تعريف مبسط لطبيعة حسابات شركات السياحه

[ah_zenhom]

مرفق ملف على باور بوينت يوضح تعريف مبسط لطبيعة حسابات شركة السياحه والتقارير المطلوبه والدفاتر المحاسبيه المطلوب التسجيل بها

[ah_zenhom]

هل لو عملت دروس خصوصيه فى محاسبه شركات السياحه لعدد 40 محاسب قاموا بتحميل المقدمه فقط يا ترى الحصه ممكن تكون بكام ؟ والمده كام يوم ؟ يا سلام مشروع سهل ومفيد وواقعى
وخصوصا ان مفيش اى رد يوضح هل تم اضافة معلومه ولا مجرد تحميل من اجل الاقتباس

[medooo_milan555]

ولا تزعل نفسك أنا أرد عليك وأقولك من قبل ما أحمل الملف شكراً على مجهودك
وليك رد منى بعد مطالعة الملف مبدئياً ولو فى اى تعليقات هاسألك واوضحهالك .

شكراً على العمل .

[medooo_milan555]

مبدئياً الشرح كويس جداً ومقدمة ممتازة لأى حد عايز يتعلم معنى كلمة المحاسبة فى شركات السيحة

لكن فين التطبيقات العملية والامثلة الحقيقية وطريقة توجيه القيود وشكل القوائم والحسابات واسماءها .

أتمنى اتمام العمل ان كان فى النية

وبجد البرنامج جيد كمقدمة توضيحية .

مع الشكر

[ah_zenhom]

الاخ / medooo_milan555 (http://www.aliahmedali.com/forum/member.php?u=17675)
أشكرك على اهتمامك بالتعليق واحب ان انوه ان الملفات التطبيقيه كتير شويه وفيها ارتباطات فلازم اى مستخدم ليها يكون ملم المام جيد بالاكسل من اجل ان لا يقوم بالغاء اى معادله او ارتباط بين الخلايا
وفعلا الموضوع بسيط جدااااااااا ونفسى انقل الملفات بس محتاجه لشرح والموضوع كتير عليا انى انقله عبر المنتدى لكن والله الموضوع سهل جدا ومفهوش اى كيمياء ولا فزياء ولا احياء لكن احاول ان اقوم بتلخيص الموضوع ونقله عبر المنتدى

[elsayedhassan88]

مشكور أخى دمتم عونا لنا ــــــــــ تحياتى

[ah_zenhom]

السلام عليكم ورحمة الله وبركاته
طبعا الشرح ده للمحاسبين المبتدئين وليس للمحاسبين الخبره ولو فى الشرح شىء يستحق التعديل فاهلا وسهلا ...........

احنا مش محتاجين اكتر من فهم جيد للحسابات الدفتريه ده اولا
عباره عن ايه الحسابات الماليه ؟ عباره عن مجموعه دفتريه اساسيه تعتمد على مستندات
طبيعة لمستندات : اذون قبض واذون صرف وقيود تسويه
طبيعة الدفاتر المحاسبيه : تنقسم الى قسمين : الاول حسابات ماليه
الثانى حسابات تحليل ايرادات وتكلفه
الحسابات الماليه :
دفتر اليوميه الامريكيه ( وهذا غنى عن التعريف والمحاسب اللى ما يعرفهوش بلاش يسالنى على اى حاجه فى باقى الشرح )
دفاتر عملاء (طيران - نقل سياحى - سياحه وافده - سياحه طارده - سياحه داخليه - سياحه دينيه عمره - سياحه دينيه - حج )
دفاتر نقديه بالخزينه ولدى البنوك ( دفتر حركه خزينه - دفتر حركه بنك كل حساب على حده وكل بنك على حده - دفتر شيكات تحت التحصيل )
دفتر مدينون ( خاص بالعهد والسلف والحسابات المدينه مثل ضريبة الاضافه .....واى حساب مدين غير مرتبط بالنشاط )
دفتر دائنون ( موردين على الحساب ، تامينات اجتماعيه ، ضريبة الخصم ، ضريبة مبيعات ،تامينات لدى الغير ..........واى حسابات طبيعتها دائنه غير مرتبطه بالنشاط)
دفتر راس المال (طبعا تسديدات راس المال تثبت به )
دفتر اصول ثابته (كل اصل يشترى له صفحه خاصه يوضح به تاريخ الشراء والقيمه المشتراه ونسبة الاهلاك السنوى ومجمع الاهلاك والرصيد الدفترى ورقم فاتوره الشراء والجهه المشترى منها الاصل على ان تسجل القيمه بعد حساب ضريبة المبيعات وقبل خصم ضريبة المنبع )
دفتر حسابات متنوعه (يختوى على الحسابات التى ليس عليها حركه شهريه كثيره مثل مصروفات مستحقه ، مصروفات مدفوعه مقدما ، مصروفات رحلات متعاقد عليها تحت التنفيذ)
دفتر حسابات للايرادات (ايرادات الاقسام بالاضافه الى الايرادات الاخرى وهى الناتجه عن عمليات غير مرتبطه بالنشاط مثل الفوائد الدائنه او ارباح اسهم فى شركات اخرى )
دفتر حسابات للمصروفات(مصروفات الاقسام بالاضافه الى المصروفات العموميه والاداريه )

