الزياره الاولى لبنك مصرى

[توفيق السيد]

بسم الله الرحمن الرحيم
انه فى بوم الاربعاء
الموافق 1/9/2010
توجه الى احد البنوك لفتح حساب شخصى بغرض ايداع مبلغ من المال
توجهت اولا الى بنك ناصر الاجتماعى
وسالت احد الموظفين
عن امكانيه فتح حساب
بدايه ان ليس لدى اى خبره بتعاملات البنوك خاصه ف مصر
نكمل الكلام
سالنى الموظف قالى ايه نوع الحساب
انا استغربت السؤال جدا
قلت يعنى ايه
قالى شويه حاجات ماليش فيها
قولت يا عم انا عايز حساب شخصى بغرض الايداع والسحب فقط
قالى للأسف دا مش موجود
قلت خير ان شاء الله
وسيبت البنك ده ورحت بنك القاهره
قالى نفس الكلام
بس المره دى قالى ممكن تعمل حاجه اسمها حساب توفير
قلت كويس
وبدأنا الاجراءات الطويله
وعملت الايداع
بس فى الاخر الموظفه قالت تعالى بعد اسبوعين خد كارت الصراف الالى

والملاحظات العامه اللى لقيتها من خلال زياره بنكين فى نفس الوقت
اولا المبانى قديمه وكانك داخل التامينات او الضرائب
ثانيا تزاحم الموظفين على الشبابيك وكانه طابور العيش
ثالثا مو ضوع الصراف اللى بعد اسبوعين
دا انتا فى السعوديه تعمل الحساب وتاخد الكارت وانتا مروح
وبعدين دا انا عملت ايداع وقالولى خلاص كده
يعنى بدون ايصالات ولا حاجه
بصراحه لاقيت فرق كبييييييييييييييييييييييييييييييييييييييييييييييير
بين البنوك فى مصر والبنوك فى السعوديه
يا جماعه اى بدوى هناك عنده حساب ويجيد الاعمال المصرفيهوالتعامل مع الصرافات
اتمنى من الله ان يتحسن حال القطاع المصرفى فى مصر
وان ياذن بزوال البنوك الربويه كامله

[1accountant]

الثقافة المصرفية في مصر قليلة شوية وهناك مبادرة من بنك مصر بنشر الثقافة المصرفية للجميع حتي يتعرف جميع الافراد علي الخدمات التي يقدمها البنك والاستفادة ايضا من ادارة اي اموال زائده حتي لو كانت قليلة

ونحن مع بنك مصر في نشر الثقافة في مصر عن طريق المنتدي

تحياتي محمد عبد الحكيم ببنك مصر

[ايناس حفنى]

المبانى القديمه ممكن تتبدل والبنك الاهلى بيعمل ده
اما بالنسبه لطريقه العمل داخل البنك وبالذات
خدمه العملاء تحتاج الى تغيير وهذا من خلال التنميه البشريه*

[توفيق السيد]

شكرا على تواصل الاخوه الاعضاء
بس انا اللى محيرنى
ليه تستغرق عمليه اصدار بطاقه الصراف الالى اسوعين
دا انا اخدتها فى بنك الراجحى السعودى وانا واقف
طيب دا معناه ان انشاءها لا يستحق كل هذا الوقت
وبعدين ليه يفرضو عليه
ارسال كشف الحساب على عنوانى كل 3 شهور
طيب انا مش عايز حد يطلع على تفاصيل حسابى
وممكن اللى يستلم رساله البوسطه حد غيرى ويطلع على محتوياتها
ثم انه ليه علشان اسحب من صراف اخر يتخصم عليا عموله بنكيه 5 جنيه
معقول كده يا جماعه

[a_accountant7]

نتمى تحديث كلى للثقافة المصرفية فى مصر لأنه للأسف فى دول الخليج اللى أسس الأنظمة المصرفية دى هم المصريين ،، وانا عن نفسى عانيت من نفس مشكلتك استاذ / توفيق