انا مش جبان !

[SNIPER_333]

السلام عليكم ورحمة الله وبركاته

اخواني اعضاء المنتدي المميز ...

بكلم كل واحد فيكم علي اساس انه اخوي وانا واثق في ربنا سبحانه وتعالي ثم فيكم
انكم مش هتخذلوني بإذن الله

احب اعرفكم بي انا اخوكم محمد اسماعيل ... متزوج واعمل بالمملكة العربية السعودية

المهم ..

يا جماعة الموضوع باختصار اني بحاول اذاكر السي ام ايه ومش عارف
مش عشان المنهج صعب
ولا عشان الانجليزي رخم

بس انا كنت شغال ع الجزء الاول بارت وان النظام القديم واتلغي

دلوقتي حولت علي البارت 3 النظام القديم ..
مشكلتي تتلخص اني مش عارف اذاكر منين من كتر الماتريالز ... ك SELF STUDY

كانت تجربتي كالآتي :

كتاب هوك بيفهمك بس بيرغي كتير لدرجة انك ممكن تلافي نفسك بتنام من كتر ما بيعيد ويزيد والوقت المتبقي بعد الشغل يادوب لو اخدت صفحة وش وظهر يبقي فضل وعدل

جليم سريع وبيكلم واحد فاهم وبيستخدم كلمات انجليزي صعبة

كتاب الاي ام ايه مكونتش عنه انطباع اوي بس مستريحتش فيه ..

ده غير اني جربت هاند اوت لأرادو .. وسنتر اسمه cpa
ده غير الاوديو
وجربت طرق محتلفة ..بس حاسس اني مبتطورش مفيش جديد ..

مفيش طريقة ذكية للمذاكرة غير المكتوبة ع المنتديات اللي فيها قسم خاص بال cma
غير واحد الله يكرمه كاتب مشاركة والكل بياخدها كوبي وباسيت وحفظنها

... المشكلة في زي ما قولت تذاكر منين وانت مطمن

بعض الناس ممكن ترد وتقولي امال انت عاوز حاجة سهلة .. دي CMA يابني
هقوله بص يا عمي .. انا مقتنع ان مفيش حاجة اسمها كابوس مرعب CMA لكن مقروف ومش عارف اذاكر ازاي ومنين ...
فبالله عليكم ارشدوني

هل العيب في انا مش عارف افهم مثلا ؟ او كل ما امشي شوية اسيب اللي في ايدي وابدا من
مصدر تاني للمذاكرة ( يرد علي احدهم وحد مصدر مذاكرتك ..صح طيب وازاي الطريقة )

هل الجزء الثالث فعلا مقرف ؟

هل القي نظرة علي الجزء الثاني ؟ وابدا فيه ؟؟

شكلي ه حول خالص ال Career واقلب المحاسبة ..بالله عليكم انقذوني !!! لحسن زهقت وهطق من جنابي ... من ضغط + الغربة ...

[اشرف ونس نصرى]

السلام عليكم ورحمة الله وبركاته

اخواني اعضاء المنتدي المميز ...

بكلم كل واحد فيكم علي اساس انه اخوي وانا واثق في ربنا سبحانه وتعالي ثم فيكم
انكم مش هتخذلوني بإذن الله

احب اعرفكم بي انا اخوكم محمد اسماعيل ... متزوج واعمل بالمملكة العربية السعودية



ليت اللذين يسافرون بعروض ضعيفة لمجرد السفر وهناك يذوق الامرين يا ريت يعرف خبرة السابقين له هناك

[SNIPER_333]

والله اكيد عندك حق بس الواحد مش بيتعلم ببلاش
بس يا تري كلام حضرتك ده بيخليني نموذج للشباب الفاشل ؟

فين الحل حضرتك ؟ فين اجابتك علي اسألتي ؟؟

[اسماعيل ابراهيم موسى]

انت نموذج للشباب الطموح المكافح
وهل من اجتهد وسافر ليحسن مستواه نموذج للشباب الفاشل!!!!
ربنا يوفقنا جميعا. ويغير من وضع بلدنا للاحسن لكي نرجع نعمل ببلدنا. خيراتنا كثيرة ولكنها منهوبة

[ahmed`elhadad]

من راى المتواضع ان حضرتك تبدا فى الكتب الجديده افضل

بعننى تبدا صفحه جديده و ارشحلك المنهج بتاع المعهد

و اهم حاجه فى الصفحه الجديده حاول ما تذاكرش لوحدك

يعنى شوف كام واحد من اصحابك

وتعدو مع بعض مثلا كل اسبوع تشوفو ايه الصعوبات

حته معينه تشوف السؤال يجى فيها ازاى

وبكده تبقى حققت الايه وتعاونو على البر والتقوى

وهل هناك بر افضل من العلم الذى يسمو بالعقل

هذا راى المتواضع و ادعو الله انو يوفقنا جميعا

تحياتى

[SNIPER_333]

اعزك الله يا اخي اسماعيل ...
وفي كل من شارك ..
واعتذر للأخ اشرف ان كان كلامي ضايقه ..
ولكن نظرا للضغط الشديد فالواحد ع اخره وعاوز اخوانه يساعدوه :sm68:

[madalost]

انا راى انى انت مش تغير الكتاب انت تغير طريقة مزاكرتك ازاى
1- تقرا ال يونت قارئة سريعة ممكن تحس انى انت مفهمتش مش مهم
2- البدأ فى حل الاسئلة من جليم (هتلاقى نفسك بتغلط كتير مش مهم )
3- الرجوع الى اليونت والمذاكرة الجيدة لة
4- اعادة حل الاسئلة وهتشوف الفرق
وصدقنى دى احسن طريقة لمذاكرة السى ام اية هيا الحل الكتير

والله الموفق

[SNIPER_333]

اشكر كتير اخوي
ولكن زي ما ان عارف دي اخر فرصة لي
هل بارت 2 او 3
ياريت الاجابة اسمعها من الجميع ... وبنفس الوقت تكون منطقية ...مش .بلاش دي ..ودي صعبة ودي سهلة
لا من حيث الوقت
ورايك الشخصي
ويا سلام لو في سابق تجربة

[SNIPER_333]

حينما كتبت السعودية ارض العبودية ... وكل ارض الله فيها عبوديه له وحده ...

ا
كيد العبودية لله وحده يا اخونا مراقب المنتدي الكريم ..

لكن ما قصدته هو كيفية المعاملة مع الاجانب ... واساليب الاتفاق علي العمل
و كأننا رجعنا تاني لأيام سوق النخاسة والمكاتبة

جزاك الله خيرا

[madalost]

بارت 3 اعتقد انو هيخلص فى وقت اقل بأذن الله

[خالدعبدالنبي]

نصيحة أخ أكبر
لقد حملت نفسك أكثر من حملها أن الله لا يحمل النفس أكثر من وسعها أنظر إلي نفسك و كن واقعي
أنت تعمل في السعودية و من ظاهر كلامك أن مرتبك صغير .
و قمت بالزواج و أحضار زوجتك معك أن كان حدث ذلك !!!
فأنت الأن في موقف صعب يحتاج إلي عزم الرجال و صلابة المصريين و جلدهم و أنجازهم نظم نفسك و أعلم أنك بين خيارين أما أن تبني مستقبلك المهني أو تبني مستقبلك المادي و لك الأختيار ؟
حاول أن تحل نماذج للأمتحانات قدر ما أستطعت و سوف تجدها أن cma ليست معجزة و ليست نهاية العالم فالحياة تجارب تمر بكل منا فيها الفشل و بها النجاح المهم أن تستمر و تنظر إلي الأمام
و أعلم أن الله لا يضيع أجر من أحسن عملة و عسي أن تكرهوا شئ و هو خير لكم فأنت تريد و أنا أريد وربنا فعال لما يريد .

[sheno999]

متزعلش نفسك ابدا يا سنيبر وكمان المصريين الا عمله كدة غى نفسهم هنا فى السعودية بسبب كرها المصريين لبعض والسفنى فى بعض كتير وكله هنا بيدوس على اية حد عشان يوصل للهو عايزة ومتزعلش نفسك ابدا وانا ان شاء الله هكلمك قريب زية ما قلتلك يامعلم واتمنى ليك مزيد من النجاح اخوك طارق

[SNIPER_333]

السلام عليكم ورحمة الله وبركاته
الموضوع منور بمشاركات اخواني واحبائي
والله نصائح غاليةوكلمات في الجووووووون

اخوي الكبير ..ا ستاذ خالد .. فعلا انا علي ضغط
بس لم استقدم زوجتي معاي .. كفاية اللي بشوفه انا ! وطبعا المرتب ظريف جدا جدا يعني مش عاوز اقولك

بالنسبة للمدعوة CMA او ايه السم الده !
فلا هي كابو س ولا شئ وفي ناس كتير نجحت وفشلت ونجحت .. الله المستعان
بس طريقة تنظيم الوقت او المذاكرة هي المشكلة
وارجو ان توضح كلام حضرتك
تبني مستقبلك المهني .. يعني بالشهادة صح
او المادي ؟ يعني اشوف وظيفة افضل ؟

معلم shino باشا ... منتظر اتصالك يا سيدي
وارجو ان نتواصل قريبا ...باذن الله
وبص يا معلم مصر هي احسن بلد .. وناسها احسن ناس في كل حاجة ..بس لما بيعوزوا يبقوا كويسين
وللي بياسفن بني ادم ناقص سواء مصري ولا غيره
وعلي راي واحد لما جه الرياض قالك اكل ونوم واسفنة ...

وياريتنا نخاف علي بعض زي بعض الجنسيات التانية ..+ الرك علي البيت والتربية .. والمرجعية الدينية .. يعني النفس من جوه .. مش ده مصري ..

وانا في مصر مكنتش بطيق رشاوي و غلا وزحمة طريق
لكنها بلدي ومهما اغيب
و هي تنادي
ارجع واحن بقلب المجيب

[براعم مصر]

نصيحة أخ أكبر
لقد حملت نفسك أكثر من حملها أن الله لا يحمل النفس أكثر من وسعها أنظر إلي نفسك و كن واقعي
أنت تعمل في السعودية و من ظاهر كلامك أن مرتبك صغير .
و قمت بالزواج و أحضار زوجتك معك أن كان حدث ذلك !!!
فأنت الأن في موقف صعب يحتاج إلي عزم الرجال و صلابة المصريين و جلدهم و أنجازهم نظم نفسك و أعلم أنك بين خيارين أما أن تبني مستقبلك المهني أو تبني مستقبلك المادي و لك الأختيار ؟
حاول أن تحل نماذج للأمتحانات قدر ما أستطعت و سوف تجدها أن cma ليست معجزة و ليست نهاية العالم فالحياة تجارب تمر بكل منا فيها الفشل و بها النجاح المهم أن تستمر و تنظر إلي الأمام
و أعلم أن الله لا يضيع أجر من أحسن عملة و عسي أن تكرهوا شئ و هو خير لكم فأنت تريد و أنا أريد وربنا فعال لما يريد .

جزاك الله خيراً أستاذ خالد
فعلاً كلماتك أقرب للواقع والحقيقة

[SNIPER_333]

منتظر توضيح اكتر

[loveing_2010]

الله يقويك

[medoking]

السلام عليكم
من وجهة نظري الخاصه عليك وضع خطة مذاكرة ووقت محدد لانهاء المهمه فمنهج الهوك 2010 الجديد سهل ومبسط وبعد الانتهاء من كل جزء لابد من حل تمارين جليم والله الموفق.
أخوكم / محمد