انا تائه وارجو المساعده

[habib601]

انا خريج كلية تجاره 2008 بتقدير مقبول عملت بعد تخرجى فى شركه كبيره كمندوب مشتريات
ولكنى تركت العمل املا فى ان اكون محاسب زو مكانه وفكرت فى ان انتسب لمكتب محاسبه مده 3 سنوات حتى الحصول على درجه من العلم وطبعا كارنيه محاسب قانونى واثناء ال3 سنوات اقوم بدراسة اللغه الانجليزيه والحصول على ال acca هذه هى خطتى للمرحله القادمه .

المشكله انى لسه مقدم استقالتى وقاعد بقالى اسبوع وتقريبا كرهت نفسى
سؤالى : 1-هل انا بفكر مظبوط ولا ادور على وظيفة محاسب باى شركه
2- هل لو مكتب تفرق اذا كان مكتب متخصص فى المراجعه او فى الضرائب ومالفرق؟

هل هاتفرق معايا اذا كان مكتب او شركه ( اقصد من حيث الراتب والفرص والتمييز فى المستقبل ان شاء الله )
مع العلم انى لو اشتغلت فى شركه تقريبا (هاستقر اقصد الزواج والاستقرار الخ )
مع العلم ايضا انى طموح جدا واريد ان اكون على درجه كبيره من العلم والكفاءه .

سؤال اخر هل تقدير قبول يعنى انى لن اكون احد افراد المكاتب الكبيره امثال حازم حسن
ومصطفى شوقى .

اسف على الاطاله ولكن اود ان تقدرو حالتى .
اسف ايضا اذا كان الموضوع مكرر بس والله انا بحثت كتير لم اجد ما قد يروى ظمئى .

[hamada846284]

الاول يامعلم متسبش شغل وانت لسة مضمنتش شغل ف مكان غيرة باقى تفكيرك ملوش مسمى غير انك عندك طموح وخلى بالك الطموح من غير عزيمة و ارادة يبقى وهم
المراجع هو الtop لان شغلة اوسع واشمل وفية الجديد باستمرار اما الراتب لمحاسب تحت التمرين يدوب هو مصاريفك
الحل انك تكمل ف وظيفتك
وتتدرس acca وبعدها تقدم ف اى مكتب لان مقبول مش هتدخللك اى مكتب

[habib601]

والله شرفنى ردك يا hamada بس على ماعرف ال acca تاخد دراسه تقريبا 3 سنين
وانتا عارف الوقت

على فرضا انى لاقيت مكتب تفتكر الموضوع يستاهل الواحد يضحى ب 3 سنين خصوصا ان مش هايبقى فى فلوس

[1accountant]

عزيز ي عضو المنتدي

ارحب بك اولا في المنتدي

ثانيا موضوع المجال الذي ستختاره هو في يدك انت وعليك ان تختار المجال الذي سوف تنجح فيه .


كل مجال وله مزايا وله ايضا تضحيات ولا يوجد اي مجال به كل المزايا فقط

اولا لو محاسب في شركة وده الشائع والكتير المفروض بيشتغل فيه هو محاسب علي درجة متوسطة الي ان يتدرج حتي رئيس حسابات ومدير مالي


اما ان اختارت ان تكون محاسب قانوني فله طريق اخر ان تتدرب في مكتب محاسبة 3 سنوات باجر ضغيف في اغلب الامكان وان هناك امكان اجرها علي مثل المكاتب الكبيرة


الشهادات المهمية لها ثقل كبير في المهمة وكمان في الاجر او العائد وانك ايضا متميز عن الباقيين

انصحك ان تدرس ايضا المخاطر الخاصة بها وهل انت علي استعداد لخوض التجربة ام لا


انصحك ايضا ان تسائل اكثر عن مزايا وتضخيات كل مجال لكي تتضح الصورة امامك

ابحث اكثر واكثر اهم شي لا تيئس ابدااااااا

[habib601]

اشكرك على كلامك العاقل استاذ 1 accountant واشكرك على ترحيبك بى فى هذا المنتدى الذى اعتقد انه كاخ كيبر ينصح ويعلم ان صح تعبيرى .

