خطوات وإجراءات تسجيل محاسب تحت التمرين بمكتب محاسبة [الأرشيف]

مشاهدة النسخة كاملة : خطوات وإجراءات تسجيل محاسب تحت التمرين بمكتب محاسبة

m-rgb

10-12-2010, 02:06 PM

السلام عليكم ورحمه الله وبركاته

الاسم : محمد رجب مؤمن
المهنه : محاسبه قانونى تحت التمرين
سنه التخرج : 2007
المؤهل الدراسى : بكالوريس تجارة جامعه القاهرة

اولا احب ان ارحب بالاخوة والاخوات حديثى التخرج وادعوا الله ان ينفع عملى الذى سوف اقدمه لهم
فى مجال التسجيل كمحاسب تحت التمرين وان يجعله الله لى فى ميزان حسناتى

تخرجت من الجامعه سنه 2007 وقمت بالعمل فى احدى مكاتب المحاسبه كمحاسب تحت التمرين سنه 2008 وسأبداء معكم خطوات التسجيل كمحاسب تحت التمرين كما قابلتني لان بجد انا ندمت :sm143: على الوقت اللى عدى من غير مسجل بسبب انى مش فاهم الخطوات او مستصعب الاجراءات :sm131: لكن لاتقلق فهى ابسط مما تتصور :sm255:

على بركه الله نبدأ

الخطوة الاولى : التأمين عند المحاسب المراد التمرين عنده

ممكن تعمل حركه جرئيه وتجيب نموذج (1) تامين وتملاه وتخليه ناقص على توقيع وختم المحاسب ورقم المنشأة اللى هى المكتب وفاجاء المحاسب القانونى بيها :sm101:
ودى صوره من نموذج (1) تأمينات وازاى تملاه

الوجه الاول
http://www.a7lashare.com/uploads/images/A7lashare-7e9073caa4.jpg

الوجه الثانى
http://www.a7lashare.com/uploads/images/A7lashare-0522e684b6.jpg

الخطوة الثانيه : عمل صحيفه الحاله الجنائية ( الفيش والتشبيه )
مع العلم بأن مده سريان هذا الصحيفه 3 أشهر من تاريخ اصدارها وتكتب فيها انها موجهه الى
( سجل المحاسبين والمراجعين بوزارة الماليه )
وطبعاً كلنا عارفين شكلها مش محتاجه صور اللى هى فيش سريع او فيش بطئ او فيش كمبيوتر ونصيحه من واحد مجرب خد معاك مناديل ورق وجاز علشان كلهم بيبهدلوا اديكم بالحبر علشان ياخدوا البصمات

الخطوة الثالثه : برنت تأمينات
وهو عبارة عن ورقه تصدرها مكاتب التأمينات موضح بها بيانات التأمين عليك
واسم النشأة المؤمن عليك فيها
وتاريخ التأمين
واذا كنت قد سددت المستحق عليك او لم تسدد او لديك رصيد دائن

ودى صوره من برنت التأمينات

http://www.a7lashare.com/uploads/images/A7lashare-7d566cf10e.jpg

الخطوة الرابعه : شهادة من المحاسب معتمده من النقابه اللى هى فى العباسية

وفى صيغه معينه هتكتبها فى الشهادة دى وتخلى المحاسب يمضى عليها ويختم بالختم اللى عليه اسمه ورقم التسجيل بتاعه اللى هو فى سجل المحاسبين والراجعين

ودى صوره من الشهادة وانا هرفق الصيغه بطريقه الورد wrd علشان تدخل عليها بياناتك انت

http://www.a7lashare.com/uploads/images/A7lashare-375cb70edb.jpg

الخطوة الخامسه : حواله بريديه
حواله بريديه بمبلغ 140 قرش اوعى حد يعمل الحواله بـ 140 جنيه انا بقول قرش وقرش كبيييير كمان اهو ( 140 قـــــــــــــرش ) اللى يضحك ثمن الحواله 0.50 قرش وعلشان ترسلها 4.00 جنيه يعنى الاجمالى 6.00 جنيه وانت بتعمل الحواله اشترى 2 طابع بوسطه عاديه فئه 1 جنيه علشان هتحتاج لهم وهقولك فى ايه يبقى المطلوب حواله بريديه 140 قرش بأسم ( مدير عام سجل المحاسبين والمراجعين ) وهتاخد ايصالات الحواله واحد احمر وده هيخدوه فى السجل والتانى اخضر وصورته كالاتى

