المساعد الشخصي الرقمي

مشاهدة النسخة كاملة : ارجو الدخول للاهمية

ahmed arfan
02-24-2011, 04:30 PM
لو سمحت ممكن اعرف من حضراتكم ما هى الاسئلة المتوقعة لاختبار المحاسبة لانى عندى
امتحان فى وزارة الكهرباء كمحاسب
وما هى طرق الشراء والبيع ؟
الف شكر يااخوانى
hossam_3x
02-25-2011, 09:56 AM
بسم الله الرحمن الرحيم
اللهم صل على محمد وعلى آله وصحبه أجمعين
سبحانك اللهم وبحمدك ، أشهد أن لا إله إلا أنت أستغفرك وأتوب إليك

اخى فى الله
السلام عليكم ورحمة الله وبركاته
اتمنى ان تكون هذه اول مشاركة لى مفيدة فى منتدى المحاسبين المصريين
معاك حسام / طالب بالفرقة الرابعه كلية التجارة جامعة القاهرة
نبدأ اولا بالاسئلة المتوقعة
مثلا زى الفرق بين قائمة المركز المالى والميزانية ؟
وغيرها من الفروق مثلا الموردين والدائنون وغيرها وغيرها
وده اكيد هتلاقيها هنا فى المنتدى

اما عن طرق الشراء والبيع
ركز معايا
انا مبحبش الطريقة اللغوية الصعبة اللى فوق ده
وهشرحهالك بالعامية احسن

بص يا معلم
صلى على النبى بس كده وامسك كباية شاى ونبدأ
بص يا حج
اولا الشراء
ايه هوا الشراء : بكل بساطة زى ما انت بتشترى بضاعه او ...... او ......... او .......... بيكون اسمها مشتريات
المشتريات دائما مدينة الا فى حالة واحدة معتقدش انها تيجى فى الامتحان

طيب عرفت المشتريات مدينة
طب وبعدين ؟ ايه العمل ؟
فى حاجه اسمها القيد لكل عملية بتم سواء ان كانت شراء او بيع او ايراد او مصروف
حلو ماشى الكلام

طيب القيد ده ليه طرفين
طرف مدين
وطرف دائن
وشكلة كده
من حـ/الطرف المدين
الى حـ / الطرف الدائن

فاكر فوق قولنا المشتريات دايما ايه ؟؟؟

وشكل القيد بيكون كده
من حـ/ المشريات
الى حـ / طريقة الشراء

سؤالك بقى عن طرق الشراء
يبقى اول حاجه كده وانت مغمض تحط المشتريات فوق
حلو طيب الطريقة بقى
هيا واحده من 5
يا نقدى
يا بشيك
يا كمبيالة
يا فيزا
يا اجل

اول 4 حاجات بيكون قيد المشتريات واحد فقط
اما الاخيرة بيكون اتنين بمعنى

تم شراء بضاعه نقدا
يبقى من ح / المشتريات
الى ح / النقدية

تم شراء بضاعه بشيك
الشيك ده مسحوب فين على بيتنا
لا طبعا
يبقى برضه
من ح / المشتريات
الى ح / البنك

تم شراء بضاعه بكمبيالة
يبقى
من ح / المشتريات
الى ح / أ.دفع

تم شراء بفيزا
يبقى
من ح/ المشتريات
الى ح / الينك

بالاجل بقى
اللى انا هشترى منهم دول اسمهم ايه موردين
خد بالك الفرق بين الموردين والعملاء حاول تفرق انت ؟

طيب
يعنى ايه؟
هقولك

تم شراء بالاجل
هيبقى بردك من مشتريات الى موردين
لحظة بقى
هيسدد هنا اكيد
هيبقى من ح الموردين الى ح / طريقة السداد زى ما هيا فوق






ده طرق الشراء
المشتريات دائما مدينة
طب لو قلتلك
ان المبيعات دائما دائنة
هتحتاج شرح بردك ليها ؟
كل حاجه هتتعكس

