احباط طالب بكلية التجارة

[medoty]

بسم الله الرحمن الرحيم


السلام عليكم ورحمه الله وبركاته

تحيه طيبه الى جميع المحاسبين والمراجعين بالمنتدى

انا طالب بكلية التجارة - الفرقه التالته - شعبه محاسبه

انا عندى استفسار بسيط وياريت لو فيه حد يفيدنى

انا اولا دخلت شعبه محاسبه لانى بجد نفسى اكون محاسب

بس للاسف ؟ كلام الناس اللى حواليا مهبطنى

مخلينى ندمان انى دخلت الكلية من اصله

مفيش شغل - مفيش شغل

اللى اتخرجوا من الكلية اخدوا ايه

كبر دماغك ؟؟ كتير اوى بسمع الكلام دا

مش عارف اعمل ايه بصراحه

انا نفسى حد يدخل ويدينى امل فعلا فيه شغل

والناس دى بتضحك عليا ولا مفيش ؟؟ ولا ايه بالظبط

وكمان ياريت حد ينصحنى ويقولى اعمل ايه وانا دلوقتى فى تالته علشان اظبط نفسى فى المحاسبه

وهل التقدير عليه عامل كبيرفى حكايه الشغل دى وبيساعد ولا مش لازم

ارجوا الرد وجزاكم الله خير

اسف على الاطاله

[اسماعيل ابراهيم موسى]

الارزاق على الله ...وكم من انسان معه دبلوم وكون ثروة ...العبرة بالعمل
سافر ....خاطر ... لو معك راس مال تاجر به

[princeshetos]

بالعكس كليه التجاره احدى الكليات التى امامها مجالات كثيره للعمل اديك مثال

المهندس مثلا ما ينفعش انه يشتغل الا مهندس بس

انما انت تعالى نعد كدا انت ممكن تشتغل فى ايه

شركات - مستشفيات - بنوك - شركات بترول - شركات مقاولات - فنادق - اعمال حره و تدير حاجه ليك

ده احنا كدا بنكلم كمان بصفه عامه و داخل الشركه ممكن تشتغل محاسب - ادارى - شئون عاملين و غيره

المهم بقى فى الخطوه اللى بعد الدراسه و هى تقوى نفسك فى اللغه و لو ناوى تكمل دراسات كمل

و تذكر ان الله لا يضيع اجر من احسن عملا ... لا تياس و دايماً ما تفكرش فى حاجه الا لم تخلص الحاجه اللى

انت فيها بمعنى انك فى دراسه يبقى تجتهد فيها و انت مخطط برضه انت ناوى على ايه و مجال ايه اللى انت حابه

[مروة طه]

أخى الفاضل :- السلام عليكم ورحمة الله وبركاته
لماذا اليأس والأحباط المغلفة به كلماتك أنا دخلت علمى رياضة لكى أدخل كلية التجارة هل تصدق هذا ؟؟؟ ونجحت فى الجامعة والحمدلله وحضرت دراسات عليا .
وكنت بسمع كلام كثير عن أن الحضور لايجدى والمحاضرات كلها ممكن تحصلها بالملازم وأن المحاسبين لايوجد أكتر منهم وأحباط ليس له أول من أخر ولكن أنا أعتبر هؤلاء المحبطين أعداء نجاح لاتيأس ولاتقنط وثق بأن الله لايضيع أجر من أحسن عملا .
وأعلم أخى الفاضل أن الرزق بيد الله وحده لاشريك له .
أجتهد وأحضر محاضراتك وثابر وتعلم وكن متميز بتحصيلك وفهمك ومثابرتك ولاتستمع لأعداء النجاح والقانطين وكن دوما مع الله تجده وأعلم أخى ان هذه الحياة لايوجد فيها مكان للقانطين توكل على الله وأجتهد وتفوق وسوف تجد كل الخير أن شاء الله .
محاسب/ مروة طه

[hossam_3x]

