لن اقل لك ادخل للاهمية او او او و خلافة ولكن سوف اقل لك اريد رايك... [الأرشيف]

waled mohamed

01-31-2008, 04:49 AM

بسم ربى وهو الله
ارجو النصيحة ولن اطيل الكلام عليكم
حصلت على شهادة معهد فنى تجارى ولكنه لم يرضينى .التحقت بالخدمة العسكرية واثناء الخدمة كنت مكلف بحسابات الجنود بالوحدة كلها.احببت مجال المحاسبة حبا كثيرا مما اضطرنى الى ان اقرر ان اعمل المعادلة بتجارة القاهرة والحمد للاه نجحت فى المرة الثانية فيها.انا من مواليد عام 1982 لعلك ايها القاريء تقول فى بالك ماهذا الشاب الكبير السن ...عموما ... انااكبر اخوتى اخى الاصغر منى تزوج وانا لم اتزوج الى الان مع العلم بانه يعمل فى ورشة
(صنايعي )انا لا اشكو حالى لان الشكوة لغير الله مزلة .بل انى اضع صورة عنى عسي ان تكون مشرفة لي.رسبت سنة فى العام الثانى لي فى تجارة عين شمس . والسبب اننى بعد انتهائي من الخدمة رغبت فى تحصيل المال وهذا هو سبب رسوبي.الان انا فى الفرقة الثالثة .اعمل على تطوير عقلى التحقت بكورس (icdl)لكى اطور من تعليمي التقنى.عملت بمجال المبيعات كثيرا وللعلم هذا رغم ارادتى لانى لم اجد سواه مع العلم انى احب كثيرا مجال المحاسبة .عمرى الان 25 عاما.احيانا احس بان العمر يضيع منى دون ان اصنع شيئا.حاليا انا اعمل بائع فى محل ملابس بعباس العقاد(محل حبيبة)بائع,؟؟؟؟فقط
انا لا اشكو حالى كما زكرت لانى احمد الله على كل شيء ولكن كل ما اريده فقط هو هل اننى صححت موقفى التعليمي بدخولى الجامعة وانى اسير فى الطريق الصحيح ام انى اضيع من عمرى سنين سوف اندم عليها فيما بعد؟؟؟ارجو افادتى بنصيحة من شخص يمللك القدرة على افادتى ماذا افعل هل اكمل دراستى ام اعمل على تجميع المال كما يفعل اغلب البشر.مع العلم بانى لا املك شيئا ...

ارجو النصيحة لوجه الله تعالى ......وليد

رجب محمد

02-05-2008, 10:09 PM

بجد انت مثال للشاب الطموح فنت بدات فى طريق صعب وانت اثبت انك قده وكمان قطت شوط كبير جدا
فلا تدع الياس يسيطر عليك وضع هدفك نصب عينيك
فيقل الله تعالى (فان مع العسر يسرا*ان مع العسر يسرا) صدق الله العظيم

زينب عبد السلام

02-21-2008, 07:30 PM

السلام عليكم
انك كافحت وخلاص فاضل عامين على انتهاءك من الكليه اعمل وادرس فى نفس الوقت وعلى ما اظن ان سن25 عن 27 مش هيفرق كتير لكن فى التعيين بكالوريوس تجارة تفرق كتير عن معهد فنى وده راى الشخصى ممكن تكون المواد اللى بتدرس مش بنستفاد منها فى الواقع العملى ولكن سوق العمل يريد ذلك وربنا المعين ويوفقك انشاء الله

manshy

02-25-2008, 05:14 PM

وحتى كمان مش التعيين وبس اللى هيفرق معاك

لا نظره الناس كمان للى معاه بكالوريوس خلاف للى معاه معهد

كمان لما تحب ترتبط ببنت الحلال هتبقى فى وضع مقارنه ولو كنت بكالوريوس صدقنى هيبقى موقفك احسن

وبعدين هانت يعنى مافيش اسرع من السنين

وربنا معاااك

سلاااااااااااااام

hassan_fathy2002

02-26-2008, 03:21 PM

الأخ العزيز وليد محمد
تحية عطرة أهديها اليك من أرض رسولنا الكريم عليه الصرة و السلام
ما أنت فيه يعاني منه الكثيرين - لست الأول - لست الوحيد - و لن تكون الأخير
أكمل ما بدأته و أخلص في دراستك و عملك - اجعل اتقان ما تعمل هدف و أترك الباقي على الله
" حب ما تعمل حتى تعمل ما تحب "
أنا أكبر منك - بداياتي كانت شبيهة ببداياتك الى حد ما - كنت أعمل في اليوم ما يقرب من 16 ساعة
كنت أدرس - و أحسن لغتي - و أكتسب مهارات في عملي يوم بعد يوم
كنت أفعل كل هذا على مدار ما يقرب من ثمانية سنوات بعد التخرج
و كان دخلي متواضع و وضعي الوظيفي و المهني أيضا - و فجأة و بدون مقدمات و بتوفيق الله قبل أي شئ انتقلت الى مستوى مهني مختلف استثمرت فيه كل ما سبق من تجارب و مهارات مكتسبة و بدأت أحصد في عائد استثماراتي تلك و حققت كل ما تمنيته لنفسي و لأولادي على مدار العشر سنوات الأخيرة - و لكني أعيش حياة المحترفين المليئة بالتحدي و المواجهة و اليوم أعتبر كل يوم هو بحر علي عبوره لأصل لما يحلم به أولادي