طبعا الشكل النهائى واحد فى كل الدفاتر
حركه مدينه حركه دائنه رصيد مدين رصيد دائن البيان رقم المستند التاريخ

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

لو الموضوع مفيد ممكن بناء على الردود استكمل بقيه الشرح حيث سيتم شرح دفاتر تحليل الايرادات والمصروفات وكيفيه الربط بينها وبين الحسابات الماليه

[محمود عبدالله]

الله ينور وشكرا جزيلا وياريت اللى يخش ويضيف اضافه يكمل وما يكسلش لان اهم حاجه المتابعه ( خلى صفحة المنتدى مفتوحه طول اليوم معاك زيى اى شات ) ولو ان المنتدى يستاهل مننا اكتر من كده لان معلومه واحده بناخدها من هنا تساوى كتير جدا

[ahmed_wahead]

جزاك الله كل خير

[hany.cairo]

مشاركة متميزة ... شكرا جزيلا
في إنتظار المزيد من التطبيقات العملية

[muha0468]

بصراحة العرض التقديمى فقير جدا وكلو كلام وبس وهو فين نماذج القيود والحسابات الرئيسية والفرعية للنشاط والتوجيهات المالية للنوع دا من المنشئات شكلو كده الاخ احمد مش ناوى يكمل المعلومه للاخر

[ah_zenhom]

اشكرك الاخ muha0468على رايك فى ان العرض فقير جدا لذا احمد الله ان وجدت ما يعتبر العرض فقير وذلك حتى لا اصاب بالغرور
اما من ناحيه نماذج القيود والحسابات الرئيسيه والفرعيه للنشاط والتوجيهات الماليه للنوع ده من المنشات فقد قمت بعرض موضوع جديد بعنوان : شرح موجز لتجهيز الحسابات الماليه لشركه سياحه
على ان اكمل الموضوع بناءا على الردود وهل هناك رغبه فى استكمال الموضوع من عدمه فلم اجد احدا قام بالرد
وعلى العموم انا مستعد لو سيادتكم مقيم بالقاهره ان اقوم بالشرح لسيادتكم مباشره وبدون ايه تكاليف مجرد مجهود اضافى لحضرتك بان تحضر الى مكتبى
انا عارف ان ده مجهود كبير عليك بس العلم لا يحجب ولا يتكاسل فى الحصول عليه
وعلشان تتشجع اكتر وتحضر اليا انا مدير مالى لشركه سياحه مساهمه منذ اكثر من 20عام يعنى ببساطه محاسب على اد ما قسم الله ، يمكن يضع الله علمه فى اضعف خلقه وتستفيد من القليل اللى عندى
ومنتظر رد سيادتكم

[kamara]

السلام عليكم

بصراحة يااخ احمد العرض التقديمى كويس لكن من الناحية العملية مش هيفيد كتير

انا محاسب مبتدء فى شركة سياحة على القد كدة اتمنى من حضرتك ايميلك لو مش يزعجك يعنى

عندى شوية استفسارت ياريت حضرتك توضحهالى لانى لسة بادىء وحاسس انى تاية فى الموضوع

فياريت لو ايميل حضرتك نتواصل علية اكون شاكر لحضرتك جدا جدا

[biko66]

حبيبى مشكور على الإضافه
لكن كلامك كله أن الحركه عباره عن إيرادات و مصروفات بمعنى انه لا توجد حسابات وسيطه بشكل كبير
و الشرح مبسط جدا لدرجه انى حست ان خريج الدبلومات الفنيه ممكن يشتغل محاسب فى شركة سياحه دون عناء
اكن على كل حال مشكور على المجهود الرائع

