طلب مهم .......

[a7med_sadeq]

بسم الله الرحمن الرحيم

انا طالب في كليه تجاره الفرقه الثالثه وكنت محتاج من محاسبين المنتدي بعض النصايح اللي ممكن تفيدني.
انا معملتش دورات لسه وكنت بارجو من حضرتكم انكم تنصحوني اعمل ايه واخد دورات ايه وادرب ازاي وايه الدورات اللي ممكن تفيدني في العمل حتي لو كانت الحجات دي متعبه او مكلفه.


ولكم جزيل الشكر

[mada rezk]

اخى احمد المنتدى ده هيفيدك فى حاجات كتير قوى

[1accountant]

نصيحة الي كل اخواتي الطلاب ركز في الدراسة فقط ولا تكن مشتت الدراسة مهة جداا لا تتخل مدي اهميتها الا بعد التخرج

اما في الاجازة حاول ان تاخذ كورس كمبيوتر icdl مثلا او اي كورسات في برنامج الاوفس

ودورات انجليزي دول اهم حاجة الي جانب التقدير في الكلية الذي يحدد اشياء كثيرة جدااا

[a7med_sadeq]

شكرا جدا علي النصيحه الغاليه

[midozizomido]

طبعا انا متفق مع الاستاذ المشرف العام ان الدراسة مهمة وانك تطلع بتقدير عام جيد جدا او جيد علي الاقل شيئ مهم
بس الفكرة ان الدراسة وقتها كتير و المادة العلمية اللي بتدرس وقتها اققل بكتير من وقت الدراسة ....
يعني ممكن تستغل وقت الدراسة ووقت الاجازة ....انا اشتغلت في مكتب محاسبة وانا في سنة رابعة ولقيت في المكتب واحد زميلي دفعتي شغال في المكتب من سنة ثالثة و ما شاء الله سجل في سجل المحاسبين والمراجعين بعد اما خلص جيش مباشرة ..لانه اثبت نفسه في المكتب في فترة الدراسة استفاد واخد خبرة كويسة واصبح مؤهل كويس بعد التخرج مباشرة وانا اخدت كورسات انجليزي وكومبيوتر وانا في الدراسة برده والمكتب خلال مده الدراسة والاجازة
الفيصل اني كنت باخد اجازة قبل الامتحانات حوالي اسبوعين مثلا ...واما اتخرجت بقي معايا انجليزي معقول وكومبيوتر كويس وخبرة معقولة من المكتب برده ..... اتمني اكون وصلتلك الفكرة ...انك تستغل وقت الدراسة والاجازة كويس واهم حاجة في الفترة دي انك تطلع بتقدير كويس ماتضيعش وقت كتير
ربنا يوفقك ويوفقنا ان شاء الله

[scorpion yahia]

لو سمحت يا ميدو ممكن اعرف التقدير هيفيد فى اية