سؤال فى المبيعات

[اشرف المرسى]

ازاى تقدر نحسب سعر البيع الحقيقى للسلعة كيف نحسب مقدار امصروفات الادارية والعمومية والمصروفات الاخرى ونضيفها على تكلفة المواد وبعدين نضيف هامسش الربح المطلوب تحقيقة وهكذا اريد معرفة الطريقة بالضبط

[SHERIFHAMDY]

سيدي الفاضل
في البدايه لابد من حساب تكلفه السلعه وهنا نفرق بين امرين :
1- سلعه مستورده من الخارج فيتم حساب تكلفتها (سعر الشراء +م.جمركيه+م.نقل وشحن+م.بنكيه .....الخ من اي مصاريف تحملتها الشركه لاستيراد السلعه

كده يبقا حصلنا علي تكلفه السلعه المستورده

2-سلعه مشتراه من السوق المحلي فتكلفه تلك السلعه هي سعر الشراء لها فقط وبعض الشركات تقوم باضافه احيانا تكلفه نقلها علي تكلفتها

كده توصلنا لحساب تكلفه السلعه ........ لابد من تحديد سعر البيع

يتم تحديد سعر البيع باضافه هامش الربح علي تكلفه السلعه
مثلا سلعه تكلفتها 100 ج يتم اضافه هامش ربدح قدره 10%
سعر البيع 110ج

طيب تحديد هامش الربح يتم تحديده علي اساس اشياء كثيره :
1- طبيعه السلعه المباعه ووضعها بالسوق .
2-هدف المبيعات التي تسعي الشركه لتحقيقه خلال السنه .
3-هدف الربحيه التي تسعي الشركه لتحقيقه .
4-ياخذ في الاعتبار حجم مصاريف الشركه .

ارجو ان يكون ردي مفيد

شكرا

[العجمى 2010]

جزاك الله خيرا--الرجاء التوضيح زياده وشكرا

[اشرف المرسى]

شكرا جزيلا اخى الكريم على الشرح ولكنى احب انوه اننى اعرف جيدا كيفية حساب تكلفة السلعة سواء كانت مستوردة او محلية ولكن سؤالى هنا ليس عن طريقة التسعير انما هل يوجد طريقة او معادلة ثابتة للمصروفات المضافة على سعر التكلفة وهل نسبة هامش الربح ثابتة ام حسب رؤية مدير التسويق ياعنى بالبلدى نقول مثلا

سعر البيع = سعر التكلفة + نسبة مصروفات ادارية + نسبة مصروفات اخرى + نسبة هامش الربح المراد تحقيقه

مع الاخذ فى الاعتبار الخصومات سواء التجارية او المسموح بها

شاكرين اهتمامكم

[sherif_k22]

بسم الله الرحمن الرحيم
صديقى العزيز
طريقه التسعير سهله جداً
أنت طلعت تكلفه البضاعه لغايه أما دخلت مخازنك
معنى أنها دخلت المخزن بتاعك يعنى هى موجوده بتكلفتها
من الأخر لو بضاعه مستورده أو من السوق المحالى بتجمع كل المصاريف التى صرفت عليها من نقل و شحن و تحطها على قيمه البضاعه و تدخلها المخزن
( مثال توضيحى )
أشتريت 20 عربيه بمبلغ 50000 للعربيه الواحده يبقى الأجمالى 1000000 جنيه
فيه جمارك و ضرائب و نقل للعربيات لمخزنك 20000 لكل عربيه
يبقى بمعنى أصح أن تكلفه العربيه مش 50000 جنيه بل ( 50000 جنيه ثمنها + 20000 جنيه مصاريفها الأخرى )
يبقى قيودك كالتالى
1000000 من حـ / الموردين ( ألى بعاولك العربيات )
1000000 إلى حـ / البنك
( شراء العربيات بتمنها الحقيقى )
400000 من حـ / تكلفه البضاعه المشتراه ( عدد العربيات 20 * 20000 جنيه التكلفه الأضافيه أى مصروف يصرف عليها)
400000 إلى حـ / البنك
تقفل الحسابين دول فى حسلب المخزن
1400000من حـ / المخزن
إلى مذكورين
1000000 حـ / الموردين
400000 حـ / تكلفه البضاعه المشتراه
كده أنت موجود عندك فى المخزن ثمن العربيه الحقيقى صافى
نيجى لتحديد هامش الربح
أولاً : أنت ألى تحدد الهامش ألى أنت شايفه على حسب السوق و البضاعه ألى أنت بتبعها
فحنقول مثلاً أنت عاوز صافى ربح 10 % من ثمن البضاعه
تكلفه العربيه عندك 70000 جنيه ( 50000 + 20000 )
يبقى سعر البيع بتعها قبل الضرائب 77000 جنيه
فيه عندك ثلاثه أنواع من الضرائب ( ألهم أحفظنا )
1- ضرائب المبيعات بنسبه 10 % من سعر البيع بتضاف ليك و بعد كده بتسددها للضرائب
2 - ضرائب خصم المنبع تخصم منك بنسبه 0.5 % من السعر قبل الضريبه بعد كده بتسددها للضرائب
3 - ضريبه الدخل ( ربنا يجعل كلمنا خفيف عليه ) ودى على حسب نشاط المنشأه لو ربحا معدى يبقى الضريبه 20 % من صافى الربح بعد خصم الأهلاك و خلافه
ممكن لو أنت سعرك قليل تزود البضاعه بتعاتك بهذه النسب بالضرب فى مقلوب النسبه هذا وربنا يستر إن شاء الله