[محمد الساعى]

مشكور جدااااااا

[mfaz1994]

شكرا جزيلا

[تعز السعيدة]

السلام عليكم ورحمة الله وبركاته
الف شكر لك أخي العزيز أحمد وأستغرب الأخوة الي يحبوا ينتقدوا بس الي عنده خبرة وشايف أنه في حاجه مش مضبوطه كان وضحها وصححها أما النقد فقط فحرام والله
أنا لدي مكتب سفريات صغير وبصراحه مش عامل أي حسابات لاني مش فاهم حاجه في الحسابات وكله على باب الله:sm101:
أتمنى تستمر أخ أحمد

[ah_zenhom]

اشكرك: تعز السعيده
لقد احييتم الامل من جديد شكرا على الكلمات الرقيقه

[abdelwahad]

جزاكم الله خير

[ahmadmosilhy]

الملف هايل
جزاكم الله على المجهود الرائع

[ah_zenhom]

دفتر تحليل تذاكر الطيران يتم التسجيل به طبقا لاحتياجات الـ بى اس بى واحتياجات الاداره واحتياجات الحسابات واحتياجات قسم الطيران.

طبقا لاحتياجات الـ بى اس بى
لذا فبدايه الشكل الاساسى للدفتر ,ويا ريت يكون على الاكسل وذلك لكثر خاناته ، فاتوره الاياتا طبعا مش كلها ناخد منها الاتى :
رقم التذكره - تاريخ الاصدار- اسم المسافر - كود الناقل - السعر الاساسى - السعر الاجمالى - نسبة العموله - قيمة العموله - المستحق لشركة الطيران وبالتالى المستحق سداده للاياتا

احتياجات قسم الطيران
منفذ التذكره - ربحية التذكره

احتياجات الحسابات
المستحق على العميل -المسدد - تاريخ السداد - رقم مستند السداد - الباقى المستحق - الخصم الممنوح للعميل - الايرادات الاخرى - اسم الحساب المقيد عليه التذكره

احتياجات الاداره
يتم استخراج التقارير الاتيه من البيانات التى تم تفريغها السابقه :
مبيعات كل شركة طيران على حده
عدد التذاكر المصدره لكل فتره بيعيه
مبيعات كل موظف على حده
اجمالى الايرادات المحققه
اجمالى مصروفات التنشيط الممنوحه للعملاء
ربحية القسم شهريا او كل فتره بيعيه
معرفة المستحق على العملاء
واهم شىء معرفة المبلغ المستحق على الشركه للاياتا فى نهاية كل فتره بيعيه

يمكن عمل قيد اثبات اصدار تذاكر الطيران من التحليل السابق :
من مذكورين :
ح/ ميبعات الطيران (اجمالى قيمة التذاكر )
ح/ عملاء طيران ( المستحق على العميل قبل سداد ايه مبالغ)
ح/ مصروفات الطيران ( الخصم الممنوح للعميل)
ح/ ضرائب اضافة ( الضريبه المخصومه على العموله بمعرفة شركة الطيران أ ت ص )

الى مذكورين :
ح/ دائنون ( المستحق لكل شركة طيران على حده )
ح/ ايرادات طيران ( العموله القانونيه قبل خصم الضريبه أ ت ص )
ح/ مبيعات طيران ( اجنمالى قيمة التذكره)
ح/ ايرادات اخرى ( اية ايرادات خلاف العموله القانونيه)


وفيما يلى دفتر تحليل النقل السياحى :

[ah_zenhom]

دفتر تحليل تشغيلات النقل السياحى :

حركة تشغيلات النقل السياحى ،التى يستخدمها مدير الحركه او مدير النقل على حسب كل شركه سياحه ونظامها ،يشمل البنود الاتيه على سبيل المثال وليس على سبيل الحصر :

تاريخ التشغيله - اسم العميل (سواء شركة او شخص ) - القائم بالتنفيذ (قد يكون من خارج الشركه او اتوبيسات الشركه ، اذا كان اتوبيسات الشركه يتم تحديد رقم لوحة الاتوبيس واسم السائق ) - التشغيله (من : الى ) - رقم امر الشغل - سعر البيع للعميل - سعر الشراء من الخارج - سعة الاتوبيس

هذا هو نفس البنود التى يشملها تحليل تشغيلات القسم بالحسابات
مع ملا حظة عدم وضع تكلفه التشغيله فى حاله استخدام سيارات الشركه حيث لها تحليل خاص سيتم العوده اليه لاحقا

