منتدى المحاسبين المصريين
التّسجيل الأسئلة المتكرره قائمة الاعضاء التقويم البحث مواضيع اليوم جعل جميع الاقسام مقروءة

اشتراك في مجموعة منتدى المحاسبين المصريين البريدية
البريد الإلكتروني:
زيارة هذه المجموعة

للتسجيل اضغط هـنـا


برنامج المحاسبة من مايكروسوفت Microsoft Office Accounting Professional 2009 [ الكاتب : وليد الجد - آخر الردود : salah onsy - عدد الردود : 902 - عدد المشاهدات : 39659 ]       »     المحاسبة على عناصر تكاليف عقود المقاولات [ الكاتب : حسام هداية - آخر الردود : ahmed_acer - عدد الردود : 1286 - عدد المشاهدات : 34909 ]       »     قيود يومية التكاليف [ الكاتب : said_rgb - آخر الردود : ahmed_acer - عدد الردود : 1184 - عدد المشاهدات : 50845 ]       »     مقدمة عن محاسبة التكاليف [ الكاتب : حسام هداية - آخر الردود : ahmed_acer - عدد الردود : 384 - عدد المشاهدات : 11779 ]       »     تمارين علىٰ محاسبة التكاليف [ الكاتب : حسام هداية - آخر الردود : ahmed_acer - عدد الردود : 1057 - عدد المشاهدات : 32897 ]       »     شرح كامل بالأمثلة للمحاسبة المالية والتكاليف [ الكاتب : zoomnet - آخر الردود : mnhza - عدد الردود : 7 - عدد المشاهدات : 55 ]       »     محاسبة المقاولات - عملياًً [ الكاتب : الصقر الاسير - آخر الردود : ahmed_acer - عدد الردود : 3 - عدد المشاهدات : 47 ]       »     برنامج مراجعة معتمد فى كثير من المكاتب الكبري [ الكاتب : ahmed_elmelih - آخر الردود : ahmed_acer - عدد الردود : 1740 - عدد المشاهدات : 59772 ]       »     شرح الدليل المحاسبي بطريقة سهلة جدا [ الكاتب : حسام هداية - آخر الردود : ahmed_acer - عدد الردود : 6004 - عدد المشاهدات : 250879 ]       »     كتاب بديع في التكاليف - منقول [ الكاتب : Keeper Keen - آخر الردود : mnhza - عدد الردود : 2020 - عدد المشاهدات : 73653 ]       »     كيفية تقدير السيولة في شركات المقاولات [ الكاتب : mizoo87 - آخر الردود : mnhza - عدد الردود : 49 - عدد المشاهدات : 1937 ]       »     حمل ملف pdf " النظام المالى المقترح للشركات " [ الكاتب : براعم مصر - آخر الردود : ahmed_acer - عدد الردود : 4444 - عدد المشاهدات : 143822 ]       »     حصريا برنامج الاصيل للمحاسبة والادارة كامل [ الكاتب : mostach - آخر الردود : bakermu - عدد الردود : 970 - عدد المشاهدات : 19918 ]       »     كتاب يشرح كل دوال الإكسيل Excel بطريقة سهلة وجذابة [ الكاتب : حسام هداية - آخر الردود : ahmed_acer - عدد الردود : 7487 - عدد المشاهدات : 237298 ]       »     اسطوانة الفحص الضريبي المنسق كاملة [ الكاتب : sasa - آخر الردود : ahmed_acer - عدد الردود : 1229 - عدد المشاهدات : 44581 ]       »     نسخة معايير المحاسبة المصريةword [ الكاتب : على أحمد على - آخر الردود : emadezz50 - عدد الردود : 1878 - عدد المشاهدات : 56167 ]       »     تحميل أقوى برنامج للتخلص من فيروسات McAfee VirusScan 10 فى أحدث إصدار [ الكاتب : جنات التركي - آخر الردود : جنات التركي - عدد الردود : 0 - عدد المشاهدات : 7 ]       »     إليكم البرنامج المحاسبي (صندوق المتجر) نسخته الرابعة الجديدة المطورة [ الكاتب : حنظلة البغدادي - آخر الردود : bakermu - عدد الردود : 1479 - عدد المشاهدات : 43170 ]       »     برنامج الاسهل Photoshine Mini 4.0 لتحرير الصور و اضافة التأثيرات و الاطارات الرائعة [ الكاتب : سمية الغنام - آخر الردود : سمية الغنام - عدد الردود : 0 - عدد المشاهدات : 9 ]       »     فن اكتشاف الاختلاسات [ الكاتب : حسام هداية - آخر الردود : ahmed_acer - عدد الردود : 2102 - عدد المشاهدات : 78664 ]       »    