http://www.a7lashare.com/uploads/images/A7lashare-d94e699ebb.jpg

الخطوة السادسه : إقرار التفرغ
وده اقرار انت بتكتبه على نفسك بأنك لا تمارس اى مهنه او وظيفه الا المحاسبه
وصيغته فى المرفقات وده هتلاقيه جاهز فى سجل المحاسبين بس زياده تأكيد حضره معاك وانت رايح وعلى فكره ده هتلزق عليه واحد دمغه من فئه 1 جنيه اللى انا قولت عليها والدمغه التانيه على شهادة المحاسب اللى فى الخطوة الرابعه

ودي صورة اقرار التفرغ

http://www.a7lashare.com/uploads/images/A7lashare-8cbaedbb20.jpg

والباقى حاجات عادية وهقولك عليها دلوقتى

طلب القيد تحت التمرين

1- أصل شهادة التخرج
2- أصل شهادة الميلاد
3- أصل شهادة التجنيد ( للذكور فقط طبعاً هو فى بنات عندها الشهادة دى ) :sm20:
4- صحيفه الحاله الجنائيه بأسم ( سجل المحاسبين والمراجعين بوزارة الماليه )
5- شهادة من المحاسب معتمده من النقابه + دمغه من النقابه 20 جنيه + دمغه بوسطه عاديه 1 جنيه
6- استمارة 1 تأمينات اصل او صوره مختومه بختم واضح من التأمينات ودى ممكن نستغنى عنها بالبرنت
فى الخطوة الثالثه بالشرح اعلاه
7 - حواله بريديه بمبلغ 140 قرش بأسم ( مدير عام سجل المحاسبين والمراجعين )
8- اقرار التفرغ + دمغه بوسطه عاديه 1 جنيه
9- صوره البطاقه
10- طلب قيد من الادارة العامه للمحاسبين والمراجعين وده هتلاقيه مجاناً هناك وانت بتقدم الاوراق

فى حاجه مهمه هى انك لازم تكون مسدد اشتراك النقابه انت والمحاسب بتاعك علشان ورقك يمشى بسرعه وهما هيطلبوا منك صورة من ايصال سداد اشتراك النقابه الخاص بك وممكن لو معاك الكارنيه يحل محل الايصال ودول صور الكارنيه اللى انا اقصده وصور الايصال اللى انت هتسدد وتاخده

صوره الايصال

http://www.a7lashare.com/uploads/images/A7lashare-5bafcb2560.jpg

صوره الكارنيه

http://www.a7lashare.com/uploads/images/A7lashare-3714e682ce.jpg

وبكده اكون خلصت وادعوا الله ان تكونوا استفدتم
اسألكم الدعاء

لا تنسوا المرفقات

للأمانه الموضوع حصرى لمنتدى المحاسبين المصريين

والسلام عليكم ورحمه الله

eskandrany

10-12-2010, 02:49 PM

http://a7lashare.com//uploads/images/A7lashare-bdc7ebe31b.gif

http://a7lashare.com//uploads/images/A7lashare-7135b82d52.gif

1accountant

10-12-2010, 03:56 PM

شكرا جدا بجد مشاركة مميزة

تحياتي لك وتحيات منتدي المحاسبين المصريين

حسام هداية

10-12-2010, 04:31 PM

http://a7lashare.com//uploads/images/A7lashare-aa3d098200.gif

و

http://a7lashare.com//uploads/images/A7lashare-650f0eabec.gif

m-rgb

10-13-2010, 01:07 PM

ان شاء الله كل المستجدين يستفيدوا من هذا الموضوع
وحظ موفق للجميع ان شاء الله

مده عمل لجنه البت فى الاوراق شهر من تاريخ التقديم

والخطاب المرسل اليك بعد 15 يوم من البت يعنى استنى شهر و15 يوم علشان تعرف
انك اتسجلت فى سجل المحاسبين والمراجعين

ولو فى اى استفسار انا هسيب رقم تليفونى خدمه لوجه الله عز وجل
0110101205

والسلام عليكم ورحمه الله وبركاته

m.th

10-14-2010, 01:46 PM

مشكوووووووووووووووور
جزالك الله خير

loveing_2010

10-15-2010, 01:36 AM

كل دددددددددددددددددددددددده......................... ....................؟؟؟؟؟؟؟؟؟؟؟؟؟؟؟؟؟؟؟؟؟
دنا هسيب المحاسبه خلاص بسبب القصه دى
جزاك الله كل خير

m-rgb

10-15-2010, 02:39 PM

كل دددددددددددددددددددددددده......................... ....................؟؟؟؟؟؟؟؟؟؟؟؟؟؟؟؟؟؟؟؟؟
دنا هسيب المحاسبه خلاص بسبب القصه دى
جزاك الله كل خير