ويضاف رقم الفاتوره - مبلغ ضريبة المبيعات - اجمالى المبلغ المطلوب من العميل بعد اضافة ضريبة المبيعات

ويتم التفريغ فى هذه الخانات من واقع دفتر حركة تشغيلات قسم النقل مع دفتر اوامر الشغل


نستخلص القيد التالى فى اثبات الايراد والمصروف على حركة تشغيلات الشهر ما عدا مصروفات سيارات الشركه بقيد منفصل تالى

قيد رقم (1) اثبات الايراد
من مذكورين :
ح/ عملاء نقل سياحى (الخدمه +الضريبه )
ح/ مصروفات رحلات متعاقد عليها (فى حاله المستحق على اقسام السياحه بالشركه)

الى مذكورين:
ح/ ايرادات نقل سياحى - ايجار من الخارج ( طبعا بمبلغ الخدمه قبل ضريبة المبيعات)
ح/ ايرادات نقل سياحى - سيارات الشركه (مبلغ الخدمه قبل ض مبيعات)
سياره رقم ×××××
سياره رقم ×××××


قيد رقم (2) اثبات مصروف الايجار من الخارج :

من مذكورين:
من ح/ ضريبة مبيعات ( بمقدار الضريبة المضافه على فاتوره المنفذ)

من ح/ مصروفات نقل سياحى - ايجار من الخارج ( تكلفة الخدمه قبل ض المبيعات)

الى ح/ جارى شركات نقل ( تكلفة الخدمه + ض المبيعات)



تحليل مصروفات سيارات الشركه :

اية سياره سياحه لها مصروفات تشغيل بدونها لا يعمل الاتوبيس من ضمنها :

اجور - تامينات - سولار - زيوت - جراج - رسوم طريق وانتظار- اصلاح وصيانه - قطع غيار - رسوم تراخيص - قسط تامين تكميلى - اكراميات - كاوتش

لا يتضمن مصروفات السياره عمل عمره الموتور فيجب لانتباه هنا ان عمرة الموتور يتم تحميلها على الاصول الثابته (تكلفة السياره ) ويراعى استهلاك العمره على الفتره المتبقيه من عمر الاتوبيس

فى حاله الصرف من الخزينه يتم مراجعه جميع المستندات المرفقه وتكون معتمده من مدير النقل والمدير العام او صاحب الشركه
ويكون القيد كما يلى لاذن الصرف :

من ح/ مصروفات نقل سياحى - سيارات الشركه سياره رقم ××××
الى ح/ الصندوق

فى بعض الاحيان يكون السائق مستلم لعهده نقديه فيتم تخفيض العهده بما تم استلامه من مستندات والقيد كما يلى :

من ح/ مصروفات نقل سياحى - سيارات الشركه سياره رقم ××××
الى ح/ مدينون - عهده السائق ××××

وفى احيان اخرى يتم صرف مصروفات السياره فى بداية الشهر الجديد مع انها تخص الشهر السابق هنا لا بد من عمل قيد استحقاق وذلك من اجل تحديد تكلفة التشغيلات الفعليه التى تخص الشهر الذى سبق وان تم اثبات الايراد الخاص به

ويكون القيد كما يلى :

من ح/ مصروفات نقل سياحى - سيارات الشركه سياره رقم ××××
الى ح/ مصروفات مستحقه - نقل سياحى

وبعد الصرف فى الشهر التالى يتم توجيه اذن الصرف :

من ح/ مصروفات مستحقه
الى ح/ الصندوق


طبعا من تحليل التشغيلات وتحليل المصروفات يمكن التعرف على
* تشغيلات كل اتوبيس على حده
* ما قام به كل سائق على حده من تشغيلات وتحديد بدلاته
* ايرادات الايجار من الخارج وما يقابلها من مصروفات وذلك لتحديد صافى ربح تشغيلات الايجار من الخارج
* كذلك مصروفات وايرادات كل اتوبيس وبالتالى صافى ربح تشغيلات كل اتوبيس على حده
* تشغيلات كل عميل على حده شهريا و مقارنتها بالشهر السابقه او بالسنوات السابقه كذلك
* جدوى تشغيل كل سياره ومتابعه مصروفاتها شهريا مما يظهر التجاوزات فى الصرف او فى الاصلاح ومقارنة اسعار قطع الغيار وربط رسوم الطريق باوامر الشغل ومراجعه العداد للذهاب والعوده ومعرفة سعر الكيلو متر ايراد ومصروف ومقارنه بنفس الاتوبيسات المشابهه واظهار النتائج لمدير النقل والاداره لعليا