العودة   منتدى المحاسبين المصريين > أقسام حديثى التخرج > قسم المحاسبين حديثى التخرج

التسجيل السريع مُتاح
عزيزي الزائر! سجلاتنا تفيد انك لست عضو لدينا في المنتدى,في حال رغبتم بالاِنضمام الى أسرتنا في المنتدى ينبغي عليكم ملء النموذج التالي!

اسم المستخدم: كلمة المرور: تأكيد كلمة المرور:
البريد الالكتروني: تأكيد البريد:
  موافق على شروط المنتدى 

المشاركة في الموضوع
 
LinkBack اعدادات الموضوع طريقة العرض
قديم 04-26-2009, 06:42 AM   #1 (permalink)
مشارك ماسى
 





Thanks: 0
Thanked 26 Times in 21 Posts
إفتراضي اسئلة انترفيو - مقابلات

مشاركة
بعض الاسئله و الاجوبه
b]1- ايه الفرق بين الميزانية والمركز المالي ؟؟؟



طبعا سؤال سهل .. مش كده

المركز المالي : هو قائمة توضح أصول وخصوم المنشأة ... يعني حقوق والتزامات المنشأة ... يعني ايه اللي للمنشأة وايه اللي عليها ... في أي يوم في السنة .

يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي.

طب ايه هي الميزانية العمومية ؟

هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة

طب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 31/12/2006 مثلا بنعرف حقوق والتزامات المنشأة فتبقى اسمها الميزانية العمومية

-----------------------------


2-ايه الفرق بين الميزانية والموازنة ؟؟؟




الميزانية العمومية : هي زي ما قلنا عبارة عن قائمة توضح أصول وخصوم المنشأة ... حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .

يعني ايه ؟؟! يعني ان الحسابات الختامية هي اللي بتوضح مصروفات السنة اللي فاتت الفعلية وايرادات السنة اللي فاتت الفعلية لكن الميزانية العمومية توضح حقوق والتزامات المنشأة في نهاية السنة .

طب ايه هي الموازنة ؟؟؟

الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.

----------------------------------------


3- ايه الفرق بين المصروفات الايرادية والمصروفات الرأسمالية ؟؟؟


أولا نحب نعرف ايه هو المصروف :

هو عبارة عن نفقة ( يعني --> فلوس بادفعها ) في سبيل الحصول على ايراد.

يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.

يبقى المصروف بادفعه في سبيل الحصول على الايراد.

المصروف الايرادية : هو مصروف يحقق الايراد في نفس السنة المالية .

المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .

يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ..... يبقى مصروف الأجور والمرتبات مصروف ايرادي .

ومثلا : م الدعاية والإعلان ... الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات ... يبقى المصروف ده مصروف رأسمالي .

مثال تاني :-

مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .

طب لوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية ... يعني بدل ما تنتج مثلا عشر وحدات خليناها تنتج 15 وحدة يعن زودنا كفائتها الانتاجية والزيادة دي مش هتكون في أول سنة بس ؟؟ لا طبعا ... في السنين المتتالية اللي بعديها . يبقى المصروف ده في هذه الحالة مصروف رأسمالي.
----------------------------------------



4- ما الفرق بين المخصص والاحتياطي ؟؟




أولا : نحب نقول لكم على حاجة الأول ...

