طلبوا مني مقابلة في سجل المحاسبين تحت التمرين ؟؟ ارجوا المساعدة

[mr.aboubakr]

ارجو من السادة اصحاب الخبرات مساعتي :
انا خريج تجارة 2004 و تقدمت للعمل رسميا بمكتب محاسبة في 2010 وقدمت اوراقي للتسجيل في سجل المحاسبين تحت التمرين واخدت رقم وارد
بعد حوالي شهرين جالي جواب انا و المحاسب القانوني اللي انا في مكتبه لحضور جلسة بنهاية سبتمبر
ارجو من السادة اصحاب الخبرات في هذا الموضوع الافاده عن سبب تلك المقابلة
و ماذا سيكون بها ؟
ولكم كل الشكر

[mr.aboubakr]

ياريت حد عنه فكره او يعرف في الموضوع ده يرد عليا

[أحمد فاروق سيد حسنين]

أعتقد أن فى مشاكل فى المستندات المقدمة
لأن معلوماتى أن سجل المحاسبين والمراجعين
بيطلب حضور المحاسب القانونى والمحاسب تحت التمرين
فى حالة عدم وضوح توقيع أو مستند ناقص
والله أعلم
وأبقي طمنا

[mr.aboubakr]

شكرا استاذ احمد فاروق

[1accountant]

ماذا تم في المقابلة وهل طلبوا منك انت والمحاسب القانوني تغيير اي شي في الاوراق المقدمة

[mr.aboubakr]

لسه يا استاذ احمد
المقابلة يوم 29 سبتمبر

[أحمد فاروق سيد حسنين]

لسه يا استاذ احمد
المقابلة يوم 29 سبتمبر

خير إن شاء الله

ولكن من الممكن أن تذهب للسجل وتستفسر
عن السبب ،،،،، للأطمئنان
والله المستعان

[1accountant]

اذا كان المكتب باسم شخص اخر والمحاسب مؤمن علية باسم شخص اخر او يسمي المكتب بغير اسم صاحبة او اي شكل مخالف لقانون مزاولة المهنة يتم استدعاء صاحب الطلب مع صاحب المكتب والمقابلة ليست بالسهل سوف تقابل اشكال من الاحتجاج ولكن طبقا للقانون الذي يطبق علي فئة معينة

تحياتي

[mr.aboubakr]

و الله يا جماعة الموظفة المسئولة قالتلي انته هتقابل اللجنة قولتلها ليه ؟
قالت عشان في نظام جديد من اول 2010 هو انه كل الخريجين القدام اللي اتخرجوا و لم يمارسوا المهنة تحت التمرين لمدة تزيد عن 3 سنوات يتم استجوابهم عن نشاطهم خلال هذه المدة
وعشان كده بعتولي لاني خريج 2004 و اشتغلت في المكتب 2010
و كمان في ناس قالولي عاوزين يطمنوا ان الناس اللي مش مسجلة مش مسافرين فعلا خارج البلاد او حاجة زي كده
بصراحة انا مش فاهم
وبدات اتشتت

[مصطفى قرنى]

لقد مررت بهذه التجربة منذ شهرين وفيما يلى الاسباب:-
السبب وراء هذه الاجراءات هو زيادة اعداد المحاسبين المسجلين بالسجل وكثير منهم فعلا خارج البلاد لذلك مطلوب حضور صاحب المكتب بنفسه وليس وكيلا عنه للتأكد من وجوده داخل مصر ومن ممارسته للمهنة، أما عن المحاسب تحت التمرين فيتم سؤاله عن المدة بين تاريخ التخرج وتاريخ التسجيل، بمعنى انه اذا كان سافر للعمل بالخارج فانهم يطلعوا على جواز السفر للتأكد من ذلك واذا لم يسافر فاين كان يعمل ولماذا لم يتم التأمين عليه فى هذه الاماكن، واذا اقتنعت اللجنة بالاسباب تتم الموافقة على التسجيل.
ملحوظة هامة جدا
1. تقوم اللجنة بسؤال المحاسب القانونى اسئلة فنية (مثلا فى معايير المحاسبة والمراجعة) للتأكد من ممارسته الفعلية للمهنة
2. يتم سؤال المحاسب القانونى والمحاسب تحت التمرين معا ثم يتم سؤال المحاسب تحت التمرين بمفرده وذلك للتأكد من عدم التناقض فى الاجابات.

[1accountant]

لقد مررت بهذه التجربة منذ شهرين وفيما يلى الاسباب:-
السبب وراء هذه الاجراءات هو زيادة اعداد المحاسبين المسجلين بالسجل وكثير منهم فعلا خارج البلاد لذلك مطلوب حضور صاحب المكتب بنفسه وليس وكيلا عنه للتأكد من وجوده داخل مصر ومن ممارسته للمهنة، أما عن المحاسب تحت التمرين فيتم سؤاله عن المدة بين تاريخ التخرج وتاريخ التسجيل، بمعنى انه اذا كان سافر للعمل بالخارج فانهم يطلعوا على جواز السفر للتأكد من ذلك واذا لم يسافر فاين كان يعمل ولماذا لم يتم التأمين عليه فى هذه الاماكن، واذا اقتنعت اللجنة بالاسباب تتم الموافقة على التسجيل.
ملحوظة هامة جدا
1. تقوم اللجنة بسؤال المحاسب القانونى اسئلة فنية (مثلا فى معايير المحاسبة والمراجعة) للتأكد من ممارسته الفعلية للمهنة
2. يتم سؤال المحاسب القانونى والمحاسب تحت التمرين معا ثم يتم سؤال المحاسب تحت التمرين بمفرده وذلك للتأكد من عدم التناقض فى الاجابات.


