تسجيل الدخول

مشاهدة النسخة كاملة : ياريت ألاقي الحل قبل 31-03-2010 م ...

mr_who515
03-03-2010, 10:06 PM
السلام عليكم الزملاء والزميلات ... انا متابع المنتدى من فترة .... بس المرادي انا واقع في مشكلة ...

أنا بشتغل في مؤسسة فردية نشاطها المقاولات العامة ..

ميزانية 2009 التقديرية مطلعة معاي ايرادات النشاط الجاري اكتر من تكاليف العمليات بمبلغ كبير اوي وده ناتج عن ان فيه مشاريع رست عالمؤسسة في النصف الثاني من العام وتم تحصيل قيم الدفعات المقدمة لها وكمان بسبب اتجاه المؤسسة لترشيد وخفض النفقات ....

المهم انا حاولت اني اقلص الفرق ده باني اثبت قيم الدفعات المقدمة كلها في حساب " ايرادات محصلة مقدما " وكمان عملت مخصصات وزودت في المصاريف المعتمدة باكبر قدر ممكن لحد ماقدرت ااقلل الفرق ده نوعا ما ولكنه مازال كبير نسبيا برضه وهو امر غير مقبول تماما ...

محتاج من اهل الخبرة افكارهم وتجاربهم في نفس الموضوع -- ازاي ااقدر اأقلل الفرق ده بس من غير ماأثر على كفاءة الموقف المالي للشركة والحفاظ على المعدلات المالية اللازمة بالنسب المطلوبة مع العلم ان الميزانية بتتقدم للجهات التمويلية للحصول على تسهيلات فلازم جميع المؤشرات تكون عالية وأفضل من حيث المقارنة بالعام المالي السابق ...

أعمل أيه ؟؟؟:sm20:
abou_abou555
03-04-2010, 12:01 AM
اولا الدفعات تدخل في ح/ دفعات مقدمة حيث ان العبرة بايراد المقاولات هي المستخلصات
وارجو ايضاح طبيعة المقاولة لنعرف نوعية التكاليف
mr_who515
03-04-2010, 10:45 AM
انا مش مأسس حساب دفعات مقدمة عشان كده ثبتهم في ايرادت محصلة مقدما .. اعتقد ان الإتنين هيأدوا نفس الغرض في النهاية ...

أهم أعمال المقاولات الرئيسية : الصيانة والتشغيل - النظافة - الصرف الصحي - الزراعة
محمد علي إسماعيل
03-07-2010, 09:17 AM
هل تم تنفيذ أي أعمال خلال الفترة التي حصل فيها الدفعات المقدمة الخاصة بتلك المشاريع
alzoughpy
03-07-2010, 03:08 PM
اسس يا سيدي حساب دفعات مقدمه او حملهم علي العملاء
عملاء مدينه مشروع 000000000
عملاء مدينه مشروع0000000000
لان البالغ دي ارصدة ميزانيه مش قائمه دخل
alzoughpy
03-07-2010, 03:15 PM
اعتذر عن الخطاء غير المقصود الصحيح
عملاء دائنه مشروع 000000000
عملاء دائنه مشروع0000000000
لان البالغ دي ارصدة ميزانيه مش قائمه دخل
tamer76
03-07-2010, 09:03 PM
ما ينفعش تحسب إيراد باي شكل من الأشكال عن طريق الدفعات المقدمة لازم يكون عندك حساب دفعات مقدمة الحساب دة بيتاقص مع كل مستخلص هاتستلمة من العميل اللي هايوضح فية قيمة الأعمال المنجزة (work done( وممكن ترجع معيار المحاسبة الخاص بعقود الأنشاء متهيألي رقم 8 طالما دي شركة مقاولات لازم تستخدم نسبة التمام (POC)
محمد نجيب احمد محمد السبا
03-09-2010, 05:30 PM
شوف حضرتك احسب هامش الربح المقدر لهذه العمليات وهذا الذى تظهره كايرادات ثم مازاد عن ذلك من الايراد التقديرى يتم تحميله على ح/ عملاء مشاريع .
mr_who515
03-12-2010, 05:42 AM
انا متشكر جدا على اهتمامكم في ايجاد حل للمشكلة بس للأسف ولا واحد من الحلول ديه عملية...

1- أنا فعلا ماسس حساب دفعات مقدمة واثبت فيه كامل قيمة الدفعات المقدمة مع ان ده فيه شبهة غلط لكن تعدي لإني بحاول بأي شكل اني اقلل من قيمة الإيرادات ...

