01-31-2013, 02:10 AM
مشاركة: دونالد كيسو يســـــــأل - دونالد كيسو محتار ؟
|
المشاركة الأصلية كتبت بواسطة donald_kieso
استاذى الفاضل
جزاك الله خير اولا اعرف بنفسى انا دونالد كيسو - بس مصرى مش امريكى هههههههههههههههههههههههههههههههههههه ثانيا انا خريج تجارة عربى 2005 خبرة حوالى 4 سنين فى المكاتب المتوسطة واخيرا الحمد لله نجحت فى الامتحان الدولى للمعايير وحصلت على شهادة IFRS CERTIFICATE اللى هيا من جمعية المحاسبين البريطانين امتحنتها اون لاين ونجحت الحمد لله انا دلوقتى ملم بـــ الـــ IFRS وكمان ملم بكتاب كيسو برنسبلس والانترمدييت مزاكرهم كويس انا دلوقتى واقف متكتف  مكانى مش عارف اعمل ايه ولا اروح فين ولا اجى منين محبط نفسى ادخل الــ BIG 4 محتاج نصايــــــــــــــــــــــحك باريسنا ثالثا كنت عايز اعرف ايه مميزات الــ BIG 4 المميزات المادية ولو ربنا كرمنى ودخلت هادخل على POSITION ايه وبكام والمرتبات نظامها ايه شغالة ولا تعبانة رابعا والمهم انا سمعت اقوال متضاربة هوا ان المكاتب الكبيرة دى فيها تخصص بمعنى ان الواحد ممكن يقعد يراجع حساب واحد مثلا البنك او العملاء ........... الخ لمدة 3 او 4 سنين هل الكلام دا صحيح ؟؟؟؟ وكمان سمعت ان المكاتب الكبيرة دى نظام المرتبات جواها كمان وسايط وعلاقات اتمنى اكون غلطان فى النقطة دى ومرتبات الــ BIG 4 فى الخليج بتبدأ بكام ووفقا لكل POSITION يعنى بس علشان نتحمس شوية والمنافع نظامها ازاى اللى هيا ( تذاكر السفر - السكن - المواصلات - بدلات الانتقال - الاوفر تايم - المكافات السنوية - الاجازات - التدريب داخل المكتب - مواعيد العمل .... الخ ) وسؤال اخير ياريس هل شهادة IFRS مطلوبة فى الامارات ولا ايه وتنصحنى اسافر بيها او ادور على سفر بيها للامارات ولا استنى ادرس شهادة تانية وهل ممكن تزودلى الاعفاءات فى حالة دراسة شهادة تانية زى ACCA والف الف الف شكر معلش هاطول عليك ياريسنا ربنا يكرمك كمان وكمان مع تحياتى دونالد كيسو |
01-31-2013, 02:13 AM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
|
المشاركة الأصلية كتبت بواسطة elkhouly
السلام عليكم أيها الشعب الكريم
 كل عام وأنتم بخير وصحة وعافية أنا شاب مصري مغترب في الامارات في دبي بشتغل مدقق حسابات في أحد مكاتب التدقيق العالمية Big 4 من خبرتي المتواضعة في مصر والا مارات في مجال المحاسبة والمراجعة ومن دراساتي المتعددة أيضا في مجال المحاسبة والمراجعة حبيت أفيد الشباب المصريين الراغبين في اقتناص الفرص النادرة للعمل في الاسواق العالمية والمكاتب العالمية ياريت اي حد من الخريجين الجدد او الطلبة او المحاسبين ذو الخبرة عنده أي استفسار عن سوق العمل والمتطلبات والمؤهلات المطلوبة وكيفية الوصول الى مكاتب التدقيق العالمية بسهولة والعمل فيها أو اي استفسار اخر يخص المهنة يسألني وله عندي الجواب إن شاء الله ... وسوف أقوم بتقديم نصائح لكل الشباب (الطموح) الراغب في الوصول لأفضل الفرص في مجال المهنة ولأي شاب بيفكر بدخل كلية تجارة او لاي محاسب بيفكر يطور من نفسه برجاء الشخص اللي عنده إستفسار يوضع بياناته وموقفه الحالي من الشغل والدراسة و و عشان أقدر أعطيه توجيه صحيح بإذن الله إنتظروا قريبا بعض النصائح والتوجيهات المهمة للمحاسبين بشكل عام .. في إنتظار إستفساراتكم !! تحيــــــــــــــــاتي !!! |
06-09-2013, 02:01 PM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
