أريد أن أعمل في بنك بعد التخرج، ماذا أفعل ؟

[loyality]

السلام عليكم ورحمة الله وبركاته


لو سمحتم انا عندى استفسار ومحتاجة راى ومساعدة لو سمحتم؟؟؟؟؟

انا طالبة فى كلية تجارة عربى اسكندرية سنة رابعة قسم محاسبة وتقدير ال3 سنين اللى فاتوا جيد
هما يعتبروا جيد مرتفع بس الكلية مش بتعترف بمرتفع

وانا اهو خلصت امتحانات الترم الاول وكنت عايزة اسال اعمل ايه وادرس ايه لانى نفسى اشتغل فى بنك بعد ما اخلص دراسة على طول
وكنت بسال هل البنوك بتطلب تجارة انجلش ولا ممكن تقبل تجارة عربى
ولو لا طيب فى دراسة ممكن ادرسها تجعلنى مساوية دراسة المحاسبة بالانجلش

ممكن حد يفيدنى لو سمحتم؟؟؟؟؟؟؟؟

[xxahmedxx]

بصراحة كده هيه لا بتفرق لا تقدير و لا عربي ولا انجلش
اابنك بيحتاج واسطة جامدة

او يا اما تكون جامد جدا و تبقى متميز جدا عن كل اللي مقدمين ...بس برده مش هتترشح لاماكن كويسة...بس مش مهم انت لو علافت تحط رجلك في بنك ممكن تنقل نفسك قسم تاني

انا قدمت في بنك ال cib من غير واسطة و عملت اختبار و عديت و انترفيو اول و عديت ,,بعدين عملت انترفيو تاني مع مدير استعلامات الائتمان بس ربنا موفقش
المهم يعني انه ممكن بس لازم تخلي ال cv بتاعك تقيل

[loyality]

ميرسى ليك
بس معنى كدة ان الواحد محتاج سنين لان انا لسة طالبة يعنى علشان اقدر اكون cv زى ما حضرتك بتقول محتاجة سنين
وطبعا ميرسى لحضرتك كتير لردك على سوالى شكرا

[1accountant]

اولا اهلا بيكي في المنتدي

البنوك كلها الايام ديه في تطور وانشاء وحدات وفروع جديدة وده محتاج اكيد لناس

نكلام علي التقديم في في قسم البنوك ارقام وعنواين البنوك كلها والي عن طريقة ممكن تقدم في اي بنك ،


البنوك كلها بتعمل امتحانات بس الامتحان بيختلف من بنك الي بنك

يعني بنك مصر والاهلي القاهرة بيعملوا امتحان الاول عربي في الجامعه الامريكية مثلا او اي مكان اخر بيكون في المحاسبة والادارة والانجليزي وتسويق ومعلومات عامة يعني امتحان مجمع

وبعدين بيدخل انترفيو وده بيكون بالانجليزي علاشان كده انا بنقول الانجليزي اولا ً


وبعدين نيجي لي اي بنك اخر ممكن يعمل معاك انترفيو في التليفون وانت بتتصل بيهم علاشان تقدم اساسا زي hsbc

وبعدين بتروح تعمل انترفيو معاهم


انا بقول في رائي الشخصي انك تعمل انترفيو يبقي لازم تبقي عارف شوية حاجات

اولا اللغة لازم يبقي معاك انجليزي كويس جداا

ثانيا طبعا الحاسب الي الكمبيوتر

ثالثا تبقي فاهم انت رايح تشتغل فين ويعني ايه بنك وتعرف البنك ده بيمشي ازي وبيعمل ايه


واي حد في البنك يبقي عارف معلومات عامة كتير وعارف معلومات تؤهله انه يبقي موظف في بنك


وربنا معاك

[loyality]

ميرسى اوى حضرتك ولردك على موضوعى
انا متشكرة اوى

[cmacpa]

يا جماعة انا خريج تجارة انجليزى وشغال فى بنك وصدقونى والله العظيم اهم حاجه الانجليزى وانك تعرف تقنع ايلى بيعملك الانترفيو وبخصوص تخصصك فى المحاسبه فالاسئله بتبقى سهله جدا وانا ليا اصحاب كتير شغالين فى بنوك ضعاف جدا فى المحاسبه وربنا يوفقك

[ليالى 2]

بصراحة كده هيه لا بتفرق لا تقدير و لا عربي ولا انجلش
اابنك بيحتاج واسطة جامدة

او يا اما تكون جامد جدا و تبقى متميز جدا عن كل اللي مقدمين ...بس برده مش هتترشح لاماكن كويسة...بس مش مهم انت لو علافت تحط رجلك في بنك ممكن تنقل نفسك قسم تاني

انا قدمت في بنك ال cib من غير واسطة و عملت اختبار و عديت و انترفيو اول و عديت ,,بعدين عملت انترفيو تاني مع مدير استعلامات الائتمان بس ربنا موفقش
المهم يعني انه ممكن بس لازم تخلي ال cv بتاعك تقيل

هو الواحد كل مايعمل حاجة هنقول واسطة قدم ورقك واللى ربنا رايده هيكون مش معقول هقعد فى البيت وهما اللى هيقولولى تشرفنا انك تبقى معانا ولا رايك ايه

[Ashraf El Fayez]

الله المستعان ،، بالتوفيق ..