله اعلم