التدريب الصيفى فى البنك

[ahmedsamir2012]

السلام عليكم انا احمد تالتة محاسبة عاوز اعرف كل حاجة عن التدريب الصيفى فى البنك الاهلى او اى بنك وايه هى الاختبارات بتاع التدريب ولكم جزيل الشكر..............

[الاء شوقى]

بص يا سيدى انا هحكيلك تجربتى مع الوهم اللى اسمه التدريب الصيفى فى البنك دة واتمنى افيدك...انا برضه لما خلصت بكالوريوس التجارة سعيت انى اتدرب فى بنك وجتلى الفرصة فى بنك مصر طبعا الأول بتروح امتحان فى القاهرة فى المركز الرئيسى للبنك اللى فى وسط البلد وبيمتحنوك شوية محاسبة ولغة انجيليزية..وبعدين تتدرب فى البنك مدة شهرين من 7 الى 9 وتحضر كل يوم وتمضى وتعيش جو الشغل وتتعلق بيه تمام..وبيبقى ليك حاجات معينة تتدرب عليها تفرق لو كنت لسة بتدرس او خلصت وخريج وكدة..وبعدها تروح امتحان فى نفس الادارة على اللى اتدربت عليه وان شاء الله تجتازه وتاخد يومها شهادة تقدير محترمة وتفرح بيها طبعا..نيجى بقى للمهم انت كدة المفروض اتحطيت على لائحة الانتظار المهمة لو البنك طلب تبقى انت اول المرشحين بما انك اتدربت فى البنك نفسه...بس بقى ييجى واحد تانى معاه واسطة تمام وتلاقيه هو اللى اتعين وانت قاعد فى البيت..يعنى من الاخر معك واسطة وللا لأ لأن شغل البنوك واسطة جدا..ولا تغلب نفسك..دة رأيى من واحدة مجربة واتوهمت فى الشغل

[fataalahlam20]

الفكرة فى التدريب مش تشتغل بردك لو الواحد هيتعلم ويأخد خبرة وكمان شهادة خبرة من مكان محترم ده شى جميل ياريت أعرف مواعيد التقديم للتدريب أمتى