يا رب اكون وفيت قسمى النقل وتذاكر الطيران حقهما وان شاء الله سيتم تباعا معرفة قسمى السياحه العامه والسياحه الدينيه

دعواتكم لى بصالح الاعمال ويتقبل الله منا ومنكم

[انور المرسى]

خيال انت احسن خيال فى الشرح (خيال= رجل فارس )

[انور المرسى]

من شكر الناس فقد شكر الله
هدا مجهود عظيم
وليس عيب ان الرجل يتكلم ببساطة وهدا هو السهل الممتنع

[انور المرسى]

ياستادنا الكبير
لدى استفسار صغير
ان القيد المزدوج متوازن
هل تظن ان قيد اثبات الايرادات قيد متوازن وخاصة ان ض المبيعات مثبتة فى طرف وغير مثبتة ف طرف اخر
ارجو الافصاح
هل تثبت فى حساب داءنون متنوعون بنفس القيد ام لا

[ah_zenhom]

شكرا استاذ / انور المرسى

ملاحظتك فى محلها وللاسف بعد ان اتممت الشرح ضغط على اضافة الرد دون المراجعه فعذرا مقبول

تخص ملاحظتك القيد رقم 1 فيرجى اضافة : الى ح/ ضريبة مبيعات
الى القيد رقم 1

اما بالنسبة الى اضافة القيد الى ح/ دائنون متنوعون فيجب هنا تعريف ما هية ح/ الدائنون المتنوعون ؟
الدائنون المتنوعون عباره عن مجموعه حسابات طبيعتها دائنه قد يكون من ضمنها ح/ ضريبة الميعات وعلى فكره يجب ان يكون الحساب ظاهر بجميع حركاته المدينه والدائنه مثل ح/ ضريبة كسب العمل او ضريبة الخصم او ضريبة الاضافه

لعل الله وفقنى فى الاجابه وهذا ما ارجوه وشكرا على ملاحظتك بخصوص القيد رقم 1

[gizafox]

ياريت ما تحرمنا من علمك عشان زى ما ناتنت عارف مافيش محاسبين فى السياحة كتير ياريت تشرحلنا كل شىئ عن النقل السياحى وايه هى ضريبة المبيعات المخصومة

[ah_zenhom]

ضريبة المبيعات :


هذا موقع دليل ضريبة المبيعات للخدمات السياحيه
ارجو من ادارة المنتدى ان لا تلغيه من الرد لاهميته
http://salestax.gov.eg/guidpdf_a/14.pdf

متى يتم التسجيل :
اذا بلغت جملة ايراداتك مقابل الخدمات السياحيه مبلغ54000جم خلال العام او جزء من العام عليك التوجه للماموريه للتسجيل

الاقرار الضريبى :
يقدم شهريا حتى ولو لم يقدم خدمات خاضعه للضريبه والمهله القانونيه لتقديمه خلال الشهرين التالين لشهر المحاسبهفيما عدا اقرار شهر ابريل فيقدم فى موعد غايته15يونيو من كل عام

خصم الضريبه:
وفقا لاحكام القانون رقم 9لسنه2005المعدل للقانون رقم11 لسنه1991 فانه يحق لشركات النقل السياحى باعتبارها مؤدى خدمه خاضعه للضريبه خصم الضريبه السابق سدادها على السيارات المشتراه والمستخدمه فى تادية الخدمه طالما ان استخدامها هو النشاط المرخص به للمنشاه فى حدود المستحق من الضريبه

نسبة الضريبه 10% على تشغيلات النقل السياحى ويتم تسجيلها فى حساب خاص
وذلك على جميع الفواتير الصادره من قسم النقل السياحى

وفى حاله الاستئجار من الغير والحصول على فاتوره ضريبيه يتم خصم قيمة ضريبة المبيعات الوارده من الغير من اجمالى الضريبه المستحقه على الفواتير الصادره من شركتى ويسدد الفرق (حيث مفهومها اننى سددت الضريبه عن الخدمه المؤداه والمحصله من العميل عن طريق فاتوره المنفذ وعن طريق ربحيتى وقت السداد بالفرق )
مع الاخذ فى الاعتبار انشاء ملف خاص بهذه الفواتير وترفق مع صوره الاقرار المسلم للماموريه

