مطلوب وعلي وجه السرعه محاسبين للسعوديه

[mhd_salah]

فورا للسعوديه لمؤسسه كبري في الرياض مطلوب محاسبين براتب شهري 1800 ريال اضافه الي مميزات السكن والإقامه والتأمين الطبي علي حساب المؤسسه

××××××× تم حذف الإيميل لمخالفته شروط المنتدي

[alymaghrapi]

فورا للسعوديه لمؤسسه كبري في الرياض مطلوب محاسبين براتب شهري 1800 ريال اضافه الي مميزات السكن والإقامه والتأمين الطبي علي حساب المؤسسه




جااااايين على نفسهم ليه !!!!؟
في بسطاء كتييييييير ممكن يقبلوا بالـ 1800 ريال .......لكن محاسبين !!!؟
معتقدش في محاسب ممكن يطلع السعودية بأقل من 3500 ريال لحديث التخرج

[realman]

انت بتهرج يا صلاح

[noda-87]

انا ضد ان اصحاب الشغل يستغلوا اللي لسه متخرجين لمجرد انهم حديثي التخرج اكيد كل واحد نفسه في مستقبل مش غربه و كمان هنا زي هناك كده كأنك يا ابو زيد ما غزيت....

[بقللوله]

مع احترامى الشديد لكل عضو طيب انتوا قاعدين ليه
هل يوجد عروض كويسه فى مصر؟؟؟؟؟؟؟؟؟؟؟؟؟؟؟؟؟؟
هل يوجد مرتبات اكتر من 1800 ريال فى مصر؟؟؟؟؟؟؟؟؟؟؟؟؟؟؟؟؟
ولوحد عاوز عقد كويس وتاشيره محاسب يفضل قاعد 20 سنه
على فكره السنه هناك احسن من هنا 100 مره على الاقل هتقدر تتعرف على ناس وربنا يسهل وتشوف حاجه كويسه بعد كده

[realman]

مع احترامى الشديد لكل عضو طيب انتوا قاعدين ليه
هل يوجد عروض كويسه فى مصر؟؟؟؟؟؟؟؟؟؟؟؟؟؟؟؟؟؟
هل يوجد مرتبات اكتر من 1800 ريال فى مصر؟؟؟؟؟؟؟؟؟؟؟؟؟؟؟؟؟
ولوحد عاوز عقد كويس وتاشيره محاسب يفضل قاعد 20 سنه
على فكره السنه هناك احسن من هنا 100 مره على الاقل هتقدر تتعرف على ناس وربنا يسهل وتشوف حاجه كويسه بعد كده

المرمته هنا فى مكتب محاسبة 3 سنين تجيب على الاقل 5 اضعاف المبلغ دا

اما اللى هيسافر عمره ما هيحوش نصف المرتب وكمان لا هياخد خبره ولا حاجة

اوعى حد يرخص نفسه

[خالد مصباح]

السلام عليكم ورحمة الله وبركاته : قرأت التعليقات وأعتقد أن كلام الأخ ( بقللولة ) صحيح مائة فى المائة ولاأعتقد أيضا أخ ( realman ) أن المرمتة الى حضرتك بتكلم عليها فى مكاتب المحاسبة تدى خمسة أضعاف المرتب الذى تتقاضه فى السعودية حتى لو أتسجلت محاسب قانونى أعتقد أنك لست بالخبرة الكافية فى المهنة لآن السفر الى الخارج أيا كانت الدولة أفضل لآنه هيساعدك تكون قرش بسرعة أيضا مع المرمتة على عكس مصر عمرك ما هتعمل قرش فيها وشكرا لكل وجهات النظر البناءة .

[alymaghrapi]

مع احترامى الشديد لكل عضو طيب انتوا قاعدين ليه
هل يوجد عروض كويسه فى مصر؟؟؟؟؟؟؟؟؟؟؟؟؟؟؟؟؟؟
هل يوجد مرتبات اكتر من 1800 ريال فى مصر؟؟؟؟؟؟؟؟؟؟؟؟؟؟؟؟؟
ولوحد عاوز عقد كويس وتاشيره محاسب يفضل قاعد 20 سنه
على فكره السنه هناك احسن من هنا 100 مره على الاقل هتقدر تتعرف على ناس وربنا يسهل وتشوف حاجه كويسه بعد كده