06-11-2013, 02:28 PM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
06-15-2013, 09:40 AM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
08-20-2013, 02:47 PM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
|
المشاركة الأصلية كتبت بواسطة elkhouly
عدنا لكم حبيت أشارك معاكم خبرتي في مجال المحاسبة والمراجعة وأسواق العمل في الخليج او في مصر موضوعي بالتحديد هيكون عن مجال المحاسبة المالية والتدقيق اللي هما يعتبروا عصب مهنة المحاسبة ومفتاح النجاح لاي شخص طموح واللي فيهم بالتحديد تتوافر معظم فرص العمل وكمان الرواتب اللي زي العسل والكاش المحترم النصايح التالية للي حابب يمتهن المحاسبة المالية ومهنة التدقيق ( بالتحديد : خريجين قسم محاسبة ) خلينا نبتدي من الاول خالص : 1-تجارة عربي ؟؟ لو إنت خريج تجارة عربي زي حالاتي لازم يا أستاذي تعرف المحاسبة بالانجليزي ..... بأي طريقة ... انا مثلا اشتريت كتب المحاسبة المالية بالانجليزي من مكتبة الجامعة .. مع العلم نفس الكتاب ممكن تلاقيه بيتباع في المكاتب الخارجية ب 100 او 150 جنيه ... زاكرهم كويس جدااا .. اتعلم ومارس كل حاجة بالانجليزي 2-استعيد الذكريات : لو انت مخلص كلية وحاسس كده انك طلعت من المولد بلا حمص يعني حاسس انك مش فاهم كان بيحصل ايه في ال 4 سنين اللي فاتوا زيي كده مثلا .. كنت فاقد الوعي ل 5 سنين .. فنصيحتي انك ترجع لكتب سنة اولى وتانية وتالتة ورابعة وزاكرهم تاني (مش كلها .. المحاسبة الماليه في الاساس) ؟! ايوه زاكرهم تاني بس المرادي بفهم مش مزاكرة عشان عايز تنجح في الامتحان وخلاص .. لأ مزاكرة عشان تنجح في الحياة ...مزاكرة بفهم مش مزاكر حفظ ... لو محتفظ لسه بالكتب يبقى خير وبركه ولو مش محتفظ بيهم برضه روح مكتبة الجامعة واقف مع طلبة سنة اولى في الطابور واشتري الكتب تاني .... أيوه انا عملت كده مش عيب يا أستاذي! 3-الاساس : ركز جدااا على الاساسيات بتاعة المدين والداين وكتب المحاسبة المالية بتاعة سنة اولى وتانية بالتحديد... تمكن منها كويس جداا جدا ... هيه دي مفتاح النجاح! 4-الخبرة : حاول في بداية حياتك تشتغل الحاجة اللي تعلمك مش اللي تقبضك ... حاول تدور على شغلانه بتمارس فيها كل الحسابات مش حاجة معينة بس.. يعني مثلا لو انت محاسب عملاء او محاسب بنك .. مش وحشة بس برضه حاول تعرف كل حاجة بتمشي ازاي وحاول تتوسع وتشتغل على كل الحسابات المالية في الشركة ... يفضل تشتغل في شركة تجارية ( هيه دي اللي هتعلمك صح ) 5-اللغة : اللغة في رأيي اهم من شهادة الكلية نفسها ... لازم تتعلم انجليزي صح .. حاول يكون ليك هواية بالانجليزي سواء افلام – موسيقى – قراءة .. المهم تتعلم تتكلم وتسمع وتكتب وتقرا انجليزي صح .. للاسف الشباب المصري ضعيف جدا في الناحية دي مقارنة بشعوب دول اخرى زي الهند وباكستان والفلبين اللي واكلين 95 % من التورته في دول الخليج .. أقصد بالتورته : سوق العمل 6- الشهادة المهنية : حاليا في الوقت الحالي مع كثرة البشر وكثرة المعروض من العمالة .. أصبحت شهادة الكليه للمحاسب زي شهادة الثانوية العامة .... لااااااااااااااازم يكون معاك شهادة مهنية عشان تكون (محاسب معتمد) .. أنصحك بالشهادات التالية: لو حابب مجال المحاسبة المالية والتدقيق في عندك شهادتين: -شهادة الCPA - (شهادة أمريكية) : وتعني محاسب قانوني معتمد وطبعا الشهادة مكلفة جداااا وتحتاج سفر .... ممكن تسجل مع اي معهد او ممكن تزاكرها مع نفسك لو تقدر .. كل واحد وامكانياته المادية والفكرية (إسألني لو عايز معلومات اكتر عنها ) -شهادة ال ACCA : (شهادة بريطانية) : وأنا انصحك بيها لان تكاليفها أقل من ال CPA وامتحاناتها في مصر .. سجل مع اي معهدوابتدي فيها من دلوقتي حاااالا لانها بتاخد وقت وتعتبر زيها زي ال cpa (إسألني لو عايز تعرف معلومات عنها ) الشهادة دي مطلوبة جدا في الامارات وبالتحديدة في مكاتب التدقيق العالمية .. يوجد منها نوعين : نوع يستخدم المعايير البريطانية ونوع يستخدم المعايير الدولية .. أنصحك تقدم عليها بالمعايير الدولية ... مثلا عندنا في المكتب شهادة ال cpa شبه مرفوضة ... المكتب بيفضل الناس اللي معاها ACCA او معدي حتى كم جزء منها .. مجرد انك تذكر في CV بتاعك انك معاك ACCA او حتى بتدرسها وعديت كم امتحان منها بيعطيلك أفضلية رهيبة الشهادة ممكن تبتديها علطول بعد ما تخلص ثانوية عامة او ممكن تبتديها وانت في كليه .. نصيحة لكل شاب مصري لسه في الكلية او لسه مخلص .. ابتدي في دراسة الشهادة فوراااااااااااااااا .. يعني لو انت في سنة اولى كلية .. ابتدي فيها وعلى ما تخلص كليه هتلاقي نفسك خلصت الشهادة وبقيت محاسب معتمد بس متطلبات الخبرة هتاخدها في اي وقت بعدين.. واتفرج على الفرص اللي زي اللوزوالفلوس الحلوة سواء جوه مصر او بره وانا اضمنلك كده الشهادة مطلوبة في الامارات لانها بتستخدم المعايير الدولية والامارات تستخدم المعايير الدولية للأسف في دبي والامارات بشكل عام .. مهنة التدقيق مسيطر عليها الهنود والباكستانيين والفلبينينن .. كل دولة من الدول دي عندها جمعية محاسبين خاصة بيها لاعتماد المحسابين .. وبيعترفوا بيها في الامارات زيها زي الشهادة الاجنبية وزيها زي ال CPA الا عضوية جمعية المحاسبين المصرية اللي اعتقد غير معترف بيها هنا لان درسااتها بالعربي .. للأسف الشديد هديلكم مثال حقيقى : أغلب الشباب الهنود والباكستانيين اللي واكلين سوق العمل في الامارات بيخلص كلية وبيكون معاه الشهادة المهنية بتاعته جاهزة .. يعني ممكن يكون عنده 20 سنة بس وتلاقيه محاسب معتمد لانهم كلهم بيدرسوها وهما عندهم تقريبا 17 سنة مش زينا احنا نايمييييين في العسل ... ومستغربين ليه الفرص ضعيفة للمصريين في الخليج ! .. بس للاسف مكنش فيه حد ينصحنا وقتها عشان كده حبيت أنصح الشباب اللي حابب يوصل في مجال المهنة وحابب فرص أفضل 7-العمل بالنسبة للفرص الخارجية ممكن تشتغل في شركات او مكاتب تدقيق ... الافضل انك تبتدي في مكتب تدقيق كمساعد مراجع .. دي احسن حاجة ممكن خريج جديد يبتدي بيها حياته ودي هتوصلك لفرص ممتازة في المستقبل سواء في مهنة المحاسبة او المراجعة .. لو عايز تعرف مثال عن طبيعة الامتحانات في اماكن مثلا زي مكاتب التدقيق في الامارات إسألني وليك عندي الرد ان شاء الله اللهم قد بلغت .. اللهم فأشهد أتمتى اكون قدرت أفيد الشباب والشابات الواعدين.. وياريت اللي عنده اي استفسار يراسلني وانا حااااااااااااااضر |
09-19-2013, 11:38 AM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
12-07-2013, 03:21 PM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
12-07-2013, 03:23 PM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
12-11-2013, 06:26 PM
مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
العرض العادي
