استفسار هااااااااام لو سمحتوا

[ahmadtaha173]

السلام عليكم ورحمة الله وبركاته
انا اسمي احمد خريج 2010 من تجارة عين شمس شعبة محاسبة عربي بتقدير جيد
وعاوز استفسر عن شيء
دلوقتي انا قدمت في ماجستير المحاسبة المالية عندي في الكلية وبديت فيه بس لسة متردد هل هو هينفعني ولا لا

فياريت لو تنصحوني بيه وحد يفهمني ان كان كويس ولا لا
وجزاكم الله خير جزاء

[akrm-nagy]

انت لازم تحدد طريقك ؟؟

عاوز تكمل مهني ولا أكاديمي ؟؟؟

[ahmadtaha173]

انا على الي سمعته ان الدراسة الاكاديمية دي هي الي تاهلني للعمل المهني وبشكل جيد كمان
يعني تحققلي فرص عمل جيدة فهل الكلام ده صحيح ولا لا

[خريجه جديده 2010]

السلام عليكم ورحمه الله
اولا الدراسه الاكاديميه بتاخد وقت طويل يعني كذا سنه بس انت في الكم سنه دول ممكن تاخد شهادات مهنيه وتقدر تشتغل بها في اما كن كويسه
ثانيا انا عرفت من ناس كتير ان اللي بيبدا في الدراسه الاكاديميه ده بيكون بدا السلم من العكس يعني هو المفروض الاول ياخد شهادات مهنيه وبعدين اذا كان عنده وقت ياخد شهادات اكاديميه
بس لو انت هتستفيد من الدراسات الاكاديميه دي يعني لو هتقدر تتعين معيد في الكليه وانت حابب انك تدرس في الكليه خلاص كمل في الما جيستير
يعني المفروض انك تفكر كويس وتحدد انت عاوز تبقي ايه

[akrm-nagy]

بص ..

في شهادات أكاديمية .. ومش معني إنها أكاديمة إنها لا تدعمك مهنياً .. ولكن الدعم الأكبر للمجال الأكاديمي

ودي طبعاً زي الماجستير والدكتوراة .. وقدامك في المجال دا مالا يقل عن 8 أو 10 سنوات

وفي شهدات مهنية .. ومش معني إنها مهنية إنها لا تدعمك أكاديماً ولكن الدعم الأكبر للمجال المهني

ودي طبعاً زي الـ c m a .. وخلافة من الكرورسات والدورات المؤهلة

وفي بقي شهادات مهنية وأكاديمية في نفس الوقت .. يعني بتخدم المجالين علي حد سواء ودي زي الدبلومات

عموما علشان أعطيك خلاصة الأمر

إذا كان لك مصدر دخل ثابت تقدر تصرف منة لمدة 5 سنوات عبال ما تاخد الماجستير

وإذا كان عندك صبر تقعد 5 سنوات تزاكر وتحضر وتقرأ مراجع

فأنصحك بأن تعمل ماجستير وتكمل أكاديمي

أما إذا كانت ظروفك مبهمة ومش هتصبر .. يبقي أنصحك تاخد حاجة مهنية وتبحث عن عمل