بخصوص شهادة acca

[acc.ahmedhamdi]

السلام عليكم ..
لو سمحتو يا جماعة ..اولأ: انا طالب فى كلية تجارة جامعة الاسكندرية .. وطالع الفرقة التانية باذن الله.. وكنت عايز استفسر عن شهادة ACCA .
انا فتشت ( من بعيد لبعيد) عن الشهادة دى فى اسكندرية من حيث اماكن تدريسها وتكلفتها بس للاسف لقيت اسعارها ورسوم امتحاناتها مكلفة جدا ان لم تكن تعجيزية تماما :sm106:
المهم..لقيت اعلان على النت بالصدفة هوا عبارة عن سايت بيقوم بتدريس الشهادة دى مجانا وغيرها من الشهادات المحاسبية الاخرى.
وسؤالى هو : ما مدى مصداقية المواقع اللى زى دى وهل فعلا بتقدم ماتريالز معتمدة وحقيقية مع العلم انه بيدرس الشهادة عن طريق كتب بصيغة PDF و كذلك فيديوهات شرح ممكن تنزل على الجهاز.. وهل بعد ما اخلص دراستها من الموقع ده .. ممكن اروح امتحانها فى المراكز المخصصة لامتحاناتها؟؟
فى انتظار ردود اعضاء المنتدى المبجلين..

[محمود محمد رشوان]

اخوى فى الله ممكن توضحلى ايه تخصص الشهادة ديه وما هو الموقع حتى يتسنى لى البحث فيه وهل الملفات والفيديوهات مجانا
اخوك محاسب / محمود رشوان
وده اميلى على الياهو mmr_future

[acc.ahmedhamdi]

اهلا بحضرتك استاذ محمود رشوان.
شهادة ACCA شهادة مهنية للمحاسب زيها زى ال CMA , CPA
بس ال ACCA , CPA شهادتين مهتمين اكتر باعمال المحاسبة المالية والضرائب ولكن الCMA شهادة تهتم بمحاسبة التكاليف ويوجد العديد من الشهادات.
بس انا بواقع بحثى عرفت ان ACCA تعتبر الاهم فى الوقت ده وتعتبر تانى اقوى الشهادات على مستوى العالم .. هيا مش مشهورة اوى هنا عشان لسه مش منشترة فى مصر زى ال CMA مثلا لكن فى اوروبا ودول اسيا والهند موجودة ومنتشرة.
وبالنسبة للكتب وملفات الفيديو فهى مجانية تماما ..
على اى حال السايت :
www.opentuition.com (http://www.opentuition.com)

تحت امر حضرتك استاذ محمود

[acc.ahmedhamdi]

يا جماعة من فضلكو محتاج رد .. اى حد يقدر يفيدنى ويفيد بقية الاعضاء يا ريت مايبخلش ... وجزاكم الله كل خير ..

[loveing_2010]

شهاده ال ACCA تقدر تذاكرها لوحدك وتروح تمتحن فى المعهد البريطانى على طول فى شهر 6 او شهر 12
لمزيد من المعلومات عن الاجراءات
www.accaglobal.com/join/acca

[ابوسنة 2000]

جزاكم الله خيرا