انا مسافر يا جماعه حد يفيدنى

[ايمن عبد الرحمن]

السلام عليكم ورحمة الله وبركاته
ياجماعه انا فعلا بحسد الناس القائمين على رعاية هذا المنتدى لانهم شايفين شغلهم صح
ومعلش متاخذونيش لانه لاحسد الا فى اثنتين فعن عبد الله بن مسعود رضي الله عنه قال: قال رسول الله صلى الله عليه وسلم : "لا حسد إلا في اثنتين: رجل آتاه الله مالاً، فسلطه على هلكته في الحق. ورجل آتاه الله الحكمة، فهو يقضي بها، ويعلمها" متفق عليه.
المهم يا جماعه انا جت لى فرصة سفر للعمل بالسعوديه فى الدمام باحد شركات مجموعة الفوزان والمهيدب فى وظيفة محاسب مالى والعرض كالتالى
1 - اول 3 شهور تحت الاختبار
2 - المرتب الاساسى 2500 ريال شهريا
3 - يتم صرف بدل سكن 750 ريال شهريا
4 - يتم صرف بدل انتقالات 500 ريال شهريا
5 - يمكن الانتقال لاحد الفروع الاخرى بالمملكه بعد الثلاث الشهور الاولى
6 - يوجد تأمين صحى
7 - العقد سنوى يجدد كل سنه وطبعا شهر اجازه وتذكره ذهاب وعوده
8 - الفيزا بصراحه لسه معرفتش
ايه رايكم بقى فى الكلام ده معقول ولا مش معقول
انا شايف انه مناسب ليا كمحاسب مبتدئ بس خايف من موضوع البدلات
ياريت تفيدونى افادكم الله

[Mr.Salem]

الاخ العزيز
ربنا يكرمك ويكرمنا جميعاً والعقد طالما من مؤسسة يبقى اطمن واستبشر خيراً ان شاء الله
بس شد حيلك كدة وحاول تعرف طبيعة العمل والشغل عشان تبقى مطمن اكتر
وشوف البرامج اللي شغالة الشركة بيها وحاول بقدر الامكان تنمي مهاراتك عشان وقت الفراغ اللي انت مستني السفر دة حتيجي تحتاجه مش هتلاقيه بعد كدة
ربنا يوفق الجميع

[توفيق السيد]

" افلح ان صدق"
والله يا اخى انا شايف ان عرض كويس
وكل الكلام اللى مذكور فى العرض كلام كويس
استخير ربنا سبحانه وتعالى
ونصيحتى الشخصيه لك
بادر بالاستعداد للسفر فقد تبقى على الحج ايام قليه
فتبدأ مشوارك العملى باداء الفريضه وحج بيت الله الحرام
وتدعوا الله ان يجعل رزقك حلال مبارك فيه
ولا تنسانا من دعاءك

[اسماعيل ابراهيم موسى]

الاخ / ايمن المحترم

(واذا عزمت فتوكل على الله )

لكن من تعاملي هنا 12 سنة بالمملكة اليك بعض الملاحظات:

كل اتفاق شفوي لا يعتمد عليه العبرة بالعقد المكتوب وهذا سيكون بعد سفرك وبعد فترة التجربة... يعني ستكون مرغم على العقد الجديد الذي سيكتبوه ولا مفر سيكون امر واقع والا سترجع مصر ( طبعا سيعيدوا تقويمك بناء على فترة التجربة وسيقولوا ان امكاناتك تساوي كذا) ....انتبه
فكن مستعد لاي مفاجآت غير متوقعة...ربنا يوفقك

[هشام حلمي شلبي]

أظن ان الاخوة اللي ردوا عليك كلامهم كله فيه الحق
ولكن احب ان ازيد أن شركات مجموعة الفوزان والمهيدب اللي انت رايح لها شركة محترمة ولي معرفة ببعض الاشخاص العاملين بالادارة الماليه لشركة المهيدب والجميع ليس لهم اي مشاكل بها
المهم
مثلما قال الاخ توفيق حاول تستغل هذه الايام المباركة وتؤدي فريضة الحج وان لم يكن فالعام القادم قريب
وكما قال الاخ اسماعيل اجعل اي اتفاق بينك وبين اي شخص مكتوب لان الكلام البقيقي ليس له اي قيمة هناك
وكما قال الاخ مستر سالم لابد ان تنمي قدرات سؤاء قبل السفر أو بعد السفر ونصيحتي اجعل عملك تسليتك ومرحك
والله يوفقك

[هشام حلمي شلبي]

نسيت اقولك
خذ دورة مكثفة في الاكسيل ويا ريت الاكسس كمان اذا قدرت أو كثف معرفتك بالاكسيل
وخذ دورات في اللغة قد ما تقدر

وقبل كدا روح احضر دورات جمعية المحاسبين والمراجعين اللي شغاله دلوقتي في كلية التجارة انجليش جامعة القاهرة من الساعة 5

[ايمن عبد الرحمن]

