محمد ابراهيم عمر

نصيحه وهى راى انا مسافرتش ومبفكرش فى السفر فى الوقت الحالى بس احسن لك ان انت تدور على شغل فى مصر احسن لحد متاخد خبرة عمليه كافيه لان الشغل فى الخليج مبيديش خبرة زى الشغل فى مصر وكمان اللى بيسافر الخليج محاسب بيرجع لو بعد 10 سنين محاسب ده انا شوفته بيعنى من ناس بتعمل انترفيوهات فى الشغل عندى

MOHAMEDDOO

نصيحة غالية عن خبرة 5 سنوات فى السعودية لو فى امكانك توفر 1000 جنية فى مصر او 500 جنية خليك فى مصر وانا وكتير من المصريين الى ظروف الشغل معاهم ملطشة زى حلاتى نفسهم ينزلو مصر وعن قريب هنزل وانا زى مرحت زى ما جيت الفيدة الوحيدة ان احنا هنا عند بيت الله الحرام والرسول سيدنا محمد صلى الله علية وسلم وبنعمل عمرة وبنحج وشكرا

محمد ابراهيم عمر

والله معاك حق لازم الناس تحسبها صح قبل متسافر الاستفاده الماديه مش كل حاجه لازم الواحد بمشيئه الله يبقى مخطط حياته لنفسه وعامل لنفسه هدف عند كل مرحله سنيه هدف ويسعى وان شاء الله لكل مجتهد نصيب بس اهم حاجه نبعد عن اعداء النجاح اللى هم الياس والغرور وربنا يوفقنا واياكم

elhadary22

كلام جميل جدا ياجماعه بس المشكله ان المرتبات فى مصر مش اللى هى يعنى وقليله جدا
ياريت تقولوللى ازاى اقدر ابحث عن مكان مناسب ونفس الوقت مرتب مناسب لشاب لسه بيبنى نفسه
سؤال اخير : ايه رايكم فى العمل بالفنادق زى مثلا فنادق شرم الشيخ؟

mr-mostafa

ياعم انت بتقول اية انت وهو ، وسوري يعني اللي سافر ومااخدتش خبرة وراح زي ما جة يبقي غلطان ، انا لو في مصر مش هاوصل للخبرة اللي وصلتها هنا ، وبعدين انت بتتكلم يا اخي الكريم ياللي في السعودية انت في بلد اصلا مش عاوزة تتقدم ، زي ماهي ــ شوف يا اخ بكل الشهادات اللي معاك دي جميل اوي بس خد خبرة ان شاء الله تشتغل وماتاخدش فلوس بس ورب البيت لو انت اخدت الخبرة مع الشهادات اللي بتقول عليها دي وتمارس اللي انت اتعلمته في الشغل ، وسهل جدا تقدم في موقع توظيف محترم او تاخد تاتيل لاي شركة محترمة كبيرة وتبعت عليه السي في وصور الشهادات دي باذن الله هتلاقي وانصحك تدور في قطر او الامارات علشان دول اللي بيعلوا الواحد في شغله ، وربنا يوفقك يارب ان شاء الله

mohamed686

دوره تدريبيه فى (المحاسبه الدفتريه وتطبيقاتها على الاكسل+المحاسبه الالكترونيه على جميع البرامج المحاسبيه+دوره فى اعمال البنوك+التحليل المالى للبورصه



السلام عليكم اخى انا صديقك محمد ممكن اعرف اخى انت اخت الدورات دى فين علشان اخودها وجزاك الله خير

شريف الغريب

السلام عليكم
اخي الكريم عن تجربة شخصية لي
انا اخدت دورات ( icdl + دبلومة محاسبة في الكمبيوتر من المعهد المصري للمحاسبين )
ودورت علي شغل في مصر وللأسف الكل لم يهتم بالدورات وكان يسأل علي الخبرة وطبعا كان مفيش .

واتجهت للسفر للخارج وقلت اخذ خبرة وبعدين ارجع ادور تاني والحمدلله ربنا وفقني وسفرت
لكن لم استفد من الناحية المادية لظروف خاصة مع الكفيل .