يارب اكون قدرت اوصلهالك
مع انى مش قد المستوى طبعا
وبالتوفيق ان شاء الله
Bassem sala7
03-07-2011, 10:02 AM
بسم الله الرحمن الرحيم
اللهم صل على محمد وعلى آله وصحبه أجمعين
سبحانك اللهم وبحمدك ، أشهد أن لا إله إلا أنت أستغفرك وأتوب إليك

اخى فى الله
السلام عليكم ورحمة الله وبركاته
اتمنى ان تكون هذه اول مشاركة لى مفيدة فى منتدى المحاسبين المصريين
معاك حسام / طالب بالفرقة الرابعه كلية التجارة جامعة القاهرة
نبدأ اولا بالاسئلة المتوقعة
مثلا زى الفرق بين قائمة المركز المالى والميزانية ؟
وغيرها من الفروق مثلا الموردين والدائنون وغيرها وغيرها
وده اكيد هتلاقيها هنا فى المنتدى

اما عن طرق الشراء والبيع
ركز معايا
انا مبحبش الطريقة اللغوية الصعبة اللى فوق ده
وهشرحهالك بالعامية احسن

بص يا معلم
صلى على النبى بس كده وامسك كباية شاى ونبدأ
بص يا حج
اولا الشراء
ايه هوا الشراء : بكل بساطة زى ما انت بتشترى بضاعه او ...... او ......... او .......... بيكون اسمها مشتريات
المشتريات دائما مدينة الا فى حالة واحدة معتقدش انها تيجى فى الامتحان

طيب عرفت المشتريات مدينة
طب وبعدين ؟ ايه العمل ؟
فى حاجه اسمها القيد لكل عملية بتم سواء ان كانت شراء او بيع او ايراد او مصروف
حلو ماشى الكلام

طيب القيد ده ليه طرفين
طرف مدين
وطرف دائن
وشكلة كده
من حـ/الطرف المدين
الى حـ / الطرف الدائن

فاكر فوق قولنا المشتريات دايما ايه ؟؟؟

وشكل القيد بيكون كده
من حـ/ المشريات
الى حـ / طريقة الشراء

سؤالك بقى عن طرق الشراء
يبقى اول حاجه كده وانت مغمض تحط المشتريات فوق
حلو طيب الطريقة بقى
هيا واحده من 5
يا نقدى
يا بشيك
يا كمبيالة
يا فيزا
يا اجل

اول 4 حاجات بيكون قيد المشتريات واحد فقط
اما الاخيرة بيكون اتنين بمعنى

تم شراء بضاعه نقدا
يبقى من ح / المشتريات
الى ح / النقدية

تم شراء بضاعه بشيك
الشيك ده مسحوب فين على بيتنا
لا طبعا
يبقى برضه
من ح / المشتريات
الى ح / البنك

تم شراء بضاعه بكمبيالة
يبقى
من ح / المشتريات
الى ح / أ.دفع

تم شراء بفيزا
يبقى
من ح/ المشتريات
الى ح / الينك

بالاجل بقى
اللى انا هشترى منهم دول اسمهم ايه موردين
خد بالك الفرق بين الموردين والعملاء حاول تفرق انت ؟

طيب
يعنى ايه؟
هقولك

تم شراء بالاجل
هيبقى بردك من مشتريات الى موردين
لحظة بقى
هيسدد هنا اكيد
هيبقى من ح الموردين الى ح / طريقة السداد زى ما هيا فوق






ده طرق الشراء
المشتريات دائما مدينة
طب لو قلتلك
ان المبيعات دائما دائنة
هتحتاج شرح بردك ليها ؟
كل حاجه هتتعكس

يارب اكون قدرت اوصلهالك
مع انى مش قد المستوى طبعا
وبالتوفيق ان شاء الله




شرح مبسط وجميل
جزاك الله كل خير
hossam_3x
03-07-2011, 10:35 AM
شرح مبسط وجميل
جزاك الله كل خير


شكرا اخى الكريم
ده انا كنت قربت ايأس خلاص
بسبب ان محدش رد
لكن يكفينى ردك الجميل
منتظرك فى موضوع ال CMA free
AbO_3KlE
03-16-2011, 08:12 AM
اسمح لي ابدي اعجابي بقلمك وتميزك واسلوبك الراقي وتالقك