برجاء المساعدة في اعداد الميزانية

[gogomog2008]

السلام عليكم

مرفق ميزان المراجعة عن شهر يوليو 2009
حيث ان السنة المالية تبدأ في 1 يوليو وتنتهي في 30 يونيو

برجاء توضيح خطوات كيفية اعداد ميزانية شهر يوليو 2009

جزاكم الله خير

[hondk]

تقصد اية بالحساب اللى اسمة موظفين رقم 005

[gogomog2008]

دي برضوا ذمم بس انا الحقيقة عاملها في حساب لوحدة بالشكل دا لانها سلفة شخصية من صاحب الشركة لصديق لة واراد ان يسجلها في الدفاتر لذلك وضعتها بهذا الشكل حتى لا يحدث اشتباه بينها وبين حسابات الشركة الرئيسية

شكراً للاهتمام

[هانى احمد]

زميلى العزيز ميزان المراجعه ظاهر ان حساب الصندوق دائن و هذا لا يجوز محاسبيا

[hondk]

يا عم دخله سلفيات و خلليك مميز الرقم دة و الحساب دة فى اجندتك انتة الخاصة بعيد عن مراقب الحسابات و عن عنية مش المبلغ خرج من فلوس الشركة خلاص اخلى مسئوليتك...

طبعا انتة معتبر م التاسيس من ضمن الاصول و بتعمل اهلاك سنوى ليها صح و لا انا فاهمك غلط

النقطة التانية انا قبل ما اسافر كان واحد صحبى قالى ان موضوع خصم المبيعات دة مبقاش يظهر فى الدفاتر لانة لا يعتد بية فى الضرائب الان انا معرفش صحة المعومة دى اية بس انا شايفك حاطط خصميات بيع و مش فاهمة بصراحة بردوا

[hondk]

زميلى العزيز ميزان المراجعه ظاهر ان حساب الصندوق دائن و هذا لا يجوز محاسبيا



و طبعا لازم نعرف اجابة السؤال دة

[gogomog2008]

و طبعا لازم نعرف اجابة السؤال دة

هوا فعلا حساب الصندوق دائن حيث ان ماسك العهدة هو المدير نفسة ويتم الصرف وبعد ذلك نقوم بالتسوية

اوكي انا عند رأيك اني ادخل حساب الموظفين اللي ظاهر دا في حساب الذمم مفيش مشكلة
بس بالنسبة للصندوق هوا صحيح بالشكل دا فمش عارف اية حلها من وجهة نظرك

انا عامل حساب خصميات بيع لاني احيانا بعمل خصم على الفاتورة مع العلم انها فواتير اجلة
واحيانا اعمل خصم خاص بعيد عن الفترة بس افيدنا برضوا مع العلم اني لا اعتقد ان وجودها بالشكل دا خطأ

مظبوط انا بعمل اطفاء سنوي مصروفات التأسيس هل هذا صح ام خطأ؟

جزاك الله خير

[mody mody]

اخى العزيز انا شايف انك تعيد ترتيب حساباتك تانى لات فيه امور كثيرة خطأ
ثانيا العهد لا تسمع فى الدفاتر الا بعد تسوية العهدة
مفيش حاجة اسمها الصندوق دائن
ومفيش حاجة اسمها اصل صاحب الشغل اخذ فلوس وخلاص كده
له حساب جارى تعامل معه سحب وايداع بعيد ايضا عن السلف

[gogomog2008]

اخى العزيز انا شايف انك تعيد ترتيب حساباتك تانى لات فيه امور كثيرة خطأ
ثانيا العهد لا تسمع فى الدفاتر الا بعد تسوية العهدة

اخي العزيز طيب اية رأيك يعني هيا دي حساباتنا اللي بنشتغل عليها
اية رأيك هوا الشكل المثالي ليها

وبعدين بالنسبة لموضوع الصندوق اية هوا ايضا الحل المثالي لية
لانة هوا فعلا دائن
فماذا تقترح

جزاك الله خير

[ahm4444]

السلام عليكم ورحمة الله وبركاته

الحل من وجهة نظرى بالنسبة لموضوع الصندوق

انك تشوف صاحب المنشأة دفع كام للصندوق بالظبط وتعملها سلفة خارجية مثلا او اى مسمى للسلفة
وبعدين تبقى السلفة دين على المنشأة وتصفر الصندوق

والله اعلى واعلم
ارجو الافادة

[gogomog2008]

جزاكم الله خير

الحقيقة الواحد دايما بيستفيد من المنتدى بتاعكم دا

انا لقيت ان احسن حل اني امول الصندوق من جاري الشريك

ويتم اقفال الصندوق في نهاية السنة في الجاري

[ahmed mohamed morsy]

على فكرة ان صاحب المنشأةيدفع للصندوق وحضرتك تخلى الصندوق دائن دون ان تظهر مديونية الشركة لصاحبه ضد مبادئ المحاسبة المعروفة وده يضعك في مشكلة مع الضرائب
فى مبدء في المحاسبة اسمه مبدأ استقلال الوحدة المحاسبية
يعنى صاحب المنشأة يسحب فلوس تعمله حساب مسحوبات سحب بضاعة كذالك الامر
طب العكس الشركة هى السحبت من صاحب المنشأة في الحالة د ة اعتقد ان احنا نزود حقوق الملكية نصيب صاحب الشركة من رأس المال ونعمل قيد زيادة لرأس المال
عموما انا حديث التخرج وده مجرد رأي واشكرك انا عرضتنى لأحد المشاكل الابتقابل المحاسبين