اللى انت بتقول عليه كل ده اصعب حاجه فيهم هى عمليه التأمين اللى هى مش بتاخد
غير بالظبط نص ساعه تسجيل فى مكتب التأمين الباقى حاجه عاديه جداً

انت شكلك بصيت على شكل الموضوع ومقرأتش منه حاجه

ربنا يديك الصحه

بالتوفيق للجميع

m-rgb

10-23-2010, 07:20 PM

اخر خطوة من خطوات التسجيل

سيتم ارسال نموذج 3 محاسبون ومراجعون على العنوان

الذى تم ذكره فى وقت التسجيل اللى هو مكتب المحاسب

ودى صورة من النموذج

http://www.a7lashare.com/uploads/images/A7lashare-d20b0023c7.jpg

بعد ارسال النموذج انت كده محاسب رسمى يمكنك الحضور والتأجيل بلجان الطعن وعمل لجان داخلية وفتح ملفات جديدة وغيرها من الصلاحيات

تأخذ صورة من النموذج وتذهب الى نقابه التجاريين بالعباسية لتسجل نفسك
من محاسب غير عامل الى محاسب تحت التمرين وتستلم الكرينه بعد 15 يوم والله اعلم

بالتوفيق للجميع

والسلام عليكم ورحمه الله وبركاته

tarekt2

11-03-2010, 12:06 AM

السلام عليكم ورحمة الله وبركاته
فى الاول انا بشكرك بشد على الموضوع الاكتر من رائع , بس انا محتار بجد خايف اضيع 3 سنين من عمرى على الفاضى !!! (قصدى يعنى ايه فايدة التسجيل لو انت مش فى امكانياتك تفتح مكتب)
ارجو الافادة باهمية التسجيل ومدى الاستفاده منه , وشكراا

مينا فارس فؤاد

11-18-2010, 09:03 PM

شكرا لانك تفكر فى غيرك

sedke

11-18-2010, 09:32 PM

merceeeeeeeeeeee

kero101

12-19-2010, 09:42 PM

انت بجد واد برنس وجنتل
وعلى فكرة انا محاسب
بس انت عملت بـ : خيركم من تعلم العلم وعلمه

جوووواد

12-26-2010, 01:53 PM

مون مون

12-27-2010, 02:00 AM

acc memg

01-04-2011, 07:30 PM

hassan lotfy

01-08-2011, 03:25 PM

الى بيعمل كدة بغض النظر عن انو هيفتج مكتب ام لا المهم هو مدى حبك فى هذة المهنة ورغبتك فى الاستمرار.
واحب اضيف رقم
التأمينات الاجتماعية ممكن لاى حد يستفسر عن تأميناتة بسهولة
بأسمة
تاريخ ميلادة
واسم الام
وهو 16217 من اى تليفون ارضى وبسعر مجلى ولكن دا للقاهرة الكبرى فقط

wealkhalil

01-08-2011, 04:42 PM

كلام جميل مقدرش اقول حاجه عنه

m-rgb

01-15-2011, 12:11 AM

انت بجد واد برنس وجنتل
وعلى فكرة انا محاسب
بس انت عملت بـ : خيركم من تعلم العلم وعلمه

بارك الله فيك

قال رسول الله صلى الله عليه و سلم ( خيركم من تعلم القرأن و علمه ) صدق رسول الله صلى الله عليه و سلم

m-rgb

01-15-2011, 12:27 AM

و الله احب اسال سؤال بالنسبة للقيد كمحاسب
لى اخ اصغر منى و هو فى معهد فنى تجارى و خلص تعليمة فوق متوسط فنى تجارى
شعبة حاسب الى السؤال هل يجوز له ان يقيد بنقابة التجاريين كمحاسب و لا ايه وضعة بالظبط يا ريت حد يجاوبنى ؟

شكرا على تواجدك
بس انا مقدرش افيدك الا فى الكلام ده :