كنت قد نويت ان اكون مراجع خارجى وان انتسب الى اكبر المكاتب فى البلد (دى طبعا فى المستقبل ان شاء الله ) قصدى بعد 3 سنوات وبعد acca .
بس انا خايف من حاجه . تقديرى مقبول فخايف بعد تعب 3 سنين ودراسه دورات ولغه فى الاخر مالقيش حاجه او فى الاخر ماحدش يقدر تعبى لانى سمعت ان المكاتب الكبيره مابتخدش غير التقديرات .
تانى حاجه انا لسه هادور على مكتب اقعد فيه حتى احصل على محاسب قانونى ممكن الاقى ولاهى ضلمت ولو لقيت مكتب يقبلنى ومتخصص فى المحاسبه والضرائب ممكن يدينى اللى انا عاوزه .
معلش ياجماعه اعزرونى اسئلتى كتير بس انا عاوز لما ابداء فى الموضوع مافيش حاجه تهزنى بعد كده يعنى ادرس الموضوع كويس زى الاخ 1 accountnt ماقال .

[hamada846284]

-شهادة ال ACCA : (شهادة بريطانية) : وأنا انصحك بيها لان تكاليفها أقل من ال CPA وامتحاناتها في مصر .. سجل مع اي معهدوابتدي فيها من دلوقتي حاااالا لانها بتاخد وقت وتعتبر زيها زي ال cpa (إسألني لو عايز تعرف معلومات عنها )

الشهادة دي مطلوبة جدا في الامارات وبالتحديدة في مكاتب التدقيق العالمية .. يوجد منها نوعين : نوع يستخدم المعايير البريطانية ونوع يستخدم المعايير الدولية .. أنصحك تقدم عليها بالمعايير الدولية ... مثلا عندنا في المكتب شهادة ال cpa شبه مرفوضة ... المكتب بيفضل الناس اللي معاها ACCA او معدي حتى كم جزء منها .. مجرد انك تذكر في CV بتاعك انك معاك ACCA او حتى بتدرسها وعديت كم امتحان منها بيعطيلك أفضلية رهيبة

[moshera]

اقولك على حاجه صغيرة
لو متعبنش مش هنوصل لحاجه اوعى تكره نفسك ولا تفقد الامل
المهم تعمل اللى عليك وتقدر نفسك وقدام ربك تبقى عملت اللى عليك ووقتها ربنا مستحيل يضيعك واكيد هيجى يوم وتاخد حقك

[habib601]

شكرا استاذه moshera انا فعلا كنت محتاج الكلمتين دول جدا
الطريق طويل ومحتاج دعم

شكرا جزيلا

[tomakoko]

لوسمحتم هيا ايه افضل الشهادات او الكورسات اللي ممكن تفيدني بجد ومتبقاش عالفاضي انا خريجه تجاره عين شمس وتقديري جيد ؟؟؟؟؟؟؟؟؟؟؟؟؟؟؟؟؟بالله عليكم حدا يرد علي

[habib601]

اعتقد ال cpa ' acca بس برده ابحثى اكتر

[1accountant]

لوسمحتم هيا ايه افضل الشهادات او الكورسات اللي ممكن تفيدني بجد ومتبقاش عالفاضي انا خريجه تجاره عين شمس وتقديري جيد ؟؟؟؟؟؟؟؟؟؟؟؟؟؟؟؟؟بالله عليكم حدا يرد علي

هناك الكثير من الشهادات والكرسات التي يمكن للمحاسب الالتحاق بها ولكن هناك اساس وهما شئان هما اللغة الانجليزية والحاسب الالي

يعني شعادة انجليزي وكمان حاسب الالي

وبعدين في شهادات او كورسات تاني غير الكورسات الضعيفة الي كل شوية يعلنوا عنها في الجرائد انصحك بالبعد عنها فهي تريد التربح فقط لا غير

يعني ممكن تاخد كورس انجليزي في المركز الثقافي البريطاني الي في العجوزة او الجامعه الامريكية او معهد القوات المسلحة ودول احسن حاجة في تعيلم اللغة \\

نيجي للحاسب انا بقول المنحة بتاعت وزارة الاتصالات ديه مهمة جداا

وفي مراكز كويسة زي ibm yat دول مركزين كويسن علاشان الكمبيوتر والكمبيوتر للمحاسب عي مجموعة الافس

وهناك مركز hpa يوجد العديد من الكورسات المحاسبة يمكنك الالتحاق بها
\

شكرا

[tomakoko]