هذه قصة بسيطة تؤكد لك أنني و مثلي ألوف و ملايين سرنا على هذا الدرب -- و غدا أنت و من مثلك سينضم الينا لنجد لنا مكاناً تحت الشمس

أخيرا أقول لك
"حب ما تعمل حتى تعمل ما تحب"
"لا يهم أين البداية -- و لكن المهم الى أين تتجه"

sabry.youssef

07-02-2010, 04:23 PM

اخى العزيز ... وليد
توكل على الله واكمل الدارسة واكل مجتهد نصيب فقد كان حالى مثاك تقريبا والان انا فى نعمة بفضل الله وبفضل ما ساعدنى توكل علىالله

ايمان حسن

07-02-2010, 04:50 PM

اولا :ربنا يوفقك
ثانيا :حاول تدور علي اي مكتب محاسبه تتدرب معاه في الفتره المساء وده طبعا سوف يزيد الخبره عندك
اصبر قليلا فبعد العسر تيسير وكل أمر له وقت وتدبير.
والله الموفق

waleed_eltamimi

07-02-2010, 05:23 PM

اخى العزيز وليد
حقيقتا انت انسان طموح وقدوة لنا كمبتدئيين
واقول لك ايضا
يرفع الله الذين امنوا منكم والذين اوتوا العلم درجات
اليس هذا اكبر دافع لكى تنهى ماانت فية
لابد ان تعلم ان تعليمك الجامعى لة فوائد مثل
مستواك الاجتماعى ونظرة المجتمع ليك
تقديمك للزواج
تتطلعك للمستقبل ( يعنى اكيد هيتولد عندك طموح لهدف تانى )
وعلى بركة الله استمر

Apocalyptica

07-02-2010, 07:40 PM

الزميل الصاعد / عايز يبقى محاسب
لما كنا صغار
كنا نقول انا عايز ابقى زابط و تاني طيار وواحد دكتور وواحد مهندس
فيه كمان ممثل و ممكن مذيع عشان بابا ماجد و حلقات السندباد كنا بنتذل عمال يجيبها و نسمع اهداءات من بابا و ماما لعمو و طنط و خالوا
المهم عمرك سمعت حد عايز يبقى محاسب
الجيل الجديد
عايز ابقى لعيب كورة و ممكن محامي لانهم ستار الايام ده كمان مغني زي طمورة و عموره ده للولاد اما البنات ماشيه معاهم و ربنا يسترها
المهم اسئل طفل الايام ده يقولك تيه المحاسب ده هو بيعمل ليه
تخيل سئلت طفل قالي عايز ابقى دجي طبعا مفيش عيد ميلاد و لا فرح الا لازم يبقى فيه دجي
يعني اطمن محدش حيسئل فيك و لا فيا
بعدين مالاخر محدش بيحب المحاسبين خاصة المراجعين
على فكرة كمان مفيش بنت تحب ترتبط بمحاسب تقولك ده بخيل و يقعد يسئل فضل كام من الخمسه جنيه الي انا سبيتهم الصبح
و اشتريتي بخصم و فاصلتي مع البياع
و يقعد يحاسب مراته زي ما يكون بيسوي سلفه
بص من الاخر لو شفت حاجه تانيه غير انك تكون محاسب اعملها لان الشغلانه ده بيشتغلها واحد بيحب جدا المهنه بحلوها و مرها

Apocalyptica

07-02-2010, 07:43 PM

مش عارف انا كل مره الاقي المشاركات بتنقص مش عارف المشاركات بتروح فين
الاعضاء كلها بتزيد مشاركتها الا انا بتنقص

hassannabi2009

07-02-2010, 08:09 PM

كلنا نفس الرجل
طموح يغلبة احيانا النعاس
اصحى وصحصح وكمل

GANADODY

07-03-2010, 12:45 PM

السلام عليكم بص يا استاذ وليد انا زيك بردو عايزه اشتغل فى المحاسبه لانى بحبها جدا وانا بردو بكمل تجاره لكن فى التعليم الفتوح وبردو عندى 24 يعنى مش هيفرق سنك انك كبير او صغير المهم انك توصل للى انت عايزه وبعدين اكيد هتلاقى كتير يحبطوك ويقولو لا المشوار طويل ومافيش شغل ومحاسبة ايه المجال مليان مش مهم المجال فيه كام محاسب المهم كام واحد منهم يستاهل بجد يتقال عليه محاسب متمكن فى مهنته وابتدى وبلاش تفكيرك دا هيرجعك ورا لا قول لازم ابقا زى ما انا عايز وصدقنى الموضوع سهل طول ما انت عايز توصل وعندك حلم وبالتوفيق

