مسئولية كل قسم داخل البنوك - منتدى المحاسبين المصريين

04-10-2009, 05:59 PM

ايمان حسن

تاريخ التسجيل: Sep 2007

العمر: 38

المشاركات: 1,853

مسئولية كل قسم داخل البنوك

دة موضوع بيوضح اقسام البنوك بيحث كل واحد فين لما يكون عنه انترفيو و يتسال يحب شتغل اية يبقى عرف
مسئولية كل فسم اية واية هى الحاجات اللى بيقوم بيها
يلا نبدا........

أولا : قسم خدمه العملاء Customer service
و القسم ده اللي بيستقبل العميل اول ما بيدخل البنك و بيشوف طلباته و بينفذهاله بمعني انه لو عميل جديد و عايز يتعامل مع البنك في مجال معين بيقوم منفذله طلباته و يحاول يستدرجه للتعامل مع البنك في كل شغله يعني لو تاجر يفتحله حساب جاري و يحاول يجذب ودايعه اللي بره و يعمله كريدت كارد و كده و دي حاجه بيسموها Cross Selling يعني تبيع لواحد حاجه من خلال حاجه تاني .
و القسم ده عايز واحد منتبه جدا و يعرف يقرا الناس كويس لأنه بيتعامل مع مختلف انواع البشر و بيفهم عقليات مختلفه التعليم و الثقافه و في نفس الوقت يكون لبق و مهندم و حسن المظهر .
و في بنوك بتعمل قسم جوه خدمه العملاء بيختص بالعملاء الفي آي بي VIP في الفروع اللي فيها عملا تقيله لأن العملا دول مش هيستنوا مع العملا العاديين و بيبقي في واحد رئيس لقسم خدمه العملاء كله اسمه هيد كستمر سيرفس Head Customer service

ثانيا : قسم الخزينه Treasury

و ده القسم الأهم بالنسبه للعملاء اللي بيقضي المصلحه الحقيقيه اللي هما جايين عشانها و اللي هيا السحب او الايداع بمختلف صورهم و القسم ده بيتكون من تيلرات و هيد تيلر Head Tellers و رئيس خزينه و التيلرات دول المسؤلوين عن اداء الخدمات الماليه بالكامل في البنك من سحب او ايداع او تغيير عمله او تحويل اموال و اي شيء بيتعلق بالفلوس و الهيد تيلر ده اللي بيراقب عليهم أما رئيس الخزينه ده المسؤول عن الخزينه الرئيسيه اللي في البنك و هو اللي بيطلع العهده للصرافين و بيستلمها آخر النهار و بيبقي معاه واحد تاني مسؤول عن الخزينه تطيبقا لمبدأ الرقابه الثنائيه و غالبا بيبقي الهيد تيلر او نائب المدير .
و القسم ده محتاج واحد مصحح اوي عشان شغلانه الفلوس دي اصعب شغلانه و عايزه واحد منظم و دقيق و مركز جامد و بصراحه اللي يشتغلها بيستلذها جدا .

ثالثا : العمليات المصرفيه Operations

و ده بيبقي الثخص المسؤول عن ظبط حسابات الفرع كلها من حيث فلوس داخله و فلوس طالعه و تنفيذ القيود الداخليه علي السيستم و تنفيذ عمليات المقاصه للشيكات و متابعه حركه الكمبيلات و تحصيلها مع العملاء و ده بيكون الشغل الباك اوفيس Back Office و مش بيتعامل مع عملاء خالص بيكون زي اداري في البنك مش بيختلط بالجمهور و دول بيكونوا اتنين بالكتير اوي في الفروع .

رابعا : المدير و نائب المدير Manager & Deputy Manager
نائب المدير بيبقي زي رئيس خدمه العملاء و الخزينه مع بعض و بيراقب حركه العملاء في الفرع بالكامل و بيتدخل في حاله وجود غلط او مشاكل و هو اللي بيبقي ليه اختلاط بالعملاء اكتر من المدير أما المدير بقي هو اللي مسؤول عن الفرع بالكامل من تحقيق تارجت لظبط السيوله لكل شيء متعلق بالفرع قدام الاداره المركزيه و بصراحه المنصب ده مبيمسكهوش غير واحد مخضرم .

في بقي بعض البنوك بتحط في الفروع اداره ائتمان متعلقه بالقروض الشخصيه و قروض السيارات و كافه انواع الائتمان بيس خلاص الاتجاه دلوقت بتوحيد ادارات الائتمان في ادارات مركزيه و خلوا خدمه العملاء تكون حلقه الوصل بين العملا و اداره الائتمان لكن ملهاش دعوه بالتنفيذ .

