طلب مساعده

[ريم الحب]

السلام عليكم ورحمه الله وبركاته

انا عندى استفسار عن تمهيدى ماجستير لو عاوزه اقدم تقديرى يكون جيد

وهل جيد فى فرقه رابعه ولا تقديرى التركمى جيد ياريت اجابه على سوالى

[SAEEDDELMASRY]

القبول في تمهيدي ماحيستير يعتمد على حاجة من الآتي :
* الجامعة اللى مقدم فيها هل هي نفس الجامعة اللى اخدت منها البكالوريوس ؟ لو نفس الجامعة وجايب ف البكالوريوس جيد يبقى ليا الألوية
* جامعة غير الجامعة اللى واخد منها البكالوريوس وفي الحالة دي عشان يبقى ليا الأولوية لازم اكون جايب ف البكالوريوس جيد جدا
* جامعة غير الجامعة اللى اخدت منها البكالوريوس وجايب ف البكالوريوس جيد بس يبقى عشان يكون ليا الأولوية لازم دبلومة دراسات عليا واجيب فيها جيد على الأقل
بس الحاجات اللى فاتت دي مبتضمنليش القبول دي بتزود فرصتي ف القبول ويبقى عندي اولوية من غيري
والعملية دي بتتم بتنسيق بالظبط زي تنسيق الثانوية العامة
يعني مثلا
لو هما عايزين مثلا 50 طالب تمهيدي ، والمتقدمين 45 طالب بياخدوهم كلهم من غير مينسقو ولا حاجة
لكن لو المتقدمين 100 والكلية عايزة 50 بس بيتم التنسيق بين ال 100 طالب حسب الأولوية ويختارو منهم 50 بس
مثلا لو ال 100 طالب دول من نفس الجامعة و 20 طالب جايب امتياز ف البكالوريوس و 40 جايبين جيد جدا و 40 جيد من نفس الكلية برضو يبقى كده 60 طالب ، هما عايزين 50 بس ، هياخدو بتوع امتياز كلهم وهيختارو 30 طالب من اللى جايبين جيد جدا حسب درجاتهم في المحاسبة في مرحلة البكالوريوس ، اما لو 20 امتياز و 20 جيد جدا و 60 جيد ، هياخدو بتوع امتياز وجيد جدا و 10 من اللى جايبين جيد حسب درجات المحاسبة في مرحلة البكالوريوس
بالمعني الأصح ، ده تنسيق وكل واحد وحظة ، يعني ممكن اقدم ف سنة واترفض واقدم ف سنة تانية واتقبل ؟ آه ممكن ده يحصل حسب الناس اللى مقدمين معايا
اي استفسار عن الدراسات العليا انا تحت أمركو
انا saeedelmasry2002 ع الياهووووووووو