[waled mohamed]

اخى العزيز انا شايف انك تعيد ترتيب حساباتك تانى لات فيه امور كثيرة خطأ
ثانيا العهد لا تسمع فى الدفاتر الا بعد تسوية العهدة
مفيش حاجة اسمها الصندوق دائن
ومفيش حاجة اسمها اصل صاحب الشغل اخذ فلوس وخلاص كده
له حساب جارى تعامل معه سحب وايداع بعيد ايضا عن السلف
وانا اوافق هذا الراي جداااااااااااااااااا

[gogomog2008]

على فكرة ان صاحب المنشأةيدفع للصندوق وحضرتك تخلى الصندوق دائن دون ان تظهر مديونية الشركة لصاحبه ضد مبادئ المحاسبة المعروفة وده يضعك في مشكلة مع الضرائب
فى مبدء في المحاسبة اسمه مبدأ استقلال الوحدة المحاسبية
يعنى صاحب المنشأة يسحب فلوس تعمله حساب مسحوبات سحب بضاعة كذالك الامر
طب العكس الشركة هى السحبت من صاحب المنشأة في الحالة د ة اعتقد ان احنا نزود حقوق الملكية نصيب صاحب الشركة من رأس المال ونعمل قيد زيادة لرأس المال
عموما انا حديث التخرج وده مجرد رأي واشكرك انا عرضتنى لأحد المشاكل الابتقابل المحاسبين

اخي العزيز اعتقد ان الكلام دا غير صحيح

يعني ازود رأس المال علشان اظبط الصندوق مين قال كدا

[ahmed mohamed morsy]

هو مش صاحب المنشاءة دفع للمنشاءة نقدية ولا انا فاهم غلط
لو هو فعلا كده هو ده مش احدى صور التمويل

[gogomog2008]

هو مش صاحب المنشاءة دفع للمنشاءة نقدية ولا انا فاهم غلط
لو هو فعلا كده هو ده مش احدى صور التمويل


يا أخي العزيز هوا دا برضوا كلام معقول اني ازود رأس المال مع كل تغير في الصندوق؟؟
دي شركة ذات مسئولية محدودة وفيها شركاء.
انا ممكن اعمل اي تغيير في جاري الشريك لكن الكلام اللي انت بتقولة دا غير منطقي بالمرة.
يعني بكلامك دا اني اغير السجل التجاري للشركة مع كل عملية تغيير في الصندوق؟؟

اخي الحل اني فعلا ممكن اصفر الصندوق وارحل التغير دا على جاري الشريك

جزاك الله خير

[gogomog2008]

الاخوة الاعزاء قد تم اقفال الصندوق في جاري الشركاء

حيث انه كما سبق وذكرتم انه من غير الممكن محاسبيا ان يظهر حساب الصندوق دائناً

ليظهر ميزان المراجعة بالشكل التالي

[gogomog2008]

بفرض ان مخزون المواد الخام اول المدة هو 3500000

وبفرض ان مخزون المواد الخام اخر المدة هو 1045637

وبفرض ان اهلاك الموجودات الثابتة هو 1545039

فقد تم ارفاق ملف تكلفة المبيعات

ارجو من الاخوة الاعضاء التعليق حيث ان هذة هي المرة الاولي التي احاول فيها اعداد الميزانية

جزاكم الله خير

[دكتور عصر]

اخي العزيز طيب اية رأيك يعني هيا دي حساباتنا اللي بنشتغل عليها
اية رأيك هوا الشكل المثالي ليها

وبعدين بالنسبة لموضوع الصندوق اية هوا ايضا الحل المثالي لية
لانة هوا فعلا دائن
فماذا تقترح

جزاك الله خير

السلام عليكم ورحمة الله وبركاتة
ليس من المنطقى ان يكون حساب الصندوق دائن لأن ده معناه أن النقدية التى خرجت من الصندوق أكثر من النقدية المودعه به وهذا غير منطقى
وطبعا وجود رصيد دائن للصندوق فى أى تاريخ معناه أن الحسابات غير منتظمة وده أحد الأسباب الرئيسية لقيام مصلحة الضرائب بإهدار الدفاتر على سندمن القول أن هناك إيردات مخفاه ولم يتم إثباتها باالدفاتر

[gogomog2008]

السلام عليكم ورحمة الله وبركاتة
ليس من المنطقى ان يكون حساب الصندوق دائن لأن ده معناه أن النقدية التى خرجت من الصندوق أكثر من النقدية المودعه به وهذا غير منطقى
وطبعا وجود رصيد دائن للصندوق فى أى تاريخ معناه أن الحسابات غير منتظمة وده أحد الأسباب الرئيسية لقيام مصلحة الضرائب بإهدار الدفاتر على سندمن القول أن هناك إيردات مخفاه ولم يتم إثباتها باالدفاتر

السلام عليكم

اوكي يا دكتور عصر

بس انا خلاص زي ما قولت اني عالجتها في الجاري وارجو من حضرتك توضيح هي الخطوات اللي انا ماشي فيها في التحضير للميزانية صحيحة من عدمة والقاء النظر على مرفق تكلفة المبيعات