المؤهلات المطلوبة للقيد بجداول المحاسبين والمراجعين

أولا : المؤهلات المطلوبة طبقا للقانون 133 لسنة 1951

• بكالوريوس تجارة - شعبة محاسبه
• بكالوريوس تجار ة - شعبة ادارة اعمال + دبلوم محاسبه او مراجعه او ضرائب

ثانيــــا : مؤهلات تم معادلتها

• بكالوريوس المعهد العالى للدراسات التعاونية والادارية + دبلوم محاسبه او مراجعة او ضرائب
• بكالوريوس تجاره ( التعليم المفتوح ) - شعبة محاسبه
• بكالوريوس تجارة ( التعليم المفتوح ) - شعبة مال واعمال + دبلوم محاسبه او مراجعة او ضرائب

ثالثـــا : بالمؤهلات التي تمت معادلتها من المجلس الاعلى للجامعات

• بكالوريوس المعهد العالى لعلوم الكمبيوتر وتكنولوجيا الادارة بالمعادى - شعبة محاسبة
• بكالوريوس المعهد العالى للدراسات المتطورة بالهرم - شعبة محاسبه
• بكالوريوس المعهد العالى للتكنولوجيا والادارة بسقاره - شعبة محاسبه
• كلية الاقتصاد والادارةجامعة 6 اكتوبر - شعبة محاسبه
• المعهد التكنولوجى العالى بالعاشر من رمضان - شعبة محاسبه
• معهد القاهره للغات والترجمه الفورية والعلوم الادارية والحاسب الالى بالمقطم - شعبة محاسبه
• بكالوريوس علوم الادارة جامعة اكتوبر للعلوم الحديثة والاداب - شعبة محاسبة

حيث يمكن للسادة المحاسبين والراغبين فى تسجيل انفسهم او تقديم اية طلبات معرفة المستندات المطلوبة من خلال موقع الوزارة .

الأوراق المطلوبـــة لمحاســـب تحـت التمــريــن

أولا :- أوراق شخصيــــة
• اصل المؤهل الدراسى

• اصل شهادة الميلاد

• اصل شهادة التجنيد

• صورة البطاقة الشخصي

• صحيفة الحالة الجنائية بأسم /مدير عام المحاسبين والمراجعين بوزارة المالية
ثانيــــــا
• حوالة بريدية حكوميه بمبلغ 40و1 قرش باسم /مدير عام سجل المحاسبين والمراجعين بوزارة المالية
ثالثـــــــا
• إقرار تفرغ + دمغه بـ 1ج
رابعــــــا
• شهادة من المحاسب القانونى بالصيغة القانونية + دمغه بـ 1 ج
( بتوقيع المحاسب وختمه معتمده من نقابة التجاريين(
خامســــــا
• خطاب من التأمينات مختوم بختم واضح من التأمينات موضح به الاتى:
- اسم المحاسب القانونى
- رقم المنشأة
- اسم المحاسب الذى يؤدى التمرين
- الرقم التأمينى الخاص ب
- تاريخ بداية التأمين عليه
سادســـــــا
• طلـــب قيــد

m-rgb

01-15-2011, 12:32 AM

السلام عليكم انا خريجه جديده 2010 وكنت عايزه اسجل نفسي كمحاسب تحت التمرين بس المشكله الي انا عايزه اعرفها لما اروح لمكتب المحاسبه اقوله انا عايزه اشتغل ولا اقوله انا عايزه اسجل نفسي كمحاسب تحت التمرين وبليز حد يرد عليا ضروري علشان انا خريجه جديده ومش عارفه اتصرف

اولاً اهلا بيكي فى الحياة العملية بعتقد انها غير الدراسة خالص
طبعاً مينفعش تروحى تقولى انا عاوزه ابقى محاسبة تحت التمرين
الاول على الاقل تمرين 3 اشهر اثبات انك كفائة فى المهنه وتستحقى التأمين عليكى
اثبتى لنفسك انك هتستمرى وبعدين اطلبى منه التسجيل

m-rgb

01-15-2011, 12:37 AM

شكرا مستر محمد رجب
ان شاء الله جارى الاتصال بيك لانك محترم جدا
بس سؤال
أسافر وعندى فيزة العمل جاهزه لقطر ولا اسجل كمحاسب قانونى وانا من الزقازيق واكون شاكر ليك
ابو غريب حديث التخرج 2010