أي منشأة صاحبها بيعملها علشان يكسب من ورائها أرباح يستفيد بيها .... وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله ... حددنا في المحاسب جزء أو ( حساب بمعنى المحاسبين ) هو ده بس اللي يسحب منه .... لأن بعد كده هيبدأ يستهلك رأسماله في الشركة .... وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم .... وبالتالي هيعلن افلاسه.

علشان كده قلنا لازم نخلي حساب خاص للأرباح هو بس اللي يتسحب منه الفلوس .


يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.

نرجع لموضوعنا ... الفرق بين المخصص والاحتياطي

المخصص والاحتياطي ... الاثنين مبلغ يستقطع من الربح لمواجهة خسارة متوقعة .

واحنا طبعا عارفين مبدأ الحيطة والحذر : اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.

الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).

فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصص ارتفاع أسعار الأصول الثابتة ) يعني بيكون لتدعيم المركز المالي.
----------------------------------




5- ما هو الحساب الذي لا يظهر ضمن ميزان المراجعة ؟؟





الله ... يا سلام ... سؤال سهل جدا ....

أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :-

تجميع الأحداث المالي ---------> تسجيل الأحداث المالية في قيود يومية --------> تبويب الأحداث المالي في حـ/ الأستاذ ------------> تليخص اعمليات السابقة في ميزان المراجعة

طب ايه هو الحساب أو البند الذي لا يمر بكل هذه المراحل .... ؟؟؟

بضاعة آخر المدة .... لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة
6- إيه الفرق بين الكمبيالة والسند الاذني ؟؟

أولا : الكمبيالة والسند الاذني بيطلق عليهما الأوراق التجارية ... وهما وسيلة من وسائل الائتمان التجاري ....

حاسب ... حاسب ياعم انت ايه الكلام الكبير ده ... وحده وحده علينا ... ايه الائتمان التجاري دة ؟؟؟

الائتمان التجاري ده : عبارة عن تأخير دفع ثمن البضاعة المشتراة وذلك لحد الحال ما يتحسن الحال ... بيستفيد بها التجار المشترين في توفير سيولة لوقت مؤقت ... وبيستفيد بها التجار البائعين في جذب المشترين وترويج بضاعتهم .

طب ايه الفرق بين الكمبيالة والسند الاذني ؟
الكمبيالة عبارة عن أمر كتابي يصدر من الدائن إلى المدين بطلب فيه دفع مبلغ معين إلى الدائن أو إلى شخص ثالث المستفيد وذلك فور الاطلاع عليها أو في تاريخ معين ... يعني .....

حسين اشترى بضاعة من محمد بالأجل
يبقى حسين مدين ومحمد دائن
يجي محمد يقول لحسين اكتب لي كمبيالة مقابل البضاعة
عبارة عن ايه الكمبيالة محمد يأمر حسين بأنه يدفع مبلغ الكمبيالة في تاريخ معين ويمضي عليها حسين انه موافق على الدفع ..

محمد بقى ممكن يأخد هو الفلوس دي .... أو ممكن يبقى هو مدين لشخص ثالث عبد الله مثلا فيروح كاتب اسم عبدالله على الكمبيالة ويروح عبد الله لحسين علشان ياخد فلوسه منه .

يبقى الكمبيالة ليها ثلاث أطراف
1- حسين المدين ( المسحوب عليها ) هو اللي هيدفع الفلوس لأي حد يجيب له الكمبيالة
2- محمد الدائن ( الساحب ) هو ده الدائن الأول لحسين اللي حرر الكمبيالة مع حسين
3- عبد الله الدائن لمحمد ( المستفيد ) وهو اللي هيقبض الفلوس من حسين

ملحوظة ::
ممكن محمد يكون هو المستفيد يعني ممكن يقبض هو الفلوس بتعاته على طول من حسين
وممكن عبد الله يكتب اسم شخص رابع دائن لعبد الله وهو اللي يروح يصرف الفلوس من حسين وهكذا....

السند الاذني : هو تعهد كتابي يتعهد فيه المدين بدفع مبلغ معين للدائن في تاريخ محدد.

يعني يتعهد حسين المدين ( المسحوب عليه ) بدفع مبلغ لمحمد الدائن الأصلي لحسين ( المستفيد ) في تاريخ معين.
يبقى الفرق إن أطراف الكمبيالة ثلاثة والسند الاذني اثنين فقط

-----------------------

7- إيه الفرق بين أوراق القبض وأوراق الدفع ؟؟

أوراق القبض وأوراق الدفع يطلق عليها الأوراق التجارية ... وهي الكمبيالة والسند الاذني...

بس الفرق إنه لما يكون المسحوب عليه في الكمبيالة والسند الاذني هو الشركة أو المنشأة تبقى دي أوراق دفع تظهر ضمن الخصوم المتداولة في قائمة المركز المالي أو الميزانية

أما لو كان المستفيد من الكمبيالة والسند الاذني الشركة أو المنشأة تبقى دي أوراق قبض بتظهر ضمن الأصول المتداولة في قائمة المركز المالي أو الميزانية

يعني لو هنقبض من الورقة التجارية تبقى أوراق قبض لكن لو هندفع تبقى أوراق دفع .


----------------------------


8- ايه الفرق بين أوراق القبض وبين الأوراق المالية ؟؟؟

علشان يكون في العلم أوراق القبض والأوراق المالية هي من الأصول المتداولة

أوراق القبض زي ما عرفنا هي الكمبيالة أو السند الاذني اللي بيكون المستفيد فيها هي الشركة أو المنشأة

لكن الأوراق المالية هي الأسهم والسندات اللي بتشتريها المنشأة علشان تأخذ عائد من ورائها .-



9- هل المبيعات مدينة أم دائنة ؟؟؟


أولا ما هي أنواع الحسابات ؟؟

أنواع الحسابات هي :-
------------------------------> حسابات حقيقية : وهي الحسابات التي تعبر عن شي حقيقي يمكن جرده ويمكن التصرف فيه - بالبيع مثلا - وهي مثل ( الأصول الثابتة )( مخزون البضائع )( الأوراق التجارية والمالية )( النقدية بالصندوق والبنوك )
------------------------------> حسابات شخصية : وهي المتعلقة بالأشخاص ، والأشخاص نوعين شخص حقيقي مثل ( محمد ، علي ، حسين ، ..... وهكذا ) وشخص معنوي مثل ( شركة .... ، مصلحة ..... ، مؤسسة .... ، ..... وهكذا ) .
------------------------------> حسابات وهمية أو أسمية : وهي عكس الحقيقية أي لا يمكن جردها ولا يمكن التصرف فيها لا بالبيع أو بالشراء. وهي مثل ( المصروفات والإيرادات ) فمثلا حـ/ الايجار هل يمكن عده أو جرده هل يمكن أن أبيع شوية أيجار . ، وأيضا مثل ( الخسائر والأرباح ) هل يمكن عد أو جرد الخسائر أو الأرباح لا يمكن طبعا . وأيضا مثل ( المشتريات والمبيعات ).

ايه لا استنى لحظة ... ازاي المشتريات والمبيعات لا يمكن جردها ؟؟؟ هي مش بضاعة ؟؟!!

لا .. لا ... حـ/ المشتريات وحـ/ المبيعات مش بضاعة هي عبارة عن قيم للبضاعة والدليل ان احنا مش خليناهم في حساب واحد لأن المشتريات بسعر التكلفة والمبيعات بسعر البيع فلا يمكن أن يوضوعوا في حساب واحد وبالتالي فحـ/ المشتريات هي عبارة عن حساب أسمي فقط تم عمله لمعرفة قيمة البضاعة المشتراه بسعر الشراء أو التكلفة ، وحـ/ المبيعات عبارة عن حساب أسمي فقط تم عمله لمعرفة قيمة البضاعة المباعة بسعر البيع ، فالحسابين لا يعبران عن شيء حقيقي

نرجع للسؤالنا ايه هو الحساب المدين من الدائن

** جميع الحسابات الحقيقية مدينة
** أما الحسابات الشخصية فهي مدينة لو أخذت ودائنة لو أعطت يعني بالبلدي لو واحد أخذ منك فلوس هيبقى ايه ؟؟ ... طبعا مدين ، ولو واحد أعطاك فلوس هيبقى ايه ؟؟؟.... طبعا دائن
** أما الحسابات الوهمية أو الأسمية
بالنسبة للمصروفات والخسائر والمشتريات كلها مدينة
وبالنسبة للإيرادات والأرباح والمبيعات كلها دائنة

-------------------------------------------

10- عرف الدورة المستندية وأعطي مثلا منها ؟؟؟


الدورة المستندية : من أسمها كده نعرف ان هي بتتكلم عن حركة المستندات داخل الشركة . وكون ان هي دورة لان حركتها داخل أي منشأة تتابع دورة الفلوس والأموال داخل الشركة

يعني ايه ياعم انت ...

يعني أنا لم أدفع فلوس علشان أشتري بضاعة وأدفع مصروفات وبعدين أبدأ أبيع وأستلم فلوس البيع علشان تبدأ تاني عملية اني أدفع فلوس وأشتري بضاعة ...... وهكذا

جميع المستندات التي تدل على اثبات جميع هذه الحركات تسمى بالدورة المستندية

وهي عبارة عن ايه http://l.yimg.com/us.yimg.com/i/mesg...cons7/46.gifbr />
---> عند دفع الفلوس يتم تحرير ايصال صرف نقدية معتمد من المدير المالي والمدير العام للشركة ويوقع مستلم الفلوس على الايصال ( هي سايبة ولا ايه )
---> عند شراء بضاعة فهناك فاتورة مشتريات بقيمة هذه البضاعة وإذن اضافة بالمخازن لاثبات استلام البضاعة ووضعها داخل مخازن الشركة ومتنسوش التوقيع والاعتماد من مدير المشتريات والمدير العام
---> عند بيع البضاعة هناك فاتورة مبيعات من الشركة للعميل وكمان اذن صرف من المخازن يثبت أن البضاعة تم صرفها والعميل وقع على أنه استلمها
---> عند استلام فلوس من من أحد العملا أو من المبيعات النقدية يتم تحرير ايصال استلام نقدية ويوقع عليه أمين الخزينة .
---> وهكذا


11- ما هي طريقة تقييم المخزون ؟؟؟

هذا السؤال كثيرا ما يرد في أي انتر فيو للمحاسبين ،،، ولكن خلي بالك في سؤال تاني في نفس الموضوع ناس كتير بتتلخبط بينهم وهو ...


12- ما هي طرق تسعير المخازن ؟؟؟

وطبعا الفرق إن السؤال الأول بيتكلم عن طريقة تقييم المخزون والمقصود بالمخزون هنا يعني بضاعة آخر المدة ... يعني لما نيجي نجرد البضاعة طبعا بنجردها كميات ... طب وايه اللي هيحصل بعد كده ؟؟ طبعا لازم ندي قيمة وسعر لهذه البضاعة ... هو ده اللي بنسميه طريقة تقييم المخزون

والطريقة المتبعة والسائدة هنا هي طريقة التكلفة أو السوق أيهما اقل
ازاي؟؟؟؟!!!

يعني بعد ما جردنا نأخذ آخر سعر للبضاعة دي اللي احنا اشترناها بيه ونقارن بينه وبين سعرها في السوق الأقل هو ده اللي احنا هنسعر بيه البضاعة الموجودة في المخازن آخر المدة.

طب ايه معنى السؤال الثاني ؟؟؟

السؤال الثاني بيتكلم عن طرق تسعير المخازن ،، يعني البضاعة لما تخش المخازن بتدخل بسعر الشراء اللي احنا اشترناها بيه وبعد كام يوم نشتري بضاعة تانية ولكن بسعر أعلى شوية وبعد كام يوم تانيين السعر زاد تاني وممكن يقل ( ما هو مفيش أمان اليومين دول ) ، ولكن لما بتتصرف من المخزن بتطلع بأي سعر ؟؟؟ لان السعر مش ثابت كل يوم بيتغير .

وهنا هناك ثلاث طرق لتسعير البضاعة في المخازن وهي http://l.yimg.com/us.yimg.com/i/mesg...cons7/46.gifbr />
أولا: الوارد أولا يصرف أولا :

ايه ده أولا في كله...
يعني البضاعة لما بتدخل في المخازن بسعر نبدا نصرف منها بنفس السعر الأول اللي احنا اشترينا بيه لحد لما تخلص الكمية وبعدين نخش على الكمية والسعر اللي بعده وهكذا

مثلا:
اشترينا 5 كمبيوترات بسعر2500 جنيه للجهاز ودخلوا المخزن
وبعدين اشترينا 3 كمبيوترات تانين ولكن بسعر 2600 جنيه للجهاز ودخلتاهم المخزن
أول ما نيجي نصرف مثلا 4 كمبيوترات من المخزن هيكونوا بسعر 2500 جنية سعر أول بضاعة خرجت
ولو جينا صرفنا 2 كمبيوتر تانين من المخزن هيكون واحد بسعر 2500 وواحد بسعر 2600 يعني نفضل ناخد سعر أول بضاعة جاية لحد لما تخلص الكمبية اللي عندنا

ثانيا : الوارد أخيرا يصرف أولا :

وهي عكس الطريقة الأولى يعني نصرف من المخزن البضاعة بسعر آخر بضاعة دخلت المخزن لحد لما تخلص الكمية وبعدين نخش على الكمية اللي قبلها وهكذا .

مثلا :
في حالتنا السابقة دي
اول لما نيجي نصرف أربع كمبيوترات من المخازن هنصرف 3 كمبيوترات بسعر 2600 جنية وبعدين نصرف كمبيوتر واحد بسعر 2500 جنية يعني صرفنا بآخر سعر دخل المخزن لحد ما خلصت الكمية وبعدين أخذنا بسعر اللي قبله وهكذا
وأول لما نصرف 2 كمبيوتر من المخزن هنصرفهم بسعر 2500 جنيه

ثالثا : طريقة متوسط السعر :

يعني بالبلدي نأخذ متوسط سعر بين اللي الاثنين يعني نجمع السعر الأول + السعر الثاني ونقسمهم على 2

مثلا :
في حالتنا السابقة دي
أول لما نيجي نصرف الأربع كمبيوترات من المخازن نصرفهم بسعر 2550 جنية وهو ده متوسط السعر بين الاثنين حسبناها ازاي كد هو ...

2500+2600
-------------- = 2550
2
ولما نصرف 2 كمبيوتر تانين نصرفهم بسعر 2550برضو
ولمانشتري مثلا 3كمبيوترات تانين بسعر 2700 جنية اذن يتم الصرف بسعر 2625 جنية ازاي

2550+2700
------------- = 2625
2
وهكذا

وهنا نكون عرفنا أيضا الفرق بين المخزون والمخزن :

الفرق إن المخزون ده عبارة عن البضاعة الموجود داخل المخزن آخر المدة
أما المخزن فهو المكان نفس اللي بتتخزن فيه البضاعة يعني لما تدخل فيه بضاعة بيكون مدين ولما بتتصرف منه بيكون دائن


