هل يتم الإقرار على فاتورة المشتريات التي بدون ضريبة مبيعات ؟
معلش عندي سؤال ضروري جدااااا
وهو بخصوص ضريبة المبيعات تمام
عند عمل اقرارا ضريبة المبيعات بقر عن المبيعات والمشتريات
وسؤالي بخصوص المشتريات لو ان عندي فاتورة مشتريات عليها ضريبة مبيعات دي عادي بنقر عليها
طيب ولو عندي كمان فاتورة مشتريات بس من غير ضريبة مبيعات عند عمل الاقرار هل المفروض اقر عن الفاتوة اللي من غير ضريبة مبيعات
مثال :- لو فاتورة قيمتها 1000 ض.م 100
:- فاتورة تانية قيمتها 1000 من غير ض.م
اجمالي المشتريات لما اجي اعمل اقرار ضريبة المبيعات
هيكون اجمالي المشتريات 2000 وضريبة المبيعات 100
ولا مش هقر عن الفاتورة اللي من غير ضريبة مبيعات
ارجو ان يكون سؤالي واضح وياريت اللي يرد عليا يقول هو بيستند علي اليه وياريت لو في نص قانون ضريبة المبيعات ويضع ليا النص .
الاخت الفاضلة بخصوص سؤال حضرتك فانه لو نظرنا الى الجزء الثانى من الاقرار الضريبى الخاص بضريبة المبيعات فانه خاص بالمشتريات القابلة للخصم فقط اى المشتريات التى تتم بموجب فاتورة ضريبية ومستوفاة للشروظ الشكلية الواردة بالمادة 7 من اللائحة التنفيذية اما بخصوص المشتريات غير الخاضعة فلا يوجد لها اى مكان فى اقرار ضريبة المبيعات