اولا انا اشجع فكرة العمل بالخارج
ثانياً لو حضرتك تعرف محاسب قريب منك ممكن تعمل اللى اقولك عليه ده
اولا تأمن نفسك عنده وتعطية ثمن ثلاث سنوات تأمينات مقدمه حتى لا يقوم بفصلك
ثانياً تتفق معه على انك ستقوم بالسفر للخارج وتعود بعد المده المقررة للقيد وكأنك كنت تمارس
المهنه داخل مصر ولن يسبق لك السفر على الاقل زى الناس مبتقول ( ظبط نفسك وارجع عيش فى بلدك
وربنا يوفقك )
حاول بعد مترجع تمارس مهمنه المحاسبة وكأنك حديثى التخرج وربنا معاك

m-rgb

01-15-2011, 12:38 AM

m-rgb

01-15-2011, 12:39 AM

كلام جميل مقدرش اقول حاجه عنه

الف الف الف شكر للفنانه ليلى مراد

nabil sat

01-19-2011, 03:27 PM

مشكوووووور والله يعطيك الف عافيه

عادل العمودي1

01-21-2011, 12:43 AM

مشكوووووور والله يعطيك الف عافيه
مجهود عظيم

AbO_3KlE

03-16-2011, 12:16 PM

مشكوووووور والله يعطيك الف عافيه
على المجهود الرائع دا والاهتمام الكبير

m-rgb

03-22-2011, 07:36 PM

ان شاء الله الكل يستفيد وانا فى الخدمه لو فى اى استفسار

mido_atef3

04-06-2011, 11:59 AM

جزاك الله عنا كل الخير

ghost_845

04-10-2011, 03:39 PM

جزاك الله كل خير

شريف الصعيدى

04-13-2011, 01:32 AM

اولا مشكوووووووور على المجهود بس انا دخت فيها شويه ليا عندك استفسار انا دلوقتى سجلت فى المكتب من سنه ونص وما غيرتش الكارنيه بتاع النقابه وضعى ايه وعايز اغيره اعمل ايه وشكرا

m-rgb

04-17-2011, 05:55 PM

اولا مشكوووووووور على المجهود بس انا دخت فيها شويه ليا عندك استفسار انا دلوقتى سجلت فى المكتب من سنه ونص وما غيرتش الكارنيه بتاع النقابه وضعى ايه وعايز اغيره اعمل ايه وشكرا

انا مش فاهم حضرتك تقصد ايه بكلمه ( مغيرتش الكارنيه )
انا هفترض ان حضرتك تقصد انك مثلاً لو انك سجلت سنه 2009 انت معاك الكارنيه سنه 2009 واحنا فى سنه 2011 عادي خالص هتروح حضرتك تدفع اشتراك النقابه عادي خالص وتشوف اذا كان فى تأخير سداد على سنوات عدت عليك
وبعد كده تعمل تجديد للكارنيه عادي خالص لسنه 2011 مفيش مشكله الا اذا كان ده مش اللى انت تقصده

منتظر ردك ====>>>>> يتبع

mosker

06-22-2011, 10:56 PM

جزاااك الله خيرا وربنا يكرمك انشاء الله

مازن ابو العلا

11-16-2011, 12:44 PM

شكرا على المجهود الرائع.

eldish

11-18-2011, 12:09 AM

مشكور وربنا يكرمك علي الافاده

es.es

11-18-2011, 12:49 PM

ابنة اختى حاصلة على بكالوريوس تجارة وقمت بالتسجيل لها فى نقابة التجاريين عضو غير عامل واريد ان اسجل لها فى مكتب محاسب قانونى تحت التمرين فما هو المطلوب عملة تحديدا

es.es

11-18-2011, 01:12 PM

اريد خطوات التسجيل مرة اخرى

akmiah

12-16-2011, 01:52 PM

modey_tiger

03-31-2012, 02:41 PM

netcha

09-07-2012, 11:26 PM

هو لو في مكتب المحاسبة بيقول نمضي عقود و كده علشان التامينات و التسجيل و 3 سنين و القصة ديه عقد عادي من المكتبة و انا حبيت اسيب المكتب بعد سنة مثلا ممكن يرخم عليا في ايه ؟؟؟؟؟؟؟؟؟؟؟؟؟؟؟؟؟

adm _mohamed

11-12-2012, 11:18 PM

شكرا جدا على المجهود اللى اكثر من رائع بجد .... بس كتير اوى 3 سنين فى مكتب محاسب قانونى عشان اتسجل فى جمعيه المحاسبين والمراجعين .........
جزاك الله خير الجزاء

m-rgb

01-09-2013, 07:07 PM

شكرا جدا على المجهود اللى اكثر من رائع بجد .... بس كتير اوى 3 سنين فى مكتب محاسب قانونى عشان اتسجل فى جمعيه المحاسبين والمراجعين .........
جزاك الله خير الجزاء