madkour

07-04-2010, 07:31 AM

الاخ الفاضل / وليد محمد
السلام عليكم ورحمة الله وبركاته
لاتيأس واستمر في طلب العلم فالكل يتعلم ومن يقول غير ذلك فهو انسان جاهل - فعليك بالعلم للعلم فقط واثراء معلوماتك وخبراتك فطلب العلم كما يقول المثل من المهد الي اللحد وحينما يأذن المولي عز وجل فانه يبدل من حال الي حال فلا تلتفت الي من يثبط عزيمتك وتوكل علي الله

nadergad

07-04-2010, 06:28 PM

الزميل الصاعد / عايز يبقى محاسب
لما كنا صغار
كنا نقول انا عايز ابقى زابط و تاني طيار وواحد دكتور وواحد مهندس
فيه كمان ممثل و ممكن مذيع عشان بابا ماجد و حلقات السندباد كنا بنتذل عمال يجيبها و نسمع اهداءات من بابا و ماما لعمو و طنط و خالوا
المهم عمرك سمعت حد عايز يبقى محاسب
الجيل الجديد
عايز ابقى لعيب كورة و ممكن محامي لانهم ستار الايام ده كمان مغني زي طمورة و عموره ده للولاد اما البنات ماشيه معاهم و ربنا يسترها
المهم اسئل طفل الايام ده يقولك تيه المحاسب ده هو بيعمل ليه
تخيل سئلت طفل قالي عايز ابقى دجي طبعا مفيش عيد ميلاد و لا فرح الا لازم يبقى فيه دجي
يعني اطمن محدش حيسئل فيك و لا فيا
بعدين مالاخر محدش بيحب المحاسبين خاصة المراجعين
على فكرة كمان مفيش بنت تحب ترتبط بمحاسب تقولك ده بخيل و يقعد يسئل فضل كام من الخمسه جنيه الي انا سبيتهم الصبح
و اشتريتي بخصم و فاصلتي مع البياع
و يقعد يحاسب مراته زي ما يكون بيسوي سلفه
بص من الاخر لو شفت حاجه تانيه غير انك تكون محاسب اعملها لان الشغلانه ده بيشتغلها واحد بيحب جدا المهنه بحلوها و مرها
طبعا زميلى العزيز بيهزر معاك .. و شد حيلك الحياة كفاح و انت ماشى صح

ايمن عبد الرحمن

07-04-2010, 07:36 PM

ان الله لايضيع اجر المحسنين توكل على الله واجتهد بقدر ما تستطيع فلست انت اول من يطمح فى النجاح والرقى ولن تكون الاخير بل سياتى من خلفك اجيال تنشد النجاح وترنو اليه ولكن النجاح كنجم فى سماه لايصل اليه الا من اجتهد وسارع الى اقتفاء اثار الضوء المنبعث من ثناياه توكل على الله ولا تحزن ولا تجعل شيئا يعكر عليك صفوك ولست انت الوحيد الذى يعمل فى غير مجاله ولكن حب ما تعمل حتى تعمل ما تحب وبقدر نجاحك فى عملك الحالى ستكون ناجحا فى عمل الغد
كلامى هذا نابع من تجربه فعليه
ايمن عبد الرحمن
25 سنه
مدير مالى بعد عناء

Apocalyptica

07-08-2010, 01:45 PM

طبعا زميلى العزيز بيهزر معاك .. و شد حيلك الحياة كفاح و انت ماشى صح

اكيد طبعا
بس على فكرة كنت زمان عايز اطلع لعيب كورة و كنت مشترك و حتى الان في احد الانديه العريقه
و كان صحابي لعيبه و منهم مشاهير بدون ذكر الاسماء و كنت بروح معاهم كل التدريبات
لكن كل مرة مكنش بلعب معاهم بس الحاجه الوحيده كنت بعملها اني كنت يلم الكور بره الجون
كنت في اولى و تانيه اعدادي و كانو هما بيلعبوا في ناشئين الاهلي المهم حاولت كذا مره ابقى جون و لا حتى خط نس لكن مفيش فايده فقالولي انت تعض تلم كور لمدة سنتين بعد كده نشوف حنعمل ايه و كنت بطلع ساعات في التلفزين طبعا ورا الجون
احلام الصبا الحقيقي انا فعلا معرفش حتى امشي بالكورة بس انا كنت واخد بطوله مراكز الشباب في الشطرنج
مش كل حاجه لنحلم بيه بتتحقق

nabil fathy

07-10-2010, 12:18 PM

http://www.youtube.com/watch?v=yCj1-qDwY1c

nabil fathy

07-10-2010, 12:27 PM

http://www.youtube.com/watch?v=yCj1-qDwY1c

nabil fathy

07-10-2010, 12:30 PM