[sherif_k22]

بسم الله الرحمن الرحيم
نسيت أقولك
عند تسويه المخزن و الموردين بيجبولك الفاتوره حيكون فيها ضريبه المبيعات و ضرائب خصم المنبع تكون معالجتها من مذكورين
حـ / المخزن
حـ / ضرائب المبيعات
إلى مذكورين
حـ / ضرائب خصم المنبع ( 0.5 % )
حـ / الموردين
حـ / تكلفه البضاعه المشتراه
عند بيع أى سياره من السيارات ( ربنا يوفقك)
من مذكورين
حـ / العملاء
حـ / ضرائب خصم المبع
إلى مذكورين
حـ / ضرائب مبيعات
حـ / إيرادات النشاط
يتم عمل مقاصه فى ضرائب المبيعات و دفع الفرق
أما ضرائب خصم المنبع بالنسبه للشراء بسددها فى نموذج 40-41 الخاص بضرائب المودين
أما ضرائب العملاء وهى برده 0.5 % أعمل بها مقصه فى ضريبه الدخل
والله أعلم ولو فيه حاجه تانيه ياريت تقولها
أو فكره أخرى
وربنا يستر

[SHERIFHAMDY]

الاخ / المرسي
لم يختلف رد الاخ/ العزيز شريف عن ردي بخصوص تحديد سعر البيع بعد اضافه هامش الربح الذي تراه
الاخ/ شريف
شكرا علي اضافتك القيمه و الشرح الوافي

شكر للجميع ولو في اضافه نتمني من الجميه مشاركتنا

[اشرف المرسى]

اولا شكرا للاخوة الافاضل عاى ردودهم واهتمامهم بس حبيت اقول للجميع ان الموضوع ده فى السعودية وليس فى مصر وبالتالى ليس هناك ضرائب ولا غيرة كل ما فى الامر ان انا اعرف جيدا ان سعر البيع = سعر التكلفة + هامش الربح المطلوب
السؤا ل هنا هل هناك نسب ثابتة لذلك ام تترك لادارة التسويق

[SHERIFHAMDY]

ياسيدي الفاضل انا اعمل ايضا بالسعوديه
وسواء بمصر او السعوديه لايوجد نسب ثابته

شكرا

[اشرف المرسى]

شكرا جزيلا على اهتمامكم ويجعله فى موازين حسانتكم ان شاء الله

(اللهم اغفر لى ولوالدى للموؤمنين والمؤمنات والمسلمين والمسلمات الاحياء منهم والاموات )

[رابي]

شكرا جزيلا اخى الكريم على الشرح ولكنى احب انوه اننى اعرف جيدا كيفية حساب تكلفة السلعة سواء كانت مستوردة او محلية ولكن سؤالى هنا ليس عن طريقة التسعير انما هل يوجد طريقة او معادلة ثابتة للمصروفات المضافة على سعر التكلفة وهل نسبة هامش الربح ثابتة ام حسب رؤية مدير التسويق ياعنى بالبلدى نقول مثلا

سعر البيع = سعر التكلفة + نسبة مصروفات ادارية + نسبة مصروفات اخرى + نسبة هامش الربح المراد تحقيقه

مع الاخذ فى الاعتبار الخصومات سواء التجارية او المسموح بها

شاكرين اهتمامكم


اخي العزيز
لايوجد شئ على هالكلام
التكلفة هي جميع مصروفات البضاعة لحين ايداعها بالمخازن وجاهيزيتها للبيع
اما بالتسبة لسياسات التسعير فتختلف من مكان لاخر وفقا للسلعة وانظمة البيع