انا مهندس زراعى و باشتغل فى مجال تربية الارانب
عندى سؤال بخصوص الحسابات الخاصة بالنوع ده من المزارع
قرات شوية فى المحاسبة فعرفت ان فى حاجة اسمها اصول ثابتة و فى المصاريف الشهرية
نبذة: عند انشاء مزرعة ارانب جديدة اول انتاج ممكن نبيعه بيبقى فى اول الشهر الرابع من تلقيح الامهات
و الاصول الثابتة هنا هتبقى كالاتى:
1. البطاريات او الاقفاص اللى هيتم تسكين الارانب فيها
2. اجهزة زى المراوح و الشفاطات و اى اجهزة خاصة بالمكان او خاصة بمكان معيشة العمال
3. الارانب اللى هى تبقى الاصل البيولوجى
الاصول انا اعرف احسب معدل الاهلاك لها
السؤال بقى هو المصاريف اللى بتتصرف من بعد شراء الاصول عشان نطلع الانتاج تتحسب ازاى و زى ما قلت من شوية باصرف لاول 3 شهور و المصاريف كالاتى
1. العلف
2. الادوية
3. ايجار المزرعة ( فى حالة الايجار)
4. مرتب العمال و المهندسين و البياطرة
5. الكهرباء
و بنود المصاريف دى بتتكرر كل شهر
و مهما كان حجم المزرعة كبير و مهما كانت منتجة مستحيل ان الفلوس اللى هتيجى من بيع اول دورة تغطى المصاريف اللى ببتصرف فى اول 3 شهور
بمعنى تانى لو المزرعة 100 ام ممكن تبقى مصاريفها فى اول 3 شهور حوالى 30000 جنيه مصرى
ازاى احسب المصاريف دى و ازاى استردها تانى من المبيعات
بمعنى تانى ان الحسابات بعد بيع اول دورة هتبقى كالاتى:
مصاريف ما قبل الانتاج + قيمة الاهلاك الشهرى للاصول + المصاريف الشهرية اللى بتتدفع كل شهر
السؤال التانى
اول 3 شهور مش فيها انتاج و هيبقى عندى قيمة الاهلاك للاصول بتاعة كل شهر
دى برده احسبها ازاى فى الفترة اللى مش فيها انتاج لان لو حسبتها من اول شهر هتبقى الحسابات بالسالب لان اصلا لسه مش فى حاجة اتباعت