مشكور فعلا علي لايضاح وفعلا هذا ما تم معرفته

شكر ا مرة اخري

تحياتي

[mr.aboubakr]

شكرا للاستاذ مصطفى قرنى http://www.aliahmedali.com/forum/newstyle/buttons/viewpost.gif (http://www.aliahmedali.com/forum/showthread.php?p=103788#post103788)
هذا ما حدث معي تمام
و الحمد لله تم تسجيلي
اشكركم جميعا

[khaled ahmed]

ربنات معاك انشاء الله

[KOMY TAWFEEK]

الاخ مصطفى قرنى
الاخ ابو بكر
ارجو افادتى هل تم التسجيل بعد ذلك وهل كانت الاسئله صعبه
هناك زميل يمر بنفس التجربه
ومطلوب الحضور اول سبتمبر 2012
برجاء سرعة الرد

[شريف الصعيدى]

تحت التمرين المقابله علشان يتاكدوا من انك فى مصر والفتره اللى قاضتها قبل التسجيل المقابله فيها مش حكايه انما بالنسبه لو هتنقل لمحاسب قانونى فالمقابله بتبقى علشان يمتحنوك ويتاكدوا انك اتدربت فعلا بس بتبقى اسئله عاديه

[Mohamed hussein sayed]

مشكووووووووووور

[abeer bashir]

انا كان عندى الأنترفيو ده انهارده 2012/10/17
الموضوع كله استغرق دقيقتين فقط
واللجنة سألت المحاسب القانونى اللى بدرب عنده عن طبيعة الشغل وهل بيراجع شركات مساهمة وسألته هل لديه محاسبين تحت التمرين غيرى وطلبت منه تدريبنا جيداً واعطونى ورقة بها المعايير والقوانيين اللازم معرفتها

[احمد]

انا هتنقل ان شاء الله من جدول تحت التمرين في لجنة 17/11/2012 والامتحان في يناير والموظفين في السجل اعطوني ورقة للامتحان وكلها عبارة عن قوانيين ....ضريبة الدخل وضريبة المبيعات وقوانيين الاستثمار وضريبة الدمغة والضريبة الجمركية

[DIPLOMATICS]

في حد دخل امتحان سجل المحاسبين والمراجعين للمدرين الماليين ونجح أرجو الافادة عندى لجنة اخر الشهر

[Mr.MeBoOo]

بيقولو الامتحان اتلغي حد يأآكد الخبر !

[KOMY TAWFEEK]

في حد دخل امتحان سجل المحاسبين والمراجعين للمدرين الماليين ونجح أرجو الافادة عندى لجنة اخر الشهر


نعم هناك اشخاص دخلو الامتحان وتجاوزه وحصلو على محاسب قانونى
يوجد ورقه بالسجل بها المنهج يتم السوال منها و تعتبر شامله لكل ما هو متعلق بالمهنه
الاختبار سهل بأذن الله

بالتوفيق انشاء الله

[mohamedalifac]

جزاك الله خيرا

[خالد مصباح]

السلام عليكم ورحمة الله وبركاته / بالبداية أشكر مجهودات كل فرد يتقدم بمعلومة للأفادة : بالنسبة لي انا محاسب خريج عام 2005 ومعي خبرة الحمد الله جيدة 8 سنوات بشركات القطاع الخاص ومتضمنة سنيتن بمكاتب المحاسبة لكني لم يحالفني الحظ بالتسجيل فى احدها وسافرت للعمل بالسعودية لمدة عامين ونصف تقريبا محاسب عام ورجعت للتقدم للتسجيل محاسب تحت التمرين بمكتب محاسب قانوني واستوفيت الأوراق المطلوبة لكنهم حددوا لي جلسة استدعاء لي واللمحاسب القانوني فأرجو افادتي بالأسئلة المطروحة بالمقابلة ولك جزيل الشكر مع تمنياتي للجميع بالتوفيق .

[mr.aboubakr]

خالد مصباح

المقابلة في السجل هاتكون كالتالي:-
1- هايستدعوا المحاسب القانوني اللى حضرتك مسجل عنده تحت التمرين او من ينوب عنه
2- هايستدعوك
3- هايسالك اسئلة عامة في المعايير المحاسبية و قانون الضرائب و قانون مزاولة المهنة
4- حتى لو ماجوبتش صح ، مش مشكلة اهم حاجة تكون اجابتك متسقة مع اجابة المحاسب القانوني ( يعنى هايقولك انته بتشتغل في المكتب ؟ طب بتشتغل طول الوقت و لا بتروح لهم كام يوم كده ع الماشي؟ كلها اسئلة تدل على عملك الاكيد في المكتب ، اهم حاجة ماتخفش من الداخلة اللى هايعملوها معاك ، ده طبيعي وبيعملوا مع الناس كلها عشان تتخض و لو في غرض اخر غير ممارستك الفعلية للمهنة يبان.
5- بالتوفيق و ابقي طمنى بعد ما تتسجل :)

[خالد مصباح]

شكرا ليك علي افادتك الجميلة مستر أبو بكر جزاك الله كل خير .

[rashad140]

عندى امتحان بعد شهرين وانا بشتغل فى مكتب محاسبة من 5 سنين وتحت التمرين من سنتين و 10 شهور يا ريت حد يفدنى الامتحان بيكون عباره عن ايه وهل فى امل ولا لا لان كل الناس عقدتنى مع انى اتمرمط فى المهنه بجد ارجو منك الاهتمام والرد

[rashad140]

يا ريت حد يرد عليا يكون دخل الامتحان قريب