اشترى منى بقى
ابعد عن النااااااااااااس ده تماما
بص هقولك على حاجه
اولا يا حج معاك حسام الفرقة الرابعه كلية تجارة بردك
وده شرف كبير ليا _ لان طموحى مش واقف عند محاسب مجال كليتنا الحمد لله جميل جدا ومجال العمل ممتع جدا جدا جدا

بص فكك بقى من الكلام ده وبص يا حج
اولا لازم تعرف الفرق يبن الفاشل والناجح ؟
يعنى مثلا
لو نظرتك انك هتكمل وهتكون حاجه وراسم لنفسك خطه صح
هتكون
لكن لو زى ما بيقولولك صدقنى مش هتكون مهما عملت ومهما درست
واعرف دايما ان اللى هما بيقولوا كده دول دايما بيبقوا متفوقين
بيحبطك عشان ياخد مكانك
انت حاول تركز مع نفسك
تقدير كويس
اتدرب وخد خبرة لان الدنيا هتختلف مش هقول تماما لا بصورة صغيرة
انت عاوز تبقى محاسب ولا خدمة عملاء ؟
لو عاوز تبقى محاسب نزل اى قاموس محاسبة واحفظ شوية مصطلحات وحاول تطبقها لوحدك فى شغل او خد تدريب بالانجلش

لكن بقى لو حبيت تبقى خدمة عملاء
روح حط 8000 جنيه فى كورس انجلش
وصدقنى
والله والله والله
ما هيفيدك ف حاجه كمحاسب
على نصيحة منى بقى واحد بيدرس السى ام ايه
وادعيلى بس
مش هيفرق خالص
تماما
بالعكس ده انجلش وده انجلش تانى خالص
اتدرب وخد خبرة
اعرف ان المالى والتكاليف هما تقريبا اهم اتنين
ابدأ صغير
انا مبقولش انك اول ما تتخرج هتشتغل فى مصر للطيران مدير مالى
لا هتبدأ صغير بس صدقنى
هييجى اليوم اللى هتكون فيه قريب اوى من القمة وبالاستعجال
انا شاب زيى زيك ومستعجل وعاوز كل حاجه
يبقى اأهل نفسى عشان على قد ما هدى على قد ما هاخد
انت بس دلوقت
فاكس من الرغى اللى فات ده كله
ركز فى السنة وانجح
وهات تقدير جيد على الاقل
وفى نفس الوقت امشى مع كلام صحابك اسمعه وايده واقتنع بيه
بس اوعى تعمل بيه
اخرج مع زمايلك وعييييييييييييييييش
متحاولش تبقى بروفيسور قدامهم الا للى يستاهلو منهم
وياريت تكون عارف بقى مين هما واكيد مش اللى بيحبطوك
هات تقدير
خد تدريب
توكل على الله ودور على شغل
ويا سلام بقى لو تلبس تاج السى ام ايه
ساعتها اقولك مبروووووووووك من اوسع ابوابها
متركزش معاهم والله دول ما اصدقاء
ما الدنيا كلها بتقول وبتقول وبتقول
عندك كلام الراجل اللى قبلى اهوه
كلامه صح جداااااااااا
اللى بيقولك كده ده لما تتخرج انت وتشتغل
هيكون هوا لسه مشتغلش
تعالا اسألة وقولة انت بتعرف تعمل ايه ولو طلع بيعرف يعمل حاجه
يا عم هدخل اشيل الرد بتاعى ده
هههههههههههههههههه
صباح الخير
وجمعه مباركة ان شاء الله عليك وعلينا

[محمد المنشاوى م]

ياجماعه لو حد بياخد ال cma ياريت يعطينى ايميله لان فى استفسارات كتير عاوزها فى مجال ال cma
وشكراااااااااااااا

[princess asmhan]