ويجب الاخذ فى الاعتبار ان ضريبه المبيعات يتم تحصيلها من الغير لتسليمها لمامورية ض المبيعات وهى تعتبر على سبيل الامانه لذا المشرع غلظ العقوبات الخاصه بعدم توريد الضريبه للماموريات

[bluesky2009]

شكرا علي المجهود المبذول وجاري مطالعة الملف وشكرا

[bluesky2009]

السلام عليكم ورحمة الله بجد مجهود وشرح جزاك الله كل خير علية ويا ريت تكمل الموضوع وندخل في شرح فعلي للعمليات التي تقوم بها الاقسام المختلفة داخل الشركة علي حد ويتم التناقش فيها حتي يتم الوصول لاعداد القوائم المالية للشركة

[ah_zenhom]

حسابات قسم السياحه ( الوافده - الطارده - المحليه ):

تقريبا بنود المصاريف متقاربه مع بعضها ولكن هنا يجب توضيح وعرض البيانات بطريقه سهله من خلالها يمكن استخدام كل البيانات لجميع المستويات ( قسم السياحه - قسم الحسابات - الاداره الوسطى - الاداره العليا)

وكما سبق يجب ان يكون هناك دليل اتحرك من خلاله وهو :

ايه هى البيانات التى احتاجها ؟
كيف اقوم بتسجيل المقدمات المسدده تحت حساب مصروفات الملفات ؟
متى يتم اقفال ملفات ؟

اولا البيانات التى احتاجها (وليست على سبيل الحصر وتتخذ كدليل ) كما يلى :

ما يخص الايراد :

سعر التحويل المعادل بالجنيه المصرى القيمه بالعمله الاجنبيه تاريخ الفاتوره رقم الفاتوره المستحق على العميل

ما يخص قسم السياحه :

PAX: المسوق NO:OF NIGHTS DEP: ARR: NAME OF GROUP: FILE NO:

ما يخص المصروف :

التاريخ رقم المستند البيان اجمالى المصروفات
والمصروفات عباره عن :

اقامه طيران انتقالات م تأشيره مزارات وارشاد
بدل سفر مطاعم اكراميات وهدايا م تنشيط متنوعه

اقوم بوضع جميع البيانات السابقه عى سطر واحد فى شيت اكسل واقوم بانشاء المعادلات من جمع لبنود المصروفات وطرح تاريخ السفر من تاريخ الوصول مع اضافه واحد صحيح وذلك فى خانة عدد الليالى وهكذا
واقوم بنسخ الخلايا لاسفل الى ماشاء الله

هذا الملف يتم تسجيل المقدمات المسدده تحت حساب الملفات طبقا لتاريخ السداد ولا يتم تسجيل المستحقات الا عند اقفال الملف

نسمى هذا الملف : ملف مصروفات رحلات متعاقد عليها (وافده - طارده - محليه)

وباستخدام " فلتر" يمكن معرفه كل ملف صرفت عليه كام حتى تاريخه وكذلك يمكن استخراج بيان بالمصروفات المدفوعه تحت حساب الملفات والمبالغ المحصله تحت حساب الملف كدفعات من العميل فى لحظه معينه وذلك باستخدام الـPivotTaple


القيود المحاسبيه :
فى حاله الصرف :
من ح/ مصروفات رحلات متعاقد عليها
بند *****
بند *****

الى ح/ الصندوق - البنك

فى حاله استلام دفعات من العميل :

من ح/ الصندوق - البنك
الى ح/ عملاء السياحه
ملف *******


اقفال الملفات :

يتم انشاء نفس الشيت السابق بملف يسمى : تحليل مصروفات ملفات السياحه

يتم عمل فلتر من ملف الرحلات المتعاقد عليها بالملف الذى سيتم اقفاله واخذ Copy ووضعه فى ملف تحليل المصروفات

الخطوه الاولى : يتم تفريغ اجماليات البنود بالسالب فى ملف رحلات متعاقد عليها وذلك حتى يتم تصفير الملف داخل هذا الحساب
الخطوه الثانيه : يتم عمل القيد التالى

من ح/ مصروفات سياحه
ملف *******

الى ح/ مصروفات رحلات متعاقد عليها - ملف****

ثم يوجد هناك استحقاقات قيدها كما يلى :