بعتقد انها فترة كافيه تكون اتعلمت فيها اصول المحاسبة وكيفية الممارسه والا هتبقى محاسب نص لبه :sm16:

m-rgb

01-09-2013, 07:15 PM

ابنة اختى حاصلة على بكالوريوس تجارة وقمت بالتسجيل لها فى نقابة التجاريين عضو غير عامل واريد ان اسجل لها فى مكتب محاسب قانونى تحت التمرين فما هو المطلوب عملة تحديدا

اولا لازم تكون بتتمرن فى مكتب محاسب قانوني
ثانياً اقرأ الموضوع سيدي الفاضل هتعرف ايه هى الاجراءات

m-rgb

01-09-2013, 07:17 PM

اريد خطوات التسجيل مرة اخرى

الخطوات كما هى لم يتم حذفها :sm20:

m-rgb

01-09-2013, 07:26 PM

شكرا جزيلا على المعلومات دي
أنا عاوز أسأل حضرتك اللي معاه شهدة خبرة 3 سنوات من محاسب قانوني مختومة وموثقة من الخارجية عليها ختم ورقم المحاسب في جمعية المحاسبين والمراجعين بس مش متأمن عليا و أخدتها منه قبل م أتخرج خبرة من 2006 إلى 2008 كمحاسب تحت التمرين و أنا خريج 2009 تجارة إنجليزي ودلوقتي دبلوم دراسات عليا في المحاسبة والمراجعة .

مفيش أي وسيلة إني أسجل كمحاسب تحت التمرين في الجمعية

الرجاء الاهتمام وشكرا جزيلا
(تم حذف الإيميل لأن عرضه مخالف لشروط المنتدى)

خطوات التسجل والقيد بسجل المحاسبيين والمراجعيين واضحه لازم تكون مخلص بكالوريوس علشان بتقدم اصل شهادة التخرج كمان انت بتقدم شهاده المعافاه من التجنيد اما لم يصبه الدور او مخلص جيشك يعنى ملهمش اي دعوة باللى انت بتقول عليه ده علشان متروحش تسأل ويرحعوك تاني

m-rgb

01-09-2013, 07:30 PM

هل يحق لخريج كلية التجاره شعبة نظم معلومات اداريه و الحاصل على دبلوم محاسبه ماليه ومراجعه التسجيل فى السجل العام للمحاسبين و المراجعيين ؟؟؟؟ ,,,, اى تتم معاملته كمعاملة خريج كلية التجاره شعبة ادارة أعمال و الحاصل على دبلوم محاسبه ماليه ومراجعه ؟؟؟؟؟
أرجو الرد

طبعاً ليك الحق فى التسجيل

المؤهلات المطلوبة للقيد بجداول المحاسبين والمراجعين

أولا : المؤهلات المطلوبة طبقا للقانون 133 لسنة 1951

• بكالوريوس تجارة - شعبة محاسبه
• بكالوريوس تجار ة - شعبة ادارة اعمال + دبلوم محاسبه او مراجعه او ضرائب

بالتوفيق ان شاء الله

m-rgb

01-09-2013, 07:33 PM

اسف جدا جدا
لعدم السرعه فى الرد على سيادتكم
لذلك ارفق رقم التليفون لاي استفسار
واتمني من الله التوفيق للجميع

أ / محمد رجب
01110101205

Lancelot

02-12-2013, 03:38 AM

جزاك الله خيراً كثيــــــــــراً على موضوعك المفيد والقَيِّم
للأسف الشديد شفته متأخر جداً
قدر الله وما شاء فعل

welz721

02-14-2013, 03:55 PM

انا بكالريوس تجارة (ادارة اعمال) وبحضر دبلومة محاسبة مالية في جامعةعين شمس
ازاي اسجل محاسب قانوني

abdorashad

02-22-2013, 07:39 PM

اختي واخواني الاعزاء

الحمد لله العظيم الكبير الغفور الرحيم النور

بعد طول تفكير لدرجه الاختناق قد اجد الاجابه علي سؤالي هنا ان شاء الله

انا خريج كليه تجاره جامعه عين شمس تقدير جيد

وبصراحه شديده اصابني الملل والزهق والاختناق والحيره الشديده من كثره التفكير في مجال عملي كمحاسب

