عندي سؤال هام وارجو سرعة الرد؟

[سيد عمار]

لو سمحتم يا جماعة انا عندي سؤال عايز رده من الاخ elkhouly (http://www.aliahmedali.com/forum/member.php?u=51139) أو من أي محاسب يكون كبير في السن أوالخبرة أنا محاسب مبتدئ في شركة وكنت جالس مع محاسب التكاليف (مدير مكتب التكاليف) وبسأله عن مدي صعوبة محاسبة التكاليف قالي الشغل كله سهل لكن المهم البرانس(وطبعا يقصد المرتبات)واني كلامه ده هفهمه ان شاء الله بعد حوالي 6 سنوات.
المهم ان مفهوم كلامه بعض حوار دار بيننا ان المحاسب في معظم الأماكن يكون مرتبه صغير مقازنة بغيره من الموظفين في نفس المكان و أن مرتباتهم مبتكفيش مصاريفهم و حتي المدير المالي بينصح مرؤسيه اني اللي يعرف يعمل مشروع تجاري يعمل واني المدير المالي فاتح منافذ بيع لنفس منتج الشركة وهو فاتح مكتبة وواحد اخر فاتح بقاله هكذا انا أسف على الاطالة.
السؤال: انا مازالت محاسب مبتدئ و كنت بظن اني الكورسات والخبرة ممكن تكون سبب في الحصول عاى راتب كويس فهل افكر في عمل مشروع من دلوقتي (مع ان ممكن الموضوع ده ميكنش سهل) ولا أكمل في هذه المهنة ولا أجمع مابين الأثنين وده طبعا بيعطل عن الكورسات؟ أسف على الاطالة مرة اخرى وأرجو سرعة الرد وجزاكم الله خيرا.

[ندودة]

انا لسة متخرجة ومش عندى خبرة نهائى بس حاول مش تتمسك انك تشتغل محاسب ممكن تشتغل فى شركات الموبيلات خدمة عملاء مرتبك يوصل ل 2000 جنية وانت عشان شاب وعاوز تكون مستقبلك المرتب البسيط مش هيفيد

[mohamed_gaballah]

انا اسمى محمد وشغال محاسب فى مكتب محاسبة انا خريج برضه تقريبا جديد ياعنى 2007 المهم
انا عاوز اقوللك بس رئيى عشان تبقى ملم بلقصه كلها
اولا المحاسبين فى بلدنا دلوقتى انا تقريبا اول ما اشتغلت وبدئت افهم الدنيا ماشيه ازاى صنفتهم 3انواع من وجهة نظرى ( والله اعلم)
اول نوع الى هوا بيخرج من الكلية يشتغل فى شركه صغيره ومعهوش لغة ولا بياخد كورسات (وده تقريبا نفس نوع زميلك الى بتتكلم عنهم ) ودول تقريبا بيتدرجو فى الراتب طبيعى ياعنى بمعنى اصح عمره ما هيبقى فى يوم من الايام يعرف يعيش عيشه مرتاحة شويه من شغلانة الحسابات وده برضه راجع لانها فعلا مبتخدش كل وقته ياعنى من الاخر يخلص يوم الشغل فى الشركة وينسى موضع المحاسبة ده وطبعا فى الغالب كلهم بيلجئو فى حين او اخر لعمل مشروع عشان يحسنو من دخلهم ...........
النوع التانى يا سيدى الى هما بيخرجو من الكليه يتمرمطو شويه فى مكاتب المحاسبة ياعنى بمعنى اصح يتعلم ازاى يبقى محاسب بجد مش كاتب حسابات وفى فرق كبير بينهم المحاسبة مش كلها مدين ودائن بالمناسبة ياعنى - بس برضه بيبقو مكبرين من موضوع الكورسات واللغة ودول طبعا غالبا بيتعبو اول كام سنه ياعنى ممكن سنتين او تصبر السنة التالتة وتاخد الرقم وتبقى محاسب قانونى وبعد كده بيبقى الطريق مفتوح بقى انوه يبقى مدير مالى او رئيس حسابات على الاقل علطول (ياعنى ببساطة بدل ما يشتغل 10 سنين فى شركات عشان يبقى مدير مالى راح قداهم 3سنين فى مكتب بس اشغال شقة ).......
النوع التالت وده بقى ببساطة الى عمل استثمار فى نفسه ياعنى راح شركة مثلا او مكتب بس بقى مسكتش ياعنى كورسات انجليزى بعد كده كورسات محاسبة محترمه او شهادات مهنية cma او cpa الى اخره ..وقرأة بقى فى المحاسبة ومعايير ويتعلم بجد بقى فا بتلاقى مثلا لو اشتغل فى مكتب تلقيه بعد تلات سنين معاه رقم محاسب قانونى وشهادة من الى قولتلك عليهم ولغة انجليزى نقول جيدة بلاش ممتازة فا بتلاقى اصلا انوه تقريبا هوا الى بيحدد مرتبه ياعنى من الاخر من جد وجد

هذا ما اعلم والله اعلى واعلم

[aana]

من رايى المتواضع انت تقدم السى فى بتاعك فى مكاتب الحاق عمالة بالخارج والشركات الكبيرة فى مصر وانت مستمر فى عملك واذا حصلت على حاجة كويسة فاضل بين الطلبات اللى قدامك واستخير ربك وربنا يقدم اللى فيه الخير
بالنسبة لى انا كنت شغال محاسب بفندق سياحى بالغردقة بعد التخرج ب 3شهور وكان راتبى تقريبا 1200ج اكل وشرب وسكن ومواصلات على الفندق بس جانى عقد بالسعودية ب 1500 ريال وفضلته على الفندق مع انه الراتب ضعيف لكن يكفى انه احسن من السياحة ومحرماتها

[aana]

لكن خلى بالك لاتوافق اقل من 3000ريال دلوقتى اذا كنت خبرة3 سنين او اقل