مشاركة: متى يتم تحميل تكلفة التمويل و الاقتراض على تكلفة المنتج؟
اقتباس:
المشاركة الأصلية كتبت بواسطة mr.aboubakr
السلام عليكم ورحمة الله وبركاته،
اعزائي اعضاء وزوار منتدي المحاسبين المصريين الكرام ، تحية طيبة وبعد ،
عندي سؤال مهم جدا ، متى يتم تعلية قيمة المنتج او البضاعة بفوائد القروض و التمويل ؟؟؟
هل هذا منطقي بالنسبة للمعايير المحاسبية المتعارف عليها؟؟
الحقيقة اني فجاة لقيت الادارة في الشغل بتاعي تطالبني بزيادة نسبة معينة على تكاليف البضاعة الجاهزة للبيع بحجة ادراج بند جديد لبنود التكلفة اسمه م تمويل ، وانا معترض بشكل كبير على تطبيق هذه السياسة لاني من وجهة نظرى م التمويل او الفوائد تخص الشركة لفترة معينة و لا تخص البضاعة او المنتج و بالتالي انا كده رفعت قيمة المخزون نهاية العام اذا البضاعة دي لم تباع باكبر من تكلفتها الحقيقية و ده تغيير للسياسات المتبعة سابقا بنفس الشركة، انا دلوقتي عاوز اعرف هل هذا جائز فعلا ؟ و في اي حالة يتم تطبيق هذا البند؟ وهل يوجد معيار محاسبي في تكلفة البضاعة او تكلفة المخزون؟
شكرا لكم و اتمني اضافتكم المميزة للموضوع
اخوكم
محاسب / ابوبكر ابوغيدة
|
استاذ ابو بكر
انا متفق معاك تماما في رفضك لتحميل مصروفات الاقتر اض علي تكلفة المنتج
لان من المتعارف عليه وفقا للجاب والمعايير الدولية والامريكية ان التكاليف التى تحمل علي تكلفة المنتج هي التكاليف القابلة للتخزين inventoriable cost وتكلفة التمويل لا يجوز تحميلها مباشرة علي تكلفة المنتج لان ببساطه بفرض ان هناك تمويل دخل للشركة بالتالي لم يتم التاكد من مصادر انفاقه ممكن لشراء اصل وممكن لشراء خامات وممكن لتوزيع ارباح وممكن اشياء كتير منها خاص بالمنتج ومنها غير خاص بيه . بفرض انه تم ضخ التمويل لشراء اصل بعينه يجوز لك ان تحمل تكلفة الاصل ب م التمويل وبالتالي فسوف يتم تحميل المنتج بديهيا بتكلفة اهلاك هذا الاصل علي المنتج وبالتالي انت مش محتاج تحملها علي تكلفة البضاعه المباعه مباشرة وهو ما يعرف برسملة الفائدة .
اما اذا كان القرض هدفه شراء بضاعه سواء خام او منتجات بغرض البيع فالافضل ان تعتبرها تكلفة فترة منها هاتعلي التكلفة ومنها انك ما ظلمتش المنتج وحملته بتكلفه اكبر من الحقيقة وكمان تكلفة لم تدخل في تغيير طبيعته من خام لمنتج جاهز للبيع او خلافه
ولو تم تحميله علي المنتج زى ما الادارة بتاعتك عاوزة هاتعلي المخزون باكبر من قيمته الحقيقية وبالتالي الربح هايزيد والضرائب هاتزيد معاك اما لو اعتبرته تكلفة فترة فده الاقرب للصح لانها تعتبر من التكاليف الثابتة غير القابلة للتخزين.
مع الاخذ في الاعتبار ان ما يكونش للشركة رؤية اخري انها عاوزه تعظم مخزونها واصولها لهدف تمويلي اخر او رفع حد ائئتمان او خلافه مع الاخذ في الاعتبار ان امور التكاليف توافقية مبنية علي نظريات شوف غرضهم الاول ايه قبل ما تقبل او ترفض لان في مثل بيقولك الغاية تبرر الوسيلة والدنيا مش هاتمشي زى الفل في كل حاجه لازم فيه لعب والاعيب حسب الغرض بس اهم شئ تكون في اطار المبادئ المقبولة للمحاسبة . ده رايي الذي لا قيمة له