وى يارب اكون واضحت لو صورة صغيرة عن كل قسم
وريت لو اى حد عنه اضافة يتفضل
وشكرااااا

__________________

http://www.shbab1.com/2minutes.htm

04-11-2009, 06:55 AM

tamer2012

مشارك مبتدئ

تاريخ التسجيل: Oct 2008

العمر: 48

المشاركات: 6

مشاركة: مسئولية كل فسم داخل البنوك

جزاك الله كل الخير وجعله في ميزان حسناتك

04-19-2009, 08:44 PM

Ahmed Essam

مشارك مبتدئ

تاريخ التسجيل: Feb 2009

العمر: 38

المشاركات: 11

مشاركة: مسئولية كل فسم داخل البنوك

أنا شايف أن ألافضل التيلر للآكثر من سبب على العموم شكار كثير على معلوماتك وكنت عايز أسألك هوة أنتى شغالة فى بنك ؟؟؟؟ وأيه هيا ألاسئلة فى الانترفيو بالنسبة للبنوك؟

12-07-2010, 09:59 PM

طارق أحمد يونس

مشارك مبتدئ

تاريخ التسجيل: Mar 2010

المشاركات: 6

مشاركة: مسئولية كل قسم داخل البنوك

أسلوب ممتاز ممتاز يا استاذه ايمان وموضوع أكثر من رائع لكن اسمحى لى ببعض الاضافات :
الأقسام الداخلية للبنك تختلف باختلاف وتنوع الوظائف والخدمات التي يقدمها للعملاء فمنها ما هو مرتبط ارتباطاً مباشراً بالعملاء
زي ايه الاقسام الفنيه
ومنها الاقسام التي تنظم عمليات الأقسام الفنية وتراقبها وتمسك حساباتها وتسجل إجماليات القيود المحاسبية للعمليات اليومية التي تحصل في الأقسام الفنية للبنك
ودي اسمها الاقسام الاداريه
تمام لحد كده
عندك بقي الاقسام الاداريه هي الأقسام التي تكون مسئولة عن تنظيم سير العمل في البنك، وتحدد مسؤولياتها التنظيمية وفقا للهيكل التنظيمي المحدد للبنك، وليس لهذه الأقسام عدد محدد يتحتم وجودها في كل بنك بل إن هذا مرتبط بحجم العمل في البنك وعدد الأقسام الفنية فيه زي ايه بقي الاقسام الاداريه
1- الشؤون الإدارية 2- الشؤون القانونية 3- التحقيق والتفتيش

4- المحاسبة العامة 5- إدارة العلاقات الخارجية 6- شؤون الفروع

7- المطبوعات 8- الاستعلامات 9- الدراسات والأبحاث

10- العلاقات العامة 11- شؤون الموظفين 12- الحاسب الآلي

13- الأرشيف 14- التسهيلات الائتمانية والسلف
15- المشتريات واللوازم والصيانة

الأقسام الفنية وهي الأقسام التي يؤدي البنك من خلاله عمله ونشاطه اليومي للعملاء
زي ايه

1- قسم الخزينة(التللر) 2- قسم الحسابات الجارية 3- قسم الودائع
4- قسم المقاصة ودا اغلب ارتباطه بيبقي بقسم خطابات الضمان والاعتمادات المستنديه 5- قسم الأوراق المالية 6- قسم الأوراق التجارية

7- قسم الاعتمادات المستندية 8- قسم خطابات الضمان

9- قسم الحوالات والعمليات الخارجية 10- قسم تأجير الخزائن
11- قسم صندوق التوفير 12- قسم الصرف الأجنبي
13- قسم العمليات

14- قسم الائتمان وطبعا دا اهم قسم في البنك وغالبا في الفروع الصغيره بيضم خطابات الضمان والاعتمادات المستنديه والقروض والسلفيات وكمان الصندوق الاجتماعي وما الي ذلك

يارب اكون قدرت اوصل معلومه مفيده ....... تقبلوا تحياتى
محاسب / طارق أحمد يونس
(تم حذف الإيميل لأن عرضه مخالف لشروط المنتدى)

12-10-2010, 10:32 AM

princeshetos

مشارك نشط

تاريخ التسجيل: Apr 2010

الدولة: Cairo

المشاركات: 50

مشاركة: مسئولية كل قسم داخل البنوك

موضوع اكثر من رائع يستحق التقدير

01-07-2011, 01:28 PM

محب لله

مشارك مبتدئ

تاريخ التسجيل: Nov 2009

المشاركات: 23

مشاركة: مسئولية كل قسم داخل البنوك

جهد مشكور .

02-11-2013, 11:58 AM

a_accountant7

مشارك ماسى

تاريخ التسجيل: Aug 2012

المشاركات: 445

مشاركة: مسئولية كل قسم داخل البنوك

جزاكم الله خيرا

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى