a_ezzat2007

ما فيش حد رد خالص هو السؤال صعب اوي كدة ولا سهل اوي كدة

اشرف محمود ابراهيم

تعرف مصروفات التأسيس بانها جميع المصروفات التى تنفق قبل بدء عمل نشاط الشركة وقبل توليد اية ايرادات وطبعا لاتعتبر عملية الانفاق على شراء الاصول الثابتة من ضمن مصروفات التأسيس وتعالج مصروفات التاسيس فى قائمة الدخل للفترة المالية وذلك طبقا للمعيار المصرى رقم 23 والمعيار الدولى رقم 38 ومن امثلة مصروفات التأسيس - مصروفات القيد فى السجل التجارى - مصروفات استخراج رخص مزاولة النشاط - اتعاب المحاميين الخاصة بعقد الشركة - مصروفات الشهر العقارى- فواتير الكهرباء والمياه والتليفونات- اتعاب مكتب المحاسبة فى تنظيم الدورة المستندية والمحاسبية - مصروفات الاعلان عن الوظائف - مصروفات فتح الحساب الجارى بالبنك مع العلم بان مصروفات التأسيس هى هى مايطلق عليها مصروفات ما قبل التشغيل
والله الموفق

حسام هداية

__________________

a_ezzat2007

اولا جزاكم الله كل خير على الرد اخي اشرف و المشرف حسام بس انا عندي استفسار بسيط انا دلوقتي عندي مصروفات ومشتريات بضاعة واصول كل دة قيد افتتاحي الى رأس المال مفيش مشكلة انما الشركة بتصدر يعني ممكن قدامي شهر لما يدخل ايراد الفترة دي معالجتها اية مصروفات عادية و لا ايى بالظبط انا اهرف ان الشركة تعتبر تحت التشغيل الى ان يحدث دخول ايراد ........... معلشي يا اخواني انا اول مرة امسك حسابات شركة وقلقان شوية

اشرف محمود ابراهيم

[overline]
جميع المصروفات قبل بدء نشاط الشركة تعتبر مصروفات تأسيس وذلك بخلاف شراء الاصول الثابتة واى مصروفات تنفق بعد بدء النشاط تعتبر مصروفات عادية (ايرادية ) يكون الهدف منها الحصول على ايرادات . فمن الممكن ان تستمر الشركة فترة طوبلة لحين توليد الايرادات فى هذه الحالة طالما ان نشاط الشركة قد بدء تعتبر مصروفات عادية يتم تصنيفها حس طبيعتها
ياريت تكتب القيد الافتتاحى اللى انت عملته . حيث ذكرت كلمة مشتريات بضاعة هل تقصد مخزون البضاعة وقد ذكرت ايضا كلمة مصروفات ياريت تكتبه
والله الموفق
[/overline][overline][/overline]

malik_1977

اخى الفاضل كل مصاريف قبل بدايه التشغيل والتى فى حكم مصاريف التاسيس تستهلك بقسط سنوى وتظهر بالصافى فى الميزانيه الى ان يتم انهاؤها فى فتره 5 سنوات

اشرف محمود ابراهيم

مع العلم يا اخى كما ذكرت لك فى المشاركة الاولى بان مصروفات التأسيس تعالج فى قائمة الدخل لنفس الفترة المالية مثل المصروفات الايرادية
وانا تحت امرك فى اى استفسار ومتنساش تكتب القيد الافتتاحى

والله الموفق

اشرف محمود ابراهيم

اخى الكريم
كانت مصروفات التأسيس ترسمل زمان وتم الغاء ذلك فى عام 2004 وطبقا لمعيار المحاسبة المصرى رقم 23 والمعيار الدولى رقم 38 لا يتم رسملة مصروفات التاسيس وتخصم فى نفس الفترة الحالية
والله الموفق

a_ezzat2007

شكرا جدا يا جماعة على الاهتمام والمساعدة خصوصا اخي اشرف والقيد كالتالي
من مذكورين
ح/ الاصول الثابتة
ح/ الخزينة / البنك
ح/ مخزون او المدة ( ماتم شراءة من بضاعة بغرض البيع )
ح/ مصروفات عمومية / وتسويقية
ح/ مصروفات التاسيس
الى مذكورين
ح / راس المال
ح/ جاري الشركاء
و ذلك لان قيمة راس المال في السجل التجاري اقل مما تم دفعة فعليا ( يعني السجل 25000 و الذي تم دفعة 100000 )
كدة تمام ولا اية ؟؟؟؟؟؟؟ ومرة تانية شكرا جدا على المساعدة والاهتمام