أرجو مساعدتي في دورة حياة الشيك
بسم الله الرحمن الرحيم
كنت براجع و بذاكر تاني الفترة اللي فاتت دي و بحضر نفسي للنزول لسوق العمل
لفت نظري في الشروحات علي النت اختلاف القيود في دورة حياة الشيك من استلامه للتصرف فيه بعد كدا
نبدء واحدة واحدة:
اول حاجه طبعاً عشان تاخد شيك من حد (في الغالب عميل ) لازم تكون عملت عملية بيع ليه او عملتله خدمة
فبتعمل قيد اثبات للايراد بتاعك و طبعاً اثبات السداد عن طريق الشيك
من كتاب الكلية بتاع الفرقة الاولي كنا بنعمل القيد علطول
×× من حـ/ البنك ×× الي حـ/ الايرادات/ ايراد المبيعات او اياً كان نوع الخدمة مش دي المشكلة
طبعاً في الواقع العملي دا غلط
قابلني في الشروحات: فيه ناس اول ما بتستلم الشيك بتستلمة بحساب من الحسابات الاتيه:
حـ/شيكات تحت التحصيل او اللي انا بميل ليه اكتر هو حـ/اوراق القبض
وكنت بكلم واحد صاحبي من يومين شغال محاسب INCOME في فندق في شرم وقالي انه بيضيفه علي الخزينة 
ازاي مش عارف .. بس قاللي انه بيعتبره فلوس و خلاص و بيستلمه كأنه نقدية عادي جدا
تب بصوا علشان متوهش في الموضوع هقولكم القيود اللي انا ميال ليها و تقولوا لي هي صح ولا ايه اللي صح بالظبط:
- قيد استلام الشيك و اثبات الايراد
×× من حـ/اوراق القبض
×× الي حـ/ايراد المبيعات
بشوف بقي ميعاد استحقاق الشيك امته:-
- لو الاستحقاق فورا في نفس اليوم:
هنا ببعت موظف من عندي هو اللي يصرف الشيك (لو محتاج نقديه او ازود بيه حساب البنك)
لو الموظف هيستلم نقدي طبعاً يبقي القيد
×× من حـ/النقدية/الصندوق/الخزينة (ايا كانت التسمية)
×× الي حـ/اوراق القبض
ولو الموظف صرف الشيك بإنه حطه في حساب البنك بيكون القيد
×× من حـ/البنك (لو فيه اكتر من بنك يبقي اسم البنك)
×× الي حـ/اوراق القبض
- لو الاستحقاق بعد اسبوع مثلاً:
بقوم بإرسال الشيك للبنك والبنك يزود حسابنا لما ييجي وقت الاستحقاق
قيد ارسال الشيك للبنك:
×× من حـ/شيكات تحت التحصيل (او جاري الشيكات)
×× الي حـ/اوراق القبض (يتم اقفالها)
ولما ييجي اشعار من البنك انه تم تحصيل الشيك و اضافته للحساب
×× من حـ/البنك
×× الي حـ/شيكات تحت التحصيل (او جاري الشيكات)
طبعا البنك بياخد مصاريف تحصيل بتظهر برده في الاشعار او في كشف الحساب لما ييجي و بتتاخد طبعا من الحساب
هنا بقي سؤال : هل ممكن اسيب الشيك عندي لحد ما الاسبوع يخلص ومبعتهوش للبنك و بعدين ابعت الموظف بتاعي يصرفه عادي (( اكيد ينفع طبعاً بس سؤالي هل دا بيحصل في الواقع العملي؟)
طبعاً لو الشيك اترفض: بقفل برده حساب شيكات تحت التحصيل و اعمل مديونية للعميل اللي عملتله الخدمة او البيع
×× من حـ/العملاء - اسمه
×× الي حـ/شيكات تحت التحصيل (او جاري الشيكات)
و البنك طبعاً هيعملك مصروفات تحصيل برده و يخصمها من الحساب
سؤال برده:: طبعاً عند اختلاف البنوك بنضطر نستني المقاصة كمان كام يوم
عايز اعرف من حضراتكم هل في قيود بتتعمل (معتقدش احنا بنعمل قيود - دا رايي)
والاهم من دا ايه الشغل الاداري اللي بيحصل
وكام يوم بنستني لحد الصرف و هل في مصاريف تانية بتزيد
وبيكون قيدها عامل ازاي (مصروف عادي و بتقلل حـ/البنك ؟)
شكراً جزيلاً
12-03-2013, 02:26 PM
تعليمات المشاركة
العرض العادي