لما يبقى عرض بـ 1800 ريال دا مش عرض كويس خالص ولا هايعرف يحوش منه مليم وهايرجع رخيص في بلده وبدون خبرة لإنه هايروح السعودية يمسك رجل كرسي او مُدخل بيانات مش محاسب خااااالص
وحتى لو محاسب هايضيع عمره ببلاش

وفعلا يتمرمط هنا 3 سنين في مكتب محاسبة حتى لو ببلاش هايبني نفسه ويعمل لنفسه خبرة
يقدر بيها يشتغل في اي شركة داخل مصر أو خارجها
ويحاول يدرس انجليزي ويطور نفسه ...هايعمل لنفسه قيمة وسعر
لكن بالطريقة دي و 1800 ريال هايرخص نفسه وهايروح هناك يتعقد
لما يلاقي زميله الفلسطيني او الأردني بياخد 5000 ريال وهو 1800 وشغال شغل من نار ومفيش شكرا

[alymaghrapi]

السلام عليكم ورحمة الله وبركاته : قرأت التعليقات وأعتقد أن كلام الأخ ( بقللولة ) صحيح مائة فى المائة ولاأعتقد أيضا أخ ( realman ) أن المرمتة الى حضرتك بتكلم عليها فى مكاتب المحاسبة تدى خمسة أضعاف المرتب الذى تتقاضه فى السعودية حتى لو أتسجلت محاسب قانونى أعتقد أنك لست بالخبرة الكافية فى المهنة لآن السفر الى الخارج أيا كانت الدولة أفضل لآنه هيساعدك تكون قرش بسرعة أيضا مع المرمتة على عكس مصر عمرك ما هتعمل قرش فيها وشكرا لكل وجهات النظر البناءة .

لأ معلش
السفر لأي دولة عربية ليس افضل إلا لو بمبلغ عالي تقدر من خلاله إنك تعيش كويس وتحوش
لكن بتراب الفلوس يبقى لأ ...... وألف لأ
وأنصح أي حد قبل مايسافر يسأل ويعرف كويس جدا مستوى المعيشة في كل بلد هو مقدم على السفر ليها ومتوسط المرتبات هناك كام

انا فاكر زمان أول ما إتخرجت جالي فرصة لأبوظبي في الإمارات ب1800 درهم يزيدو بعد 6 شهور يبقوا 2500
بالمصري يعني 2700 جنيه ..........ياحلاااااوة ياسلاااااام أنا لسة متخرج وهاخد المبلغ دا ...ممتااااز جدا
روحت لواحد قريبنا اتناقش معاه ......فكتر خيره رفع سماعة التليفون واتصل بصديق له مقيم في ابو ظبي

قااااله المبلغ دا مش بياخده عامل هندي بيمسح البلاط
علاوة على كدة عمره ماهايعرف يحوش ولا يسكن حتى في سكن منفرد لإن الإيجارات غالية جدااا جدا

[alymaghrapi]

(http://www.aliahmedali.com/forum/showthread.php?t=14528)لكل راغبي السفر إلى السعودية ....خبر هاااام جدا (http://www.aliahmedali.com/forum/showthread.php?t=14528)
(http://www.aliahmedali.com/forum/showthread.php?t=14528)

[بقللوله]

[المرمته هنا فى مكتب محاسبة 3 سنين تجيب على الاقل 5 اضعاف المبلغ دا

اما اللى هيسافر عمره ما هيحوش نصف المرتب وكمان لا هياخد خبره ولا نيله

اوعى حد يرخص نفسه ]


انت متاكد ان 3 سنوات هتجيب ضعف المرتب من غر مرمته
حرام عليك دا اكبر مكتب بيدفع مرتب 300 ج وتتبهدل بهدله
بس ده رايك
بص حضرتك انا اعرف ناس دفعة 2003 ورايح السعوديه على مرتب 2500 انت عارف يعنى ايه
يعنى 7 سنوات خبره
انت لما تروح على 1800 وانت حديث تعرف تشوف لنفسك حاجه كويسه بعد كده

[samih soudy]

اتقو الله فى حد يتغراب عشان 1800 ريال
ياجماعة الخير مستوى المعيشة مرتفع
هو ده اللى مرخص المحاسبين المصريين
شوف لو محاسب من لبنان هياخد كام وهو حديث التنخرج لايفقه شى فى المحاسبة

[samih soudy]

انا نسيت اقو ل حاجه نظام الكفالة بيعملك كانك عبد و مش هيسمحلك انك تسيبه بسهولة
الا اذا كنت تاشيرة حرة

[alymaghrapi]

حسبي الله ونعم الوكيل
1800 ريال ايه بس
إوعوا حد يرخص نفسه
واللي سافر سبع سنين خبرة على 2500 دا حرام عليه هو كمان
ظلم نفسه وظلم شباب بلده معاه لإنه عمل تسعيرة رخيصة للمحاسبين المصريين

[nadergad]

طب خليهم 1850 !!!!!!!!!!!!!!!

