اليومية الامريكية ونسب الاهلاك وكذلك قائمة التدفقات النقدية

[mody mody]

اريد شرح اليومية الامريكية وكيفية عمل قائمة التدفقات النقدية وايضا اريد نسب الاهلاك للأصول الثابتة وشكرا

[احمد ابوسنة]

اخي الكريم فى الملف المرفق شرح مبسط لما طلبته



مع كامل تمنياتي لك بالتوفيق



اخوك

احمد ابوسنة



عفوا تم حذف الملف المرفق . وسوف اكمل الشرح على الاكسل . لعدم وضوح الشرح فى الورود

[احمد ابوسنة]

الطريقة الامريكية

خصائصها ومميزاتها
وهي احد الطرق المحاسبية وقد وضعها الاميركان لتجمع مزايا الطرق التي سبقتها وتتجنب نواقصها ، فهي شبيه بالطريقة الايطالية والالمانية من حيث انها تستعمل دفترا واحد لليومية ولكن العمليات ليست مبعثره فيه دون ترتيب او تصنيف كما هو الحال في الطريقتين المذكورتين ، وانما هي مصنفه في خانات تضم الخانه الواحده منها العمليات المتشابهة.
وهي شبيهة بالطريقة الانكليزية والفرنسية ، من حيث انها تعتمد على دفاتر الاستاذ المساعدة .وبدل اليوميات المساعده في الطريقتين المذكورتين ، وبذلك تتجنب الماخذ عليها وهي كثرة الدفاتر وتشعبها .
ورغم ان هذه الطريقه تعتبر عملية واقتصادية وملائمة تماما لاستعمل المؤسسات الصغيره او المتوسطة الحجم . الا انها تعجز عن سد حاجات المؤسسات الكبيرة .فمهما تعددت خانات الدفتر الواحد يبقى دفترا واحدا لايستطيع ان يستعملة الا شخص واحد في ان واحد .والمؤسسات الكبيرة تحتاج الى جهاز اوسع من المحاسبين وماسكي الدفاتر ، يتوزعون اعمالها المحاسبية ، لينجزوها في الوقت المحدد من خلال دفاتر متعدده ، والطريقه الامريكية ذات الدفتر الواحد لليومية لاتتيح مثل هذا المجال للمؤسسات الكبيرة .
الدفاتر المستعملة بموجبها
تقوم الطريقة الامريكية على استعمال دفتر كبير لليومية مقسم الى خانات والخانه الواحدة ذات جانبين :جانب مدين وجانب دائن وتخصص كل خانة لنوع واحد من العمليات التي يتكرر حدوثها . فهناك خانه للصندوق وخانه للبنك وخانه للمشتريات وخانه للمبيعات وخانه للذمم المدينه وخانه للذمم الدائنه وخانة للمصاريف وخانه لاوراق القبض وخانه لاوراق الدفع وهكذا.

الدفاتر المستخدمه في الطريقة الامريكية
المستندات
استاذ المدينين
استاذ الدائنين
استاذ المصاريف
دفتر اليومية العامة
دفتر الاستاذ العام ومنه يتم استخراج ميزان المراجعه

منقول

[احمد ابوسنة]

هذا ملف اكسل وجدته عندي من احد المنتديات
وبه دورة محاسبية كاملة اساسها اليومية الامريكية

[wael-zizo]

الـــــــــــــــــــف
شــــــــــــــكر

[a.hafeez]

شكرا للاستاذ / احمد ابوسنه
ودى التدفقات النقدية بالكامل شرح وافى

[mody mody]

شكرا جزيلا اتمنى من الاستاذ على احمد على ان يرسل الملفات على ورد كى تفتح مثل قائمة التدفقاتوشكرا لاهتمام السيد a haf
الف الف الف الف شكر

[mody mody]

شكرا جزيلا
للاستاذ احمد ابوسنة وارجو من سيادتكم الاجابة على سؤال ميزان المراجعة

[tarekaf78]

استاذنا العزيز برجاء شرح آخر 3 سطور في اليومية الامريكية المرفقة ماذا نسجل بها و لماذا عند ضم خانتان من الاكسل كما هو بالملف تم اخذ خانة من حساب ثم خانة من حساب آخر

[tarekaf78]

استاذنا العزيز برجاء شرح آخر 3 سطور في اليومية الامريكية المرفقة في شهر يناير 2007 ماذا نسجل بها و لماذا عند ضم خانتان من الاكسل كما هو بالملف تم اخذ خانة من حساب ثم خانة من حساب آخر

