إستفسار وأى إجابة أى إجابة مش مهم .

[محمود77]

هتخرج بعد4 شهور
وبتمنى أتمرن فى مكتب محاسبة
بس مش عارف.
المحاسب تحت التمرين ده بيعمل ايه بالظبط؟ أوايه اللى هايعمله؟
وأصلامكتب المحاسب القانونى ده بيشتغل إزاى ؟
يعنى الشغل بيجيله إزاى ؟
يعنى المحامى الناس اللى عندهم مشاكل فى المحكمة بيرحوله علشان يترافع عنهم ويجيبلهم حقهم.
والدكتور. المريض بيروح له علشان يكشف عليه أويعملو عملية.
المحاسب القانونى بأه بيشتغل إزاى؟


السؤال ده مش غبى بس هم فى كلية التجارة بيعلمونا المحاسبة
بس إزاى نمارس العلم ده مش عارف
أرجو الرد علشان أركز على حاجة معينة
وأعرف إيه المطلوب منى بالظبط
علشان فيه ناس بيقولو إن الكلية ملهاش فايدة فى الحياة العملية.
وكل الناس بيخدوا دورات
بس أنا ماعييش بصراحة فلوس للدورات دى كلها
إشى بيتش ترى وإشى كويك بوكس وإشى ccمش عارف إيه وcmaوغير اللغة طبعا
ودورةالمحاسب المحترف ودورةالمحاسب أصلا.

[دكتور عصر]

السلام عليكم ورحمة الله وبركاتة ..... محمود
واضح أنك فى السنة النهائية لأنه فاضل 4شهور وتتخرج وطبعا أكيد درست مادة المراجعة فى الكلية ويمكن تدرسها فى الترم الثانى
على أى الأحوال المحاسب القانونى عبارة عن المحاسب المرخص له بمزاولة مهنة المحاسبة والمراجعة من خلال القيد فى سجل المحاسبين بوزارة المالية وطبعا لكى يتم القيد فى السجل كمحاسب لابد من التمرين فى مكتب محاسبة (محاسب تحت التمرين )لمدة ثلاثة سنوات متصلة .
طبعا مكتب المحاسب القانونى بيقوم بالعديد من الخدمات التى يقدمها لعملائة مثال ذلك :

تصميم النظم المحاسبية للمنشآت بما فى ذلك نظم التكاليف والمراقبة الداخلية .
مراجعة حسابات الشركات واعتماد ميزانيتها .
تصميم البرامج التدريبية وتنفيذها للعاملين بالشركات المختلفة .
دراسات الجدوى وتقييم المشروعات .
تأسيس الشركات بأنواعها المختلفة .
الاستشارات المالية والمحاسبية والضريبية
إدارة المنازعات الضريبية الخاصة بممولى ضرائب الدخل وضرائب المبيعات .
وبالطبع هذه الأعمال تختلف من مكتب إلى آخر وفقا لتأهيل المحاسب وفريق العمل بالمكتب وطبعا العملاء
تقبل تحياتى

[realman]

بص يا محمود انا فى نفس سنك وبردوا فاضللى باذن الله 4 شهور واتخرج

بخصوص سؤالك على محاسب تحت التمرين بيعمل ايه فاحب ابشرك ان فى واحد صاحبى خلصت السنة اللى فاتت واشتغل فى مكتب محاسبة

بقاله 4 شهور دلوقتى بيصور الورق وبيلف على الشركات واللى ناقص انه يكنس ويمسح البلاط


شكرااااااااااااااا

[دكتور عصر]

بص يا محمود انا فى نفس سنك وبردوا فاضللى باذن الله 4 شهور واتخرج

بخصوص سؤالك على محاسب تحت التمرين بيعمل ايه فاحب ابشرك ان فى واحد صاحبى خلصت السنة اللى فاتت واشتغل فى مكتب محاسبة

بقاله 4 شهور دلوقتى بيصور الورق وبيلف على الشركات واللى ناقص انه يكنس ويمسح البلاط


شكرااااااااااااااا

أكيد صاحبك مش فى مكتب محاسبة ، بدليل أن المحاسبين القانونيين أعضاء المنتدى كانوا محاسبين تحت التمرين فى مكاتب محاسبة ودلوقتى اصبحوا خيراء فى المحاسبة والضرائب
المهم اختيار مكتب مناسب

[MAGEDCAROTS]

ياعم خليها علي ربنا وان شاء الله خير وهتشتغل

[قمر الورد]

اجتهد وخلص دراستك ولكل مجتهد نصيب وان شاء الله ربنا يكرمك

[badradhm]

الى كل اعضاء المنتدى المشاركين فى هذا الموضوع
المحاسب القانونى هو مصدر الثقة فى القوائم المالية
العمل فى مكتب محاسب يتطلب حب المهنة اولا وليس النجاح فى الكلية بدرجة عليا
فالمحاسبة هى حياة الشركات والموسسات
والمحاسب القانونى ليس وليد الصدفة بل هو مجهود وتطور واطلاع وتطبيق قوانين وخبرة سنين

[realman]

أكيد صاحبك مش فى مكتب محاسبة ، بدليل أن المحاسبين القانونيين أعضاء المنتدى كانوا محاسبين تحت التمرين فى مكاتب محاسبة ودلوقتى اصبحوا خيراء فى المحاسبة والضرائب
المهم اختيار مكتب مناسب

لا يا دكتور فى مكتب محاسبة

بس لازم يشوف المر الاول عشان يبدأ يشتغل واكيد كل المحاسبين القانونيين اللى هنا فى المنتدى

عارفين كدا كويس الا لو كنت متوصى عليك طبعا

[moshera]

بص دراستنا عليها عمل مهم جدا فى الشغل لاننا لو مش فاهمين محاسبه مش هنعرف نشتغل
اعمل اللى عليك وان شاء الله ربنا هيجزيك خير