نصيحة مني بقى انا اصلا خلصت دراسة
على شهر 4 كدا لو انتوا جامعة القاهرة روحوا مبنى رعاية الشباب في الدور الرابع بس للاسف مش فاكره اسم الاداره ايه بالظبط تقريبا شؤون البيئة
المهم هتلقي بقى الجامعة منزله تدريب في بنوك وشركات مش تتخيلها اصلا وبجد التدريب جامد جدا بس للاسف المعلومة دي محدش كتيير يعرفهاوانا عرفتها متاخر جدا
وربنا بقى يوفقك

[hossam_3x]

بتعمل تدريبات فين ده انا اول مره اسمع عنها
وبتبقى لسنه رابعة ولا سنة كام تحديدا ؟
ومالة ناخد تدريب واهو زيادة خبرة بردك

[karoup]

يا استاذى اجتهد ولن يخذلك الله واعلم ان الامل رفيق مؤنس ولا نفع من اليأس بل ان النفع كلالنفع بالامل والابتهاج مع الثقه بان الله لن يضيعك وشكرا

[Amr Sadek]

http://www.emeriandjonahscloset.com/ejc/aj/wp-content/uploads/2009/01/jonas-brothers-big-announcement.jpg

شايف الناس دى عاملة أيه؟

ببساطة شديدة سدين ودانهم و عنيهم و بقهم

عايزك تعمل نفس اللى هم عاملينة مع أى كلام محبط

يعنى متسمعش كلام محبط - ما تشوفش أى أحباط - لا تتكلم فى مواضيع محبطة

بأذن الله هتعيش حياتك زى الفل و ربنا هو اللى علية أرزاق الناس المهم البنى أدم يسعى و فى الأخر هتلاقى نفسك أنسان منتج دنيتك 10/10

[alexandria2012]

يا عم صلي على النبي ... الارزاق على الله
ثم انا عايز افهم انهي مكان ده اللي مش محتاج محاسبين

[aicr505]

#1 forexman77 (http://dvd4arab.maktoob.com/member/2921247)
http://l.yimg.com/qn/dvd4arab_images/statusicon/user-online.png عضو http://dvd4arab.maktoob.com/images/1stars.gif


تاريخ التسجيلDec 2011المشاركات30

فن الخروج من الازمه باسرع وقت ممكن

كل المحاسبين او لايجين التجارة الجدد
فىظل الظروف الحاليه مستشعرين ازمه
فى سوق العمل
ويلجا العديد منهم لى دفع الاموال الطالئله فى دورات
غير ذات جدوى على الاطلاق فى معظها
-------------
طيب والحل
عشان تكون مميزلازم تحصل على درجه اعلى من غيرك من مئات الاف من الخرخين و ملايين العاظلين و الذين قد يفوقونك خبرة
=============
تانى حاجه توسع من سوق العمل بتاعك بانك تبتدى تدور فى الخليج و الدول الاخرى على
احتياجاتهم من مهارات المحاسبين
ودة بالتدوير فىالمواقع الالكترونيه
ومشاهدة مطلوبات الوظائف
===========
هتلاقى انو معظم المواقع دى طالبه شهادات عن الزمالات زى
cma-cia-cpa-cfa
=============
بس دى مكلفه جدا و امتحاناتها غاليه
ممممممم
عموما بالنسبه الى تكلفه الامتحان العالى
دة مالناش حيله فيها بس الموضوع يستاهل
بالنسبه الى التدريب اللى نقدر نساهم بيه
انو بدل ما الابارت من الزماله يكالف فى
اى مركز ما لا يقل عن 2500
هنقدمو لفترة محدودة كمنحه
لمحاضرة كل وم جمعه من 3-6
او يومين فى الاسبوع شالمه كل الكتب و القاموس اللازم
على يد محاضر معتمد cma-cia
لمدة 20 محاضرة على مدى خمس شهور
فقط 1000 جنيهللبارت الواحد
فى مجموعه مركزة فى مكان راقى جدا فى عباس العقاد
عددها لا يزيد عن 6 افراد
ودى المنحه الخامسه اللى بيقدمها المركز
للحجز 01113666191