2- بالنسبة للاخ محمد اسماعيل .. ايوة طبعا اتنفذت أعمال خلال الفترة ديه وإلا مكنتش الدفعة المقدمة انصرفت !! .. .جزء كبير من التجهيزات الأولية حوالي 80 % تم تنفيذه ..

3- بالنسبة للأخ محمد نجيب ... أنت عاوزني احسب جزء من الإيرادات واستحقه في حسا ب العملاء .. طب ازاي وهي الأعمال ديه فعلا اتنفذت وتم تحصيل مستخلصاتها وظاهرة عندي في حساب البنك ؟؟؟؟؟
ahm4444
03-20-2010, 09:49 AM
هذة المبالغ تقفل فى حساب عملاء دائنون فى الجانب الدائن للميزانية
وبالتالي هذة الاموال اما ان تكون موجودة فى الصندوق او البنك او تم صرفها فى مصاريف او دفعات موردين

ومع بداية الفترة الجديدة تبدا بعمل حساب مستقل لكل عميل بقيمة الدفعة الخاصة به وتشتغل عادي جدا

والله اعلى واعلم
mr-mostafa
03-20-2010, 02:00 PM
اخي الكريم انت حسبت الايرادات من شهادات الانجاز والدفع وعملت استحقاقات للدفع دي على الايرادات ؟؟؟؟؟ وبالنسبة للدفعات المقدمة ما تنزلهاش تبع الايرادات قيدها يبقي من ح طريقة الدفع "" صندوق او بنك الي حسابات دفعات مقدمة عملاء واعمل مخصصات الموظفين واعمل مصاريف اهلاك الاصول عندك
ومع كل استحقاق دفعة اثبت الايراد
وربنا يوفقك
wales
03-20-2010, 02:58 PM
استاذى الفاضل
واض ان فى غلطه
-انت بتقول ان مبلغ الأيراد ارتفع بسبب مبالغ الدفعات المقدمه اللى استلامتها فى اخر السنه
مبالغ الدفعات المقدمه تقيد فى حساب دائن حيث انها لا تشكل ايراد ويتم التخصيم منها بنسبه من المستخلص حيث ان ايراد المستخلص يقسم كالتالى ( مبلغ الاعمال بالمستخلص ( ايراد ) يخصم منه نسبه الدفعه المقدمه ( ايراد يخصم من الدفعه المقدمه يخصم منه مستقطعات ضمان اعمال ( ايراد يحمل مديونيه على العميل لحين انتهاء الأعمال))
- وبعدين فى مبالغ تكلفه اساسيه يتم مراجعتها من المستخلص هل تم تحميلها بالكامل على تكايف عمليات ومراجعه لمهندسين عن الكميات المنصرفه كامله او غير كامله حتى تتمكن من تحميل التكاليف مظبوط
sherif_k22
03-21-2010, 11:58 AM
بسم الله الرحمن الرحيم
صديقى العزيز
أنت كنت عامل ميزانيه تقديريه ل 2009
طبيعى أنك تظهر فروق بنها و بين الميزانيه الحقيقيه
بس المهم هو أنك تبين هذه الفروق للمساهمين زى ما قلت
ألى أنا عرفته منك أن الشركه أخدت مشاريع كتير و جلها دفعات مقدمه كتير القيد بتعها أيه
من حـ / البنك
إلى حـ / عملاء دفعات مقدمه
المفروض أن حساب العملاء دفعات مقدمه يظهر عند فى حسابات دائنه فى الميزانيه
يقابله فى حسابات مدينه خطاب الضمان المصدر للعميل قصاد الدفعه المقدمه ( الجزء المغطى و التسهيلات )
يبقى الدنيا مكيته
اما فى عدم و جود خطاب ضمان و وجود شيك ضمان فالشيك مش حيظهر فى الدفاتر فلازم أظهره علشان المدين يبقى قد الداين
* حضرتك بتقول أنك عملت مخصصات هذه المخصصات لو ملهاش لزمه يبقى غلط أو ملهاش قرار بأنشأها يبقى برده غلط
* ثانى حاجه أنت بتقارن بين تقديرى وفعلى فعادى الفرق الموجود و مرفقاتك هى حساب العملاء الدفعات المقدمه و حساب إيرادات النشاط و شوف المستخلصات ألى أنت عملتها
والله أعلم