استشاره مستعجله (ضريبه الدمغه)

[king_f]

السلام عليكم ورحمه الله وبركاته

عندى مشكله بسيطه فى ضريبه الدمغه

كان عند اخى مشروع (مخبز سياحى)
ابتدى النشاط سنه 2004 ونظرا لان المشروع كان بيخسر انهى النشاط واغلق الملف الضريبى سنه
2006 بعد دفع كل المتسحقات اللى قالوله عليها
من اسبوعين استلمنا خطاب من الضرايب بقيمه ضريبه الدمغه حوالى 260 جنيه و 96 جنيه

راح اخويا الضرايب علشان يقولهم فى غلط قالوله اعمل طعن
عمل طعن ولما راح للموظف فى يوم الطعن قاله ان دى الضريبه دى ضريبه دمغه وملهاش علاقه
بضرايب الارباح التجاريه
وان الملف راح للجنه الحجز
يعنى لازم يدفع

علما ان المكان كان ايجار ولما راح عشان يقفل الملف الضرايب فى 2006 عمل تنازل فى الشهر العقارى عن المكان المؤجر

السؤال
هل الكلام ده صحيح يعنى لازم يدفع المبلغ ده ولا ايه؟

ارجوا من الاخوه سرعه الرد

[ياسمين حلمى شافع]

ضريبه الدمغه غير ضريبه الارباح التجاريه
معنى أنه قام بعمل أخطار توقف نهائى للنشاط وتسليم للبطاقه الضريبيه والتنازل عن العين
توقف المحاسبه حتى تاريخ التوقف
أما بالنسبه لنموذج الدمغه فيقوم بعمل طعن عليه فى الميعاد وهى 30 يوم من تاريخ الاستلام
ويتوجه لشعبه الدمغه بالماموريه ومن هناك يتم عمل لجنه داخليه حتى تاريخ التوقف النهائى وتخفيض هذه الضريبه
أما أذا لم يقم بالطعن على النموذج فى الميعاد القانونى فسيتم الربط بالضريبه الموجوده فى النموذج وتكون ضريبه واجبه السداد

[king_f]

اولا اشكرك اختى ياسمين على الاهتمام وارد
ثانيا على اى اساس يتم تخفيض الضريبه
يعنى دا شىء تقديرى منهم يخفضوا او لا
ولا لازم يخفضوا
ومن نحيتى انا هل ليا دور ممكن اعمله بحيث يخفضوا الضريبه

معلش اختى هزعجك شويه بس ياريت تستحملينى