تسجيل الدخول

مشاهدة النسخة كاملة : نداء الى اصحاب الخبرة في مجال الكورسات للتأهيل الى الوظائف

محمد بدرالدين
03-19-2011, 07:32 PM
السلام عليكم ورحمة الله وبركاته
كيف حالكم جميعا
انا اسمي محمد بدرالدين خريج تجارة شعبة ادارة اعمال وبئذن الله هقدم للدراسات العليا في شهر 8 القادم ان شاء الله
مشكلتي هي اني حديث التخرج وكل مروح اقدم الى وظيفة مش بشتغل والسبب اني مأخذتش كورسات طيب سؤالي ايه الكورسات اللي المفروض اخدها عشان لما اقدم لوظيفة اتقبل فيها من المعروف طبعا اللغة صح والرخصة الدولية لقيادة الحاسب الالي ده المعروف طيب فيه ايه تاني ممكن اخذه من الكورسات المهمه اللي تميزني عن الاخرين واشتغل بسرعة انا عايز اشتغل في مصر وعايز اخد الكورسات اللي الشركات في مصر بتستخدمها في شغلها ياريت حد يعرفني انا مش عارف ابدأازاي بالله عليكيم وياريت لو تعرفة مركز معتمد بالمره عشان اخد فيه الكورسات يبقى خدمة ما بعدها خدمة ممكن ارجوووووووووو الرد عليه انا محتاج مساعدتكم واعزروني على طرقتي في الكتابة مش مستخدم اللغة العربية الفصحى
حسام هداية
03-19-2011, 07:46 PM
أهلا بك
تم نقل الموضوع إلى قسمه الصحيح



انتقل إلى هذا القسم
قسم الشهادات والتأهيل المهني للمحاسب (http://www.aliahmedali.com/forum/forumdisplay.php?f=7)
سوف يفيدك لتحديد البداية

وأيضا
كل واحد منا يكتب الكورسات اللى خدها وتجاربه و نصايحه
(ننقل خبراتنا لبعض) (http://www.aliahmedali.com/forum/showthread.php?t=8022)
waelhasaan
03-19-2011, 11:38 PM
السلام عليكم ورحمة الله وبركاته

اولا ياستاذ محمد لو حضرتك هتشتغل فى نفس المجال ( محاسب يعنى ) فعليك بس ابتدى باللى انت قلت عليه الاول

اللغه و الرخصه الدوليه لقياده الكمبيوتر .......... وعلى فكره المنتدى الحمد لله فى كل حاجه انت ممكن تتخيلها ان شاء الله بفضل الله اولا ثم القائمين عليه ثانيا

اما لو حبيت تاخد فى مراكز بره ممكن تاخد فى جامعه القاهره فيها اساتذه كويسين جدا وممكن كمان تاخد بجانب الكورسات اللى قلنا عليها تاخد كورس محاسبه الكترونيه ( محاسبه عن طريق الاكسيل ) اغلبيه الشركات النهارده بتشتغل بالاكسيل .

وانت لو احتجت اى حاجه احنا تحت امرك
محمد بدرالدين
03-20-2011, 10:24 AM
بسم الله الرحمن الرحيم

وعليكم السلام ورحمة الله وبركاته

بارك الله فيك اخي الفاضل جزاك الله خير الجزاء
هذا المنتدى من افضل المنتديات التي ابحث واستفيد منها تعرف يا خي الفاضل انا في مشروع التخرج لم اجد الكتب التي ابحث فيها حتى اقوم بعمل المشروع ولكن لما اجدها الا هنا في هذا المنتدى العظيم وبئذن الله انا متفائل خير في هذا المنتدى هيساعدني كتير بئذن الله لما اكمل دراسات عليا بئذن الله بارك الله فيكم يا من تسعون لانجاح هذا المنتدى واتمنى ان اشارك معكم وان اصبح فرد منكم اشكركم يا اخواني

الحمد لله انا دلوقتي بدرس لغة ولسه هقدم في كورس الرخصة الدولية لقيادة الحاسب الالي في مشكلة عندي دلوقتي للاسف مفيش مكاتب محاسبة بترضى تقبلني ادرب عندها انا مش طالب فلوس ولا حاجة انا ممكن ادفع فلوس كمان بس ادرب تدريب عملي واحتك في عمل المحاسبة من الشركات والضرب والمراجعة مش مجرد قراءة في كتب وخلاص وزاشكرا جدا على اهتمامك بامري يا اخي الفاضل بارك الله فيك
هاني2281
03-23-2011, 09:52 AM
أخى هناك مركز في ميدان الجيزة
أكاديمية المحاسبين القانونيين
د طارق السباعي
أخذت فيه كورس محاسبة أكثر من رائع
وتكاليفة مش غالية
الميزة الطيبة اللي فيه التدريب على دفاتر عملي لحد ما هتمل
مش عارف قوانين المنتدى تسمح بذكر التلفون والعنوان تفصيليا ولا لاْ
عامة هو 0102788557
ربنا يوفقك
على فكرة بعد الكورس هتلاحظ تغير في شخصيتك المحاسبية وعن تجربة
ولكنها البداية
لازم تكمل
اكسيل
وسوفت
ولغة
وكل يوم
مراجعة
ومراجعة
ثم الانترفيوا
بالتوفيق
هيثم وليد
03-29-2011, 08:52 PM
جزاكم الله خيرا
فى البدايه تعريف بسيط بنفسى انا هيثم طالب فى الفرقه التالته كلية تجاره القاهره
وحابب استفاد من اخوانى المحاسبين اللى دلوقتى ربنا كرمهم واشتغلوا فى شركات كويسه
عايزهم ينصحونى ايه اللى المفروض احمله من المنتدي ده دلوقتى ويفدنى فى انى اقبل فى اي شركه بعد التخرج باذن الله
مع العلم بأنى هعتمد على الله ثم على نفسى فى تاهيل نفسى وعدم القدره على اللجوء للكورسات الخارجيه
ارجوا مساعدتكم
وشكرا جزيلا للجميع