فالمجال كبير وتفرعاته كثيره

فمنها شركات البترول

والبنوك

وشركات السياحه

ومكاتب المحاسبه

والجهاز المركزي للمحاسبات

وشركات المقاولات

وغيرها من الهئات الكبري والشركات المنتشره والتي تقبل العمل بها كمحاسب حديث التخرج

لكن انا في اشد الحيره من ايهما استطيع ان اختار كبدايه استطيع المحاوله فيها

فكل منها مجال وحده وكل منها له كورسات متخصصه وجميعها مستقبلهغا جيد باذن الله

لكن لا اعرف ماذا افعل وبمن ابدا وكيف اقدر بعون الله ان ابدا طريقا مشرقا يفح لي حياه سعيده؟؟؟؟؟؟

لو قدر لكي اختي العزيزه ولاخواني الاعزاء ان تقوموا بترتيب هذه المجالات حسب الافضل من كل الجوانب لمحاسب مبتدأ فما هو الترتيب الذي تبني ليه خطواتك؟؟؟؟؟

وما هي الوظيف الانسب في ظروف حديث التخرج واظن انها مستقبلها افضل دون الاخرين

مع مراعاه ظروف ان المتقدم للوظيفه من الاشخاص العاديين اي لا يملك واسطه كما يقولون

وهل العمل بمكتب المحاسبه افضل فعلا من العمل بشركات المقاولات او غيرها او حتي البنوك؟؟؟؟؟؟

افيدوني افادكم الله

Themartyer

08-27-2013, 06:53 PM

جزاك الله خيراً على الافادة وجعلها فى ميزان حسناتك

mngra2006

04-03-2014, 11:56 AM

الله يجعله فى ميزان حسناتك

عــــــــــــــامر

12-04-2014, 02:38 PM

السلام عليكم
أنا خريج الأكاديمية العربية للعلوم والتكنولوجيا والنقل البحري ( إسكندرية )
دفعة 2014 _ كلية الإدارة والتكنولوجيا

((( حاصل علي بكالوريوس إدارة الأعمال _ قسم إدارة مالية ومحاسبة )))

هل يمكنني التسجيل محاسب تحت التمرين ... وبعدين أسجل في سجل المحاسبين والمراجعين
مع العلم إني قرأت الشروط ومش عارف تنطبق عليا ولا لا ؟!!

ac.tm1980

08-13-2015, 01:59 PM

مشكورررررررررررررررررررررر

بدوى الشعراوى الشعراوى

08-23-2015, 03:07 AM

مشكووووووووووور

احـمد سعد

05-26-2016, 02:19 AM

جزاكم الله خيرا :sm82:

sasooqueen

03-06-2017, 11:10 PM

جزاك الله كل خير ع المعلومات المهمه دى لكن عندى استفسار
انا حديثة التخرج 2017 ولكنى بشتغل ف شركة قطاع خاص ولايوجد عندى وقت انى اروح اتدرب ف مكتب محاسبة
ممكن حضرتك تفيدنى اعمل ايه ؟ ولك جزيل الشكر

ahmed333

04-06-2017, 05:49 PM

السلام عليكم
انا كنت مسافر بالخارج من بعد التخرج هل ممكن اجد مكتب يفتح له فرع في محافظة الفيوم واكون معه شريك في المكتب ولا هذا صعب

Dr.Ehab Tawfik

07-20-2020, 01:17 AM

السلام عليكم اهل الخير
هل يوجد محاسب قانونى يقوم بالتأمين على سيدة معها بكالوريوس تجارة جامعة عين شمس كمحاسب قانونى وهى تقوم بدفع مبلغ التأمين شهريا أو سنويا او مبلغ التأمين كامل وهى تعمل بشركة محاسب وليس عندها وقت للحضور فى المكتب وذلك لانها مسئولة عن اسرة ولا يوجد لديها وقت وهى عندها خبرة فى المحاسبة المالية والمراجعة
الرجاء من حضراتكم الاهتمام بالأمر واشكرككم

علي اسماعيل توفيق سلطان

09-07-2020, 09:15 PM

لو سمحت هو المحاسب تحت التمرين اجمالي التامين الشهري الذي يسدده له مكتب المحاسبة كام؟ وشكرا