استفسار عن المقابلة الشخصية

[سعيد ممدوح]

ياجماعة انا من أبناء العاملين بالبنك الاهلى المصرى. وكنت عملت مقابلة شخصية بالبرج الدور ال11 يوم 6|4..ده طبعا بعد مانجحت فى الاختبارات اللى كانت بجامعة القاهرة.المهم انهم اتصلوا بيا دلوقتى بيقولولى انى معاى مقابلة شخصية تانية يوم 18|4..ياترى ايه الفرق بين المقابلة اللى عملتها الاول وبين المقابلة التانية..وياترى ده معناه تعيين ولا لسه شوية؟

[1accountant]

اكيد المقابلة ديه علاشان يحدد انهي قسم انت هتشتغل فيه في البنك وتقدر تفيد البنك فيه


يعني هيبقي تخصصي شوية يعني ممكن يشوف المستوي في اللغة الانجليزية اذا ما كان الانترفيو كلة باللغة الانجليزية

ويسائل عن شوية اسئلة في مجال لبغمل الحالي الي انت فيه يعني انت بتحب تعمل ايه في الشغل ممكن تشتغل في فريق عمل ولا لا لو قابلتك مشكلة هتحلها ازي وانت عاوز تكون ايه بعد 5 سنين كلها اسئلة بتحدد انت ميولك ايه وقدراتك ايه وممكن كمان يدخل في الاسئلة الفنية في االائتمان او المحاسبة


بس خليك واثق من نفسك وحاول تفكر قبل الاجابة وتكون هادي

[tomakoko]

بص هيا الاسئله ان شاء الله هتكون كويسه وهيكلمك فالسي في بتاعك وممكن قطعه انجليزي وتقراها وتترجمها بس هوا حضرتك رايح اداره ايه وانتا محافظه ايه
واهم شي تكون واثق فنفسك

[Lord dom 2010]

اعتقد والله واعلم ان كدة بنسبة 95% انت اتعينت في البنك الاهلي

علي العموم الف مبروك و بالتوفيق دائما

[مدحت عبد الفضيل]

مبروكككككككككككككك اولا وثانيا المقابلة الثانية علشان يشوفوا تقدر تشتغل فى اية مثلا زى الادارات اللى ليها وضعها وخطورتها زى ادارة الاتمان مثلا