اولا شكرا اوي لحضرتك علي اهتمامك وردك بس انا ليا راي شخصي بالنسبه لمعهد القوات المسحله كذا حد بيقول انه مبقاش كويس زي الاول ومفيش اهتمام من اللي بيدرسوا يعني هوا كشهاده من مكان معروف وبس ومن واقع العمل مش بيسالوا شهادتك منين ولكن انتا بتتكلم ازاي لان دلوقتي كل الانترفيوهات بقت انجليزي اوي فمن راي الشخصي مش مهم المكان علي اد مامهم ان اللي بيدرسوا يكونوا كويسين وفعلا الواحد يقوي نفسه


ثانيا انا محتاره اوي لاني خريجه اداره اعمال ويعتبر معايا الانجليزي ومعايا كمبيوتر ومش عارفه بقا ياتري احضر ماجستير فالجامعه ولا اخد شهاده من الشهادات زي accaوكدا

[شادى عبدالله]

انا خريج كلية تجاره 2008 بتقدير مقبول عملت بعد تخرجى فى شركه كبيره كمندوب مشتريات
ولكنى تركت العمل املا فى ان اكون محاسب زو مكانه وفكرت فى ان انتسب لمكتب محاسبه مده 3 سنوات حتى الحصول على درجه من العلم وطبعا كارنيه محاسب قانونى واثناء ال3 سنوات اقوم بدراسة اللغه الانجليزيه والحصول على ال acca هذه هى خطتى للمرحله القادمه .

المشكله انى لسه مقدم استقالتى وقاعد بقالى اسبوع وتقريبا كرهت نفسى
سؤالى : 1-هل انا بفكر مظبوط ولا ادور على وظيفة محاسب باى شركه
2- هل لو مكتب تفرق اذا كان مكتب متخصص فى المراجعه او فى الضرائب ومالفرق؟

هل هاتفرق معايا اذا كان مكتب او شركه ( اقصد من حيث الراتب والفرص والتمييز فى المستقبل ان شاء الله )
مع العلم انى لو اشتغلت فى شركه تقريبا (هاستقر اقصد الزواج والاستقرار الخ )
مع العلم ايضا انى طموح جدا واريد ان اكون على درجه كبيره من العلم والكفاءه .

سؤال اخر هل تقدير قبول يعنى انى لن اكون احد افراد المكاتب الكبيره امثال حازم حسن
ومصطفى شوقى .

اسف على الاطاله ولكن اود ان تقدرو حالتى .
اسف ايضا اذا كان الموضوع مكرر بس والله انا بحثت كتير لم اجد ما قد يروى ظمئى .
اخى العزيز انت تقريبا بتتكلم عنى ههههههههههههه لان ظروفى تقريبا مشابهه جدا لظروفك بس انا كنت شغال فى شركه ادويه مندوب مبيعات واشتغلت فتره فى توكيل سيارات مشهور اوى فى السيلز برضه :sm249:
وللاسف انا سبت الكلام دة كله عشان اشتغل محاسب بحكم انى بحب الوظيفه دى وبحس بنفسى فيها اوى
وعموما ربنا يرزقك ان شاء الله ويرزقنا جميعا يارب
انا عموما بفكر انى اخد كورس ال acca والشغل دة بتاع ربنا
وربنا ما بيضيعش تعب حد ان شاء الله

[GANADODY]

هاى ياجماعه انا بجد كان نفسى اسأل كل الاسئله دى لكن كنت مش عارفه اسأل مين وبجد افدتونى جدااااا مع انى لسه الفرقه الاولى فى الجامعه المفتوحه بس عندى طموح كبير ويارب احققه وسلامى للجميع

[nadergad]

الى زملائى شباب المحاسبين
لازم تعرفوا ان مهنة محاسب قانونى هى قرار و ليس اختيار00
بمعنى00
ان طريقها صعب و محتاجة تضحية علشان كدة هى قرار 000 و اسمحولى اسمية قرار حب 0
ما ينفعش معاها ان تكون مطروحة وسط عدة اختيارات يتم المفاضلة بينهم لان اسس المفاضلة قد تتغير حسب الظروف و نرجع نقول كان غلط الاختيار 0
ربنا معاكم،،،،،

[habib601]

انا اخر ماوصلتله انى اروح لمكتب محاسبه كويس واصبر حتى احصل على محاسب قانونى واخد خبره واخد ال acca اثناء المكتب

[nadergad]

راى صائب اهنئك علية