[haithamfady]

لاحول ولا قوة الا بالله

[حماده شيكو]

لو تسمحولي بالمشاركه انال محاسب بالسعوديه برده وبقالي دلوقتي 3 سنوات معاك انك من المفروض انك تافر علي مرتب كويس ومش تهين نفسك بس حاول تحسبها بالعقل مرة وبالواقع عده مرات الاخ الي بيقول يدرب في مكتب محاسبة ويتبهدل 3 سنوات اوكي انا معاك واحترم طموحك وانا كان نفسي اني اكون كده بس الفرصه للأسف ما جتش وبعدين انتا عارف الوضع الإقتصادي في مصر الواحد ما بيصدق يخلص علشان يشتغل علشان يأخد مرتب لاكن هيفضل كده حتي بعد مايخلص لسه بيأخد المصروف من والده وبعدين انتا عارف اغلب الشعب دلوقتي الحال ها مستور وبالعافيه انصح الواحد انه يسافر علي الراتب ده كويس بس يفهم الوضع هناك ممكن يروح ويتعلم الوضع ويأخد خبرة البلد ويجي ياسيدي علي تأشيرة حرة تانيه وساعيتها يطلب الراتب الي عايزة مع الواجب انه يكون ذو خبرة للراتب ده وبرده احسن من الوضع في مصر هتفضل موجود ومش هتحوش مليم انا سافيرت اه وزميلي التاني مرضيش الحمد لله انا حوشت مبلغ كويس والتاني لسه مفيش جديد راتب موجود وبينصرف وخلاص ومفيش خطوة تمت جديده وربنا يختار لصالح دايماً للعباد

[mhd_salah]

ياجماعه كل ارائكم مع احترامي لكم صحيحه بس دا اللي معروض انا وسطه خير مش اكتر وانا ماستاهلش الهجوم العنيف دا علي العموم دا رايكم وانا محترمه طبعا بس الناس بتوع السعوديه هما اللي حاطين المرتب وعلي فكره في ناس كتيره جدا سافرت وانا سفرت لغايه الأن اكتر من 12 فرد علي مرتبات مختلفه

[ايهاب محمد عز]

انا كنت في السعودية
1800 والله والله مايكفو اكل لاولاد النس المحترمة
اما الناس . . . . . . . . فكويسين اوى اوى

[kholio2150]

شكرا علي الإيضاحات الإيجابية من الأعضاء

وأنا متفق معهم إن المبلغ غير مجدي بالمرة

[alymaghrapi]

ماشي ياجماعةنحسبها بالعقل
إنت عايزلك في اليوم الواحد 25 ريال أكل لو هتاكل وجبات جاهزة ." متوسطة ولشخص طبيعي " " مش أكييييل".....يعني 750 ريال في الشهر
عايز تنزل تشتري حاجة او تتنقل من مكان لمكان !!!؟ 20 ريال كمان ..........مرتين في اشهر يعني 40 ريال
هاتشتري مياه شرب في الشهر 40 ريال كمان
اتصالات داخليةوخارجية لأهلك وناسك تكلمهم وتتطمن عليهم ....200 ريال في الشهر
إشتريتلك حاجةتلبسها ولاساعة عجبتك ولاغيرت الموبايل ......ياعم أي ظروف اتعرضت لها 300 ريال
لوبتشرب سجاير ......ربنا يعافينا بتسحب فلوس بردو
ضيف على كدة نزولك مصر ........ إنت مشبتشتغل دلوئتي في مصر و كل يوم بيعدي عليك بيسحب فلوس منك
دا غيروإنت نازل لازمتجيبهدايا لوالدك ووالدتك أواخواتك
يعني لوحوشتلك 400 او 500 ريال في الشهر ...دا لو عرفت .......هاتلاقي نفسك بتفرتكهم مع أول نزولة لمصر

اللي يسافر ياجماعة مايسافرش رخيص

حرام والله اللي بيطلعوا على 1800 و2000 ريال دول

الغربة ليها تمن .......مش مجرد ملاليم تبيع نفسك بيها
لازم تضمن إنك تحوش مش اقل من اللي إنت بتصرفه في الشهر
والله العظيم في محاسبين هنا في مصر مرتباتهم ممكن توصل لـ 2000 جنيه و3000 جنيه

[عبد الله محمد]

1.800ريال بالشهر تناسب الاعزب ...اما المتزوج فلا تناسبه ..لكن على كل حال احسن من مصر يعني الخريج بمصر اذا وجد فرصة عمل لن يستطيع الادخار...ولكن لا تنسى المصاعب التي ستواجهها من نظام كفالة وكفيل ظالم ..لكن لازم يكون هناك مرونة في سبيل لقة العيش ...فانا ناقل الكفالة من 7 سنوات على (فرعون) وليس كفيل ولكن سينصرني الله عليه واخلع منه قريبا لشركة افضل . لاني على الحق ..

[محمدابوالخير]

على فكره فى ناس هنا بتعمل روابط خاطئه

[محمدابوالخير]

انا عايز اوضح حاجه يا جماعه كلكم عمالين تتكلمو على فيزا اللى بنظام العقد طيب ما فى فيز حره يعنى ممكن تطلع وتشتغل فى مكان ولو ما ارتاحتش ممكن تسيبه يعنى يبقى الكفيل فى جزمتك بس الفيزا الحره غاليه شويه يعنى انا مثلا طالع بفيزة محاسب عام بس دفعت 26000جنيه مصرى تمن الفيزا يعنى انت ممكن تريح نفسك من هنا ولو انت تعرف واحد مصرى هناك قريبك ولا حاجه ممكن يظبطك اما الفيزا اللى انت بتمضى على عقد فيها لازم طبعا تكون عبد للكفيل عافانى وعافاكم الله

[ahmedtaha]

فورا للسعوديه لمؤسسه كبري في الرياض مطلوب محاسبين براتب شهري 1800 ريال اضافه الي مميزات السكن والإقامه والتأمين الطبي علي حساب المؤسسه

××××××× تم حذف الإيميل لمخالفته شروط المنتدي

1800 ريال مبلغ ضعيف جدا ومش هتعرف تحوش منه حاجة ولكن ممكن لو حديث التخرج تقدر تحوش بس هتعيش باقل امكانيات ممكنة تقشف من يستطيع يتوكل على الله وربنا يوفق الجميع

[namh2001]

ما ينفعش تساو اللي خريج جديد بواحد عنده خبره وانتوا عارفين ان الرواتب في مصر ضعيفه اوي ما فيش اي محاسب خريج جديد يحلم يستلم في مصر وده لو لقى شغل بالراتب ده ولو قعد 20 سنه فما تخدعوش نفسكم واللي بيستلموا الرواتب دي في مصر بتكون امهم داعي ليهم كتير وفي النهايه دي كلها ارزاق من رب العالمين

[youssef sallam]

الله المستعان

[khalifa1]

يا جماعة احنا اللي مرخصين انفسنا انا كنت مسافر السعودية بتشتغل فى شركة مقاولات وشوفت المصريين هناك مرتبتهم عاملة ايه وحتي اليوم انا حزين على كده علشان احنا بنرده باي حاجة والسلام مع ان المحاسبين واي وظيفة تانية اكتر ناس فاهمة وكويسة فيها هما المصريين وللاسف بناخد اقل الرواتب علشان الشركات برده لما تجي تجيب محاسب مصري مثلا وطلب راتب اللي يستحقة تقول طيب سيبك منه ماهو فيه زيه كتير ويرضه باقل من كده يعني المحاسبين على قفه من يشيل بس ارجع واقول ده مش زنب الناس ولا زنب الشركات ده زنب ناس تانية و مقدرش الا ان اقول حسيي الله ونعمة الوكيل

[عبد الله محمد]

بخصوص الفيزا الحرة
اذا اردت ان تعمل بشركة كويسة ستطلب حتما نقل كفالة.....هذا النظام لحفظ حقوق الطرفين حسب نظام الدولة
يعني فيزا حرة تناسب الحرفيين فقط او من يعمل لحسابه او عمل حر بينما المحاسب بشركة لا يناسبه ذلك

[AhmedAdel2010]