[ابوزياد]

أكتر من رئعة والله ياأستاذ أحمد
سوف استفيد منها جدا &جزاك الله خيرا
عندي مشكلة يا أستاذ أحمد لو سمحت
الشركة نشاطها شركة نقليات ----نقل مواد من مكان لمكان أخر وفي نهاية الشهر تحصل فاتورة عن نقل المواد بالسيارت--- الشركة التي تعمل معهاالشركة شركة كبير الحجم تسمي شركة الخليج وكيفية العمل أو التعاقد معها صعب
وبالتالي تعاقدت الشركة مع شركة تسمي شركة الإيمان حيث تقوم الشركة بأخذ سيارات شركة الإيمان للعمل بإسم الشركة واأخذ نسبة نتيجة ذلك من خلال عمل السيارات مع العلم أن شركة الإيمان في العقد المبرم بين الشركتين أن شركة اللإيمان ملزمة لدفع مصروفات التشغيل للسيارات/ ففي أول شهر دفعت شركة الإيمان 30.000 ريال دفعة تحت المصروفات التشغيلية للسيارات خاصتها
شركة الإيمان في ذلك الوقت تمثل عميل للشركة وفي نفس الوقت تمثل مورد
فثبت القيد كذلك
30.000 من ح/ الصندوق
30.000 الي ح/ الموردين
السؤال عند قفل القيد أنا عندي المبلغ المأخوذ من شركة اللإيمان كله مصروفات بترول وصيانة وما شابه ذلك مع العلم ان مصروفات سيارت الإيمان والسيارت خاصة الشركة تخرج بعهدة واحدة للفورمان المسئول عن جميع السيارات
طيب أقفل القيد السابق ازاي
انا بقفل عهدة الفورمان بالمصروفات والفواتير اللي بيسلمها علشان أقفل حساب الصندوق وكل الفواتير مع بعضها للسيارات خاصة الشركة وسيارت شركة الإيمان مش ينفع أخرج جزء من العهدة طيب أزاي أقفل القيد وبعدين لو قفلته حتصبح المصروفات دائنة
المشكلة الثانية
الشركة معاقدة مع شركة نفس النظام بس هذه الشركة أتفقت مع شركتي علي خصم المصروفات حين تحصيلها لإيراداتها
لو سمحت ياأستاذ أحمد حل لي العقدة دي وأرجو الأهتمام
وشكرا

[احمد ابوسنة]

اخي الكريم ابو زياد .
اسف على تأخير الرد فسامحنا

قبل ان اجيبك على المعالجة المحاسبية للنشاط المذكور .

يجب ان نتفق على بعض النقاط بخصوص توجيهك للقيود المحاسبية وتسمية الحسابات عندك

اولاً : نشاط منشأتك هو نشاط لنقل بضاعة لمصلحة عميل مقابل اجر مادي صح الكلام ؟

اذن خدمة النقل التى تقدمها منشأتك هى ايراد البيع ( المبيعات )اتفقنا ؟

طيب بما ان خدمة النقل اللى هى المبيعات لا تتحق الا بوجود سيارات اذن السيارات نفسها فى هذه الحالة واى مصروف عليها يدخل تحت بند ( المشتريات ) تمام ياعمنا ؟؟؟


الشركة اللى انت شغال فيها راحت تعاقدت مع شركة الايمان عشان تاخد منها سيارات تشغلها لحسابها
مقابل نسبة هتاخدها شركة الايمان دي . وايضا تم الاتفاق فيما بينكم على ان تسدد شركة الايمان مصاريف سياراتها . مظبوط كده ؟؟؟

معلش انا بكرر علشان لو فاهم حاجة غلط . تظهر وتبان

طيب اذن شركة الايمان دى تعتبر ايه ياعمنا ؟؟؟؟
هقولك ... فيما يلي جميع الحالات والاحداث التى تحدث من شركة الايمان بص معايا كده ياعمنا



شركة الايمان اذا انفق على سياراتها يسجل فى دفاتر منشأتك قيود نفقات على المشتريات وليس مصروفات عمومية علشان احنا اتفقنا فوق ان اى مصروف على العربيات عندك هيكون نفقات تحمل على ح المشتريات .. ومش مصروفات .