الاخ العزيز
ربنا يكرمك ويكرمنا جميعاً والعقد طالما من مؤسسة يبقى اطمن واستبشر خيراً ان شاء الله
بس شد حيلك كدة وحاول تعرف طبيعة العمل والشغل عشان تبقى مطمن اكتر
وشوف البرامج اللي شغالة الشركة بيها وحاول بقدر الامكان تنمي مهاراتك عشان وقت الفراغ اللي انت مستني السفر دة حتيجي تحتاجه مش هتلاقيه بعد كدة
ربنا يوفق الجميع

" افلح ان صدق"
والله يا اخى انا شايف ان عرض كويس
وكل الكلام اللى مذكور فى العرض كلام كويس
استخير ربنا سبحانه وتعالى
ونصيحتى الشخصيه لك
بادر بالاستعداد للسفر فقد تبقى على الحج ايام قليه
فتبدأ مشوارك العملى باداء الفريضه وحج بيت الله الحرام
وتدعوا الله ان يجعل رزقك حلال مبارك فيه
ولا تنسانا من دعاءك

الاخ / ايمن المحترم

(واذا عزمت فتوكل على الله )

لكن من تعاملي هنا 12 سنة بالمملكة اليك بعض الملاحظات:

كل اتفاق شفوي لا يعتمد عليه العبرة بالعقد المكتوب وهذا سيكون بعد سفرك وبعد فترة التجربة... يعني ستكون مرغم على العقد الجديد الذي سيكتبوه ولا مفر سيكون امر واقع والا سترجع مصر ( طبعا سيعيدوا تقويمك بناء على فترة التجربة وسيقولوا ان امكاناتك تساوي كذا) ....انتبه
فكن مستعد لاي مفاجآت غير متوقعة...ربنا يوفقك

أظن ان الاخوة اللي ردوا عليك كلامهم كله فيه الحق
ولكن احب ان ازيد أن شركات مجموعة الفوزان والمهيدب اللي انت رايح لها شركة محترمة ولي معرفة ببعض الاشخاص العاملين بالادارة الماليه لشركة المهيدب والجميع ليس لهم اي مشاكل بها
المهم
مثلما قال الاخ توفيق حاول تستغل هذه الايام المباركة وتؤدي فريضة الحج وان لم يكن فالعام القادم قريب
وكما قال الاخ اسماعيل اجعل اي اتفاق بينك وبين اي شخص مكتوب لان الكلام البقيقي ليس له اي قيمة هناك
وكما قال الاخ مستر سالم لابد ان تنمي قدرات سؤاء قبل السفر أو بعد السفر ونصيحتي اجعل عملك تسليتك ومرحك
والله يوفقك

نسيت اقولك
خذ دورة مكثفة في الاكسيل ويا ريت الاكسس كمان اذا قدرت أو كثف معرفتك بالاكسيل
وخذ دورات في اللغة قد ما تقدر

وقبل كدا روح احضر دورات جمعية المحاسبين والمراجعين اللي شغاله دلوقتي في كلية التجارة انجليش جامعة القاهرة من الساعة 5

الأخوه المحترمين اساتذتى
( mr. salem - توفيق السيد - اسماعيل ابراهيم موسى - هشام حلمى شلبى )
جزاكم الله خيرا على نصائحكم الغاليه التى اعتز بها واحترمها جدا
واليكم الجديد فى الموضوع
1 - تم ارسال عرض عمل مكتوب ومختوم من الشركه وموقع من المدير الادارى بالشركه ينص على ماسبق فى اول مشاركه .
2 - طلب منى التوقيع على العرض بالقبول وقد تم التوقيع .
3 - ستتكلف مصروفات مكتب التوظيف حوالى مبلغ 5000 جنيه مصرى يدفع منها الف مقدما والباقى بعد استلام التأشيره
4 - سيتم توقيع العقد هنا فى مصر
وتعليقا على النصيحه بخصوص اللغه والاكسيل كله بأذن الله تماااااااااااااااااام
بس ياريت لو حد يفيدنى ويقولى معلومات كافيه عن برنامج ERP

وجزاكم الله خيرا ورزقنا واياكم العلم النافع
http://www.alhsa.com/forum/imgcache2/81798.gif

[haithamfady]

ربنا يوفقك
هو عرض كويس بالنسبه لكونك مبتدئ

[nf24eg]

انا شغال في الكويت من 2003 و كنت احب اني افيدك اكتر بس كل اللي اقدر انصحك بيه و بالفعل لقيت الاخوة الافاضل اكدوا برضو عليه ان لا تأخذ بالكلام الشفوي ، العقد هو الاساس وبالطبع اذا كان الراتب مقطوع بمعنى اضافة البدلات تحت بند "راتب مقطوع بقيمة 3750 " لان الاجازات والمخصصات ونهاية الخدمة تحسب على الراتب الاساسي فقط
و بالتوفيق انشاء الله ، اما اذا كان هذا هو كل ما تستطيع الحصول عليه او لا يوجد امامك فرصة لمناقشة الموضوع فأستفد منه على قدر المستطاع و نمي خبراتك
ربنا يوفقك والاكسل و البرامج مش بتيجي بالدراسة وكتر الكورسات هي بتيجي بالاستخدام والممارسة

[cheetos1052]