(المرمته هنا فى مكتب محاسبة 3 سنين تجيب على الاقل 5 اضعاف المبلغ دا

اما اللى هيسافر عمره ما هيحوش نصف المرتب وكمان لا هياخد خبره ولا حاجة)
انا احمد من الاسكندرية دفعة 2009 ودية أول مشاركة ليا وحبيت أعلق على موضوع مكتب المحاسبة ده
أولا : موضوضوع انك تتدرب فيه ده أكبر مقلب فى حياتك وتضييع وقت
ثانيا : ان مفيش مكتب محاسبة بيعلمك أكتر من كيفية توزيع المستندات على الشهور وعمل يومية الصندوق
الكلام ده مش من الهوا لأن انا جربت الموضوع ده بنفسى ، انا فى المكتب من أول أكتوبر 2009 على حلم انه يعلمنى حاجة زيادة أو يسجلنى لكنه مقلب وفوق ده وده من غير أى أجر بالرغب من أنى ملتزم معاه فى أوقات العمل اللى حددها.

[AhmedAdel2010]

التعليق السابق على هذه المشاركة وردها
إقتباس:
المشاركة الأصلية بواسطة بقللوله http://www.aliahmedali.com/forum/newstyle/buttons/viewpost.gif (http://www.aliahmedali.com/forum/showthread.php?p=67340#post67340)
مع احترامى الشديد لكل عضو طيب انتوا قاعدين ليه
هل يوجد عروض كويسه فى مصر؟؟؟؟؟؟؟؟؟؟؟؟؟؟؟؟؟؟
هل يوجد مرتبات اكتر من 1800 ريال فى مصر؟؟؟؟؟؟؟؟؟؟؟؟؟؟؟؟؟
ولوحد عاوز عقد كويس وتاشيره محاسب يفضل قاعد 20 سنه
على فكره السنه هناك احسن من هنا 100 مره على الاقل هتقدر تتعرف على ناس وربنا يسهل وتشوف حاجه كويسه بعد كده

المرمته هنا فى مكتب محاسبة 3 سنين تجيب على الاقل 5 اضعاف المبلغ دا

اما اللى هيسافر عمره ما هيحوش نصف المرتب وكمان لا هياخد خبره ولا حاجة

اوعى حد يرخص نفسه

[walid yahea]

انا شايف ان المرتب دا مش وحش ...
انا حديث التخرج 2009 ...
في انتظار ردك ... او علي رقمي 0128909445 او الاميل (تم حذف الإيميل لأن عرضه مخالف لشروط المنتدى)

[عاطف صلاح]

ده مش تليفوني 0168331730

[يوسف أحمد فؤاد]

واضح ان الاخوة في السعودية عندهم فكرة ان الناس في مصر لا تدري بالاحوال في السعودية فالمبلغ المعروض لا يصلح للصرف الشهري هناك وليس التحويش فاقل مبلغ ممكن الواحد يغترب عشانه لن يقل عن 3000 ريال والا ستكون الغربة ليس لها معنى

[mrmahmoud95]

لالالالالا مش اقل من 2800 ريال بدايه اول 3 شهور وبعد كده يكون هناك زياده

[haitham abdelaal]

اخوانى انا اعمل فى السعودية الان معلش اللى عايز يسافر يسافر على راتب حلو يابلاش الغربة تمنها غالى ولازم تكون الراتب لمحاسب حديث التخرج فى السعودية لا يقل عن 2500ريال بداية عشان يلاقى بعدين وشكرا

[namh2001]

انا عاوز ارد على الاخ/ محمد عبدالله وعاوز اقول لك حلوة المسلسلة اللي عملتها دي تستحق شهادة انا عاوز اعرف جيبت الكلام الخيالي عن الشركات في الخليج منين وبتتكلم عن الظلم في الشركات الخليجية وكفايه كلام عن شركات الخليج لو عندك معلومه صح قولها روح اسأل عن شركات الخليج ويتشتغل ازاي اوكيه

[namh2001]

تصحيح الرد على الاخ عبدالله محمد مش محمد عبدالله

[محمد المشد]

1800 تعمل بيهم ايه في اي بلد في الخارج انتا تعرف انك ممكن بس اكل طوال الشهر 800 ريال غير مواصلات تقريبا 300 غير تليفون حد ادني 150 ريال غير سكن شهري حوالي 500 احسبوا معايا بقا يامحاسبين وشوفوا باقي ام علي افتراض انك هتلبس البس الي انتا جاي بيه من مصر واوعي تشتري احسن ترجع تستلف والسلام عليكم ورحمة الله

[اسماعيل ابراهيم موسى]

ادخلوا على ذلك الموقع