شركة الايمان اذا سددت مصاريف خاصة بسياراتها فهي بذلك تعتبر ذمة دائنة

شركة الايمان اذا اخذت نسبتها المقررة اذن هذا ايضا يعتبر نفقات على المشتريات
لأن شركة الايمان فى تلك الحالة . تعتبر مورد جابلنا البضاعة اللى حققنا بيها الايراد


واضح كده ياعمنا . علشان لو مش واضح القيود مش هيكون ليها لازمة

طيب نشوف الاحداث اللى هتحصل عندك وقيدها يكون ازاى فى كل مرة

اول حدث
ــــــــــــــــــــــــــــــــــــــــــــــــــ ــــــــــــــــــــــ

التعاقد مع العميل واستلام مبلغ التعاقد منه ودي سهلة طبعا يااستاذنا
هنقول

250000من ح / البنك

250000الى ح / العميل

ــــــــــــــــــــــــــــــــــــــــ

القيد التاني لما تدفع شركة الايمان مصروفات خاصة بسيارتها ليك انت

30000 من ح / البنك
30000 الى ح / الذمم الدائنة ( شركة الايمان )

ــــــــــــــــــــــــــــــــــــــــــــــــــ ــــــــــــــــــــ

القيد التالت لما الفورمان اللى عندك ياخد عهدة

50000 من ح / عهدة مالية الفورمان

50000 الى ح / البنك

ـــــــــــــــــــــــــــــــــــــــــــــ

القيد الرابع ياعمنا لما الفورمان يصرف بقى
وهنا لازم نعمل حسابين حسب رؤيتي الخاصة
والحسابين تابعين لمشتريات
حساب اسمه نفقات سيارات الشركة
وحساب اسمه نفقات سيارات شركة الايمان بخصوص عقد ( ونكتب اسم التعاقد او العميل )

تمام ياعمنا الكلام ده بقى مهم جدا دلوقتي

يبقى القيد هيكون ازاى .

من مذكورين

20000ح / نفقات خاصة بسيارات شركتك انت
30000ح / نفقات سيارات شركة الايمان
50000 الي ح / عهدة مالية الفورمان

ــــــــــــــــــــــــــــــــــــــــــــــــــ ـــــــ


طيب ياعمنا لسه فى عندنا كده حساب فى الذمم الدائنة لسه دائن بقيمة ال 30000 ريال بتوع شركة الايمان وطبعا هتسأل احنا هنعمله زمة دائنة ليه
عشان يامعلم لو السنة انتهت وانت لسه ماخلصتش تعاقدك . يبقى في عندك 30000 ريال يرحلوا للسنة اللى بعدها

ولكن بفرض ان العملية انتهت والتعاقد انتهي
هنقفل بقى ونقول

30000من ح / الذمم الدائنة ( شركة الايمان )

30000 الى ح نفقات سيارات ( شركة الايمان )

ــــــــــــــــــــــــــــــــــــــــــــــــــ ـــــــــ

اخر قيد يااستاذنا هو قيد تسجيل سداد نسبة شركة الايمان فى التعاقد ده .

وفى الحالة دى برضه هنقول انه سوف يتم تحميل تلك النسبة على ح المشتريات فى حساب يحمل اسم شركة الايمان ...

ويكون القيد

100000 من ح / عمولة توريد سيارات ( شركة الايمان )


100000الى / البنك

ـــــــــــــــــــــــــــــــــــــ

لو عملت حسابات استاذ للحسابات المذكورة فى القيود اللى فوق دي كلها
هتلاقي ان ح نفقات سيارات شركة الايمان هيكون صفر
وده يامعلم علشان هى اللى دفعت مصاريفها .
بالاضافة الى ان كل المعلومات والبيانات هتلاقيها عندك . فى اى وقت وممكن ترجلعلها . طبعا
اتمنى ان تكون المعالجة صح وبالتوفيق ان شاء الله


اخوك

احمد ابوسنة

[محاسب معتمد]

تحليل رائع يا استاذ أحمد ابو سنه


بس انا لسه حاسس انه العمليه تايهه منى هنسخ الحاجات دي واراجعها واششوف لو قدرت افهم
والله المستعان


وجزاك الله كل الخير

[ابوزياد]

أنا عاجز عن الشكر والله ياأستاذ أحمد ألف ألف شكر
هو الموضوع غير متعلق بالمبيعات خالص
بس حضرتك وضحت اللي أنا عاوزه في القيد الرابع
جزاك الله خيرا كثيرا