كيف تصبح رجل اعمال ebc*l

[spicy lolla]

كلنا طبعا نفسنا نكون رجال اعمال وسيدات مجتمع ناجحين بس عشان نوصل للنجاح ده لازم نمشي في الطريق السليم وهو اننا ندعم نفسنا بالمعلومات اللازمة ونزود خبرتنا وناخد شهادات قوية
شهادات ايووووووه هي دي بداية الطريق اننا ناخد شهادات قوية ومفيدة ومناهجها معتمدة من اكبر الاماكن دوليا
وانا انهارده جايبالكو شهادة قوية جدا في المحاسبة وادارة الاعمال اسمها :
الرخصة الأوروبية لكفاءة الاعمال EBC*L
European Business Competence* Licence
ودي شهادة دولية معتمدة من الاتحاد الاوروبي مناهجها قوية جدا وتم اختيارها على اساس احتياج السوق ومتطلبات العمل واللي شارك في وضعها شركات كبيرة من دول اوروبية لمعرفة ايه هي متطلبات سوق العمل الضرورية وعلي الاساس ده مناهجها كانت مختصرة وملمة بجميع متطلبات سوق العمل

الرخصة دي عبارة عن 3 مستويات كل مستوى هينقلك لمستوى اعلى منه وهتدرس مواد كتيره ومهمه عشان تقدر تلم بجميع المجالات المطلوبة في سوق العمل يعني علي سبيل المثال هندرس في المستوى الاول : محاسبة وتكاليف ونسب مالية
المستوى الثاني: تسويق ومبيعات وتحليل ربحية
المستوى الثالث: ادارة اعمال ورقابة مالية وادارة موارد بشرية

ومواد تانيه اكتر يعني هتبقي عندك خلفية كبيرة عن كل المجالات دي وتاخد شهادتك وتبدأ تختار بقي مكانك بين الشركات الكبيرة والشركات كمان هي اللي هتطلبك وده بجد لان في شركات كبيرة زي سامسونج وسيمنز وفولكس ويونيكا عملت الشهاده دي برنامج اساسي لتطوير اداء العاملين بشركتهم يعني شرط اساسي عشان تتوظف فيهم لازم تحصل علي الشهاده دي

كده مش ناقصك حاجه متهيألي دلوقتي لازم تحجز وتتأهل عشان تبقي رجل / سيدة اعمال
ده لينك التسجيل كله يقدر يسجل بياناته عليه:

http://tiny.cc/26s7p

[سعدون عبدون]

:sm82:انا عاوز استفسر عن حاجه انا لسه مشترك جديد فى المنتدى عاوز اعرف ايهما افضل فى تخصصات المحاسبه محاسب قانونى ولا محاسب تكاليف وايه هيه الدورات الازمه لكى اصبح مؤهل للعمل فى اى شركه وشكرا

[hazemking]

أولاً لازم تعرف الفرق بين الإثنين
محاسب التكاليف : وظيفته تحديد تكلفة المنتج النهائية وفيه نوعان من محاسبة التكاليف ( تكاليف الأوامر ) مثل محاسبة المقاولات بتحسب تكلفة المشروع او اي نشاط يتم فيه عمل المنتج وفق حاجة العميل و ( تكاليف المراحل) زي المصنع مصنع أسمنت - ألبان - مياه غازية وهي متنجات يتم انتاجها بناءً على موازنات وتخطيط بغض النظر عن حاجة العميل وعلشان تتخصص في المجال ده حاول تذاكر من كتب كلية تجارة عن محاسبة التكاليف عموماً وبعدين عن تكاليف الأوامر الإنتاجية و محاسبة تكاليف المراحل الإنتاجية وحاول تحل تمارين تكون قريبة من الواقع العملي وحاول تعرف محاسب تكاليف و يقولك عن النظام المحاسبي في شركته وعن الدورة المستندية والدفاتر الي بيستخدمها

المحاسب القانوني : وظيفته مراجعة حسابات الشركات ثم تقديم الحسابات الختامية للضرائب بعد مراجعتها وطبعا بيكون عارف كل أقسام المحاسبة بس علشان تشتغل محاسب قانوني لازم تتمرن لمدة ثلاث سنوات في مكتب محاسب قانوني ويكون المكتب مأمن عليك وبعد كدة تدخل إمتحان جمعية المحاسبين والمراجعين وبعد ماتنجح إن شاء الله تقدر تمارس مهنة المحاسب القانوني وتكون معتمد بس مش عارف اذا كان في تغيير في النظام دلوقتي ولا لاء

[عماد سالمين]

مش لازم عضويه الجمعيه عشان تبقى محاسب قانونى
بس عشان تبقى محاسب قانونى مراجه للشركات المساهمه لازم حاجه من اتنين
1 - بعد ما تتمرن 3 سنين تشتغل شركات فرديه لمده 5 سنين ثم تاخذ مراقب حسابات شركات مساهمخه
2 - تقدر تاخد مراقب الشركات المساهمه بعد 3 سنين من تدريبك فمكنتب محاسبه بشرط ان المكتب ده يكون عضو فالجمعيه ويعمللك عقد فالجمعيه وتدخل امتحاناين واحد متوسط وامتحان نهائى لو نجحت ان شاء الله سعتها بتبقى مراقب حسابات شركات مساهمه عاديه ومقيده فالبورصه