هل من نصائح لخريج حديث تجارة انجليزي للعمل

[hawk6000]

اولا اعرفكم بنفسي انا محمد عبد الصبور

خريج كلية التجارة شعبة اللغة الانجليزي دفعة2010 تقدير عام جيد

انا نفسي اشتغل محاسب باحدي الشركات الكبرى

انا الحمد لله الانجليزي بتاعي كويس جدا كتابة و تحدث و كمان قريت كتب محاسبة و عندي معلومات كويسة يعني الحمد لله

وواخد كورسات كتير بس مش في مجال المحاسبة معظمها انجليزي و soft skills

انا دلوقتي بعد اذنكم يعني عايز اعرف هل انا في الوضع اللى انا فيه كويس والا محتاج اخد كورسات في المحاسبة تانى

اصل في ناس بتقول انت مش محتاج كورسات قبل الشغل لانك بتشتغل و بتاخد عالشغل و بتتعرف على نظام الشركة اللى انت فيها

و بالنسبة لموضوع مكاتب المحاسبة هل من الافضل اني اتدرب بمكتب محاسبة والا انزل ادور على شغل في الشركات

و بالنسبة لمجموعة حازم حسن هل في الفترة الحالية بتقبل محاسبين حديثي التخرج والا لا ؟

اه معلش اخر حاجة عارف اني طولت شوية

بالنسبة للمحاسبة و المراجعة اللى درستها كانت كلها بالانجليزي ما عدا المحاسبة الضريبية الوحيده اللى كانت بالعربي و انا فعلا بلاقي صعوبة في قراءة كتب المحاسبة العربي طبعا لاختلاف الالفاظ و شيء من هذا القبيل هل ده فيه مشكلة ؟

و اسف على الاطالة و اتمنى ان صدركم يتسع لكلامي و ربنا يوفقكم جميعا

[hawk6000]

نفسي بجد مرة اكتب موضوع و حد يرد عليا

[1accountant]

رجاء كتابة عنوان اولا

ثم حدد النقاط للموضوع حتي يسطيع الاعضاء المساعدة

وطريقة العرض التي لا يسطيع احد ان يحدد المطلوبات لها

راجع العنوان واختصر المطلوب

واعلم لماذا لم يرد احد عليك لانه منك وليس من الغير

[االمنشاوى توب]

رجاء من استاذنا
الاستاذ المشرف العام 1
معذرة وجزاك الله خيرا أولا على ما يقدمه المنتدى للمحاسبين والطلبه فى المجال ذاته
ولكن انت خير من يعلم اننا فى بداية التخرج نكون فى حيره من امرنا وكثير من لا يعرف اشياء كثيره
وكنت اتمنى ان يكون ردك بلاجابة على سؤاله فهوا فى طلب للمساعده
ثانيا كنت اتمنى من الاخ السائل ان يكون متابع اكثر من ذلك
وفى النهايه اتمنى ان يدوم علينا هذا المنتدى بمشرفيه واعضائه

[wael ali kamal]

هاوز اقولك حاجه الشغل هو اللى هيوصلك للى انتى عوزه اولا اشتغل ثم بعد ذلك طور نفسك بمساعده رؤسائك فى العمل ودايما روح اعمل مقابلات للشغل وشوف السوق عاوز ايه وطور نفسم وربنا يوفقك