-------------


13 - ما الفرق بين ( Perpetual Inventory System & Periodic Inventory System ) ؟؟؟


هذا السؤال أورده أحد الأخوة الأفاضل اتعرض عليه في انتر فيو ،، أولا عاوزين نعرف ايه معنى كل مصطلح منهما ؟

Perpetual Inventory System
ويعني (( نظام الجرد المستمر ))

Periodic Inventory System
ويعني (( نظام الجرد الدوري ))

ايه الفرق بين النظامين ؟؟

1- نظام الجرد المستمر هو ان الشركة بتعمل حساب ضمن حسابات الشركة هو حـ/ المخزن ،، هذا الحساب يدخل فيه حركة المخزن كلها.
يعني عند شراء المنتجات ودخولها المخزن بنقول

من حـ/ المخزن
_______ إلى حـ/ (( الحدث المكمل ليه )) وليكن الخزينة

وعند صرف البضاعة وبيعها وخروجها من المخزن بنقول

من حـ/ (( الحدث المكمل ليه )) وليكن العملاء
_______ إلى حـ/ المخزن

يعني بنفضل نقيد كل حركة بتحدث على البضاعة (( المخزن )) يوم بيوم .

2- أما نظام الجرد الدوري هو أن الشركة تعمل حساب مستقل لكل حدث على المخزن .
يعني عند شراء المنتجات ودخولها الشركة بنقول

من حـ/ المشتريات

عند البيع نقول

إلى حـ/ المبيعات

عند رد المبيعات نقول

من حـ/ مردودات المبيعات

عند رد المشتريات نقول

إلى حـ/ مردودات المشتريات

وفي نهاية السنة بنعمل جرد للمخزون وبيكون هو ده مخزون آخر المدة .

3- المهم النظام الأول وهو نظام الجرد المستمر بيستخدم غالبا في الشركات الصناعية وعند الصرف من المخزن بنصرف خامات بتدخل في العملية الانتاجية فبيكون القيد كما يلي

من ح/ التشغيل
_______ إلى حـ/ المخزن ( خامات )

يعني بنقفل حساب المخزن في حساب التشغيل

أما نظام الجرد الدوري فغالبا بيستخدم في الشركات والمؤسسات التجارية .



اتمنى ان الشرح يكون عجبكم وان الكل يستفيد


وارجو منكم فقط الدعاء لى وشكرا - فرسان الحق

منقول للاستفادة



mso_2006 غير متصل   الرد مع إقتباس
The Following User Says Thank You to mso_2006 For This Useful Post:
عمر المصري (02-09-2014)
قديم 04-26-2009, 10:53 AM   #2 (permalink)
مشارك مبتدئ
 





Thanks: 0
Thanked 0 Times in 0 Posts
إفتراضي مشاركة: اسئلة انترفيو - مقابلات

مشاركة
مشكور يابوب



amrmohey غير متصل   الرد مع إقتباس
قديم 04-26-2009, 02:47 PM   #3 (permalink)
مشارك نشط
 




Thanks: 0
Thanked 0 Times in 0 Posts
إفتراضي مشاركة: اسئلة انترفيو - مقابلات

مشاركة
الف شكر يا باشا وياريت باقى الاخوة يكون الرد حلو وسهل كده يعنى يكون شرح بلدى وشكرا لكل الاساتذة الافاضل



أمير العرب غير متصل   الرد مع إقتباس
قديم 04-26-2009, 06:09 PM   #4 (permalink)
مشارك
 




Thanks: 0
Thanked 1 Time in 1 Post
إفتراضي مشاركة: اسئلة انترفيو - مقابلات

مشاركة
شكراً وجزاك الله خيرا على هذا الشرح الوافى



elmasry44 غير متصل   الرد مع إقتباس
قديم 04-26-2009, 10:05 PM   #5 (permalink)
مشارك نشط
 