من ح/ مصروفات سياحه ملف ******
الى حساب مصروفات مستحقه
فندق ****
شركة نقل ****

وهناك ايضا عهد تم صرفها تحت حساب الملف :
من ح/ مصروفات سياحه ملف *****
الى ح/ عهد فلان الفلانى

وكل قيد مما سبق سواء الاستحقاق او تصفيه العهد يتم تفريغه فى ملف تحليل مصروفات السياحه طبقا لكل بند


اثبات الايرادات :

فى البدايه انا عندى حساب عملاء تم تفريغ الدفعات المقدمه المسدده من العميل
ومن واقع ما قدم الينا من مستندات يتم عمل فاتوره للعميل برقم او اسم الملف ثم ننشىء قيد الايراد كما يلى :

من ح/ عملاء سياحه - ملف ****
الى ح/ ايرادات سياحه - ملف ****
اثبات الفاتوره رقم *** بتاريخ ** /**/****

************************************************** *****************************

ويمكن هنا استخدام ما سبق (مع الاخذ فى الاعتبار انه دليل عمل وليس الزام ) فى ملفات السياحه الدينيه


اللهم بلغت اللهم فاشهد

هل من استفسار ؟ هل نسيت شرح حاجه ؟ هل من مذكر ؟

وان شاء الله قريبا جدا سنقوم بشرح ميزان الاستاذ العام وارتباطه بموازين الاستاذ المساعد او الفرعى وعمل القوائم الماليه (مركز مالى - قائمة الدخل - قائمة المتاجره - قائمة التدفقات الماليه - قائمة التغير فى راس المال )

[ah_zenhom]

تعريف مبسط لطبيعة حسابات شركات السياحه

كل ما يخص حسابات الشركات السياحيه والتى تخص النشاط بالاضافه الى شرح مقدمه للحسابات على الـ باور بوينت

[medo el afreet]

جزاك الله كل خير

[وليد انور]

التعريف المبسط 10/10بس عاوز بعد اذنك شرح اوضح وشكرا

[ah_zenhom]

الاستاذ / وليد انور
ارجو توضيح استفسارك حيث تم عمل عرض مقدمه على الباور بوينت وكذلك تم التعرض بالشرح التفصيلى لجميع اقسام السياحه وكذلك ضريبة المبيعات
وان شاء الله يكون المدد من عند الله ويوفقنى فى الرد على استفسارك

[house of wax]

جزاك الله خيرا علي هذا المجهود ، وننتظر المزيد

[الرفاعى فتحى]

مرفق ملف على باور بوينت يوضح تعريف مبسط لطبيعة حسابات شركة السياحه والتقارير المطلوبه والدفاتر المحاسبيه المطلوب التسجيل بها
ما العمل الذى يقوم به ماحسب فى شركة سياحه

[الرفاعى فتحى]

ما العمل الذى يقوم به محاسب فى شركة سياحه
ما العمل الذى يقوم به محاسب فى شركة سياحه وما الشروط الواجب توافرها فيه ؟

[amrnasser]

ah_zenhom (http://www.aliahmedali.com/forum/member.php?u=75961) بارك الله لك وجعله فى ميزان حساناتك ومفيش احسن من انى الوحيد يتعلم وكون شرحك البسيط هذا ميزه لحضرتك وليست تاخذ عليك

[ali buffon]

جزاك الله كل خير

[muha0468]

اولاً أود الشكر للاخ أحمد زينهم على المجهود المبزول للإيضاحات
ثانياً لو سمحت لا تنسى ان تعطى نظره عن حسابات الـ iata
لان حساب الـ iata هو اهم حساب دائن فى حسابات الدائنين لان عدم الدفع فى المواعيد المقرره من قبل الهيئة العامة للطيران تودى الى تعطيل حساب الـ iata وتم إيقاف إصدار تذاكر الطيران

[mgwaad]

الأخ أحمد زينهم جزاكم الله خيرا على الإفاده الرائعه اللى فى شرحك كله الحقيقه انا محاسب فى شركة نقل سياحى لكنى كنت شغوف لمعرفة مايتم فى شركات السياحه العامه فى باقى أقسامها وشرحك هدا أفادنى كثيراً ,, لكن كنت حابب أسأل حضرتك سؤال وأطلب من حضرتك طلب .
أما السؤال فهو هل الإلمام بكافة الحسابات فى جميع أقسام شركة السياحه مطلوبه من المحاسب أم أنها ميزه للمدير المالى أو المحاسب الخبره بمعنى هل يضرنى أو يضعف منى كمحاسب أنى متقن لحسابات النقل السياحى دون غيره من باقى الأقسام ؟