وبكن الاستفادة كانت في الممارسة العملية للمحاسبة ولكن اكتشفت وانا الحمدلله كنت لسة في بداية الفترة ان المحاسبة السعودية اضعف بكتير من مصر وصدق توقعي لما نزلت مصر بعد سنتين وبحثت عن عمل كلن دائما السؤال
انت عندك خبرة ؟
نعم سنتين في السعودية
انت اشتغلت في مصر قبل كدة ؟
لا
طيب هنبقي علي اتصال و لا يوجد اتصال

طيب اذاي وجدت العمل الحالي بعد بحث اكثر من شهرين

ملا اكتشفت ان المحاسبة في السعودية اضعف من مصر دة وانا مسافر
دخلت علي هذا المنتدي الرائع ومنتدي اخر وتعلمت المحاسبة من الصفر حتي اعداد الحسابات الختامية مع تلخيص ذلك في ملفات وورد واكسل
وذلك لمدة سنة كاملة كنت بدخل علي قسم المحاسبة المالية لا احيد عنه
بالمنتدي موضوعات شرح تفصيلية في المحاسبة المالية والقوائم المالية بالاضافة الي التعلم من المشاكل والحالات العملية التي تواجة الزملاء في العمل ويقوم الاخوة بالرد عليها وكانت من سنوات عديدة كنت ادخل اتعلم منها ايضا

ثم في السنة الثانية من الغربة دخلت علي قسم المحاسبة الضريبية لانها جزء من عمل المحاسب ومهم جدا جدا في مصر وحملت ملف قانون ضريبة الدخل والمبيعات واللائحة التنفيذية ولخصت القانون في ملف وورد في صورة جدول وفهمته جيدا
ولما نزلت مصر اخذت دورة في مصلحة الضرائب ولكن الحمدلله كنت عارف كل اللي يقوله المحاضر
لكن قلت اهيه شهادة تضاف للسيرة الذاتية

المهم
كل ده ليه علشان في بعض الشركات المحترمة بتعمل اختبار تحريري في المحاسبة المالية والضريبية ( قيود يومية )
والحمدلله اثبت نفسي في الاختبارات من خلال ما تعلمته جزء من عملي في السعودية والاخر بنفسي من خلال المنتدي وتلخيص وفهم كل ما اقراءه وسهر للفجر بعد انتهاء مواعيد العمل في السعودية الساعة 9 مساءا والعمل في صباح اليوم التالي يبدا الساعة 8

والحمدلله اشتغلت من اسبوع فقط

المشكلة ان كتير من الشركات لا تعمل اختبار وبتختار علي اساس الخبرات السابقة والاماكن اللي اشتغلت فيها وكانت هذه الشركات بالنسبة لي تستهلك الكثير من وقت وجهد البحث بلا فائدة

الخلاصة ؛
لا تعتمد علي الدورات فقط
الاول : علي الله عز وجل
الثاني : هل انت جاهز للاختبار التحريري في المحاسبة المالية والضريبية في المقابلات بالشركات
ثالثا : عليك بجريدة اهرام الجمعة والوسيط وربنا يوفقك
ولا تضع راتب كبير في ورقة ال Application بالشركات اقبل راتب قليل لمدة سنة وبعدها تكون معالك خبرة ثم ابحث عن راتب اعلي

وربنا يوفقك

__________________
محاسب / شريف الغريب

http://www.khayma.com/alnoorsite

##################################
تم حذف البريد الإلكتروني لأن عرضه مخالف لشروط المنتدى
##################################

elhadary22

الحمد لله انك رديت لان بصراحه الجماعه اللى كانوا بيقولولى ماتسفرش احبطونى لدرجة انى مابقتش ادور على شغل حتى فى مصر بس كويس ان حضرتك وضحت لى الكتير
شكراااا

elhadary22

وعليكم السلام ورحمة الله وبركاته :
اخى الفاضل انا اخدت المحاسبه الدفتريه +الاكسيل فى مكتب اسمه الفتح فى شارع الجمهوريه بالقاهره اما باقى الكورسات اخدتها فى مركز خاص بتدريب المحاسبين بالمنصوره

بس انا عايز اقول لحضرتك حاجه ياريت تدخل على النت وتدور على افضل المكاتب فى التدريب وتشوف اراء الناس ايه لان حضرتك ممكن ماتقتنعش بالاماكن اللى انا كنت فيها دى ولو كنت عايز عناوينهم ابعتلى على الخاص وانا ارد عليك بسرعه ان شاء الله