السلام عليكم ورحمه الله وبركاته
اخى الفاضل ان شاء الله اخوك فى السعوديةمحاسب والحمد لله خبرة جيدة جدا فى السفر انا هقولك على كل حاجه اقدر افيدك بيها وان شاء الله تعالى هتروح تلاقى الكلام ده هناك وانا اضمنلك اى كلمة انا بقولها بص يا سيدى طبعا هرجع اكد عليك كلام اخوتنا الفاضلين بتاع توثق كل كلمة فى العقد ده لازم جدا لانهم عندهم كلمة مشهور اوى طالما انا مش كاتب يبقى خلاص
1- بالنسبة لاتعاب المكتب 5000 كتييييييير جدا مفيشحد بيسافر بده انا مسافر ب 1000 لان المكتب بيتكلف 500 و 500 اتعاب وعلى فكره كمان الشركة اللى دفعتلى ال 1000 ف 5000 كتير جداااااااا
2- الراتب الاساسى 2500 ومسافر ب 5000 لا كتير طبعا لان هناك الدنيا مش رخصية اوى ده وعلى فكره هتروحهناك هتلاقى العمال بياخدو 1500 و 2000 فاوعى تفاجئ وتقول انا ظلمت نفسى طانلازم تقرص عليهم لان 2500 مش زى مانت متخيل لان هناك والله السواق هناك بياخد 2000
3- 750 بدل سكن قليل برضو وهتحط منه من معاك لان اقل حاجه هناك 1000 فاوعى تفتكر ان ده مبلغ جامد وخد بالك فى السكن من موبايلك وفلوسك اوى وخد بالك لو سكنت مع حد ومتتصاحبش عليه وخد بالك اوى من الناس هناك
4-500 بدل مواصلات خد بالك برضو هتحط من معاك حوالى 100 ريال او 150 لن هناك اقل ليموزين يعنى تاكسى 10 او 15 ريال فاحسبها هتروح كل يوم وترجع كاممره وشوف البفرق هتلاقيه اللى بقوللك عليه ده .
5 - اهم حاجه موضوع الفيزا ده مهم جدا فى ايه لو كنت انت هتتجوز او عاوز تتجوز وتقعد هناك شوية الفيزا هتفرق معاك اوى لانلو معاك فيزا محاسب هتقدر تجيب مراتك حاجه اسمها استقدام يعنى زيها زيك ومعاها اقامةوتامين طبى لان المستشفيات هناك غاليه اوى والادوية مش زى هنا اما لو حاجه عادية بالنسبة ليك انك مسافر لوحدك وهتقعد فتره لوحدك فاى فيزا مش هتفرق ولو ان انك متضمتنش الظروف هناك ممكن تعقبجك وتحت تتجوز ومتعرفش بسبب الفيزا وتفضل تجيبها زيارات واحيانا الزيارات تترفض ويبقى حوار وربنا يعينك واى سوال انا معاك عن اى حاجه .
6- نسيت اقولك البرنامج مشهور اوى هناك اسمه سماك ده تحاول تتعلم عليه من هنا وهوة مش معروف عندنا اوى

[malik_1977]

اخى بالنسبه لبرامج erp برامج سهله فى التعامل معها انت كمحاسب وماهو عليك الا ادخال البيانات بها بصوره صحيحة فهى تعتمد على نظام المديولات بمعنى انك لو كنت خزنه او محاسب عهد او موردين او عملاء تستخدم مديول البنوك لتسجيل الحركات الماليه وكل موديول لك فيه صلاحيات وبالنسبه للمشتريات مديول اخر فيه فواتير الشرا ومرتبط مع مديول المخازن الذى به الحركات المخزنيه المعتمده عليها الفاتوره فمثلا فاتوره الشراء تعتمد على امر شراء وحركة اضافه فى المخزن وكذلك مديول المبيعات وهناك ربط بالبرنامج مابين مديول البنوك والمشتريات والمبيعات والاعتمادات لكن كله بالنسبه لك بسيط لانك بتسجل بيانات فى مديول عملك لكن الصعوبه اذا عملت رئيس حسابات لان الصعوبه انه كل حركات المديولات لازم يتعمل بها قيود عن طريق مديول التكامل وفيه تفاصيل كثيره ثم بعد التكامل فيه مديول gl وهو برنامج الحسابات العامه الىى فيه قيود التكامل والبنعمل منه الحسابات الختاميه والميزانيه فى النهايه متخفشى برامج سهله لادخال البيانات وكل الى عليك تسجيل الحركات كنك فى يوميه امريكيه والبرنامج ينشى القيد يعنى مفيش منحساب الى حساب غير فى الجى ال وده خاص بمدير الحسابات يعنى البرامج مش محتاجة محاسب بتحتاج متمارس فاهمنى واتمنالك الخير

[mohamed sobhey]

السلام عليكم ورحمة الله وبركاته
أ/أيمن انا جالى تقريبا نفس العرض اللى حضرتك بتتكلم عليه بمجموعة الفوزان فى الدمام فانا كنت عاوز اعرف حضرتك روحت ولا لا وايه هى ظروف الشركة هناك ولو فى طريقة للاتصال مع حضرتك يبقى افضل