وأما عن الطلب فأرجوا أن تسمح لى بالتواصل معك لأنى أحتاج الإرشاد من شخص خبره مثل حضرتك لأنى لسه فى بداية حياتى كمحاسب رقمى موبينيل 012-25777180

[youhana]

مبرووووووك من الاعماق والى الامام وبالتوفيق يارب

[youhana]

اللهم صل على محمد وعلى آله وصحبه أجمعين

[Ahmed_mn]

مشكووووووووووور

[Ahmed_mn]

مشكووووووووووووووووووووور

[hema5]

الله عليك الله عليك

[ah_zenhom]

ماذا يفعل محاسب فى شركة سياحه باعتقادك ؟
المحاسب ده عامل مثل الملح فى كل اصناف الاكل حتى الحلويات
ممكن تلاقيه مندوب وممكن تلاقيه خزنجى وممكن تلاقيه مسوق وممكن تلاقيه محاسب وفى اوقات خاصه جدا سكرتير خاص ....................الخلاصه المحاسب الجدع جوكر داخل الشركه

[اسامة شرقاوى]

الاخوة المشاركين السلام عليكم بعد الاطلاع على ارائكم لم يقم احد منكم بالافادة الاخ السائل وانا منهم لم استفد المقصود مثلا انا شغال فى مجال المقاولات اكيد فية نقط فنية تختلف فى عملى عن محاسب الشركات السياحية وهو المطلوب فهمة من الاخ الذى يشرح طريقة العمل فى شركة سياحية

[ah_zenhom]

الاخوة المشاركين السلام عليكم بعد الاطلاع على ارائكم لم يقم احد منكم بالافادة الاخ السائل وانا منهم لم استفد المقصود مثلا انا شغال فى مجال المقاولات اكيد فية نقط فنية تختلف فى عملى عن محاسب الشركات السياحية وهو المطلوب فهمة من الاخ الذى يشرح طريقة العمل فى شركة سياحية


هل تقصد المقارنه بين حسابات المقاولات وحسابات شركات السياحه ؟

اذا كان هذا هو السؤال فبمقدار معرفتى : الحسابات العامه فى الشركات المساهمه واحده وتتبع المعايير المحاسبيه الدوليه
والاختلاف فى حسابات التكاليف فيختلف من طبيعة نشاط الى اخر داخل نشاط المقاولات وعلى حسب السياسات المتبعه

[مصطفى محمد خلاوى دوينى]

مشكوووووووووووووووور

[bedobedo]

:sm265:شكرا

[علي بخاطره]

شكرا لك وجزالك الله خير

[داته22]

بارك الله فيك على المعلومة الطيبة ممكن اطلب منك الدليل المحاسبي لشركة سياحية

[mohamed ezz eldeen]

جزاك الله كل خير على ما تقدمه

[ام الخلول]

استاذ احمد زينهم هل من الممكن حضورى الة مكتب حضرتك لمساعدتى فى فهم بعض الاشياء الخاصه فى محاسبه السياحيه

[ah_zenhom]

استاذ احمد زينهم هل من الممكن حضورى الة مكتب حضرتك لمساعدتى فى فهم بعض الاشياء الخاصه فى محاسبه السياحيه


يشرفنى طبعا الالتقاء باى زميل ولكن نظرا لكثرة تواجدى خارج المكتب يمكنك الاتصال على الخاص لتحديد موعد

[رائد اسماعيل محمد درويش]

مشاركة متميزة ... شكرا جزيلا
في إنتظار المزيد

[testtoto]

مشكوررررررررررررررر

[sultanaccount]

موضوع هام وجزاك الله خيرا

[basuony101]

مشكور تلايةلايةلاشيبةلارشبس

[انعام محمود]

ياريت يكون فيه شرح للقيود فى شركات السياحة لأن الكلام النظرى غير كافى

[hanyaga]

شكرا على المعلومات القيمه

[انعام محمود]

شرح ممتاز يا استاذ ـZenhom ورجاء شرخ القيود مع امثلة عملية وشكرا على هذا المجهود

[ah_zenhom]

القيود موجوده مع الشرح بس ارجعى تانى وبتركيز شويه وهتلاقيها

[mido_fathy_2005]

thanksssssssssssssssssssssssssssssssssss

[sultanaccount]

مجهود مشكور عليه مأجور