Thanks: 0
Thanked 0 Times in 0 Posts
إفتراضي مشاركة: اسئلة انترفيو - مقابلات

مشاركة
الف شكر رررررررررررر



raymon غير متصل   الرد مع إقتباس
قديم 04-27-2009, 02:33 PM   #6 (permalink)
مشارك نشط
 




Thanks: 0
Thanked 0 Times in 0 Posts
إفتراضي مشاركة: اسئلة انترفيو - مقابلات

مشاركة
توضيح بسيط
المحصص يستقطع من الايراد
الاحتياطى من صافى الربح وشكرا



أمير العرب غير متصل   الرد مع إقتباس
قديم 04-28-2009, 01:01 AM   #7 (permalink)
مشارك
 




Thanks: 0
Thanked 11 Times in 7 Posts
Icon28 مشاركة: اسئلة انترفيو - مقابلات

مشاركة
السلام عليكم ورحمة الله وبركاته
اسمحوا لى باضافات بسيطة على هذه المعلومات القيمة


1 - طريقة ما يرد اخير يصرف اولا lifo تم الغاءها دوليا ومحليا

2 - طرق تسعير المخزون لها فائدتان هاماتان الاولى تسعير المنصرف من المخازن بالتكلفة ( تكلفة المبيعات ) والثانية ضبط الرصيد المتبقى بالمخازن كمية وقيمة ( رصيد اخر المدة )

3 - قيد صرف البضاعة من المخازن يكون من ح / تكلفة المبيعات الى ح / المخزون ولا يجوز ان نقول من ح /العملاء الى ح /المخزون ( لان المخزون يصرف بسعر التكلفة والعملاء يصرف لهم بسعر البيع)

4 - السند الاذنى يشبه الى حد كبير وصل الامانة غير أن السند يستعمل فى الاغراض التجارية

5 - حساب بضاعة اخر المدة لا يظهر فى ميزان المراجعة فى ظل نظام الجرد الدورى فقط اما فى نظام الجرد المستمر فيظهر فى ميزان المراجعة فى رصيد المخزون المدين



والله اعلى واعلم



طاهر ابوالخير غير متصل   الرد مع إقتباس
The Following User Says Thank You to طاهر ابوالخير For This Useful Post:
قديم 04-28-2009, 09:17 AM   #8 (permalink)
مشارك مبتدئ
 




Thanks: 0
Thanked 0 Times in 0 Posts
إفتراضي مشاركة: اسئلة انترفيو - مقابلات

مشاركة
الف شكر وجزاك الله الف الف خير على الموضوع اللي كلنا بنحتار فيه عند البحث عن عمل جديد



aboodyr غير متصل   الرد مع إقتباس
قديم 04-30-2009, 01:00 PM   #9 (permalink)
مشارك
 





Thanks: 0
Thanked 1 Time in 1 Post
إفتراضي مشاركة: اسئلة انترفيو - مقابلات

مشاركة
شكراً وجزاك الله خيرا على هذا الشرح الوافى



حمود غير متصل   الرد مع إقتباس
قديم 05-03-2009, 12:12 AM   #10 (permalink)
مشارك مبتدئ
 





Thanks: 0
Thanked 0 Times in 0 Posts
إفتراضي مشاركة: اسئلة انترفيو - مقابلات

مشاركة
شكراً وجزاك الله خيرا



التوقيعChief Accountant : ABDELWAHAB MOSTAFA
hoobamostafa غير متصل   الرد مع إقتباس
المشاركة في الموضوع

اعدادات الموضوع
طريقة العرض

قوانين المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاح
كود [IMG] متاح
كود HTML غير متاح
Trackbacks are متاح
Pingbacks are متاح
Refbacks are متاح

الإنتقال السريع


جميع الأوقات بتوقيت جمهورية مصر العربية . الساعة الآن » 12:06 PM.


Powered by Nile-Tech

      Design : New Style


Powered by Nile-Tech