كيف يمكن معرفة الموقف المالي ولا يوجد معلومات إلا المبيعات والمشتريات وحساب الموردين

[طنطاوي جدا]

السادة الاساتذة المحاسبين الكبار الفاهمين اوي
اود اولا ان اشكركم علي مجهوداتكم الرائعة جدا في هذا الموقع واسال الله عز وجل ان تكون في ميزان حسناتكم يوم القيامة
لي طلب بسيط جدا
انا بشتغل في شركة ادوات منزلية ليها فرع في طنطا الفرع ده عبارة عن محل بالايجار وقبل ما اروح مكانش فيه للمحل ده اي حسابات منتظمة مدير الفرع لسبب شخصي عايز يعرف موقف مالي من 1/1/2010 مع العلم اني ليس لدي اي معلومات غير المبيعات من 1/1/2010 والمشتريات والمصروفات وحسابات الموردين وبردو حسابات الموردين غير منتظمة بنسبة100%
ارجوكم ساعدوني بالله عليكم:sm15:

[Apocalyptica]

تدور على اي دفاتر لو اجنده اي حاجه مسجل فيها بيانات حسابيه
غالبا معظم التجار عاما اجنده صندوق و اجنده للعملاء و الموردين او اجنده البضاعه اي كان
المهم يجي دور سعادتك انك تحلل اجنده الصندوق لمدفوعات و مقبوضات و من ثم تعمل ح/ صندوق
لعدين تحلل العملاء و الجواسيس قصدي العملاء بس و تعمل ح/ عملاء و موردين و طبعا تفصلهم عن بعض
لعدين تخوف الناس و تقلهم انا عايز اعمل جرد مفاجئ على الخزينه اولا و في نفس اليوم ياريت على مخزن البضاعه تاني يوم تعمل كشف بالاصول الثابته ده اذا ما ضربتش من موظفين المخزن لانك غالبا حتلاقي حاجات ناقصه
المهم بعد كده رد علي و طمنا على نفسك
عشان في كماله

[Apocalyptica]

طنطاوي انت فين

[Apocalyptica]

طنطاوي متعملش الجرد

[طنطاوي جدا]

مشكوووووور والله يعطيك الف عافيه ههههههههههههههههه
اشكرك اخي الكريم انا بخير ما تقلق علي حتي الان
كل ده طيب وكويس جدا وبعدين
عرفت رصيد الخزنة وعرفت رصيد البضاعة اللي في المخزن
بس الاصول الثابتة دي هتبقي زي ايه المحل ايجار والتجهيزات اللي موجودة عبارة عن فتارين زجاج ومراوح سقف وارفف وحاجات من دي ودي صعب تقديرها
ارجو الكمالة عشان انا جعان جداااااااااااااا

[محمود صلاح 2010]

أنت ممكن تعمل الأصول الثابته دى برقم معين وميتغيرش يعنى ممكن متعملهاش اهلاك لغاية متتكهن وتتغير بس هى دلوقتى عباره عن اموال موجوده لازم تظهر

[reda metwaly ahmed]

مع كامل احترامي لازم الجرد يتعمل علشان نقدر نعمل مركز مالي قريب الي الصح

[طنطاوي جدا]

اشكر كل الأخوة اللي ردو عليا واطمنكم اني لسه سليم
وقدرت اقيم الاصول بتاعة المحل بمبلغ معين
وبعدين